c/rizaaq A.adan ali
kaneec
Lasoco isbuuc kasta
suugaan taxanaha oo aan kasooweriyey alaha u
xariistee abwaankii
waynaa mujaahid
Ismaaciil Mire Cilmi:
C/risaaq A.CAli
Kaneec
silsilada
gabayada ismaaciil mire
Maanta waxaan
xusaynaa gabyaagii weynaa ee la odhan jirey
ISMAACIIL MIRE oo ahaa gabyaa soomaaliyeed, oo door
weyna ka soo qaatay, siiba xilligii daraawiishtu ay
la dagaalamaysey gumeystihii ingiriiska. hada
gabyaagu wuxuu kudhashay deegaanka laasadaar oo
udhow buuhoodle 1882,gabyaagani ayaa lagu xusey
gayadiisa iyo taariikhdasaba waxaa sanadkii 2002
bishii 3aad gabayadiisa lagusoo qaatey jaamacada
khartoum qaybta sugaanta in ay kamnoqdaan gabayo
kamid ah manjahka tacliimiiga kuliyada suugaanta ama
adabka.
Hadaba inkastoo
aynaan taariikhdii ISMAACIIL MIRE halkan ku soo
koobi Karin misana misena waxaynu dad waynaha ugu
talagalnay in aanu xasuusino suugaanta soomaaliyed
ee ay la dhaceen dad yow aan soomaali ahayn hada
gabayga ay aad ka ulayaabeen suugaanta ardada
jaamacada khartoum ee dadka sudan wuxuu ahaa
gabaygan,oo layiraahdo guuguule profeser ka tirsan
jaamacadaas baa igu yiri weligey ma arag ninkan nin
ka aftaahnsan maraka hada dhowaan ayey jaamacadaas
carabi kuturju mi doontaa dhamaan gabayada abwaan
al-mujaahid ismaaciil mire,hadaba yaa nan idinku
dheereenine maanta ayenu qaadano labadana gabay ee
ugu horeeya isbuucaan waxay noqon doonaan AFAR gabay
ee hoos kuxusan waxayna kala yihiin
- 1-Gabaygii:
Nabadi waa door
- 2-Gabaygii:
Hadii geed la jaro
-
3-Gabaygii:Hayinka ii rara
- 4-Garanayaan
Sheegay
1-Gabaygii: Nabadi
waa door
1920 markii
Daraawiish halgankeedi hakadka galay ee Diyaaradaha
lagu garaacay ayaa Ismaaciil mire xabsiga la dhigay
kolkii usoo baxay oo uu degmadii Ciid yimid si
fiican ayaa loo soo dhaweeyey. Reer Hagar ayaa si
door ah u marti geliyey isagoo caydh ah oo ana tulud
iyo waxar toona lagu ogayn dadkii kale Ismaaciil la
mid ahaana si wanaagsan ayay ula qabteen
Iyadoo uu ismaaciil
arimahaas maskaxda ku hayo in uu abaal gudana
damacsan ayaa 1923 qardafooyin ka dhex dhaceen Jamac
Cali Nuur oo Ismaaciil Ilmaadeer ahaayeen iyo nin
reer Hagar ah oo la yidhaa Googooye Jaamac Aadan
dabadeedna dabadeedna waxay Jaamac talo kaga
dhamaatay inuu aarsado ee uusan qandhow innaba
qaadan! Ismaaciil baa Arkay cadhada ka muuqata,
markaas buu damcay inuu qaboojiyo oo u sheegay
maalintii uu xabsiga ka soo baxay sidii ay reer
Hagar tabantaabada ugu geysteen, jaamacna waxuu ka
baryey inuu taas darteed ugu dulqaato, colaaddana
qaboojiyo waxna uusan ka qaadan haba kibir
xumaadeene waxuu yidhi Ismaaciil:-
- Dayuurado
qablami maalintii lay dul marinaayey
- Dibirka
Dhooddiyaad maalintaan deli dhacaynaayey
- Duunkayga
maantaan sidii deer la cararaayey
- Anaan
duunyo wadan maalintaan dalankacaynaayey
- Darmaan
xoodan maantaan Badweyn duhurka soo taagey
- Habraha
duubmay iyo maalintuu doqonku ii baanay
- Dadkii Cayn
fadhiyey maalintaan dooc ka garanwaayey
- Kun dirays
gashani maalintay damacday dhiigayga
- Dulmigay
sameeyeen maalintii laygu dabo joogey
- Maantii
ninkii door ahaa degelka laadlaadshay
- Dilkii aan
sahladay maalintuu dacarta ii qooshay
- Anoo
dulugle maantii Berbera la igu dayraanshey
- Derbiga
jeelka maantuu kufrigu dabarka ii giijey
- Rabbi deeqi
maantaan anoo dagan ku noolaaday
- Ducaaliyo
Caddood iyo kuwuu ii danqaday jiidhku
- Igardhada
la dawdabi kuwii dumarka ii siiyey
- Ee dadabta
ii dhigahayee gogosha ii daadshey
- Xeedhyaha
diyaafadan kuwii dabaqa ii saaray
- Caanaha
Dubbiyo Laan kuwii igu durduuraayey
- Kun wiil oo
dagaaga ah kuwii deex ku soo koriyey
- Dab inaan
ku rido waa halaan diirka gelihayne
- Dufule
waalan baan ahay haddaan daaro reer Hagare!!
