Hambalyo
ka timid Aqoonyahanada Jaaliyadda Leelkase ee UK
KU:-MADAXWEYNAHA
DGPL. 21/11/06
OG:-GOLAHA
XUKUMADDA DGPL.
OG:-GOLAHA BARLAMANKA DGPL.
OG:-CULUMO UDIINKA DGPL.
Annagoo ah
aqoonyahanada hoos ku xusan waxaan hambalyo
dirneynaa Madaxweynaha Maamul Goboleedka Puntland oo
asagu qaatay tillaabo ku dayasho mudan iyo
culumaa’udiinkii iyo waxgaradkii kale ee
suurageliyey in go’aankan taariikhiga ah ay qaataan.
Soomaaliya inta
taariikhda lagu hayo ma aanay dhicin in maamul
dhisan uu qaato talooyinka wax-ku-oolka ee
waxgaradka ama shacabkuba uu u soo jeediyo.
Wareegtada uu soo saaray Madaxweyne Cadde Muuse oo
ah in Puntland lagu dhaqo shareecada diinta islaamka,
waa tallaabo muhiim ah oo waddankeena u
horseedidoonta caddaalad iyo horumar ay ku
naaloodaan jiilalka soo socda.
Haddab waxaan
hambalyo iyo bogaadinba u direnaa Madaxweynaha Cadde
Muuse oo qaatay go’aan geesimnimo leh kaas oo wax
tar u ah ummadda reer Puntland iyo Soomaaliya guud
ahaanba. Waxaa rajeyneynaa iney wareegtadu u
hirgasho sidii loo soo saaray si cadaalad iyo
horumar loo gaaro. Waxaan kaloo ku boorrineynaa
qaybaha kala duwan ee maamulka puntland iyo
culumaa’udiinka iney dhakhso u hirgaliyaan ku
dhaqanka shareecada diinta islaamka oo ah tan kaliya
oo horumar lagu gaari karo.
Waxaan kaloo ku
talineynaa in laga fogaado wax kasta oo dhalinkara
dagaallo, buruburna u horseedi kara ummadda
Soomaaliyeed. Wax kasta oo khilaaf ah oo jira waa in
lagu dhammeeyaa wadahadal iyo isu tanaasul.
Hambalyadan waxaa
diray aqoonyahanada magacyadoodu hoos ku qoran
yihiin:-
- Dr. Hashi Muse
Kaarshe
- Dr. Abdisalam
Sheikh Hassan
- Dr. Ahmed
Farah Muse
- Dr. Abdirizaq
Mohamud Takar
- Eng. Hassan
Ahmed Ali ( Hassan Mattaan)
- Eng. Abdiaziz
Ali Ugaas
- Eng. Omar
Abdinur Nuh
- Eng.
Abdulkadir Mohamud Nuh
- Abdirizaq
Mohamud Ugas
- Abdullahi
Farah Da’ud
- Warsame Ahmed
Ali
- Mohamed Ahmed
Abdinor
Iyo rag kale oo
badan oo aduunka oo dhan kala jooga.
La xiriir: Xasaan
mataan axmed |
mattaan007@googlemail.com
Daabaco
Boggan | Print
