Prof. Geeddi: Soomaaliya Waa
Kililka 6aad ee Ethiopia, Calankii Buluugnaa ee Soomaaliyana
waa la Baabi'iyey.....
Sarkaal sare oo Ethiopian
ah ayaa warbixin
gurigiisa ku siiyey Prof. Cali Maxamed Geeddi, waxana uu uga
warbixiyey waxyaabihii dhacay 24kii saacadood ee ugu
dambeeyey ka dhacay Soomaaliya, waxana uu sarkaalkii warka ku bilaabay:
Xuseen Maxamed Faarax
Ceydiid Ra'iisul-wasaare K/xigeenka ahna Wasiirka Arrimaha
Gudaha ee Kililka Lixaad ee Ethiopia ayaa kulan gaar ah la qaatay
Odayaal-Dhaqameedka Degmada Banaadir, waxana uu odayaasha
Muqdisho si caddaan ah ugu sheegay in Soomaaliya si toos ah
loo hoos keenayo Ethiopia, oo labada dal laga dhigayo hal
dal, Xadka
in la baabi'inayo, Hal Ciidan ay yeelanayaan, Hal dhaqaale
yeelanayaan, hal Baasaboor ay qaadaan Soomaalida iyo
Itoobiyaanku. Waxana uu odayaasha ku adkeeyey in la
tirtirayo xuduuda caalamiga ah ee u dhaxaysa Soomaaliya iyo
Itoobiya. Sidii aan ku amarnayna waxa uu ka fogaadey in uu
xuso taariikhihii soo kala dhex maray Soomaaliya iyo
EThiopia, gaar ahaan 1528-35 ee Axmed Gurey, iyodagaalladii 1964 iyo
1977-78, iyo in Soomaalida iyo Xabashda ay ka dhexeysey
cadaawad dheer oo weli taagan.
[
DHEGEYSO:
CAYDIID OO KU DHAWAAQAY MIDAYNTA SOMALIA & ETHIOPIA IYO BAABI'INTA XADKA SOOMAALIYA -
Guji Linkiga,
markaas Fadlan wax yar sug
si codku computerkaaga ugu soo xeroodo, taas oo culayska ka
yaraneysa Severka oo dad badani akhrisanayaan].
Prof. Cali Maxamed Geeddi oo Diyaarad Militari oo
Itoobiyaan ah kentay Afgooye: 29/12/06, Sawirka:
AP |
Waxa kale oo Saraakiisha
Itoobiya ay Prof. Geeddi u sheegeen in ay bilaabaan hadalo
ay ku durayaan dalka Talyaaniga maadaama uu dalkaasi ahaa
kii gumeysan jirey Koonfurta Soomaaliya oo ay dhici karto in
beesha caalamku ay arrimaha Soomaaliya wax ka weydiiyaan.
Saraakiisha Ethiopia waxa
kale oo ay Geeddi u sheegeen in ay jirto warqad maanta uu
Guddoomiyaha Baarlamaanka DFKMG, Shariif Xasan Sh. Aaden oo
ku sugan Kenya uu
u diray Ban Ki-Moon, Xoghayaha Guud ee Qaramada Midoobey...
[Warqaddii ka eeg halkan..
PDF].
Waxa kale oo ay uga
warbixiyeen in Afar Diyaaradood oo kuwa helikobtarada
dagaalka ee Ethiopia in ay ku xad gudbeen hawada Kenya
iyagoo u malaynaya in ay weli ku jiraan Soomaaliya, taasina
ay markiiba ka caraysiisay ciidamada cirka ee Kenya oo
markiiba soo kiciyey diyaaradaha dagaalka, markaasna inta
diyaaradihii Ethiopia ay duqeeyeen goobo ka tirsan Kenya oo
dhow Dhooble ay u soo carareen xagga Soomaaliya si ay uga
badbaadaan Kenyaatiga diyaaradohooda oo soo cayrsaday.
Waxa kale oo saraakiisha
Itoobiya ay u sheegeen Prof. Cali Maxamed Geeddi in aysan
jirin qof yimid goobihii loo qoondeeyey in hubka lagu qaado
ee Muqdisho, oo uusanjirin qof soo xaadiray oo hubka iskiis
u keenay. Waxaana markaas saraakiishu soo jeediyeen in
berrito askar Ethiopian ah loo soo xiro dhar shicib oo saf
la soo geliyo ayagoo hub geynayey goobahaas, markaasna sawir
laga qaado oo la yiraahdo waa Soomaalidii oo hubka iskood
usoo wareejinaya, isla mar ahaantaasna waa in aan loo
ogolaan warbaahin aan ka ahayn Raadiyaha Codka Zenawi ee
Muqdisho si uu sawirradaas u qaado oo adduunka ugu qaybiyo.