- Haba isdoor
bideen oo xarrago ha isdabooleene
- Dibnaha
hawga yeedhina anaa dawladeey! odhane
- Ka duggaala
cadowga oo tolnimo daacad uga raadsha
- Shisheeyihu
intuu digan lahaa doqon sideed yeela
- Waxba yeyna
deynkeena maqan Debec inoo siine
- Duqna ha
qaadannina xoolo waa didib caleentiise
- Dubaaqana
ka dhawr Jaamacoow nabadi waa doore!.
gabayga 2aadna
wuxuu kubilowday sidan
2-Gabaygii: Hadii
geed la jaro
duulaan ay qaadeen
oo ay Haweysan,socod mooyaane.Dhibaatooyin badan
ayaa la soo gudboonaadey:daal gaajoon iyo dandarro
guud. Waxay socdaa iyo socdaanba ayaantii dambe ayaa
Nuur Ciise nin la yidhaa ku yidhi "Ismaaciil,waxba
weynaga la'e bal gabay oo geel inoo dhaawo. Markaas
buu u leexday xagga hasha gabayga oo-mindhaa uu ka
baqay inaan la siin haddii geel la taabo waxuu yidhi:-
- Nuurow
gujaad igu disheen goor iyo alleyle
- Garna maaha
maansada inaan idin ka gaaxshaaye
- Miyaa laga
guddoonsadey cadkaa ii go'aan jiraye
Waxaa lagu yidhi
Hashii gabayga waad leedahaye gabay noo mari:
kolkaas ayuu mariyey gabaygan soo socda oo aan is
leeyahay waxuu ka mid yahay gabayadiisa kuwa ugu
qiimaha badan.
Wardheer kolkiis ay
sii maraayeen ayaa ammaanduule laga dhigay. Waxay
hadh iyo habeenba socdaan wax geela oo naf leh ayay
arki waayeen markaas buu gabaygan barayada ILAAH ah
mariyey Wuxuu Yidhi:-
- Hadii geed
la jaro waa fufaa guun hadduu yahaye
- Gurma go'an
gobkii laga dhigaa waa gadaal bixiye
- Geydhuhu
wuxuu lulan markuu gugu ku hooraaye
- Wuxuu geelu
ololaa hadduu gabanta waayaaye
- Faras wuxuu
u goohaa markuu gole xumasytaaye
- Waxa Weerku
raadka u guraa goosan baad heliye
- Wax
shabeelku garo leexsadaa ay hadduu galo e
- Wiyil
giririfleeyaa mar buu geedka jebiyaaye
- Golli waxay
baraarka u gaddaa gaajo dilankeede
- Geenyada ka
soo lulay halkii gacal la'aaneede
- Guntima
shirshooraha ka hadhay yaan u soo galaye
- Aan
gooraamo caawaan tolkay gaas la soo wacaye
- Gahaydhkii
Wardheer iyo hashii gudurka loo quutay
- Jibaaxeeda
geeddiga hashaan Gila ka soo raacay
- Hashaan
guricaskeedii tirshaye gama' la ii diiday
- Ganuunkeeda
xoorka leh hashay gocotay laabtayda
- Hashaan
uurka uga soo gingimay tobanka geedqaaqle
- Gob
caddaysa iyo dheen hashaan guranayee xaabay
- Wax kastaba
aan gooyee hashaan labada gaws daashey
- Gaadiidka
xoogga leh hashuu garabku naafoobey
-
Gurgurshaaga awrkaa hashii galowda loo taabtay
-
Gorradhigaha haamaha hashaan garangarshee xooray
- Raggii wada
gamuurraa hashuu golongolee dhuubtay
- Hashii
kabaha gaarkooda sare dhagaxu googooyey
- Guntigeeda
maradii hashuu igu garooroobey
- Guuriyo
