Males Zenawi: Laba wajiillihii isbahaysiga?

Qore:Ibraahim daa’uud c/laahi (Gentleman)
sayfudiin@hotmail.com
Nairobi-kenya
+254721130470

---

Ilaah baa mahad leh. Nabadgelyo iyo naxariis nabi Muxamed korkiisa ha ahaato

asalaamu calaykum.

Warbixinta hoos ku qoran waxa aan ka soo diyaariyay inta badan shabakdo internetka ah sida, goolge, wekipedia, alsharqul awsat oo ah wargees london, waxan war bixinta isugu hoolay in aan wax ka ogaano males Zenawi,iyo xaalka maanta somali ay marayso dadka sheekanaya in ay males la yihiin saaxiibo halka ay ku danbeeyeeyn males saaxiibadiisa geeska africa.dhamaan waxan rabaa inta ila dareensan in ay wax ka ogaadaan.waxan ka cudur daraarana wixii qalad ah oo aad ku aragto akhriste inta ay aad war bixinta aqrinayso.waa xaga qoraalka.

Waa kuma meles zenawi?!!

Meles zenawi waxa uu dhashay bishii 8/may/1955, waxa uuna ku dhashay magaalada Adwa ee ku taal waqooyiga wadanka Ethiopia, wax barashadii hoose waxa uu ku soo qaatay Queen of Sheba school oo ku yaala wadanka Ethiopia, waxa uu dugisigiisa sare dhameeyay sanadii 1972-dii waxa uuna ku dhameeyay iskuula la yiraahdo General wingata school ee ku yaala caasimada addis ababa, kadib waxa uu ku biiray kuliyada caafimadka ee Addis ababa university(waxa loo aqoon jiray Hiale salassie university), inta uunan jaamacada dhameeysan waxa uu ku biiray jabhadihii kasoo horjeeday boqortooyadii wadankaasi ka arimin jirtay,1974-kii ayuu ku biiray jabhada tigreega ee xoreenta Ethiopia, 1979-diina waxa loo doortay in uu jabhada ka noqdo gudoomiye, wax barashadii dib ayuu ugu soo laabtay 1989 –kii ayuu jaamacada open university ee ku taala wadanka England ka qaatay shahadada master, isagoo ah ra’iisul wasaaraha wadanka kama uusan harin aqoontiisa. Sanadii 2004 qaatay shahaado ah dhaqaalaha doctorate in economics laga siiyey jaamacada Erasmus university,oo ku taal wadanka Netherlanad ama Holanad.

Markii uu meesha ka baxay xukunkii uu ka talin jiray Mengist Haile Miriam,waxa uu Zenawi noqday ra’iisul wasaaraha dowlad kumelgarka ah oo laga dhisay wadanka Ethiopia sidoo kale waxa uu noqday intuu u dhaxeeysay 1991-1995 gudoomiya golaha wakiilada ee wadanka Ethiopia,22/8/1995 ayaa loo doortay ra’iisul wasaaraha wadanka Ethiopia,waxaa mar labad dib loo jagadiisa loogu doortay sanadii 2000.

Shaqsiyadiiisa siyaasadeed.

xukuumada uu ka arimo Zenawi waxa lagu tuhun san yahay in tahay xukun kali talisnimo,waxa taas daliil uh wixi wadankaasi ka dhacay doorashadiisi ugu danbeeysay sanadii 2000 loona doortay xilka uu hada hayo, waxa wadanka ka dhacay dilal iyo rabshado banaanbaxyo wata, sidoo kalana waxa loo xir xiray dad fara badan arrintaasi oo ay ku jiraan ardayda wadanka.tuhunka kali talisno ee xukuumada Zenawi ma aha mid shaqsi ahaan,waa mid caalami ah, oo eedeeyn u soo jeediyay ,waxa ka mid ah heyado caalami ah iyo kuwo gobaleedyo,heyadahan waxa ay xukuumada Zenawi ku tilmaameen in ay tahay xukuumad ku tumaday xuquuqda bini aadamka iyo xoriyada hadalka, sidoo kale waxa ay dhib fara badan u geeysata mucaaradka xukuumada tekteega.

