Baaq ku aadan sii daysmada Xaaji Abuukar Cumar Cadaan

Abdallah Moallim Mahamud(Cabdullahi Siyaasi).
Moallem10@hotmail.com

Baaq ku socdo Wasiirka Koowaad ee DFKM iyo guud ahaan madaxda DFKM iyo xubnaheeda dhamaan, odayaasha Deegaanka gobalka Banaadir iyo dhamaan hay'adaha mathalo Bulashada gobalka Banaadir.

Dhamaan xubnaha aan ku soo xusnay madaxa cinwaanka baaqan, waxaan ka codsanaynaa in ay dowr xoog leh ka qaataan sii daynta iyo in xoriyadiisa dib loogu soo celiyo Xaaji Abukar Cumar Cadaan iyo caruurtiisa,

Xubnahan dhamaan waa in ay dowlada Kenya kala xaalaan sii daysmada Xaajiga ,Kenyana waa in ay ogaato Xaaji Abuukar in uu yahay oday akhyaar ah, oo dowr xoogan, oo wax ku ool ah ku dhax leh shacabka Soomaaliyeed guud ahaan ,gaar ahaana dadka ku noolka deegaanka Gobalka Banaadir ,iyo in Xaajiga oo dhaqsi loo-deeyo ay dowr wacan ka qaadan karto dalka iyo dadka Soomaaliyeed oo sida uga dhaqsi badan u soo ceshto in ay si nabad ah uga wada noolaadaan wadankooda, helaana dowlad heshiis lagu wada yahay oo ka arrimiso dalka Soomaaliyeed guud ahaan.

Midd kale sii daysmada Xaajiga oo loo istaago waxay dowr ka qaadan kartaa wada hadalsiinta iyo heshiis ka dhax dhalinta madaxa Isutaga Maxaakimta Soomaaliyeed ,DFKM iyo qeybaha kale ee Mathalo Bulshada Soomaaliyeed intooda kale..

Waxaan si gaar ah wasiirka Koowaad Prf Cali Maxamed Geedi uga codsanynaa in uu si aad ah isugu taxalujiya, abaabulida sii daynta Xaaji Abuukar Cumar Cadaan iyo caruurtiisa iyo in arrimaha Soomaalida oo laga fiiriyo dhanka san ay soo kordhin karayso wanaag ka dhax abuurmo bulshada Soomaaliyeed dhaxdooda.07/01/2007

Abdallah Moallim Mahamud(Cabdullahi Siyaasi).
Moallem10@hotmail.com

Faafin: SomaliTalk.com | Jan 7, 2007

• Hadalkii Diinaari ee Sarbeebta ahaa oo aan Soomaalidu fahmin iyo Xuseen Caydiid oo ah fikirka Saxda ah iyo Qorshaha/Hindisaha/Aragtida ama VISION-ka dhabta ah ee Dawladda... Akhri...

---

EEG BOGGA ARAGTIDA/MAQAALADA DADWEYNAHA..... GUJI...