WARARKII: Apr 27, 2007
Raysal Wasaare Geedi :
Waanu Soo Af-jarnay Dhamaan Dagaaldii Ka Socday Muqdisho
Waanuna Ku Guulaysanay .
(Apr 26, 2007):
Raysal wasaaraha Dowladda KMG ah ee cali maxamed geedi ayaa
sheegtay inay soo gaba gabeeyeen inta badan dagaaladii ka
socday magaalada Muqdisho oo ay la wareegeen goobihii
dagaaladu ka socdeen .
Shir Jaraa'id uu ku qabtey Ra'isulwasaaraha dowlada KMG ah
prof,geedi hoyga uu ka dagan yahay magaalada Muqdisho ayuu
ku sheegay in in ay guulo wax ku ool ah ka gaareen
dagaaladii soconayey caasimada muqdisho 8 -cisho kadib .
Geedi oo saxaafadda ugu yeeray hoygiisa ayaa carabka ku
dhuftay in aysan dhici doonin dilal ku saleysan aargoosi,
isagoo ugu baaqay ciidamada dowladda KMG ah in aysan sameyn
falal lagu waxyeeleynayo qof kasta oo ku sugan goobihii lagu
dagaalamay.
Ra'isulwasaare Geedi waxa uu ka dalbaday dadka hubka haysta
ee dagaalada aanan ku jirin aysan ka soo bixin guryahooda,
una diyaar garoobaan si loo diwaan galiyo.
Waxa uu ku amray ciidamada dowladda KMG ah in ay sii dabo
galaan kuwa ku dhuumaaleysanaya guryaha ayna baaraan wixii
hub ah ee ay wateen ciidamadii la dagaalamayay waa siduu
hadalka u dhigaye .
Ra'isulwasaare Geedi ayaa waxa uu shacabka Muqdisho ugu
baaqay in ay u diyaar garoobaan si ay ugu soo laaban
lahaayeen guryahooda wixii berri ka bilowda, isagoo ku
dhiiri galiyay shacabka Somaliyeed in la joojiyo wixii wax u
dhimaya umadda Somaliyeed ee mudada dheer dhibaatada ku soo
jirtey.
Si kastaba ha ahaatee shirkan jaraa,id ee uu qabtay raysal
wasaare geedi ayaa kusoo beegmaya xili ay dagaalo kululi ka
soconayaan deegaano kamida magaalada caasimada ee muqdisho
taasoo u muuqata mid aan weli dhamaan .
Dagaalo Faraha
Lagaga Gubtay Iyo Duqayn Xoogan Oo Maalintii 8-aad Ka
Socota Magaalada Muqdisho .
Duqayn iyo Dagaalo la isu adeegsanayo hubka noocyadiisa
kala duwan ayaa saaka waaberigii mar kale dib uga qarxay
magaalada muqdisho oo ku faafay meelo aan markeedii hore
dagaal ka jirin .
Dagaaladan oo soconaya maalintii 8aad ayaa maalinba
maalinka ka dambaysa sii kululaanaya iyadoo wararka laga
helayo dagaalka saaka waaberigii ka qarxay agagaarka
deegaanada al-cadaala ee degmada yaaqshiid ee nawaaxiga
hotel ramadaan huriwaa ilaa hotel sanca ee degmada
kaaraan ay yihiin kuwo gacanta laysula tegey iyadoo ay
sidoo kalena dagaaladu ay labo geesood yihiin oo ay
qaarkood ka soconayaan Aagga Jamhuuriya, Fagax, Towfiiq
oo ka tirsan degmooyinka Heliwaa iyo Yaaqshiid, halkaasi
oo 7dii maalmood ee la soo dhaafay dagaalo ba'an ay ku
dhexmarayeen ciidamada huwanta ee kuwa dowlada KMG iyo
Ethiopia iyo xoogaga wax iska caabinta ee ka dagaalamaya
magaalada caasimada ee muqdisho .
Dagaalkaan oo la isku adeegsanayo hubka noocyadiisa kala
duwan iyo qorayaha lidka diyaaradaha ayaa madaafiicda la
is weydaarsanayo waxa ayaa waxay ku fideen deegaano
cusub oo aysan markii hore dagalo ka socon sida ay noo
xaqiijiyeen dad goob joogayaal ah oo ku sugan
deegaankaas .