Waxa kale oo ay saraakiisu
Geedi u sheegeen in Guddoomiyaha Wargeyska Haatuf, Yuusuf
Cabdi Gaboobe iyo tifatiraha wargeyskaa, Cali Cabdi Diini
lagu xiray Hargeysa maanta kaddib markii wargeyskaas lagu
qoray qoraalo taxane ah oo ku saabsan in qoyska Madaxtooyada
Hargeysa ay maal badan samaysteen intii ay talada hayeen.
Waxayana Geeddi xusuusiyeen in saxaafada Muqdisho laga rabo
in aysan qorin wax dawladdu aysan jeclayn haddii kale sidaas
oo kale ayaa ku dhici doonta. Waxayna u akhriyeen dhawr
cinwaan oo ay qoreen jaraa'idka Koonfurta Soomaalidu oo
cinwaan uga dhigeen: "Xussen Caydiid oo Dalkii Soomaaliya
sheegay in ay ku darayaan Itoobiya". "Xuseen Caydiid Oo
sheegay in la baabi'in doono xuduudaha Itoobiya iyo
Soomaaliya lana mideyn doono labada dal". "Caydiid: Xadka
Somalia iyo Ethiopia waa la tirtirayaa". "Xuseen Caydiid:
Soomaliya waxaa lagu Darayaa Itoobiya!". "Nacaladi ha ku
dhacdo hadalkii ka soo yeeray Xuseen Mohamed Caydiid!",
sidaas waxaa yiri Guddoomiyaha Ururka SORASOD: Eng. Idiris
Hassan Farah.
Saraakiishu waxa kale oo ay
Prof. Geeddi u sheegeen dilal maanta ka dhacay magaalooyin
ka tirsan Gobolka Gedo, kuwaas oo kala ah: BELEDXAAWO oo
lagu diley nin magaciisu ahaa Cabdi Buraale oo la toogtey
isagoo meel maqaaxi ah fadhiyey. LUUQ waxaa lagu diley nin
oday ahaa la oran jirey Hirre Margade. Taas oo ay ku
muujiyeen ammaan xumida jirta.
|
Opposition Members of Ethiopian Parliament :::: |
Honorable Temesgen : "We
can not stay in Somalia at the cost of our economy.
We speculate extension to Ethiopia in Somalia. Eth.
Foreign policy calls internal security than
external. No one can tell for sure next,..." |
Honorable Lidetu: " Wining
war and reconstructing are quit different. Our
admiration for Gov't`s clever engagement More
security measures are needed. Sooner evacuation the
better. “Individual hunt”, “group chase” seems begin
soon?.." |
Honorable Dr. Negasso: "Meles
should have thanked Bush. The Somali problem takes
its root in colonial times Self determination
necessary for Ogaden." |
Waxay Saraakiishu u
sheegeen Prof. Geeddi in xubnaha ku jira Baarlamaanka
Ethiopia ee mucaaradka ah ay aad uga soo hor jeedaan
dagaalka uu Zenawi kusoo aadey Muqdisho iyo Kismaayo,
waxayna u dhiibeen qoraal ku qoraa Af-Ingriisi -
[Eeg dhanka
midig ee boggan.]
Waxayna intaas u raaciyeen in dagaalkii ay
Itoobiya la gashay Maxkamadaha Islaamiga uu Ato Zenawi qirsan yahay in
Itoobiyaanka ay kaga dhinteen shan boqol (500) oo askari oo
"keliya", ayna kaga baxday lacag dhan 10 Million oo birr ah
[oo u dhiganta
$1.2 million doolar].
Geeddi isagoo dhimashadaas Itoobiya ka xun ayuu yiri:
askartiinu waxay joogayaan Soomaaliya muddo bilo ah. Markaas
ayaa Saraakiishii yiraahdeen: Geeddi xaalku waa sidee, dalka
sow lama aanaan wareegin, ma ilowdey taas. Markaas ayuu yiri:
Iga raali ahaada markaan sidaas lahaa waxaan weli gashanaa
shaarkii Ra'iisul wasaaraha Soomaaliya intii aan maamulku
idinku soo wareegin.
