Waxaan in badan maqlaa dad
Soomaaliyeed oo aqoonyahanoo isku sheegaya oo ku dooda in
tigreega hadda Itoobiya xukuma uu ka fiicanyahay ama ka
duwan yahay xukunkii Mingiste. Run ahaantii ma aqaan si day
u fikirayaan, laakiin waxaad mooddaa inay aqoon la’aan
hadlayaan oo ay iska sheegayaan waxaysanba ka warhayn.
Waxaa cad in
xabashidu ay cadaw noo tahay noocay doontaba ha noqotee.
Waxa ay biladaha isku siiyaana ay tahay hadba si ay ula
dagaalaan ummadda Soomaaliyeed. Madax-waynihii hore ee
Itoobiya Mingeste Xayle Maryan mar uu la hadlayay golahiisa
baarlamaanka wax yar ka hor intuusan cararin, wuxuu
yiri;-
" Guusha ugu wayn ee aan u soo
hooyay dalka Itoobiya waa inaan burburiyay dawladdkii
Soomaaliyeed oo aan dib danbe loo arki doonin dawlad
Soomaaliyeed ".
Waxaa laga yaabaa inay in badan is
waydiiso faa'iidad ugu jirta dawladda Itoobiya burburinta
Soomaaliya. Waxaanse filayaa inay cid kastaa u caddahay kana
jawaabi karto. Iyadoo sidaas ay jirtana bal aynu yara
qodabayno faa'iidada Itoobiya ugu jirta burburkii dawladda
Soomaaliya.
1- Itoobiya oo ah dawlad Kirishtaan ah
kuna dhex jirta jasiirad Muslimiin ah oo intay Muslimiintu
midnimo iyo walaanimo ku suganyihiin ay Itoobiya noloshu
ciriiri ku tahay.
2- Dalka Itooobiya oo ah saddex
meeloodoo laba meel iyo badh dhulkii dawladii Islaamka ahayd
ee Harar (Adari) fadhiyi jirtay laga dhacay iyo shacabka
Itoobiya oo 75% Musliin ah kuna jira gumaysi nooca ugu xun
oo markaa haddii ay Soomaaliya sii dhisnaato laga baqayo
inay raadiso dhulka Muslimiinta ka maqan shacabkana kiciso.
3- Itoobiya oo aan xeeb lahayn
gacantoodiina ay ka baxday xeebihii Muslimiinta Eretareeya.
Marka waxaa qasab ku ah inay raadsadaan xeebo kale. Taasna
waxaa lagu heli karaa jiritaan la'aanta dawladda
Soomaaliyeed.
4- Inta ka sokaysa qabsashada xeebaha
waxay ku talo jiraan inay helaan waxyaalaha ka soo dega
dekadaha Soomaaliyeed ee aan dawladda lahayn, sida Xamar,
Boosaaso, Kismaayo iyo Berbera. Kuwaasoo waqtigan xaadirka
ah wixii ka soo dega ku gala canshuur la’aan labada
dawladood ee Kiinya iyo Itoobiya. Waxa maanta ay labada
waddan ku camiranyihiina waa xoolahaas canshuur la'aanta
kaga soo dega dekadaha aan dawlada lahayn, kuna gala
canshuur la'aan.
5- In suuq xor ah oo aysan dawladi
maamulin loo helo maandooriye yaasha, sida Khamriga,
xashiishka oo waddanka aad loogu beeray iyo Qaadka. Taasoo
aad arkayso in maalin kastaa ay ka soo duulaan labadaas dal
dayuurado wada caws (Qaad) oo ayna ku noqdaan dayuurado wada
lacag adag. Khamrigana waxaaba lagu sameeyaa waddanka
gudahiisa oo waxaa sameeya xabashida joogta. Xashiishkana
waxaaba lagu beeray meelihii loogu talo galay in bariiska
lagu beero intii uu burburay qarankii soomaaliyeed.
6- In bulshada laga
baabi'iyo dhaqanka fiican iyo akhlaaqda, hoosna loo dhigo
xaaladooda caafimaadka oo cudrada xun xun ee aan dawada
lahayna lagu faafiyo, sida (AIDS-ka). Taasna waxaa fuliya
naago iyo rag u dhashay Itoobiya. Naaguhuna waxay meelo
badan oo dalka ka mid ah ka furteen goobo ay kaga
ganacsadaan jiidhkooda iyadoo ay u dheertahay jaasuusnimo ay
dawlada Itoobiya u jaasuusayaan.
Intaas aannu soo
sheegnay oo dhanna waxaa nooga marag kacaya duullankii
gardarada ahaa ee ay Itoobiya ku soo qaadday ummadda
Soomaaliyeed ee la ildaran daadadka iyo macaluusha. Ummaadda
Soomaaliyeed ee soo ceshatay wanaaggii iyo kala danbaytii 16
sano ka maqnayd caasimadda Muqdisho. Ummaadda Soomaaliyeed
ka guulaysatay qabqablayaashii giidh miiradka ahaa 16ka sano.
