ILAAHAY baa mahad baa mahadleh naxariis iyo nabad-galyana korkiisa
hayeelo nabigeenii suubanaa (scw).
Dadka webkan maamula iyo inta ku taxan ee wanaagga ka barata ama ku
taageertaba waxaan ilaahay idiinka baryayaaa guul adduun iyo
aakhiraba.
Runtii ma aanan ahayn dadka waxii la qoro jawaab ka bixiya sababtoo
ah muddo ayaan u sugaa ilaa 3 bari ah bal in cid igu dhaanta aqoon
ay ka digto ama u jawaabto, markaa hadii cidi ka digto waajibkii
waxaa gutay qofkaas anigana iima aha inaan dabo dhigato wax laga
digay ood waqti aan isaga lumiyo. markaanse waayey cid kadigta kan
waan ku khasbanaaday inaan DIGNIIN bixiyo.
Arrinta maqaalkan iga soo qorsiisay ma'aha wax fudud, Waxaa jirtay
gabadh loo han weynaa oo mar mar wax kusoo qori jirtay boggaga
soomaalida
DAHABO CIISE DAWLO marka iyadu
way khaldami kartaa oo waa banii aadam waxaanse aad uga yax yaxay
qaabka loogu soo qoray ciwaanka maqaalkaas farata waa weyn,
SOMALITALK taasoo kuu caddaynaysa sida raalli looga yahay. maqaalku
si guud buu u khaldan yahay.
Hadii qofka maqaalka leh ahaan jiray ruux fiican ma waxaad moodeen
inuu istaahilo in waxkasta laga qaato.
waxaa jirtay xilligii nabiga (scw) naag sharaf leh oo reer
BaniMakhsuum ah baa wax xadday ( TUUGO lagu helay) saxaabadii qaar
kamid ah waxay dheheen " naagtu sharaf bay lahaan jirtaye si aan
gacanta looga goynin yaa ka maslaxa nabiga " waxay u dirsadeen
Usaama bin Seyd oos nabigu jeclaa si uu ugu maslaxo naagta tuugada
lagu helay. Nabigu (scw) markuu ka warhelay arrinkii ayuu wajigiisii
guduutay CADHO daraadeed, Wuxuuna yiri " ma waxaad iiga shafeecaysaa
inaan iska cafiyo xad iyo xuduud ILAAHAY gooyey" dadkii buu u yimid
nabigu scw wuxuuna ku yiri "dadaw waxaa halaagay kuwii idinka
horeeyey waxay ahaayeen kuwo markuu mid miskiin ahi dabi galo aan
cafininee ku ooga xukunkiisa , hadiise kooda sharafta lihi danbi
galana iska cafiya. ILAAHAY baan kudhaartaye haday Faadumo bintu
Muxammed waa gabadhaydee wax xaddo gacanteeda waan goynayaa" sidii
baana naagtii reer banii makhsuum eetuugada lagu helay xukunkii lagu
fuliyey. meeshaa waxaa inooga cad qofna sharciga kama sarreeyo.
# Dahabo waxay inoo sheegtay qise iyada qabsatay, laakiin qaabka ay
usoo qortay uma muuqato digniin ee waa faaxisho la fidinayo,
sababtoo ah waxay inoo sheegtay, inay nin la haasaawaysay mudo
saddex toddobaad ah, ma xuma oo xaq bay u leedahay inay nin la
haasaawdo, laakiin waxay soo qortay u fiirso. uma muuqato qof caqli
ku shaqynaya iyo cilmi toona.
waxay tiri E-mailka la iisoo diray wax-yar buu ka badelnaa midkaan
dumaashay ku aqaannay, dunida ma ka jiraa e-mail ama magac aan isuu
ekeyn? maxaa u geeyey? takale hadaysan lix bilood dumaashideed u
jawaabin siday inoo sheegtay, sidee bay ku dhacday gabadha ay sidaa
u sharaf tirtay una jawaabi wayday 6bilood inay ku aaminto
mustaqbalkeeda oodhan maadaama ay qaadatay taladeedii ahayd ninbaan
kuu hayaayee raac.
