Gabdhaha magaalada Eindhoven ee dalka
Holland oo gargaar lacageed gaarsiiyay gabadhii yarayd ee Burada ku tiil (Xaliimo
Hirre).
- "Gabadhan ayaa Aabbaheed ka keenay
halka ay dagganaayeen ee Godey, kaddib markii hooyadii dhashay ay
dhimatay, waa labo jir nolosha ku dhiban, aabaheed isagoo daawo u
raadinaya ayuu u soo boqoolay magaalada Muqdisho oo illaa iyo haddana aysan
jirin wax uga hirgalay arrimahaasi..."
![](hal01.gif)
Cabdulaahi Black oo gudoosiinaya lacag aabbe Hirre |
W/D Amiin Yuusuf Khasaaro
E-Mail amiinkhasaaro@hotmail.com
SomaliTalk.com | Muqdisho, Soomaaliya
July 3, 2005 12:35:52 PM
Munaasabad lagu maamuusayay bixinta deeq
lacageed oo gaaraysa ilaa $800 oo ay ku deeqeen gabdhaha Soomaaliyeed ee
deggan magaalada Eindhoven ee dalka Holland ayaa galabta lagu qabtay
Isbitalka Al-Xikma ee magaalada Muqdisho. Gudoomiyaha ururka wargaysyada
madaxabanaan ee Soomaaliyeed (Somali Independent Newspapers Association
SOINA) C/llaahi Maxamed Xasan (Black) oo ka wakiil ah gabdhaha Jaaliyadda ee
dalka Holand ayaa lacagtaasi guddoonsiiyay Aabaha dhalay gabadha yarta ah ee
lagu magacaabo Hirre Xuseen.
C/llaah Black oo munaasabadaasi ka hadlay
ayaa sheegay in Saxaafaddu ay ahayd middii daah furtay dhibaatada gabadhan
gaarsiisayna dadka Soomaaliyeed gudaha iyo dibaddaba iyadoo isla markaana ay
saxaafaddu dadkaasi ka codsatay in ay u soo gurmadaan gabadhaa yarta ah ee
gargaarka u baahan, isla markaana wuxuu u mahadceliyay gabdhaha Soomaaliyeed
ee magaalada Eindhoven ee dalka Holland sida ay ugu damqadeen dhibaatada
gabadhaa haysata isla markaan ay ugu soo deeqeen lacagta $800 ah.
Intaa kaddib waxaa halkaa ka hadlay Aabbaha
dhalay gabadha yarta ah Hirre Xuseen oo caddeeyay in uu $800 ka guddoomay
gabdhaha Eindhoven ee dalka Holland uuna uga mahadcelinayo dareenkooda
Soomaalinimo iyo damqashada ay ka damqadeen xanuunka iyo dhibaatada haysata
gabadhiisa yarta ah.
![](hal02.gif)
Cabdulahi Black oo warbixin siinaya saxaafadda |
![](ha04.jpg)
Dr.Cabdi Ibraahin Jiya| Al-Hikma
Hospital |
![](hal03.gif)
Aabbe Hirre oo dhabta ku haya gabdhiisa
|
Agaasimaha Isbitaalka Al-Xikma Dr.Cabdi
Ibraahim Jiya oo isagana halkaa ka hadlay ayaa marka hore tilmaamay xaaladda
ay hadda ku sugan tahay gabadha yarta ah ee xaliimo Hirre wuxuuna sheegay in
xaaladeeda ay hadda aad halis u tahay ayna u baahan tahay inay hesho qaliin
degdeg ah, isagoo xusay in cunno kasta oo ay qaadato wax badan uusan
jirkeeda intifaacsanayn taasna ay ugu wacan tahay burada aadka u wayn ee
gabadhaa ku taala.
Dr.Jiya wuxuu kaloo xusay in dadka dibadda
ku nool ay wax badan fahmeen uuna uga mahadcelinayo sida mar kasta ay u soo
gargaaraan dadka walaalahooda ah ee ku dhibaataysan dalka gudihiisa isagoo
xusay in gargaarkan lacageed ee ay maanta soo gaarsiiyeen gabdhaha magaalada
Eindhoven ee dalka Holland uusan ahayn kii ugu horreeyay balse weli aysan
dhamaystirmin lacagaha looga baahanyahay in gabadhaasi qaliin dibadda ah
loogu diro wuxuuna u soo jeediyay dadka Soomaaliyeed ee dibadda iyo gudahaba
ku nool inay la soo dhaqsadaan gargaarka ay ugu tala galeen gabadhaan yarta
ah si nolosheeda loo badbaadiyo.
Dr.Jiya agaasimaha Isbitaalka Al-Xikma ee
magaalada Muqdisho ayaa muddo bil ahba gacanta ku haya gabadhan yarta ah ee
Xaliima Hirre Xuseen oo buro aad u wayn ay uga taalo kaadi mareenka, iyadoo
buradaasi ay buuxisay halka u dhaxaysa labada lugood ee gabadha.
Gabadhan ayaa Aabbaheed ka keenay halka ay
dagganaayeen ee Godey, kaddib markii hooyadii dhashay ay dhimatay, waa labo
jir nolosha ku dhiban, aabaheed isagoo daawo u raadinaya ayuu u soo boqoolay magaalada
Muqdisho oo illaa iyo haddana aysan jirin wax uga hirgalay arrimahaasi
iyadoo la rajaynayo in gargaar gudaha iyo dibaddaba uga yimaado lala sugayo
inay gabadhaasi hesho qalliin dibadda ah maadaama dhaqaatiirtii dalka ay
sheegeen in aan lagu qali karin Somalia.
Bahda SomaliTalk waxay ugu baaqeysaa
dhammaan shacabka Soomaaliyeed in ay u gurmadaan gabadhaas yar ee rajada ah,
oo aabeheedna uu san haysan wax dhaqaale ah oo uu ugu gargaaro. Allah
hortiis gabadhaas ugu gargaraara.
Xaggee lagala xiriiri karaa qoyska gabadha
haddii su'aashaadu tahay, waxaa la xiriirtaa dhakhtarka gacanta ku haya oo
ah:
Waxaa qoraalkan iyo sawirada isku soo dubaridey::
Amiin Yuusuf Khasaaro
amiinkhasaaro@hotmail.com
SomaliTalk.com | Muqdisho
Faafin: SomaliTalk.com | July 3, 2005
Codsigii Zahra
Cabdi... GUJI
Fadlan ka Qayb qaado u gargaarka Gabadhaas
yar.. akhri halkan....
Kulaabo bogga www.SomaliTalk.com
|