Deegaanada xayle bariise ,agagaarka al-cadaala ee
degmada yaaqshiid ayaa saaka dagaaladu ku fideen iyadoo
Rasaasta aaggaasi ka socoto ay tahay mid aad u culus
mar- marka qaarkood waxaaba madaafiicda habowga ahi
waxku dilaysaa deegaaada xaafadaha ka dhaadheer dagaalka
waloow saaka waaerigii duqay xooga loo gaystay xaafadaha
jamhuriya ,hotel samca ee degmada kaaraa .
Dhimashada iyo dhaawaca ayaa tiro dhaafay oo aysan jirin
cid tiro koobtay ayaa sidoo kale dad meydad ah ayaa lagu
arkayay goobaha ay ku dagaalamayaan labada dhinac,
kuwaasi oo isugu jira dad ay haleeshay rasaasta haboowga
ah iyo kuwo ay si toos ah u toogteen ciidamada
Ethiopia..
Dhowr Madfac ayaa ku dhacday xaafadda Suuqa xoolaha ee
degmada Huriwaa, waxaana mid ka mid ah madaafiicdaasi uu
ku dilay 4 ruux oo rayid ah ka dib markii uu ku dul
habsaday gaari BL ah oo dadkaasi ay saarnaayeen, iyadoo
tiro kale oo dad ah ay ku dhaawacmeen halkaasi.
Madaafiicda ay ridayaan ciidamada Ethiopia ayaa waxa ay
sababeen in dad ka barakacay magaalada Muqdisho ay sii
barakacaan ka dib markii ay uga tabatageen goobihii
dadkaasi ay u carareen.
Si kastaba ha ahaatee dagaaladan ka soconaya maalintii
8-aad magaalada muqdisho ayaa ku soo beegmaya xilli ay
socoto waan waan u dhaxeysa odayaasha beelaha Hawiye iyo
saraakiisha ciidamada Ethiopia, iyadoo saaka
barqanimadan ee maanta ay ku balansan yahay kadib markii
kulnakoodii shalay uu dhicisoobay.
Masaajidada Waaweyn Ee
Magaalada Muqdisho Oo Lagaga Dhawaaqay Jahaad Ka Dhan Ah
Ciidamada Cadowga Ethiopia....
Masaajidyada waaweyn ee magaalada Muqdisho ayaa waxaa si
xawli ah uga socda is qorista dhalinyaro Jihaad la gasha
ciidamada cadowga Itoobiya ee ku soo duulay Diinta,
Dalka iyo Qarannimada dadka Soomaaliya.
Ilaa Boqolaal dhalinyaro ah oo isdiiwaan gelisay kana
soo jeeda beelaha Soomaaliyeed oo dhan ayaa haatan
qeyb-qeyb u gala dagaallada Muqdisho ee looga soo
horjeedo cadowga Itoobiyaanka ee caasimadda Soomaaliya
ka wada dagaallada, iyadoo qof walba oo Soomaali ah uu
ka dhiidhiyey dagaallada ay Itoobiyaanku ka wadaan
Muqdisho oo aan la ogeyn sababta uu uga dagaalamayo
gudaha Muqdisho oo wax ka khuseeyaa aanay jirin.
Sidoo kale Isbitaallada Muqdisho ee dhaawaca dadka
rayidka uu buuxo ayaa iyagana waxaa ku sii qulqulaya
dhalinyaro dhiig u shubaya dadkaas dhaawaca ah ee
ciidamada Cadowgu Madaafiic iyo Hoobiyaal la dhaceen,
waxaana dhammaan beelaha Soomaalida ay ka siman yihiin
inay dhinac uga soo wada jeestaan cadowga Itoobiyaanka,
isla markaana gurmad u fidnayaan dadka ku dhaawacmay
dagaallada iyo madaafiicda sida arxandarrada ah
Itoobiyaanku ugu garaacayaan rayidka.