Maalin dhaxdaas ah aniga iyo Haldhaa oo ka mid ah qoraayasha SomaliTalk, safar gaabana ku jooga Kenya, oo wada marayna wadada 10 street ee xaafada islii ee magaalada Nairobi, ayaa waxa ii tusay nin ay ka muuqato darruufo fara badan sidoo kalane gacanta ku wata laamo jaad isla markaana timaha ay ku baxeen dharka uu watana ay lamid yihiin dharka ay qaatan dadka loo yaqaano jokoraa marka Kenya la joogo, wadankena Somalia waxa dadkaas oo kale aan u naqaana alkuliiste,waxa uu mudane haldhaa igu yiri “Ninkaas aad u jeedo waa nin sarkaal sare ah sidoo kale waa dhaqtar waa amxaari wadankiisa waxa uu ooga soo carayay xukunka tigreega”,xilikaasi waxanu ka wada hadlaynay xaalka wadanka uu marayo, xukunka Zenawi waa xukunka sidaa ah maantana dad Somali ah ayaa u keenay in uu wadankeena inoo dhiso aad idin xasuusiyee xaafada islii waxa jooga dad badan oo Ethiopian ah una badan ororo iyo amxaaro kana soo carayay xukunka Zenawi intooda badan waxa ay dagan yihiin 9 street iyo 10 street.

Iyadoo ay jiraan dhamaan tuhumadaas loo hayo xukunka Zenawi ayaa hadana waxa uu ku biiray isbahaysiga cusub uu Bush ugu yareeyay ladagaalanka argagixisada 2001,si xukuumada Zenawi ay mareekanka xarun ugu noqoto geeska Africa iyo dhaq dhaqaaq yada ka socda.si Zenawi uu hoowshaasi mareekanka u xilsaaray uu qabto muxuu sameeyay?.

Zenawi waxa uu is bahaysi cusub la sameeyay xukuumada Somalia,sida madaxwaynaha iyo ra’iisul waraasaha xukuumada federaalka ee manta tigreeka wadanka u horseeday in ay qabsadan,ujeedada arintaasi ka danbeeysayna waxa ay aheed in meesha laga saaro in dhaqdhaqaaq islaami uu ka soo if baxo geeska afrika gaar ahaan wadanka Somalia, sidii dhacday markii meesha laga saaray midowgii maxaakimta ujeedada arintaasi ka danbeysayna waxa ay aheed sadax arimood.

1-In la xoojiyo isbahaysiga ladagaalanka islaamka geeska Africa ee mareekanka uu ugu yeeray argagixiso la dirir,iyo xukuumada kirishtaanka ee tigreega Ethiopia.

2-In meesha laga saaro maxaakimta islaamka iyo ragga aaminsan islaamka in wax lagu xukumo oo u muuqda in ay danaha iyo amniga wadanka Ethiopia.ka soo horjeedaan.

3-In Zenawi uu isku muujiyo in uu yahay ninka go’aan ka gaari kara waxa ka socda geeska afrika iyo Zenawi in uu yahay ninka abuuraya isbahaysiyada geeska Africa.

dhanka kale madaxwaynaha haatan ee dowlada FKMG ayaa in badan waxa uu sheegay in Zenawi ay yihiin saaxiibo uuna yahay ninkii xabsiga ka soo saaray 1991-kii markii uu jabhada tigreeka ay wadanka qabsatay,c/laahi yusuf waxa xabsiga la dhigay sanadii 1986-dii.

waxa ay Zenawi nafta ku soo laabatay markii c/laahi yusuf uu sameeyay ismaamul gabaleedka putland sanadii 1998-dii,Zenawi waxa uu helay hogaamiye uu ku kalsoon yahay sido kalana dhibka kaga soo wajahan Somalia uu ka yaraan karo,taasi waxa ay sababtay in c/laahi shirkii ka dhacay wadanka Kenya loo doortay madaxweyne dublamaasiyin iyo wariyayal shirkaasi ka qeeb galay waxa ay ii sheegeen in c/laahi uu ka duwanaa ergadii shirka ka qeeb gashay waxa ay Ethiopian-ka siyeen guri weyn eek u yaalay Nairobi isla markaana muhiimad gaara ayay siyeen c/laahi inta uu shirkaasi socday mudadii labada sano aheeh.arintu waxa ay soo socotaba waxa manta loo wada jeeda xaalku uu wadanka marayo gumeesi cusub iyo Somalia hala xoreeyo.ninkii aduun joogoogw maxaa aragti kuu laaban.