Itoobiya waxay
damacsanaydna wuxuu ahaa inay baabi'iso Muslimiinta geeska
Afrika, si ay taas u gaartana waxay doonaysaa inay hesho
dekado ay ku dhul ballaarsato.
Duullaamada ay
Itoobiya ku soo qaaddo ummadda muslimka ah ee Soomaliyeed
waxaa gacan xoog leh ku siiya Maraykanka, sida uu sheegay
wasiirka gaashaan dhigga ee Itoobiya, kadib markii duullaan
ku soo qaaden jabhaddii S/galbeed sannadkii 1994kii. Wuxuuna
yiri wasiirkaas isagoo BBCda u warramayay
"Waxaanu
dawladda Maraykanka ka helnay gargaar ah gawaarii gaashaam,
waxyaalo kalana waanu ka sugaynaa".
Duullaankii gobalka
Gedaba waxaa ka qayb galay helakobtardii maraykanka nooca
loo yaqaan (Cobra). Haddana waxaa hubanti ah duullaanka ay
itoobiyaanku soo qaadeen inay taageero ka haystaan Maraykan
oo ku waafaqsan arrintaas, kadib markii uu ku fashilmay
taageeradii uu soo siiyay qabqablayaashii dagaalka ee
Muqdisho.
Waxaa kaloo iyagana
gacan xoog leh siiyay dawladda Kiinya oo iyadu u sahayshay
inay Itoobiyaanku ka soo galaan dhinaca Kiinya. Run
ahaantiina dagaalka way u sinaayeen, mana kala sokeeyaan oo
iyaguna waa cadawga labaad ee ay Soomaalidu leedahay.
Cadaawada ay Kiinya u hayso Soomaalida waxaad ka heli kartaa
oo aan ku qeexay buugga la yiraahdo "Tuugo sharciyaysan"
ee soo baxay 1997kii. Kaas oo aan kaga hadlayay
dhibaatooyinkii ay booliiska Kiinya u gaysteen qaxootigii
Soomaaliyeed ee ku soo qaxay Kenya.
Waxaase
intaasoo dhan ka daran oo ka cadawtinimo badnaa madax-weyne
isku sheegga iyo ra’iisul wasaare isku sheegga iyo
baarlamaan isku sheegyada, Soomaaliyeed kuwaasoo dalkoodii
iyo dadkoodii u soo horqaaday cadaw soo jireen ah oo lana
col ah diinta iyo dhaqankagaba. Waxayna dadkoodii iyo
dalkoodiiba dhaafsadeen dhowr shilin, waaba haddii la siiyee!!.
Yaase u sheega inaysan Wayaanadu (Tikreegu) waxba bixinin
Daafi qallashay oo qudhuntay mooyaanee.
Bal nimankaas
cadawga soo horkacay maanta ma mudanyihiin in Madax-weyne
ama ra’iisul wasaare ama Wasiir ama Xil-dhibana lagu sheego?!!.
Kuwa kale ee qorshaha la wadaagana ma mudanyihiin in janano
iyo kornaylo iyo masuuliyiin lagu sheego, sida Jen. Cadde
Muuse, Cabdi Qeybdiid, Ismaaciil Buubaa, Shaati-guduud iyo
kuwa kalaba?!!. May. Ma mudna. Sababtoo ah ma ahan rag
waawayn mana ahan carruur. Ma aha jaahiliin, cilmina ma
lahan. Ma waalna, mana miyirqabaan. Reer magaalana ma ahan
reer baadiyana ma ahan. Waxaase lagu sheegi karaa :- "Waxba
yahoow" . Waana kuwuu gabayga ku tilmaamay gabayaagii
waynaa ee Soomaaliyeed Allaha u naxariistee C/laahi Suldaan
"Tima cadde"
"Rag
sagaashanka dhaafay
Oo gadhka
saynta gammaankiyo
Kebed soohan la moodaa
Sanbab loo lulayaa oo
Baruur saafiya mooda ".
Waxaan qormadaydan ku soo gabagabaynayaa
inay ummadda Soomaaliyeed isku kaashato wanaaga iyo khayrka,
cadawgeedana ka hortimaado oo dalkooda iyo diintooda ka
daafacato iyagoo is haysta. Waxaan kaloon ugu baaqayaa inay
ka haraan gadanayaasha doonaya inay dillaalaan dadka iyo
dalka Soomaaliyeed, kuwaasoo carruurtoodii iyo xaasaskoodii
dibadaha gaystay, oo doonaya inay carruutanada ku
dhammeeyaan madaafiicda ay sooo ganayaan iyo kuwa ay ku soo
hoggaaminayaan. Waxaan kalloon ugu baaqayaa inay u soo
laabtaan diintooda iyo Allihii abuuray way liibaanayaan
aakhiri iyo adduunba ee. Waligiina yaysan idin murginin daba
dhilifka iyo gumaysi raacaha doonaya inuu dhulka
Soomaaliyeed ka iibiyo gumaysi soo jireen ah. "Soomaaliyana
Soomaali baa leh".
Mohamed-Deeq Abadi-madar ”Haldhaa”
Chairman
of
The Somali Social
Democrats’ Party (SSDP)
haldhaa35@hotmail.com