Si kastaba ha ahaatee dagaalada ka soconaya magaalada
muqdisho oo ay ku bara keceen kumaan qoys oo soomaali ah
ayaa marba marka kasii dambaysa sii kicinaya dhiiga
dadka soomaaliyeed ee wadaniyada iyo diintaba leh iyadoo
ay isasoo tarayaan carada xoogan ee loo qabo ciidamada
wadanka kusoo duuley ee Ethiopia.
Yaasiin maxamed cali (faytin)
yaasiinfaytin@hotmail.com
Wararkii ugu danbeeyey ee
dagaalada ka socdo muqdisho...
Muuse Maxamuud Jiisow
somali39@hotmail.com
Muqdisho Somaliya
025215576666 / 002521653623
450 qof ayaa ilaa hadda
ku dhintay dagaalada, waxaana ku dhaawacmay 700 qof....
Saaka waaberigii ayaa diriri ka bilaabatey halkii ay ku
habeensatey shalay galab oo aheyd meelihii ay iskaga soo
horjeedeen ciidamada Ethiopia oo garab siinaya kuwa dowlada
fadaraalka KMG somaliyeed iyo kooxaha diidan joogitaanka
ciidamada shisheeyey ee dalka ku sugan .
Dagaalkaan ayaa waxaa la isu adeegsanayaa hubka noocyadiisa
kala duwan iyo madafiicda waa weyn ee uu ka mid ayahay BMka
altileriga gantaalaha garabka laga rido risaasta ka dhacda
qoryaha suuga iyo taranta sataha .
Dagaalka subaxnimadaan ayaa wuxuu a bilowday xaafada towfiiq
iyo jiiro garoob wuxuuna ku si fiday xaafado kale oo horey u
nabdoonaa sida muqdisho stadium ,ramadaan suuqa jamhuuriya
,heli waa suuqa xoolaha ,yaaqshiid , wardhhigley .iyo meelo
kale.
Madaafiicda BM-ka ayaa u dhacday suuqa xolaha goob gawaarida
laga raaco bus halkaas dad ay uga degayeen ka yimid dhinaca
black sea kaas oo ku dul habsaday halkaas oo dadkii uu ku
dhacay lakala garan waayey xubnahodii, waxeyna ahaayen kuwo
gubtay oo doorsoomay, dhaawaca ayaa intaa ka badan waxaana
loo qaaday dhanka ispitalka hoyada iyo dhalaanka ee sos kaas
oo aan la isku halen Karin isaga qudhiisa waxaana jirtay in
Bm lagu garacay shalay oo ay dad ku dhinteen waana
ispitaalkii sadaxaad ee xirmo iyada oo ay horey u xinaayeen
ispitllada xayaad iyo carafaad kuwaas oo xirmay ka dib intii
ay bilowdeen dagaaladaan dadka badani uu ku hoobtay .
Dhanka kale waxaa maalintii saddexaad yaala meel wado ah mid
ka mid ah 5 ruux oo ahaa dadka xaafadaha ku harsanaa isla
markaanka ilaalo ka ahaa guryahay laga qaxay oo ay haleeleen
risaasta la is weydaarsanayey meydka qofkaan ayaa waxaa
diiday in la aaso ciidamada Ethiopia oo uu u dhowyahay halka
ay aaga ku jiraan cidamada Ethiopia kuwaas oo diiday in la
qaado oo la asturo ( la duugo ) cidii isku dayda in ay u
dhawaatana la duldhigayo .
Dagaaalkaan culus ee ka socdo xaafdaha badan oo ku soo
dhacayo qoriga BM-ka oo lagu rakibay gobo cusub marka loo
eego halkii uu horey ugu rakibnaa tirade dhimatay ayaa waxaa
lagu qiyaasay in ka badan 450 qof hala dhaawacune lagu
qiyaasay 700 inkasta oo aan la garaneynin kasaaraha dhabta
ah ee soo gaaray dadka iyo dalkaba waxaana jirta madaafiic
habow ah oo dad ku laysay meelo dad ay u qaxeen.
Wixii war ah ee ku soo kordha waan idinla soo socodsiin
doonaa.