Zenawi doorashiid c/laahi waxa uu u arkay mid guul uu gaga so hoyiyay shirkii labada sana socday iyo siyaasada wadanka Somalia waxa uuna helay saaxiin uu ku kalsoon yahay,waxa wax laga xumaada ah in korneel somaliah Ethiopiana dagaal la galay tigreegu ku xisaabtamo kuna kalsoonaado,Somali ma heli doonta siyaasiin badala siyaada iyo siyaasinta daneeystayaasha ee manta umada calanka Ethiopia u sii wada?!!inta aan c/laahi loo dooran madax wayne waxa uu kulamo fara badna la qaatay Zenawi,c/laaahi oo markii la doortay wax laga waydiiyay xiriirka ka dhexeeya isaga iyo Zenawi waxa uu sheegay in ay yihiin labo qof saaxibo ah waxa naga dhaxeeya isfaham siyaasadeed oo labada dooladood danahooda ah ayuu c/laahi ku jawaabay.midowgii maxakimtana c/laahi waxa ay ku tuhmayen in uu yahay in Ethiopian ah,kana shaqeeya danaha Ethiopia.dhanka kale c/laahi waxa uu taageero military ka helay Zenawi markuu qabsaday boosaaso,ujeedadana waxa ay aheed in jaamac cali jaamac oo ku guuleestay jagada madaxwaynaha ismuulka putland uunan jagada qabsan maxaa yeelay Ethiopa c/laahi ayay u arkaysay saaxiibka fulinta kara ujeedada dheer ee Ethiopia Somalia ay ka leedahay.

Dadka arimaha somaliada la socda waxa ay sheegaan in Zenawi uu abaal u hayo somalida maxaa yeelay Zenawi xiligii wadankaasi uu ka talinayay waxa uu ahaa nin Somalida ay soo dhaweeysay sidoo kalene waxa la sheega in Zenawi somalidu uu u roon yahay marka la eego moqifka siyaasiyinka qaarkood ee Ethiopianka ah ,dhanka kale c/laahi yusuf isagana waxa uu abaal u hayaa Zenawi waa ninkii ka soo daayay xabsigii uu dhigay Haile mirian,waxa meesha ka muuqanaysa sidoo kale ninba tiisa u gaarka ah,Zenawi waxa uu dantiisu tahay,haba kala badnaadaan danaha ay Ethiopia naga leedahay in dadkiisa 75 milyan in uu u helo bad ay wax kala soo dagaan,c/laahi yusufna waxa uu ku fakarayay waligiis mar un in uu madax wayne ka noqdo Somalia kilinka 6-aadba ha noqotee halgan dheer ayuuna u soo galay.xukunka c/laahi waa mid ku aan fakir sidaa u sii badan ku fadhin waana kursi qaran ku badalasho!!

Mararka qaar waxa kugu soo dhacayse maxay tahay siyaada Zenawi?misa u muuqataa in ay dhabtahay hadalkii uu yiri Obengo Metho oo gudoomiyana ka ah golaha Aniuk ee nabadgalyada,kuna taqasusay arimaha wadanka Ethiopia,waxa uuna yiri “Zenawi ma waxa uu shirko kulla yahay reer galbeedka ladagaalanka argagixisada mise isaga qudhiisa ayaa ah argagixiso oo uu ula jeedo xukunkiisa?!!” hadalkan waxa qoray wargeeska alsharqul awsat ee ka soo baxa magaalada lonodon.jawaabta oo kooban waxa ay noqonaysaa xukuumada Bush waxa ay Zenawi u arkaan in uu wakiil ooga yahay geeska Africa oo siyaasad ahaan caalamka uu muhiim u arko gaar ahaan reer galbeedka,meesha ay ku taal wadanka Ethiopia marka la eego waxa ay istaraatiiji u tahay maraakiibta reer galbeeda ee u socda bada hindiya,bada cad iyo gobalka khaliijka labada marin ee ay isticmaalana waa suweeska masar iyo babul mandabka jabuuti iyo yamen isku xira.Ethiopia dabcan malaha bad balse waxa ay fududeen kartaa In ay yeelato saaxiibo wadanka Somalia ah,si maraakibta marta xeebta Somalia ay u helaan amaan.