Saraakiisu waxay Geeddi ku
dejiyeen in Kismaayo loo furay Qaadkii iyo Shaneemooyinkii,
ayna tahay lacagta laga helo Qaadka laga keeno Ethiopia in
laga heli doono lacagtaas 10-ka million ee birr ah ee ilaa
hadda kaga baxday dagaalka.
Xaaladda Maxaakiimta iyagoo
uga warbixinaya Saraakiisu waxay Geedi ku yiraahdeen in
Telefishnka Aljazeera uu soo
xigtey in la soo weriyey in Cabdirahim Cali Muudey uu
sheegay "Haddii Adduunku u malaynayo in aan dimanay, waa in
ay ogaadaan in aan noolnahay. Waxaan ka soo dhex bixi doonaa
dambaska".
Waxay saraakiisu Geeddi
weydiiyeen sababta keentay in Aadan Garaaso oo ahaa
guddoomiyihii degmada Baladweyne iyo Yuusuf Axmed Xagar (Yuusuf
Dabageed) ay ciidamo ay wataan isugu wareejiyeen dhammaan
goobihii dawladda ee Beledweyne iyagoo ka soo horjeeda xil
ka qaadistii shalay lagu sameeyey ee G/Hiiraan loo dhiibey
maamul cusub. Waxa kale oo ay u sheegeen in Maxamed Qanyare
Afrax uu yiri "Hubkeyga in ku wareejiyo cid kale ma dhacayso,
ma dhacayso in aan ku wareejiyo dowladda federaalka, illaa
qodobka hub dhigista baarlamaanka la horgeeyo, oo markaas uu
baarlamaanku isku raaco hub ka dhigis." Waxay kaloo u
sheegeen in Barre Hiiraale uu ka dhega adaygayo in uu
yimaado Muqdisho.
Markii shirkii Geeddi iyo
saraakiisha Ethiopia dhammaaday ayaa weriye reer Muqdisho ah
oo hadalka Xuseen Caydiid maqlay waxa uu su'aalo weydiiyey
Prof. Geeddi, hadalkan ayaana dhex maray:
Weriye: Jaalle
Ra'iisul wasaare, waxaad nooga warbixisaa xaaladda hadda ee
Soomaaliya, maxaase sabab u ah in Ciidamada Ethiopia ay weli
kusoo qulqulayaan dalka?
Geeddi: Ugu horayn
maanta waxaa Jilib lagu diley laba askari oo Xabashi ah...
Sug.. sug... aan halkaas ku celiyee: Maanta waxaa Jilib lagu
diley laba askari oo saaxiibadeen ah oo Ethiopian ah. Ciidamada Ethiopia
sababaha loo soo kordhinayo waxay tahay waxaa laga cabsi
qabaa in dalka uu kacdoon cusub ka dhaco maadaama DFKMG ay
cadaysay mowqifkeeda in Soomaaliya lagu darayo dalka aan
saaxiibka ahaan jireyn oo weligeen aan dagaalku ina
dhex marin ee aan dhulka inaga haysan ee Ethiopia. Hadalka
uu ku hadlay Xuseen Caydiid waa hadalka DFKMG maadaama uu
ahaa wasiirkii arrimaha gudaha ee Soomaaliya ka hor intii
aan Itoobiya lagu darin. Waxaa saraakiisha Ethiopia soo
ogaadeen in dalka uu ka soo socdo kacdoon la mid ah kii
dalka looga saaray qabqablayaashii hore, kan oo
Ethiopia lagula dagaalamayo oo Soomaalida oo dhammi ay
midoobi doonaan, arrintaas oo halis ku ah xukuumada xakunta
Raas casayr ilaa Raas Kambooni ilaa balliyada uu ka
bilowdo webiga Niilka Buluugga ah (Blue Nile).
Weriye: Jaalle
Ra'iisul wasaare, ma waxaad leedahay Soomaaliya hadda ma
ahan dal xor ah?