Wararbixintii Xalay::
Warbixin : Muqdisho oo ku
waabariisatay dhawaqa madaafiicda BM_ka iyo hoobiyaha
maalintii sideedaad oo xiriir ah...
Arbacadii hiirtii ayaa waxaa halkiisii ka bilowday
dagaalkii u dhaxeeyey ciidamada dowlada Ethiopia oo
gacan hagar la'aan ah siinayo DFKMG iyo kooxaha diidan
joogitaanka ciidamada shisheeye ee dalka ku sugan siiba
kuwa Ethiopia iyada oo la isla dhacayo duqeynta culus ee
aan la isu aabe yeelaynin iyada oo ay halkoodii ka sii
socdaan madaafiicdii shalay ilaa xalay lagu ridayay
qeybo badan oo ka mid ah Magaalada Muqdisho kuwaas oo ay
ku nafwaayeen (Arbacadii iyo habeenkeedii) tiro kor u
dhaftey 45 qof oo u badan dad shacab ah waxaana ku
dhaawacmay tiro intaa ka badan isla markaana ay ku
dumeen guryo badan halka in badane ay ku barakaceen
guryahoodii .
Meelaha sida aadka ah uu Arbacadii dagalku u saameeyey
ee uu ku dhex maray iska horimad fool ka fool ah
Ciidamada Ethiopia oo garab siinaya kuwa dowlada
fadaraalka KMG oo dhinac ah iyo waliba xoogaga kasoo
horjeeda joogitaanka Ciidamada shisheeye ayaa ah
xaafadaha fagax iyo juungal .
Dhinacyada dagaalamayo ayaa isu adeegsanaya hubka
noocadiisa kala duwan sida gantaalaha garabka laga rido,
madaafiicada aarti-lariga ah iyo waliba madaafiicda
goobta sida qoriga BM ka oo goobaha laga rido ay ka mid
ahaayeen dugsigii maxamuud axmed cali .taaga xaafada
sanca .hotelka global .xeradii gaadiidka booliska ,
taliska asluubta halkii horey u ahayed ,madaxtooyada oo
iyadu iska noqotey meel caanku ah dhawaqa madfaca Bmka
iyada oo loo isticaamlayey qeybo badan oo ka mid ah
xaafadaha kala fog fog ee Magaalada Muqdisho waxaana
jirin wax daqiiqado ah oo uu hakad galeen Madaafiicda
mana jirin wax liishaan ah ee waa dhinicii la doono in
la iskaga rido.
Lama cadeyn karo khasaaraha Baaxada leh ee soo gaaray
dadka rayid ka ah Madaafiicdune waxeyu socotaa si isdaba
joog ah .
Sidoo kale waxaan la xaqiijin Karin Dhimashada ilaa hada
inta ay la egtahay dadka waxaana lagu qiyaasayaa in ay
gaarayaan waxyeelada soo gaartey dadka rayidka ah in ay
gaarayso ilaa 45 qof dhaawacune waa tiro intaa ka badan
(waa qiyaasihii la sameeyey 24kii saacadood ee la soo
dhaafay, halka ay maalmihii hore ee dagaalada ay ku
dhinteen 267 sida ay sheegeen hay'adaha xuquuqul
insaanka).
Abaarihii 9kii subaxnimo ee Arbacadii ayuu sii
xoogeystey dagaalka ay iskaga soo horjeedaan magaalada
muqdisho ciidamada Ethiopia iyo kooxha diidan jogitaanka
cidamada shisheeye sidoo kale waxaa iyane sii batay
Madaafiic lagu gamayo degaanada fagax iyo jamhuuriya
halkaasoo ay ku soo dhacayaan Madaafiicda laga rido
qoriga BM-ka iyo waliba hoobiyaasha waxyeelo badan oo
burbur iyo barakac dhimaho iyo weliba dhaawacba leh
ayeyna gaysteen.
Howlwadeenada caafimaadka ayaa sheegay in maalinba
maalinta ka danbeysa uu dagaalku sii cuslaanayo mana
jirto cid guul sheegan karto ilaa iyo hada waxana lakala
joogaa meelhii uu dagaalku ka bilowday .waxaana loo
baahan yahay dadaal nabadeed ayey yiraahdeen qaar ka mid
ah howlwadeenada cafimaadka oo diiday in magacooda la
xuso sababa amaan dartood.