Dubalamaasiyiin carab iyo reer galbeed ah waxa ay Zenawi u arkaan in uu yahay ninka mareekanka u jooga geeska Africa,dublamaasi mareekan ah ayaa waxa uu yiri “Zenawi waa nin indheer garad siyaasi ah,waxa uu leeyahay taariikh fiican iyo ujeedooyin fog,waxa uu la dagalamaaa islamka taasina waa waxa aanu anagu doonayno!!”, dhanka kale dublamaasi Somali ah alsharqul awsat warbixin siiyay isagoo codsaday in magaciisa laqariyana codsaday waxa uu yiri sidan “Zenawi waxa aan la kulmay dhoor mar oo isku dhow dhow waa nin daggan,sabar badan,geesi ah,aan hadal badneen”.sida muuqatana manta dad somaliyed ayay waxa ay Zenawi u watan in uu la dagaalamo iftiinka islaamka ee Somalia,alla soo mafiicneen in in badan wax la aqriyaa waxna la fiiriyaa

Xukuumadaha soo mara mareekanka waxa ay u muudqaan kuwo iska indha tira waxa ka socda gudaha wadanka Ethiopia iyo cadaadiska muraadka lagu hayo,nin meeli u cadahay meeli ka madow mareekanka waxa u cad waa in islaamka geeska Africa loo helo cid caabisa isla markaana xididada u siibta.

Weerarka marmarsiiyo ee uu maxaakimta meesha kaga saaray Zenawi iyo saxiibadiisa uu Somalia ku leeyahay u jeedooyin badan ayaa ka danbeeysay,mid hadii aan ka soo qaadano,maxaakimta waxa ay wadanka ilatariya ka helayeen caawinad milatari,hadii maxaakimta ay ahaan lahen shuuci, kirishtaan ama dowlada FKMG, xitaa wuu ku duuli lahaa maxaa yeelay Zenawi waxa uu ka soo horjeeda in ilatariya koox ka soo horjeeda siyaasadiisa ay ka dhisto wadanka Somalia.

Waa maxay macnaha laba wajiilihii isbahaysiga!!..

Sudan,Masar,Somalia,iyo Eritrea waxa ay Zenawi ku taageeren in ku guuleesto xukunka manta uu ka hayo wadanka Ethiopia xiriirkaa muxuu ahaa iyo taageerida loo fidiyay?.arintan markaan u kuur galay inta badan macluumaadka waxa ay ka soo aruuriyay shabakada internet-ka,jawaabtuna waa sidan.

Shir lagu ka dhacay magaalada lonodon,uuna abaabulikiisu uu lahaa William Cohen oo mar noday kaaliyaha wasaarada arimaha dibada ee geeska Africa xiligii isla markaana 1997-2001 ahaa wasiirka difaaca ee xiligii bill cilinton, shirkasi waxa ka soo qeeb galay madaxwaynaha wadanka hada ee Eritrea afwerki iyo Zenawi,oo labaduudaba ahaa mucaarad,shirka ujeedadisuna waxa ay aheed in meesha laga saaro Mangent ee wadankaasi xukumi jiray intii ka horeeysay 1991-kii,sidoo kalana xoriyad la siiyo wadanka Eritrea,dagada casmarana ay isticmaasho xukuumada Ethiopia oo wax bad aanan heesan.

Sudaana sidoo kale si dadbadan ayay ula shaqaynaysay Zenawi,Hassan Turabi oo hogaamiye ka ahaa jabhada islaamiga ee sudan,balse maxa dhacay?!wadanka Eritrea waxa uu xoriyadiisa helay sanadii 1993-dii,xiligasina Ethiopia waxa ay wax kala soo dagi jirtay dakada casmara,waxa uu qilaaf soo kala dhax galay labada dowladood ee Ethiopia iyo Eritrea,

sanadii 1994-kii war mutiyeed ka soo baxay xafiiska madaxweynaha Eritrea,Afwetki waxa lagu sheegay in dhamaan xiriirka dublamaasi ee ka dhaxeeyay Eritrea iyo Ethiopia in uu dhamaaday,xaalku waxa uu noqday mid murrugo leh talaalo ku soo cadaatay Zenawi, haday fooli timaado gunda qabsi dhamaa ayay somalidu tiraahdaa waxa uu badal siyaasadiisii,sanadii 1998-kii wax dhacay dagaal lada dowlad ah oo dhanka xuduundaha ah iyadoo Zenawi uu is lahaa awood ku maquuni xukuumada Afwerki uu ka taliyo balse Zenawi dagaalkaasi wax guul oo muuqata kama garin,waxaana xusid mudan in Zewani dhanka hooyada marka la fiiriyo Eritrea hooyadii ayaa ka soo jeeda.maxaa xigay?