# Hadayba dumaashideed ku ogaatay inay tahay naag xun oo dubai ragga
kula tumata maxaa iyada daba dhigay ka sal gaarridda iyo dabo galka
xaaladaha dadka, maqaalka waxaa ka muuqda inay iyaduna waa Dahabo
dawlee la-dhacday sida dumaashideed u dhaqanto waxayna inoo sheegtay
inay maqli jirtay DUBAI WAA LOO TUMASHO TAGAA
ma waxaa ladhiirri galinayaa naagaha qurbaha inay DUBAI tumasho u
raadsadaan mise paltalk baa looga digayaa? qofkii caqli lihi wuu
garan karaa ujeedada ka muuqata.
# Ninku wuxuu ku hadlayey erayo xadka shukaansiga ka baxsan oo SINO
ah siday inoo soo qortayna Dahabo waxay tiri ' wuxuu ila
galay ninkii haasaawe iyo raaxaysi ANNA WAAN LA JIIBIYEY"
taasooy macneheedu tahay inay SINADII kala qayb qaadatay, ogow sino
ma'aha ookaliya taynu naqaano, ee waxaa DHILLANIMADA kamid ah in
qofku hadal sino ah ku raaxaysto, inuu arko , inuu taabto IWM
waxay inoo sheegtay inay xataa sawirkeedii u dirtay. OGOW ninka
sidaas ah waa DHILLAY ama SAANI, haduu iyada khayaanay ooy ku
dhacday dabinkiisii waxaa laga rabay inay toobad keento, inay wixii
xumaan ah ILAAHAY dartiis u qarsato si aysan ummada ugu fidin, balse
ay si cilmiyeysan ummadda ugu digto. marka maadaama aan gabadha ku
ogayn maqaallo fiican hade faraskataa oo fiican mar buu kufaa
iyaduna maqaalkan way ku khaldanayd ee cudur-daar iyo toobad keen
halla timaaddo. hana laga saaro bogagga ay haddaba ku jiraan ileen
qaabka loo qoray maqaalka digniin uma muuqdee.
# Dahabo khayaanadii ninka way fahantay waxaase iga yaabisay wali
kamayna quusanin sababtoo ah waxay ina tiri "ninkii wali waa isla
qummanyahay oo waa idabo-socaa oo wuxuu i leeyahay aan is-guursanno
anna go'aan kama gaadhin oo waxaan go'aan ka sugayaa akhristayaasha
wixii laga yeeli lahaa" waxaa taa ka fiicnayd inaad sugto ood ninka
sawirkiisa noo soo dirto si ciidamada loogu jaado (xidho) markaa
isagoo dabin inoo galay aad sheekada oo cilmiyeysan inoo soo qorto
wixii danbi ahna aad kasaarto.
Talada hada waa sidaan kor ku xusay ninka arrinkiisa public kasoo
dhig, sawirkiisii hadaad haysana ciidanka kuugu dhaw u dhiib,
waqtigii xidhiidhkiinana lasoco si looga OGAADO khadkuu kaala soo
xidhiidhay waajibkiisana loo mariyo. adiguna waad danbaabtaye hadee
khayr ALLAHA kusiiyee toobadkeen oo ha u noqonin. ogowna daba-galka
qaarkiis waa lagu danbaabaa ee iska jir.
waxa aan wax kasheegay waa maqaalkaaga iyo intaad noo sheegtayba
inay khaldanaayeen in qaabkaas loo qoro, sida erayada qaarkood oonan
xataa awoodi karin inaan halkan ku muujiyo. laakiin waan ku
qaddarinaynaa wali oo banii aadamku waa khaldami karaa, balse waa in
maqaalka wax laga soo badelo waayo gabdhaha yar yar wuxuu barayaa xumaan
aanay horay u aqoonin adiguse waxaad is leedahay udig. meesha aan ka
soo horjeedo waa taas qaabka aad sheekada u soo qortay digniin uma
muuqato, waaana aniga aragtidayda.
mahadsanidiin
Qore: Cabdi cabullahi