Geeddi: Soomaaliya
16 sano dawlad ma lahayn, Ethiopia intaas dawlad ayey lahayd. Qorshahan in Soomaaliya lagu daro Ethiopia xilli hore ayuu
soo bilowday, waxaase la dardar geliyey intii uu socdey
shirkii Mpagathi, Kenya. Xilligaas waxaa magaalada Addis
Ababa oo aan markaas joogey iigu yimid saraakiil Ethiopian
ah, waxaana la ii ballan qaaday in Ra'iisul wasaare la iiga
dhigi doono Soomaaliya, haddii aan ballan qaado in aan
Soomaaliya ka dhigayo gobol la mid ah sida Kililka 5aad.
Waxaan markaas weydiiyey saraakiishii sida ay taasi ku hir geleyso,
waxayna saraakiishii ii sheegeen: In si loogu gogol dhigo
qorshaha hadda hor dhiciisu muuqdo in Bishii Febraayo 6,
1996 ay Itoobiya raggeeda khubarada ah ay shir qaateen,
waxana shirkaas isla maalintaas la go'aamiyey in Calankii
Hore ee Itoobiya la bedelo, laguna bedelo calan ay dhexda
kaga sawiraran tahay xiddigta shanta gees leh, taas oo
qorshuhu ahaa marka la mideeyo Soomaaliya iyo Itoobiya in
Soomaalidu iska dhex arkaan calanka Itoobiya oo aysan dhehin
calankayagii aaway. Waxaan markaas weydiiyey aniga, Geeddi
ahaan maxaad iiga baahan tihiin, waxay markaas igu
yiraahdeen: Ugu horrayn marka aad Ra'iisul wasaaraha noqotid
waa in aad si cad u sheegtaa in aysan jirin dhul Soomaaliya
ka maqan, taas oo aan fuliyey, waxaana taas Soomaalidu hadda
u yaqaanaan
GEFKII GEEDDI. Itoobiya waxa kale oo ay ii sheegeen in
aysan bad lahayn oo ay rabaan xeebaha Soomaaliya, taasna
waxay ku caddeeyeen
websiteka Wasaaradda Arrimaha Dibadda Itoobiya oo wax
qarsoon ma aha. Ugu dambaytana waxay ahayd in la Addis Ababa
la iiga keenay Khariidad muujineysa in magaca Soomaaliya
laga masaxay Khariidada.
Weriye: Lakiin
Khariidadaas in xafiiskaaga laga helay maxaad u beeniseen?
Geeddi: Markaan
beeninay waxaan joogney Baydhabo oo weli awooda ayaan
urursaneyney mana rabin in aan indhaha Soomaalida isku soo
jeedino, hadda xoog ayaan yeelanay oo sidaas ayaan
mowqif-keena u cadaynay.
Weriye: Jaalle
Ra'iisul wasaare, waa sidee xaalku waxaad u hadleysaa sidii
nin Itoobiyaan ah'e?
Geeddi: Meeshaan qof
kasta inta uu soo gaaro ayuu ka qaadanayaa inta aan Itoobiya
toos ula wareegin, waad aragtaan in
hadda Xuseen Maxamed Faarax Caydiid sheegay in Guddoomiyaha
Baarlamaanka DFKMG, Shariif Xasan Sheikh Aaden inuu in ka
badan $3-million oo Doolar uu kasoo qaatay Midowga Yurub,
taasoo ahayd lacag loogu dhiibey Ummada Soomaaliyeed
iyo DFKMG.
Weriye: Marka aad
leedahay Ummada Soomaaliyeed iyo DFKMG, tan kale Ra'iisul
wasaare aan kaa dhex galee: Waxaad sheegteen in ay Hal
Baasaboor qaadanayaan Soomaaliya iyo Itoobiya, waxaana jirta
in aad dhowaan malaayiin doolar kubixiseen Baasaboor aad
tiraahdeen waa casri oo waxaa loo sameeyey Soomaalida, marka
sow taas lama dhehi karo idinka ayaaba malaayiin doolar
qaatay halka aad Shariif Xasan oo keliya kaga eedayneysaan
saddex malyan oo doolar in uu qaadatay?
Geeddi: Su'aasha
ahore haddaan kaaga jawaabo: Ummada
Soomaaliyeed waa shacabka aan war hayn, DFKMG ahna waa tan
uu Caydiid sheegay in ay baabi'neyso xadka Soomaaliya,
sidaas ayey u kala duwan yihiin, waayo shacabku ma ogola in
ay Amxaaro xakunto. Su'aasha labaad jawaabteeda waa kuu hor
mariyey oo waxaan ku iri "Meeshaan qof
kasta inta uu soo gaaro ayuu ka qaadanayaa inta aan Itoobiya
toos ula wareegin." Laakiin taas cidna ha u sheegin.