Sidoo kale waxaa iyane sii badanayo khasaaraha soo
gaarayo dadka shacbka ah oo aan waxba galabsan halka
kuwa kalane ay ku barakaceen duqeynta culus ee loo
geysanayo magaada waxaana soo baxayso in sadax meelood
ay magaaladu duntey sidii ka dhacday ruwandha ayey
saadaalinayaan dadka qaarkii.
Dhanka kale ispitaka hooyada iyo dhalaanka ee sos ayaa
duqeyntii Arbacadii waxaa ku habsaday ilaa 4 madfac oo
halkii yahay tiro lix gantaal ah kuwaas oo ah BM_ka oo
lagu ridayo markii lix gantaal ( nus darsin ), dagaalka
Arbacadii xoogiisa ayaa waxaa uu ahaa jungal, fagax ,
jamhuuriya, sidoo kale madaaficda ka dhacda qoriga BM-ka
ayaa ka soo dhacayey isgoyska sanca ,hotelka global
baashiisa ,xeradii gadidika boliska ,taliskii asluubta
iyo madaxtoyada .
Dhanka kale xaafadaha shibis ,kaaraan, cabdi casiis, oo
ahaa xafadihi loo qaxay ayaa waxey Arbacadii qeyb libaax
ka qaadanayeen khasaaraha dhimasho iyo dhaawacba leh ee
ay geysanayaan madaficda ay ridayaa ciidamada Ethiopia
ee ah kuwa Bmka.
Xaafada suuq bacaad oo aheyd meelihii lagu soo qaxay
meel ka mid ah ayaa Arbacadii waxaa ku soo dhacay tiro
madaafiica ah oo gaareyso ilaa iyo lix, waxaana ku
dhaawacmay 4 qof oo shacab ah waxaana ku geeriyooday nin
ku xamaalanayey gari dameer, waxa burburay xafiisyadii
shirkadaha xawaaladaha ee ah Dahabshiil iyo alMustaqiin
xafiisyo ay ku lahaayeen xaafada suuq bacaad ee
magaalada muqdisho.
Sheekh Shariif Sheekh
Axmed oo ku eedeeyey dunidu in ay ka seexatay dhibaatada
iyo dagaallada ka socda Muqdisho
Guddoomiyiha Maxkamadihii Midoobay Sheekh Shariif Sheekh
Axmed oo haatan ku sugan Asmar oo ka hadlayey dabka ka
aloosan Muqdisho muddada halka toddobaad ah; wuxuuna
sheegay inay dagaalladaas yihiin kuwo geystay
dhibaatooyin isugu jira dhimasho dhaawac iyo barakac dad
aan awoodin in ay socdaan , dunidu ka sii jeesatey
dagaalladaas inay wax ka qabato.
Sheekh Shariif ayaa xusay in dagaalladaas ay yihiin kuwo
xanuun badan leh oo u dhexeeya Ciidammada Ethiopia iyo
kooxo ka soo horjeeda, waxaana uu sadaaliyey inay
dagaalladu socon doonaan inta ay ciidammada Ethiopia ay
ka baxayaan gudaha dalka somaliya.
Sheekh Shariif ayaa hadalkaan ka sheegay kulan ka dhacay
dalka Eritrea oo ay isugu yimaadeen mas'uuliyiinta ka
kala tirsan dowlada fadaraalka ah iyo xubnaha
baarlmaanka oo hada xilalkoodii laga xayuubiyey kuna
sugan dalka Eritrea ee ka soo horjeeda dowladda, balse
ma sheegin in dagaalladaas ay qayb ka yihiin midowgii
Maxkamadihii .
Sheekha sharif sh: axmed ayaa sidoo kale sheegay inaysan
jirin wax argagaxiso ah oo ku sugan Muqdisho ama qaybo
kale oo ka tirsan gudaha dalka Soomaaliya, wuxuuna
diiday inay jiraan kooxo shisheeye ah oo ay iyagu
gabbaad ku siinayaan Muqdisho iyo goobo kale oo dalka ka
tirsan.
