Iskoolada Islaamiga ah oo ku soo badanaya Magaalada Nairobi
ee Caasimada Kenya.
Tan iyo markii ay bur burtay dowladii Soomaaliya sanadkii 1991
ayaa dalka Kenya waxaa uu hooy u noqotay kumanaan kun oo qof
ka soo barakacay dagaalada Dalka Soomaaliya ka caalwaayay
wadanka,dadka ka soo qaxay dhibka ka taagan Soomaaliya ayaa
waxaa fursad muhiim ah u noqtay soo badashada Iskoolada
Islaamiga ah oo caruurta yar yar ee soo koraysa fursad muhiim
ah u ah barashada Diinta Islaamka.
Daawo Sawirada Imaamu Nawawi Nairobi
Xaafada Islii oo ah halka ugu badan ee ay Soomaalidu ka tagan
tahay magaalada Nairobi ayaa waxaa iminka ku yaala ku
dhawaad 70 Madarso isugu jira mid lagu barto qur'aanka Sharafta
leh oo kaliya iyo kuwa lagu barto dhamaan maadooyinka Aasaasiga
u ah wax barshada oo saldhig looga dhigayo Diinta Islaamka.
Dadka ka soo qaxay dagaalada Dalka Soomaaliya oo kaliya maahan
kuwa ka faa'iidaysanayo wax barshada Islaamiga ah ee sida
cajiibka ah uga socota Xaafada Islii balse waxaa jira caruur
ku dhaltay dalkan Kenya oo Soomaali iyo Kenynba isugu jira iyo
waliba kuwa laga keenay wadamada Reer Galbeedka ayaa si aad ah
uga faa''daysto barshada Iskooladaani Islaamiga ah.
Hadaba Waxaan booqday Iskool Cusub oo Islaami ah oo magaciisa la
yiraahdo [IMAAMU NAWAWI] waxaana oo ka mid yahay Iskoolada ku
soo badanaya magaalada Nairobi oo caruurta da'da yar lagu barayo
diinta islaamka iyo waliba madaadooyinka kale ee Aasaasiga u ah
wax barshada sida Xisaabta,Culuumta Bulshada,Afafka,Carabiga,Englishka,Kisiwahiliga,iyo
kuwa kale oo kala duwan.
Waxaan la kulmay Maamulaha guud ee Iskoolka Imaamu
Nawawi ,Ustaad Cabdirisaaq Ismaaciil Xaashi [Cirro] oo Sabakada
SomaliTalk.com faafaahin ka siiyay Iskoolkan waxaana uu yiri
Ustaadku '' Iskoolkan Imaamu Nawawi waa iskool cusub balse
cusaybkiisa iyo ardayda dhigayso hadii aad fiirisid waa mid
farqi u dhaxeeyo,waxaan furnay bilowgii sanadkaan 2007 hadana
waxaa dhiganaya 295 Arday waxaana oo ka kooban yahay ilaa 4
fasal oo dugsiga hoose ah iyo waliba barista caruurta yar yar
qaabka Iskoolada looga dhaqmo sida akhlaaqda wanaagsanj oo ay ku
dheehan tahay Diinta Islaamka,qaabka qalinka loo qabsado qaabka
loo fadhiisto faslada,qaabka wax loo qoro, iyo qaybo kala duwan
waxaan rajaynaynaa in aan sanadkaan inta uusan dhamaan hadii
eebe idmo aan ku soo siyaadinyo Madarisada faslada dugsiga Dhexe
ilaa fasala sideedaad'' ayaa uu yiri Cabdirisaaq Cirro.
Maamulaha Macaliminta [Headmaster]ka iskoolka Mr Petr ecko
Nyaparara ayaa
Somalitalk.com u sheegay in Imaamu Nawawi oo ka diiwaan
gashan yahay wasaarada wax barshada dalkan Kenya isla markaana
uu yahay Iskool aad u heer sareeyo kana mid ah iskoolada ugu
tayada fican Xaafada Islii waxaana uu magaclinku shegay in arday
ka timid dalalka reer galbedku ay dhigtaan Iskoolkooda,
Daawo Sawirada Imaamu Nawawi Nairobi
Faslada Iskoolka mar Ay Camirada SomaliTalk.com ku soo dhex
wareegtay ayaa waxaa lagu arkayaa Arday labisan Uniformka
labiska Iskoolka oo si habsami leh wax uga baranaysa macalimiin
maaamulka Imaamu Nawawi u soo diyaariyay oo isugu jira kuwa
diinta Islaamka baraya iyo kuwa maadooyinka kale baraya,iyadoo
hiirta hore ee waa bariga caruurta la barayo diinta islaamka iyo
xifiska qur'aanka Kariimka ah marka laga bilaabo 8:00 Am ee
subaxnimana ay u bilaabayso barshada Maadooyinka kale oo ay ku
dheehtan tahay barshada Islaamka.
Xaafada Islii waxaa ku yaala Madaaris la mid ah Imaamu Nawawi oo
ay ka siman yihiin barista Caruurta soo koraysa Dinta Islaamka
maadaama ay ku dhex nool yihiin bulsho aan ahayn Islaam iyo
dhaqamo kala duwan oo ka fog diinta islaamka waxaana hadii eebe
idmo idiin soo bandhigi doonaan war bixno kala duwan oo ku
saabsan Iskoolada Islaamiga ah ee Nairobi oo sawiro leh.
Daawo Sawirada Imaamu Nawawi Nairobi
Maxamed Cabdi Maxamed Bootaan
Faafin SomaliTalk.com,Nairobi,Kenya
Daabaco
Boggan | Print
DUFCADII
LIXAAD OO KA QALINJABISAY JAAMACADA CAMUUD
Dareenka
ay Dadweynuhu ka muujiyeen Dadkii ku dhintay ama lagu la'yahay Buundadii
Duntay ee Minneapolis
Shirka
Muqdisho oo looga dooday xagjir diimeed waxa ay tahay 