Weriye: Jaalle
Ra'iisul wasaare, horta kama tirsani Raadiyo Muqdisho sidaas
daraadeed ma qarinayo wixii aad ii sheegto ee ha khaldamin.
Tan kale Maxaa sababay in Xuseen Caydiid uu xuso in
Webiyaasha Jubba iyo Shabeelle ay ka soo bilowdaan Itoobiya.
Niilka Buluuga iyo Niilka Cad
Sawirka: Wikipead |
Geeddi: Wiil yar
ayaad tahay ee waxaan kuu sheegayaa taarikh kooban oo ku
saabsan dagaalka Biyaha Afrika ee i dhegeyso: Waxaa jira
heshiis sannadkii 1929 dhex maray dalka Masar iyo Boqortooyadii
Ingriiska (oo ku hadleysey codka Sudan maadaama ay xilligaas
gumaysaneysey), heshiiskaas oo loo yaqaan "1929 Nile
Treaty" waxa uu dalka Masar siinayey xusuuqda ugu badan ee
adeegsiga biyaha
webiga Nile. Waxaana heshiiskaas markale dib loo eegay
sannadkii 1959 (waxaana sidaas dalbatay Sudan).
Heshiisyadaas wax tixgelin ah lama siin Ethiopia oo
qiyaastii ilaa 80% biyaha webiga Blue Nile ay ka soo
bilowdaan [Webiga
Niil ee uu ku tiirsan yahay dhaqaalaha dalka Masar waxa biyihiisu
ka yimaadaan labada webi ee Niilka Cad "White Nile" oo ka
soo bilowda Harada Victoria ee ay wadaagaan Kenya, Tanzania
iyo Uganda, iyo Webiga Niilka Buluugga "Blue Nile" oo
kasoo bilowda Haarata "Lake Tana" oo ku taal Ethiopia,
waxaana webigaas dhanka Ethiopia looga yaqaan "Abay" ama "Giyon".
Labada webi ee Niilka-Cad iyo Niilka-Buluuga waxay ku
kulmaan bartamaha magalada Khartuum ee dalka Suudaan, markaas ayey noqdaan
Niilka waraabiya beeraha dalka Masar oo ay dagaalka ka xigto
haddii biyahaas ay Ethiopia ka faa'iidaysato iyadoo aan
Masar lagala tashan ]. Sidaas darteed Ethiopia looma ogola
in ay mashaariic horumarin ah ka fuliso Webiga Blue
Nile ee dalkeeda ka soo bilowda, haddii ay sidaas samayso
dalalka Sudan iyo Masar ayaa soo weeraraya Ethiopia oo ah
dalal aad u xoog weyn. Markaas
waa in Itoobiya hesho meel kale oo ay horumar ku samayso si
ay dadkeeda oo hadda kor u dhaafay 75 million u helaan cunto
ku filan.
Haddaba meesha ugu dhow ayaa noqotay dhulka baaxadda weyn ee
Soomaaliya maadaama tirada Soomaalidu ay yihiin 9 million oo
keliya ayna haystaan dhul ballaaran oo ay maraan Webiyada
Jubba iyo Shabeelle iyo xeeb aad u dheer, sidaasna dadka
tirada badan ee reer Itoobiya la soo dejiyo dhulkaas
barwaaqada ah.
Weriye: Jaalle
ra'iisul wasaare waxaad xustay in heshiiskii 1929 aan
Ingiriisku wax tixgelin ah siin Ethiopia markii biyaha
webiga Niil la qaybsanayey, sidee taasi ku dhacday?
Geeddi: Ingriisku
waxa uu Itoobiya ku qanciyey in uu siinayo dhulkii loo aqoon
jirey "Hawd /Reserve Area" ee Galbeedkii Soomaaliya. Waxaa
kale oo Itoobiya markii ay murantay la xusuusiyey Heshiiskii
loo aqoon jirey "Tripartite Accord" ee 1894. Heshiiskaas
oo Boqor Mililikh lagu siiyey in uu qaato
dhulka galbeed ee Soomaaliya ee hadda loo bixiyey Ogaden si
loogu arko in hal qabiil leeyahay oo aan Soomaalida kale dan
uga yeelan, Itoobiyana ay u bixisay Kililka 5aad.
