SomaliTalk

Gabaygani wuxuu ku socdaa shaqsiyaadka iyo kooxaha kala ah

Mubashir Sheekh c/laahi
mubashir506@hotmail.com

Ismaaciil Cumar Geele oo ah madaxweynaha Jabouti

Daahir Riyaale Kaahin oo ah madaxweynaha Somaliland

Cade Muuse Xirsi oo ah madaxweynaha Puntland

Abshir Faarax Nuur Bacaadle oo ah abwaan Soomaaliyeed

Odayada iyo Cuqaasha Muqdisho

Geele, Riyaale Iyo Cade:

Sadexdan masuul ee kore waxay siyaabo kale duwan utaageereen dhibka ay Jabhada Tigreegu ku heyso umada Soomaaliyeed, iyaga oo markaas ku eeganaya dano yar oo ugaar ah iyo Kursi aan lamahdin, balse mustaqbalka dhow iyo kan fog midna aysan ka fakareynin,

Nimakaa madaxnimada sheegta iyo inta la qabta aragtidooda guracanba wuxuu gabaygu uga digayaa hadii maanta qaarkeen codowgu dilo in ayagana beri cidlo laga heli doono, waxaa qabanaysa labada tucud ee gabeygan ka midka ah ee odhanaysa.

Nin walaalki dabay meelxiluu kaga danbeeyaaye

Doqon dheregtay ehelkeed ma oga diif haduu qabo e

Odayada Muqdisho:

Nimankan odayaasha ah ee waayadan danbe saxaafada aadka uga muuqda hadbana go’aan iyo baaqyo kala duwan soo saaro waxay halgankii umada uweeciyeen dariiq qaladan oo ah mid beeleed.

Markii xabashida wadanka soo galeysay waxaan anigu islahaa ugu yaraan waxaa laga faa’iidi doonaa midnimo Soomaliyeed iyo isku duubni dhexdeena ah si aan isaga dhicino gumeysiga madow ee ma xishoodaha ah,

balse taasi waxay beenoowday markii ay soo baxeen odayo sheeganaya macayo beeleed oo leh anagaa naloo danleeyahay iyo xabashidu waxay kala jecelyihiib beelaha Soomaaliyeed, kuwaasoo arinkii aan Soomaalinimada ku dooneynay ka dhigay wax beel un ku kooban iyo dano gaar ah.

Abshir bacaadle:

Abwaanku wuxuu ku shirbay in aarsi iyo wax lamid ahi ay meesha ka socdaan, cida ka aarsaneysana ay tahay shaqi ama beelkale oo Soomaaliyeed, taasoo ah dariiqii qaldanaa ee ay nimanka odayaasha ahi mareen, waayo ma jirto beel beel kale ka aarsaneysaa ee kuligeenba Xabashi baa inaga aarsaneysa balse weynu kala horeynaa un oo midba malin baa lagu owr kacsanayaa si kan kale loo dilo Abwaanku wuxuusan ku baraarugsaneyn in waxan socdaayi ay hurmuud uyihiin calooshooda ushaqeystayaal qabiilkastoo Soomaaliyeed leh.

Sharaxaada dheer ee aan gabayga ka bixiyay waxaa sabab u ah wax magarato dhowr jeer ay eedeymo iiga yimadeen ayagoo wax ka sheeganaya gabay kan ka horeeyay, iguna tilmaamaya nin aflagaado qaawan ula badheedhay madaxda dowlada KMG ah. Malahayga waxay dhibsadeen dhowr beyd oo kamid ahaa gabaya hore, oo ahaa

Xildhibaan dibjira iyo wasiir dowdarnimo heyso

Duq magaalo iyo odayo aan daacad u hadleynin

Xukuumadan dayacan een laheyn dux iyo iimaanka

Madaxdeeda kala daadsan baa nooga sii darane.

Hadiise aan dawaarka urogoon daaqad kale feydo

Dalka iyo dadkiisaba dariiq lagu dan gaadhsiiyo

Golayaashi loo doortayee dabaqa loo saaray

Sow yagaan daneyn ee axdiga diidnay yidhi ma aha.

Diraacbaa dalkii lagu jiraa haatan dabo dheere

Doog iyo ramaas baan laheyn lagu dakeeyaaye

Laga quusay duuniyo ugaadh dacawo mooyaane

Dowladii la sheeg sheegi jiray saaka lagu diinye

Dadka oo baqtiyay jaad unbay diiranahayaane

Debedaha unbay aadayaan kamana daalaane

Diyaaradana wey raacayaan duulimaad badane

Waqtigaas oo ahaa waqti ay dowladu ukala qeybsaneyd magaalooyin ka Muqdisho, Nairobi iyo beydhabo, oo kooxiba ay meel dibjir ku aheyd , dowdarnimaduna ay aheyd inay khaad cunis ku habsaameen iyo khilaaf ayaga dhexdooda ah.