"Ma jiraan wax aan gabbaad siinayno oo shisheeye ah ama
Argagaxiso ah, balse waxaan sheegayaa in argagaxiso ku
sugan Soomaaliya ama Muqdisho haddii ay jirto ay yihiin
ciidammada Ethiopia oo iyagu dhibaatooyin u geysanaya
shacabka Soomaaliyeed ee ku sugan Muqdisho" ayuu yiri
Sheekh Shariif Sheekh Axmed oo indhawaalaba ku sugnaa
dalka Eritrea.
Miles Zenawi:
"Dagaallada ka socda Muqdisho waxaa wada beesha Cayr iyo
Xubno Al-Shabaab ah"
Miles Zenawi ayaa ku hanjabay in ciidamadiisu ay fursad
u helaan in laba toddobaad ama toddobaad loogu daro
howlgalka ay ka wadaan Muqdisho si buu yiri ay uga
ciribtiraan Al-Shabaab .
Raiisal wasaare Miles Zenawi ayaa shirsaxaafadeed oo uu
ku qabtay Addis Ababa kaga dhawaaqay arintaan , waxaana
uu sheegay in ciidammadiisa ku sugan gudaha dalka
somaliya gaar ahaan kuwa Muqdisho ay guulo la taaban
karo ka gaareen dagaalladii ka dhacay Muqdisho maalmihii
la soo dhaafay.
"Ciidammadeydu waxay ka gaareen dagaallada ay kula
jiraan kooxda Al-Shabaab guulo la taaban karo, waxaase
ay u baahan yihiin inay helaan hal toddobaad ama laba
toddobaad oo kale si ay uga saraan Muqdisho kooxahaas"
ayuu yiri Miles Zenawi oo ku sheegay shirkiisa jaraa'id
isaga oo hadalkiisa sii wato ayuu sheegay sheegay in
dagaallada Muqdisho ay wadaan beesha Cayr iyo xubno ka
tirsan Al-Shabaab, Waxaana dhanka kale uu sheegay in
belaha kale ay taageersan yihiin Dowladda Soomaaliya iyo
jogitaanka cidamada Ethiopia .
"Ciidammadeydu waxay sii wadayaan dagaallada ay kula
jiraan kooxahaan inta ay ka saarayaan caasimadda
Soomaaliya ee Muqdisho iyo goobo kale oo dalka ka tirsan
dalka Soomaaliya" ayuu ku celceliyey isaga oo caro
wajigiisa ka muuqato Zenawi.
Muuse Maxamuud Jiisow
somali39@hotmail.com
Muqdisho Somaliya
025215576666 / 002521653623
Faafin: SomaliTalk.com |
Apr 26, 2007
Wafdi ka socda Dowladda
Federaalka oo Liibiya ku sugan
Dhagaxbuur:
74 Qof oo Ku Dhintay Weerar lagu qaaday Xarun ay
Shiinuhu Batrool Ka Baarayeen..
9 qof oo shaqaale Shiine ah ayaa ka mid ah dadka ku
dhintay weerarkaas oo ay sheegatay jabhadda...
Akhri...
Qabsashada
Sharcidarada ah ee Itoobiya iyo Xasuuqa ummadda...
Shir weyne lagu qabtay magaalada
Minneapolis ee dalka Maraykanka ayaa looga hadlay xaalada
Soomaaliya..
Akhri...
BAYAAN
KA SOO BAXAY JAALIYADDA DAAROOD EE LONDON, UK...
Waxayna ugu baaqeynaa
ummadda Soomaliyeed in ay ka qayb galaan dagaalka looga xoreynaayo dalka
gumeystaha Itoobiya iyo in...
Akhri...
Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
Soomaalidda
Minneapolis oo ka mudaaharaaday Xasuuqa Muqdisho
In badan oo ka tirsan jaaliyadda
Soomaaliyeed ee Minneapolis ayaa ka qayb qaatay banaanbax
Akhri...
![](/terry/arrowleft.gif)
![](/terry/arrowright.gif)
|