baqoolaba hashuu galowgu eedaamay
- Saalada
gabowgaa hashaan gelin dhow moodaayey
- Gorofkeedu
marayeey! hashii laga gabbaarayey
- Galbeed iyo
hashii loola kacay Aarti guudkeeda
- Gurigii
Amxaarada hashii garagashee dhaaftay
- Faalkii
Gallay iyo hashuu male ka gaafnaaday
- Iyadoo
daruuraha gabdhamay Bila ku soo guurtay
-
Garaadaysannoo layska daa gef iyo faankiiye
- Inay taladu
kugu goonni tahay garey kas-gaagkiiye
- Guuloo
Allow waa fogaa Gurigii Caymeede
- Oo kama
geyoon karo colkuye gacanta noo buuxi
- Idinkuna
hal-geeraarshihii golaha soo jooga
- Oo wacadka
qaar lama gogtee gacali ii siiya
- gabayga
3aadna wuxuu kubilowday sidatan
3-Gabaygii:Hayinka
ii rara.
Gabaygan Darwiish
Ismaaciil Mire waxuu mariyey intuu dumida colka ku
jiray wuxuuna ku tusaaleeyey sida uu u geel
la'ayahay, sida rag haleelo uga buuxo iyo sida uu
uga xishoonayo kuwaas baryadooda iyo ku hoyashadooda.
waa gabay isugu jira guubaabo iyo beerdulucsi.
Waxaad ka garanaysaa inuu rabo in uu ciidan Caligeri
ah loo ururiyo oo dhalinyaro la raaciyo: kuwaas oo
awood u yeelan doona inay diilin dhigaan oo geelal
soo meersadaan waxuu Yidhi Darwiishku:-
-
Hindisoodayey xalay miyay hiribtey laabteydu
- Habeenkii
la hurday miyaan hoos isula shawray
- Hammi iyo
hawadda geel miyaan hilinka taakeeyey
- Markii
waagii ii halalac yidhi harag miyaan qoystey
- Hasha
keliya soo godol miyaa hibasho ii keentay
- Ma
hadhuubka Qawl lala galaa iga higgaysiiyey
- Tolkay oo
haleelo leh miyaa igu hor maalaayaa
- Haamaha
karuurka ah miyuu igu hanqaareeyey
- Ragga
hootanuugga leh miyaa haybta la i raacshay
- Ma
hooyaatinkoodiyo baryaan ka hawo weynaaday
-
Hambaabuladan Faadumo-xabbado hawl ma ka
dhuuntay?!
- Awel baan
hafriinyo u dilaye haatan ma i heertay
-
Haasaawahedii badnaa ma isku haaraamay
- Haweenkiyo
carruurtii miyaan hooy iskala seexday
- Col bay
hibadu ii saaran tahay aan hawadiyaaye
- Hadii aan
Hormaro Eebbahay ima hungeeyeene
- Markaan
sida halyeyga u ciyaan heli sidaydiiye
- Hawiyaa ku
furay baa la yidhi hiladii Qaaweele
- Hayinka ii
rara aan reer Calow Hawdka sii maro'
4-Garanayaan
Sheegay
Xasan Shiil oo "Gabay-aweyti"
caan ku ahaa wuxuu ka mid ahaa ragii hore oo
gabayheer sare gaadhsiisan lagu bartay.Ismaaciil
Mire ayaa waagii dambe wuxuu maqlay in Ingiriis iyo
askartiisu ka gabaysiiyaan oo ay markaas lacag ku
siiyaan. Gabayga oo lagu shaqaystaa Ismaaciil maroor
bay la ahayd, siiba haddii gaalada wax looga doono.
kolkaas buu damcay inuu arrintaas gabay ka
tiriyo,hase ahaatee,keligeed kuma uu koobnaane
waxyaalo kale oo qallooc la ahaa ayuu ku soo daray.
