Codsi : Gargaar Degdeg ah ufidin
Xaliimo Hirre Xuseen
![](hal03.gif)
Aabbe Hirre oo dhabta ku haya gabdhiisa
|
Xaliimo Hirre Xuseen oo ah
gabadha yar ee labo jirka ayaa ilaa iyo intii ay ka arkeen dad
badan oo Soomaali ah qalabka internerka dhibaatada aad u
xanuunka badan ee haysata, ilmahaas yar aad uga xanuusadeen
waline uga xanuusanaya Waxaa waajib nagu ah in aan u ducayno
ilmahaas yar in Ilaahay Subxaanahu Watacaalaa ka qaado dhibkan
culus,hiil iyo hoona aan loo kala harin,waxay tahay oo kale in
loo duceeyo muslimiintii Soomaaliyeed ee u soo uruuriyay
lacagta,inkastoo ay baahi weyn u qabaan lacagtaas Xaliima iyo
aabbaheed haddan waxaan ka codsanayaa dhammaan Soomaalida ku
sugun dibbeda iyo gudahaba in ay xoogga saaraan sidii gabadha si
deg deg ah loogu soo dhoofin lahaa meeshii looga goyn lahaa
buradaas, lacagta waxaa ka sii weyn nolosheeda iyo sidii loo
badbaadin lahaa ilmahaas yar.
Waxaa la sheegay in Xaliimo aysan
wax cunin waxna cabbin,kaadinin isla markaana saxaroon maalinba
maalinta ka dambaysana xaalkeedu sii daciifayo xanuunka hayana
uusan daqiiqadna ka hakanin, Waxaan Walaalaha Muslimiinta ee
Soomaaliyeed si naxariis leh uga codsanayaa meel kasta oo ay
joogaan in Xaliimo sidii Soomaaliya looga soo saari lahaa lagu
dadaalo,waxaan maqlay in mid ka mid ah shirkadaha diyaaradaha
Soomaaliyeed ay diyaar u tahay in ay lacag la'aan ugu qaadayso
Xaliima iyo aabbeheed Abu Dabay,marka maxaa Xaliima ugu
eeganaynaa dhibkaas lixaadka leh.Aniga waxaan qabaa in baasaboor
si dag dag ah loogu sameeyo la iska soo qaado, hana la keeno Abu
Dabay viiso la'aan,haddii lagu arko aiport Dubay waxaa laga
yaabaa in Ilaahay Subxaanahu Watacaa u saqiro addoomihiisa oo ay
daaweeyaan buradaasna laga gooyo, Burada goynteeda wax sidaas u
sii dhib badan ma'ahan haddii la helo takhaatiir haysta qalab
iyo takhasus. Waxaan la xiriiyay hay'ado dhowr ah waddankan
Holland haseyeeshee weli ma hayo jawaab wacan inkastoo aan
rajaynayo in ay codsigeyga tixgelin doonaan inshaa Allah.
Faafin: SomaliTalk.com | July 5, 2005
Zahra Abdi
umubakar@hotmail.com
Fadlan ka Qayb qaado u gargaarka Gabadhaas
yar.. akhri halkan....
Kulaabo bogga www.SomaliTalk.com
|