Xabsiga oo Markale lagu soo Booqday Wiilasha ku
Xiran Bangkok....
SomaliTalk.com | Bangkok, Thailand | April
22, 2006
Shalay (April 21) ayaa nin Soomaaliyeed uu
xabsiga ku soo booqday 3da Soomaalida ah ee sida xaqdarrada ah ugu xiran
magaalada Bangkok ee dalka Thailand. Haddaba waatan warbixintii uu Bangkok kasoo
diray muwaadinka Soomaaliyeed oo indhihiisa kusoo arkay wiilasha ku silicsan
xabsiga Thailand.
Waxaan tegey xabsiga shalay, waxaan la kulmay
saddexda Soomaalida ah ee ku xiran, waxaana caloolyow ahayd markii aan
indhahayga saaray sida ay u rafaadsan yihiin.
Mid kamid ah saddexda xiran ayaa yiri: "Walaal
halkaan waxaan xabsigan ku jirnay muddo ka badan hal sano, maalin walbaana
waxaan islaheyn xaqdarada laydinku haysto Dowlada Somaliyeed iyo Dowlad
goboleedka Puntland iyo ummadda Soomaaliyeed ayaa ka dhiidhiyin oo wax idiin
qaban ee iska yara samra maanta iyo baritaa laydiin imaane, laakiin saan arko
hadda waxaan sugnaba waa xukun iyo xabsi badan sidaa daraadeed aniga shaqsi
ahaan waxaaan goostay haddii lay xukumo inaana dhibaatadaan u sii adkeysan oo
aan isdilo, saas waxaa yiri Mohamud Abdulahi Aden oo ah wiilka aan filaayo inay
dadiisu ka yartahay 20 sano.
|
150 Baht (Lacagta Thailand) |
 |
Mar aan sii weydiiyey waxa ku kalifay inuu
isdilo waxuu yiri isaga oo ooynaya: miisaaankayga waad u jeedaa, maalin walbaana
waxaan shaqeeyaa sideed saacadood oo aan god qado waxaana laysiiyaa Xabad rooti
ah. Xoogaaga lacagtaa ee dhowrkii biloodba ehelkeey iyo ummad Soomaaliyeed
noosoo diraana baad baa nalooka qaataa oo subax walba waxaan bixiyaa 150 Baht ($4 doolar), haddii aanan lacagtas bixina waxaa laygu sameynayaa waxaana halkaan
kaaga sheegeyn, marka walaal cadaabtii aduunka ayaan ku jirnaa, sidaas ayaan
go'aanka ku gaaray, markuu halkaas marayo ayaa waxaa la hadlay Yusuf Aden Seed,
oo xabsiga kula jira, oo ku yiri walaal cadaabta adduunka waxaa ka daran tan
aakhiro, ninkii isdilaana waa ehelu naar ee fadlan ha isku darsan labada
cadaabood ee tan aduunka u samir, markaasay sadexdoodii isku ooyeen aniguna aan
naxdin awgeed banaanka isaaga soo baxay.
Ummadda Somaliyeedey waxa meesha ka jira ma
ahan wax lasoo koobi karo ee haloo istaago sidii sadexdaa wiil oo aan hubo in
laba ayna gaarin 20 sano looga soo saari lahaa cadaabtaan ay ku jiraan, ayagoo
aan wax danbi ah oo eey galeen ama loo heysto eysan jiriin aan ka aheen in loo
dhibay dowlada Thailand si eey ugu dilaan xabsiga.
Maxaa la gudboon qof kasta oo Soomaaliyeed si
uu uga qayb qaato arrinta wiilashan?
Ugu horayn fadlan booqo
halkan si aad emailo ugu dirtay madaxda Boqorka Thailand, Ra'iisul wasaaraha
Thailand iyo madaxda Soomaaliyeed.
Akhri: Gurmad
Degdeg ah: Ka Qayb qaadasho sidii loo soo deyn lahaa 3da Soomaalida ee ku xiran
Thailand...
Haddii aad taageero u fidineysid wiilashan
xiran, taas oo lagugu dhiiri gelinaya si xaq dararadaas loo soo afjaro, fadlan la xiriir:
Xasan Cubeed Aadan (Seed)
Nabbadon@hotmail.com
Tel. 45-20456217
Denmark
Faafin: SomaliTalk.com | April 22, 2006 |
Updated: Apr 23, 2006
Sawirka lacagta: Google image search
| 
Daabaco
Boggan | Print