Qolyahan Kaleen idhi diyaaaha ayunbay racaan oo debedaha meer meeraan waa madaxda sarsare ee dowlada oo sida aan ognahay iyadoo dad gaajo ugu dhimanayeen xiligaas iyo maantaba aabaar xumina ay ka jirta gobolada koofurta qarashaad aad ubadan ku bixin jiray duulimaadyo aanay xigmad badani ku jirin oo oo kolba dal African ah lagu aado.

Hadaba qofkii ILAAHAY kabaqaya cadiifad iyo nin jecleysina aysan meelxun geyn wuxuu iiga markhaati yahay in ay arimahaasi run yihiin aflagaadana aanan ula badheedhin madax Soomaaliyeed waaba hadii ay jiraan maantee.

Gebogabo:

Su’aasha aan aniga iyo dad badanba weydiineyno shaqsiyaadkaas iyo dhamaan umada Soomaaliyeedba waxay tahay. MAXAA INOO DIIDAY WANAAGA, WALAALNIMADA, WADA JIRKA IYO ISWEHESHADKA ?????

Cidii Jawaabteeda heyso aad baan u dooneynaa ee hanoo sheegto.

Maansadan gaaban ee aan ku address gareeyay Abwaanka weyn ee Abshir bacadle, waa aniga oo ah Mubashir Sheekh C/laahiye waxay tidhi:

Abshiroow nidaam dowlo waa laga danbeeyaaye

Waa loo dulqaataa wixii waayo kaa damane

Dadku maleh dareen qarnnimiyo dabec islaameede

Dastuur qeexan waan jecelihiyo maamul daacadahe

Qabiil lama dugsado iyo waxaan duxi ku laabneyne

Darmadaaban sii wadho lahaa damal cagaar weyne

Dundumooyinkaad uhadh gasheen waa daciifnimo e

Marse hadii gumeysiga dadbani daanka nagu heysto

Dagmo iyo koley tuulo tahay la isu deyn waaye

Durbaan qoys hadmaad noo tunteen deyro mey jirine ?

Tola’ayeey safiir iyo danjire laysu dacareeye

Nin walow dantaa garo kuwii geliyay diiwaanka

Sow inay ragbadan duufsadeen deelka kuma taalo

Ninkii dirir kubaaqee siduu doono noqonweydo

Guutooyin uu dumay hadii duufka la cunsiiyo

Daayinow maxaa iilahaa wow diwaan galiye

Dangiraanba waa wuxuu kulumay diiri jilibkaaye

Diracyadii lasoo wada qaldiyo daahir iyo kaahin

Darka jiidha ina-muhuu lahaa diide amarkiiye

Maantana wuxuu dood adkaa doori hadalkiiye

Dibna uga bax qabanqaabaduu diiqa ka ahaaye

Dubai kama matalo reeruhuu duubka uxiraaye

Dabka laga dhig waayaba haduu diini ku ahaaye

Isagoo dagmadi uulahaa magan ku daaqaaya

Dabaabadaha xeylee dulyimid daashki uga guurye

Daliilyiyo hunguri qoon horey dalaw ka tuureene

Dafdafliyo afmiinshaarna wey damac qasaareene

Waxaa dowlisyada loositaan meel digaan digahe

Dalkeenii amxaar baa qasbaday gaalna wuu dagaye

Dar ILaahay waxa leygu dudo waa danbiyo beene

Dulmi kuma hayee caalamkaa nacay dadkeygaase

Dulligiyo darxumadaan qabniyo dhibaha diihaalka

Dalandoolka gaajada ah iyo ceydhan daba joogta

Duruufaha naheystee badhkood nagu daneysteene

Daris iyo shisheeyana naflihi noo dardaar wariye

Diin-laawe goortay arkeen gaday damiirkiisa

Damac baa Ethiopia kagalay daarihii xamare

Nin walaalki dilay meelxiluu kaga danbeeyaaye

Boosaaso waxay doonayaa inay duduunshaane

Hargeysana dibbaa loodhigtoo daabac bow qorane

Doqon dheregtay ehelkeed ma oga diif haduu qabo e

Jabuutiba waxay daarantahay maalmo dabadeede

Durur baa nasoo wada galiyo tog iyo duufaane

NFD horaa loo dabroo malaha waa deyne

Ogaadeenya lagu daal xornimo daayin baa jira e

Soomaalidii daluun baa uqodan dabina wow yaale

Dul ahaan bacaadlow rag waa wada dareeraaye

Idinkuba dameeraha la korey kali ma daaleyn

Daanooyinkaan wada qabnaa taniyo doollowe

Dakadihii Kismaayiyo Berbera daalin baa galaye

Duunyo shicibkii kama dhoofsadaan dowga ulahaaye

Kamana soo degaan waxaan aheyn doomihii Maleze

Inkastoo wax noo dihanyihiin deeqdi lala beydhye

Diyaarado canshuur iyo daasas laga qaaday

Ninkii daafacaayiyo midkii daadin karayoowba

Dariiqyada Addiss bey hantidu dayac tireysaaye

Inkasoon daniga iyo necbahay dur iyo ceebaalka

Mar hadii danaakili nin jira samihi noo diiday

Labo daran midaan dooranaba sow dagaal ma aha

Mubashir Sheekh c/laahi
mubashir506@hotmail.com