Weriye: Waa gartay....
Laakiin...
Geeddi: Sug weli ma
dhamaysane.. Taariikh ayaan soo dhex geliyey'e.... markii la ii
keenay Khariidada ayaan su'aal weydiiyey saraakiishii
Itoobiya, su'aashaas oo ahayd: Khariidadani waa mid u eg in
la soo macmalay. Saraakiishii Itoobiya inta ay igu qosleen
ayey i yiraahdeen: Sidaas annagaa ugu talo gallay waayo
annagu dib u qori meyno Kharidida Afrika oo dhan, balse
waxaan wax ka beddeley khariidad jirta oo inta Soomaaliya ka masaxney aan ku dul qornay Ethiopia anagoo
adeegsaneyna Photoshop, waxaana muuqata in khaddu kala duwan
tahay, waana sida aan rabno in qorayaashiina ay shaki u geliso
oo ay ugu maleeyaan macmal.
Weriye: Haye...
Geeddi: Waxay
markaas saraakiisii ii sheegeen marka ay Muqdisho ku geyso
diyaarad Ethipian ah ayaa jariidada Daily Monitor ee
kasoo baxda Addis Ababa waxay qori doontaa cinwaanka "Mission Accomplished", taas oo ah baaq ay DFKMG ugu sheegayaan in si degdeg ah
loogu dhawaaqo in xadka Soomaaliya iyo Itoobiya la baabi'yo...
Weriye: Ka warran
jariidadaasi haddii ay qorto cinwaanka "The
fault lines of civilizations" oo ay qortay
International Herald Tribune. Ama ay qoraan hadalkan:
"Muslims in Ethiopia are angry," said Isaac Eshetu, 25, a
student. "For 2,000 years they've been living as strangers
in their own motherland." oo ay qortay post-gazette.com.
Geeddi: Jawaab taas
uma hayo, waxaanse jawaan u hayaa in maalmaha soo socda aan
Raadiyaha Codka Zenawi ka sheegi doono in la baabi'yey
calankii Soomaaliya, madaxweynaha Soomaaliyana uu yahay
Meles Zenawi, aniguna aan Gubarnatoore ka ahay Soomaaliya.
Taasna waxaa kuugu daliil ah in Xuseen
Ceydiid uu ku nuux nuuxsaday in Dowladda Ethiopia ay wax
badan ka qaban doonto xaaladda dalka Soomaaliya taas oo ah
baaq kale oo aan isku ognahay.
Weriye: Jaalle
Ra'iisul wasaare waxaan maqallay in
Kooshin Maxamed oo ah Soomaali deggan magaalada Seattle
ee gobolka Washington ee galbeedka Maraykanka uu
Madaxweynaha DFKMG, Cabdullaahi Yuusuf, weydiistey in uu
noqdo Safiirka Soomaaliya u fadhiya Maraykanka, marka
dawladdiisa ay Maraykanku si rasmi ah u aqoonsadaan, marka
Safiirkaasi hawshiisu mexey noqon doontaa haddii dalka la
hoos geeyo Ethiopia?
Geeddi: Cabdullaahi
Yuusuf ayaad taas weydiineysaan.
Weriye: Madaxweyne Cabdullaahi
Yuusuf waxa uu hadda aadey Mombasa si uu ula kulmo Mai Kibaki-ga Kenya si uu
taageero ugu helo in la keeno Soomaaliya ciidamado nabad
ilaalin ah oo Afrikaan ah, arrintaasi miyeysan khilaafsanayn
hadalada aad sheegtay.
Geeddi: Ciidamadaasi
waa kuwo dadka lagu jaah wareerinayo. Waayo waa maxay hadal aad sugi lahayd oo ka dambeeya
haddii aan niri: "Waxaa la midaynayaa labada
dawladeed ee Soomaaliya iyo Itoobiya oo laga dhigayo hal dal
oo aan xad u dhexayn maadaama xadka la baabi'yey,
baasaboorkana hal baasaboor la qaadanayo, hal lacag, hal
dhaqaale, hal ciidan."
Sawirada: Google
News/Images, Yahoo images
Daabaco
Boggan | Print
adopted 6 February 1996
