Alle ayaa mahad leh,
Rasuulka ayaa gutay amaanadii Alle u soo dhiibay (NNKH)
akharistayaal maqaalkaan oo aan ugu magacdaray
Isbahaysiga Sheydaanka waa mid aan doonayo in aan kaga
hadlo isbahaysiga dhawaan looga
dhawaaqay Magaalada Muqdisho oo loogu Magacadray
isbahaysiga la dagaalanka argaixisada Caalamiga ah horta
waaba su’aale yaa argagixiso ah?.
Muuse Suudi waa ninkii ugu
horeeyay oo fura maxkamad islaami ah kana furay
deegaanka Madiina oo uu ugu magacdaray xumaan diid,
waxaa ka muuqata Sunada, isagoo leh Gar weyn dhowr jeer
ayaa waxa uu sheegay in wadanka aysan joogin wax
argagixiso ah.
Max’ed Qanyare Afrax dhowr
jeer ayuu ku celceliyay in wadanka aysan ku sugneyn
argagixiso, wuxuuse warkiisu ahaa mid boor isku qaris ah
hase yeeshee maanta ayuu banaanka isa soo dhigay.
Bashiir Raage isagu waaba
caddeystay oo Mareykanka iyo Yahuuduu ka amar qaataa oo
culumaduu dhoofiyaa waxa uuna ku tilmaamaa in ay yihiin
Al-Caaqida.
C/Rashiid Il-Qeyte waa ma
fekeri aan aqoon dantiisa waxaana filayaa in qandaraaska
uu dhinaciisa ka soo qaatay oo uu yahay hunguri raac oo
keliya.
Cabdi Waal tolkiis baa
inkaaray waana ficiis tuug, wuxuuna ku go’doonsan yahay
Deyniile, waana ninka dhibka maanta taagan Aabbe u ah,
waxa uuna warbaahinta ka sheegay in dagaalkaan uusan
joogsaneyn ilaa laga soo qabqabto kooxaha argagixisada
ah, balse waa ku khasaaray Allaahu Akbar.
Bootaan Ciise Caalin isaga
waa nin caan ku ahaa Isbaaro joogis iyo jid gooyn.
Cumar Filish xajka ayaan
ku soo arkay si weyn ayaa halkaasi loogu soo dhaweeyay
isagoo loo arkayay in uu yahay Wasiirka Diinta iyo
Ow-Qaafta, haddaba ma fileyn in Cumar Filish uu dib ugu
laabanayo waxii uu ka toobad keenay.
Haddaba akhristow waxay
daaha ka qaadeen in ay yihiin Munaafiqiin, mana la
socdaan xaaladda uu adduunku haatan ku sugan yahay
iyadoo la og yahay in warbaahinta reer Galbeedka ay
aflagaadeeyeen Nabiga (NNKH) ma jirto ragga haatan
isbahaysiga sameystay mid ka hadlay arrintaasi oo amba
cambaareeyay, ma garanayo sababta ay u aamuseen, ma
raali gareynta reer Galbeedka mise waa dhaqaale doon.
Raggaan mudo 15-sano ah
ayay dhiiga shacabka cabayeen iyadoo la og yahay in
Maxkamadaha islaamiga ah ay badbaadiyeen shacabka
Soomaaliyeed, mudadii yareyd ee ay dhisnaayeen, haddaba
isbahaysigaan sheydaanka waxay hor taagan yihiin mar
kasta in dalka ay dowlad ka dhalato, waayo, haddii ay
dowlad dhalato waxaa lagala wareegayaa ilaha Dhaqaalaha
oo ay gacanta ku hayaan sida Ayraboorada iyo Dekedaha.
Waxaa la yaab leh in ay
Culumada Soomaaliyeed ay kala saaraan, oo ay yiraahdaan
qaar waa Suufiyo, qaarna waa Wahaabiyo, haddaba Culumada
Soomaaliyeed waa kuwo mid qura ah, waxa ay qabteen waa
og yihiin shacabka Soomaaliyeed, xiligaana gurmadka
abaaraha waa kuwa horseedka u ah oo mar kasta ku howlan
in ay shacabkooda wax u qabtaan, waa su’aale
isbahaysigaan Sheydaanka ma jiraa nin bixiyay Kun Shilin,
jawaabtu waa maya, waxayse shacabka abaal-gud uga
dhigeen xabad iyo madaafiic in ay huwiyaan….. Alle ayaa
mahad iska leh haddii ay bannaanka isa soo dhigeen oo ay
maanta shacbka Soomaaliyeed kala garanayaan kan dhibka
ku haya iyo kan kale.
Akhristow Qofka insaanka
ah Alle maskax buu siiyay waxa uuna u siiyay in ay ku
fekeraan, haddaba waa su’aale Isbahaysiga Sheydaanka
maxay u fekeri la’ yihiin waxay haystaan ilihii
dhaqalaha dalka oo dhan, shacabka Muslimiinta ah ayay
dhiigooda baneysteen waxay mar kasta warbaahinta ka
yiraahdaan shacabka ayaan badbaadineynaa, Alla maxay
badbaadiyaan…. Shacabkeygoow Miskiin…. goormaad
baraarugeysaan, oo aad garan doontaan wixii dan idiin
ah?.
Akhristoow arrinta ay
sameeyeen isbahaysiga sheydaanka ma ahan mid ugub ah,
waayo xiligii Nabigu uu noolaa (NNKH) oo uu waxyigu ku
soo degayay waxaa jiray Munaafiqiin luggooyo ku hayay
Diinta Islaamka safka horena ku tukan jiray salaadda,
kuwaas waxay ahaayeen kuwo qarsoonaa, waxaa caddeeyay
Alle, blase ragga maanta banaanka isa soo dhigay waxaan
dhihi karnaa waa fursad qaali ah oo uu ka faa’iideysan
karo ruux ka kasta oo damiir diineed leh doonayana
raali ahaansha Alle.
Waxaa Ummadda Soomaaliyeed
la gudboon in ay fiiro gaar ah u lahaadaan hogaamiyaasha
doonaya in ay dalka u soo horkacaan mabada’ shisheeye
isla markaana doonaya in ay meesha ka saaraan isku
xukunka Shareecadda Islaamka. waxaana ugu baaqayaa in
raggaasi ay Alle u laabtaan maadaama ay tobaddu furan
tahay, in ay shacabka ka daayaan madaafiicda aan loo
Aabbe dayeen. in aysan arrimaha Diinta Islaamka fara
gashan oo aysan ka dhigin wax cayaar cayaar ah.
W/D: Xaliimo Jaamac Cilmi
(Xaliimo Qarad)
qarad22@hotmail.com
Afeef:
Aragtida qoraalkan waxaa leh qoraaga ku saxiixan
