Garoowe: Ka maqnaanshaha
madaxda dawlada Puntland ee Caasimada oo aysan tabin.
- Faalladii
SomaliTalk.com | Garoowe | May 10, 2007
Tan iyo markii uu soo
ifbaxay khilaafka ku kala dhexjira madaxda dawlad GPL gaar
ahaana Baarlamaanka iyo xukuumadda kaasi oo dhaliyay in
golaha xukuumaddu ay si dadban uga guuraan Caasimada ayna ku
sii shaqeeyaan Magaalada Boosaaso ayaan jirin wax is bedel
ah oo ku yimaada Caasimada iyada oo ay xilligana ka da'ayaan
roobab mahiigaan ah oo labadii habeen ee ugu danbaysayna ay
si is daba jooga ah uga da'ayaan roobab lagu diirsaday.
Dad waynaha ku dhaqan
Caasimada ayaa wax iska waydiinaya waxa ay iminka kala maqan
tahay hadiiba laga qaado Caasimada lagu duudsiinayo xaqooda.
Guddoomiye
Kuxigeenka Baarlamaanka DGPL, Salad Xareed Cali,
ayaa May 1, 2007 sheegay in Dhagxaan si sharci darro
ah looga dhoofiyo Boosaaso.
 Halkan
ka dhegeyso
|
Golaha baarlamaanka ee
joogtada ah ayaa ugu baaqay in ay si dhakhso ah ugu soo
xaadiraan madaxda dawlad Goboleedka Puntland xafiisyadooda
hadii kale ay kal fadhiga baarlamaanka horgayndoonaan
kalfadhiga soosocda hadalkaas oo aysan dhagjalaq u siinin.
[Waraysi uu Salaad Xareed Cali siiyey Raadiye Darwiish May 5
2007 oo ahayd shan maalmood ka dib markii baaqaa loo
jeediyey wasiirada, ayaa la weydiiyey inta wasiir ee
shaqadooda kusoo xaadiray, waxa uu ku jawaabey in Guddiga
Joogtada ah waxay sheegeen in saddex wasaaradood oo keliya
ay joogeen magaalada Garoowe, tirada wasaaradaha Puntland
waa 16...[
Halkan
ka dhegeyso kormeerkii Wasaaradaha Garoowe.]
Si kastaba ha ahaatee Caasimadda Puntland ee Garoowe ayaan
ilaa iyo iminka tabin ka maqnaanshaha laamaha dawladda gaar
ahaan Golaha wasiirada ee iminka ku maqan sida ku meel
gaarka ah waa sida ay iyagu hadalka u dhigeene.
Fawdadii oo istaagtay.
Sida ay dad badan iclaamiyeen waxaa is taagay habeenadii ugu
danbeeyay fadqalaladii iyo fowdadii ka jirtay Magaalada
Garoowe iyada oo la arki jiray xiliyada qaar burcad
habeenkii u istaagtay dadka dariiqyada kuwaasi oo baaritaan
ku sameeyay iyaga oo si gaar ahna u ugaaranaya qalabka loo
yaqaano Mobilka.
Tan iyo wixii ka danbeeyay ka tagitaanka Golaha wasiirada ee
Puntland ma jirin wax burcad iyo wax tuugo ah. Waxaana jira
dadweyne arrimahaas ku eedaynaya qaar ka mid ah ilaalada
Wasiirada iyaga oo ula wareegay fawdadii ka jirtay Garowe
dhankaasi iyo Bosaso.
Dhanka kale waxaa Arbacadii
Magaaladaasi Bosaso tuulo u dhaw oo lagu magacaabo Xiriiro
lagu afduubtay labo ajnabi ah oo u shaqaynayay haayada
Care Interanational kuwaasi oo waday hawlo samafal ah.
Labadaan nin ee la afduubtay ayaa u kala dhashay wadamada
England iyo Kenya ilaa iyo hadana lama garanayo sababta loo
afduubatay iyo cida ka danbaysa afduubka raggan ajnabiga ah
ee la afduubtay. Laakiin waxaa jira warar soo baxaya oo
sheegaya in ay la xiriirto doonyo lagu ganaaxay Magaalada
Boosaaso.
- Shaqaale Ajnabi ah
oo lagu af-duubtay Puntland
- Shirkii Buurtinle
oo la soo gaba-gabeeyey.
- Masar: Goloha
shacabka oo ka dooday doomo lagu haysto Puntland:
- Roobab lagu
Qaboobey oo xalay ka da'ay Degmada Xarfo ee Gobolka
Mudug
-
Halkan ka akhri.......
SomaliTalk.com | Garoowe
| May 10, 2007
| 
Daabaco
Boggan | Print