Marki ay meesha ka baxaday dagadii kaliya ee uu wax ka soo dagsan jiray waxa uu xiriir la sameeyay Jabuuti si uu wax kala soo dago,balse jabuuti oo wadan yar ah Zenawi waxa ay u sheegtay in ay culees ku tahay baceeda kaga soo degta dekada jabuuti.arinta waxa ay u weecatay dhanka Somalia?

Somalia oo leh xeeb lagu qiyaaso in ay ka badan tahay 3000 oo km iyo dad aan tiradiisu lagu sheego 8 milyan ayuu Zenawi u arkay in ay tahay fursad dahabi ah waa wadan ay ka taliyaan hoogamiye kooxeed dadkiisun ay yihiin dad dagaal ka soo daalay,waxa uu sameestay saaxiibo Somali ah oo manta u fududeeyay in ay taangiyada ay tegrega saran yahay ay dhex ceegaagaan caasimada iyo wadanka intiisa badan,waxa uu wax kala soo dagaa,dolada la magaxbaday Somaliland,ismaamul gobaleedka putland,waxas oo dhan iguma filna ayuu yiri Zanawi waxa uu u xiisay xeebta magaalada mogdishu oo uu xili ku noolan jiray caasimada Somalia abaalkii ay u gashayna waxa uu ku badal in uu duyuurad ku duqeeyo sameestana shaqsiyad aan siyaada wax ka aqoon oo calooshod u shaqestayaal ah oo in lamaga caabo ka dhan dadka oo dhana ay wada garayaan,waana laba wajiilanimada lagu yaqanu Zenawi.

waxa uu xiriirka u jaray wadanka sudan markii 1998-dii magaalada adis ababa dil qorsheeysan uu kaga bad baaday madaxwaynaha masar xusni mubarak, waxa isku daygaas siyasadeed lagu eedeeyay wadanka sudan,sidoo kale ma fiicna xiriika ka dhaxeeya masar iyo Ethiopia markii xukuumada Zenawi ay sheegtay in ay isticmaal fiican ku sameen doonto wabiga niil oo nolasha dadka reer masar oo gaara 78 milyan,waana tirikoobkii 2006.ay ku xiran tahay nolashooda.

waxa halkan kaaga muuqanaysa in Zenawi cida dantiisa uu ka gaaro uu ka soo qaado wax aan jirin,maanta raga sheeganaya in ay Ethiopia ay tahay dowlad aan saaxiibo nahay Zenawina uu u hayo tooshka ay ku danbeen doonan meel xun,waxa maalmahan kuu muuqata in madaxwayne c/laahi yusuf uu dhanka siyaasada kaga awood badan yahay cali geedi oo uu xukuumada dowlada FKMG dadk siyaasada Somalia la socda ayaa ii sheegay in c/laahi uu yahay nin aan ogaleen Ethiopian-ka geedi iyo isagana ay kala duwan yahay geedi waxa lagu tilmaama in uu yahay wakiilka Zenawi ee somalia,iyo dad kaloo lagu sheego in ay yihiin siyaasin.

waxan ku soo gaba gabaynayaa raga manta Ethiopia keenay wadanka in ay ku dhaceen haadaan ay waligood kasoo bixi doonin markii danta laga leeyahay laga gaarana ama la dilo doono ama xabsi xabasho ay gali doonan ee waxan dadka madaxda inay inoo yihiin sheegta aan ku oran lahaa nin aan kuu furi doonin yaanu kuu rarin.

Wabilaahi toqfiiq

Salaamat min kuli aafaT

Ibraahim da’ud c/laahi

sayfudii@hotmial.com
Nairobi-kenya
+254721130470

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Jan 8, 2007

Waxaan la yaabanahay!  qof walba meesha ay uu is leeyahay dantaada ayaa jirta ayuu taageera,... Akhri..

• Hadalkii Diinaari ee Sarbeebta ahaa oo aan Soomaalidu fahmin iyo Xuseen Caydiid oo ah fikirka Saxda ah iyo Qorshaha/Hindisaha/Aragtida ama VISION-ka dhabta ah ee Dawladda... Akhri...

---

EEG BOGGA ARAGTIDA/MAQAALADA DADWEYNAHA..... GUJI...