Waxyaalaha uu ku soo qaaday waxaa ka mid ah sheeko
dagmadooda dhexdeeda ka dhacday oo ahayd: In nin
Faarax Barre la oran jiray gabadh laga
guursaday,inuu ninkii guursaday xoolo
bixiyey,dabadeedna inuu odaygii yaradkii qawaday oo
uu aqalkii oo dhan udubbada u siibay; waxuu
Darwiishku Yidhi Axmedow nin gidira oo da' iyo gabow
la ciiraaya Oo galabtii Beerdhiga dhacdiyo Garabcad
soo Joogey Aan gedo yarayn baan ahee gabay aan kuu
sheego Waayeel guddoonshiyo tashiga odayo loo geeyo
Iyo inuu gungumihii ka lumay Ina Garaad Faarax Aan
guurti noolayn inaan garanayaan sheegay! Inaan
Laasadaar gacalka iyo xididka gaadhaynin Oo nimanka
reer Gorod Xirsiyo Calac ku oomaayo Uu gabi
qaraabada inaan garanayaan sheegay Soddogii gurracan
maalin bay garu ku ciirtaye Markii Faarax geel iyo
dab iyo guuya laga buuxshay Hadduu kebedda
gaalleefta daray dabaryaruu gaatey Uu gees u riday
buulku waa ilaba gaabnaaye Inay labo galaan quban
inaan garanayaan sheegay Labo guulka Odayood inaan
garo ku naaxaynin Oo aan gadhoodh laga dhamayn iyo
ganuun xoor leh Ay guriga "wii" layn inaan
garanayaan sheegay Gabdhahooda reer hebel haddaan
guurka laga deynin Oo aan gammaankiyo dabkiyo geela
laga seerin Aan sumad rag kaga gaariyo gololo loo
yeelin Geyaan xumo inay dhici inaan garanayaan
sheegay! Inaan reer Gumaarholoc raggii go'ay u
aaraynin Oo ayan godobtooda maqan goosan kari haynin
Oo aanay garanayn lafaha guban xalaaleeya Ay goojo
dheer wadhi inaan garanayaan sheegay! Inaad
Gabay-aweytow lafaha gebi ka xooreyso Oo aad galbeed
tegi adaan guuyo badan haysan Oo aad go'iyo u xidhan
rodol la soo gooyey Aad gacaliyow cuni callaal
lagugu gaadaayo Oo aad dhalashadaadii ku gadan gelin
waxaad quudan Oo lagu geyeysiin wixii Halacba loo
geystey Aad ceeb la goloslayn inaan garanayaan
sheegay! Inuu reer tolkay gudo haween gam isku
siinaayo Oo gamas wax xiiriyo amley la isla gaadaayo
Oo gaban agoon noqon inaan garanayaan sheegay!
Gaawaha karuursani inuu rag isu geynaayo Oo gaadhka
Faarax Hagar gudo colloobaayo Ay oodda kala geyn
inaan garanayaan sheegay! Gusweynida reer Caligeri
inay geeri dumar joogi Goonyaha haddaan lagaga qorin
gudimo xiiraysa Inay gaari mawtiyi inaan garanayaan
sheegay! Gaaddo weynta gabadheed haddii garabku
weynaado Godka lagu cadaabyey kaduu goriyo naaskeedu
Dadkoo gama'san leylkii hadday sacab u guurayso Ay
wada gableeyaan miday gelin la haasawday Garacyaley
inay noqon inaan garanayaan sheegay! Ninka gaalo
caabuday rabbina gooyey xadhigiisa Beryo wuxuu
gabraartaba hadduu melegu soo gaadho Jahannaba inuu
geli Kitaab garanayaan sheegay!
haduu ale idmo
wixii hada kadanbeeyaa waxanu kusoo dhaqsan doonaa
wayadan waxaa jirtay cilad xaga computerka igaga
dhacday markaas waan ka cudur daaranayaa