GEEDDI DOQON MAAHAN. 

 Run ahanatii waxaan moodi jiray inuu Rasii’sul wasaaree Doqon yahay oo aad looga caqli badanyahay. Ama uusan garan karin wax dantu ugu jirto. Fikirkaygii sidasa ahaa wuxuu is badalay marki aan British Broadcasting Corporation ka dhagaystay labo warysi oo ay wax yar uun u dhexaysi markii uu siiyay idaacadda British Broadcasting Corporation.

 Labadasa wareysi wuxuu midka hore joogay magaalada Nairobi wuxuuna yiri: 

 ”Waxaan aaminsanahay ummadda Soomaaliyeed dagaal wey ka daashay. Sharcbiga Soomaaliyeedna dhiig baxiisiina wuu dhammaaday. Cidda hadda doonaysaa in ummaada Soomaaliyeed ay u horseeddo barakac iyo diif danbe indhaha ka qabsan mayno. 

 Haddaba waxaa taas lid ku ahaa markii uu 5-tii bishan desember 2006 uu waraysi oo uu yiri: 

 ”Dagaal la huri maayo mar haddii argagixisadu ay dalkeena joogaan oo hub iyo ciidamo ay ku soo daldalayaan iyo taageeraba. Dad Soomaalinimadu ay raqiis la tahay oo biidhi-qaate ah ay joogaan soo horkacayaan. Oo dadkooda iyo diintooda in la burburiyo heshiis kula ah cadawga Soomaaliyeed”. 

 Haddaba markaan leeyahay Geeddi doqon maahan waxaan ka wadaa in Geeddi uu ogyahay cidda cadawga soo hor-kacday ee biidhi-qaataha ah ee dalka iyo diintana kusoo duulay, Soomaalinimadana raqiiska la ah inuu isagu yahay. Laakiin ay cabsi ka keentay inuu cid kale dusha ka saaro isagoo markaas Midoowga Maxaakiimta Islaamiga ah (MMI) ah u duurxulaya. Taas waxaa caddayn u ah markii uu todobaadkii hore joogay Nairobi waa kii lahaa cidna kama yeelayno in ummadda Soomalaiyeed dagaal iyo bari kac loo horseedo. Ummadda Soomalaiyeedna way ka soo daashay dagaa. 

 Geeddi wuxuu isoo xusuusiyay dhacdo tan u dhow ayaa qabsatay gabyaagii weynaa ee Qamaan Bulxan. Waxayn ahayd isagoo Qorraxeey jooga oo tolkiisna ku jira ayuu gabay faan ah tiriyay. Isagoo ku faanayay in jilibka uu ka dhashay uu aad u faro badanyahay waxay dhigaanna lala yaabo. Waxaana ka mida ahaa erayadiisii 

•  Faro sheegay reer Magan, wuxuu falina waa yaabe

•  Qamaanoon fasaxin geel ninkii, foofiyaa daganee. 

 Haddaba waxaa arrintasa aad uga xumadaay Sayid Maxamed oo degaanka markaas ka talin jiray. Wuxuu u qaatay in isaga loogu gooddinayo ama loogu digaayo. Deedna wuxuu ergo u diray Qamaan oo waa loo keenay.

 Qamaan markii uu yimid xaruntii Daraawiishta ayuu Sayidku ka codsaday inuu Qamaan ku soo celiyo gabaygii uu tiriyay markii uu Qorraxeey joogay. Qammaan oo cabqari ahaa wuxuu gartay inuu xujoobay haddii uu gabayga sidiisi ugu soo celiyo. Marka waxuu tiriyay isla tixdii oo yara baddalay si uu u badbaado. Wuxuuna yiri;- 

•  Faro waa Daraawiish waxay, falina waa khayree

•  Sayidkoon fasaxin geel ninkii, foofiyoow daganee. 

 Haddaba waxaan filayaa waxa Geeddi ka keenay labadaas hadal ee kala fog inaysan ahayn  caqli xumo ee ay tahay maskax iyo cabsi uu naftiisa la baqay. Maxayse akhriste adiga kuula muuqataa?!!