Aamina waduud iyo Aragtida
dunida muslimka.
- Canab Mumtaz |
SomaliTalk | Nairobi | Maarso 25, 2005
EMail: cmmumtaz@somalitalk.com ama canabmumtaz@yahoo.com
Guud
Ahaan dunida islaamka ayaa aad looga hadalhayay
maalmihii la soo dhaafay Aamina waduud waxa ayna muran
ka dhex dhalisay dad badan oo islaam ah,iyadoo qaar
badani iswaydiinayeen in islaamnimadeeda ay ku jiraan
waxyaabo lagu abuurayo iska hor imaad culumadda iyo
shacabka islaamka ah dhexdooda ah,la yaabkan ayaa yimid
kadib markii ay salaad jimce ah imaam uga noqotay
haweenaydan dad muslimiin ah oo rag iyo dumar iskugu
dhex jira magaalada New York ee dalka maraykanka kana
soo jeedisay qudbad la xiriirtay sinaanshaha ragga iyo
dumarka xagga diinta islaamka ah.
Aamina
waduud waxa ay salaadan ku tujisay dadkan hool lagu
magacaabo Sainut House kuna dhex yaala kasiinada lagu
magacaabo Sant John The David kadib markii loo diiday
dhowr masaajid si ay salaadda imaam ugu noqoto, waxaa
kale loo diiday meelo kale laakiin waxa ay dadka ku
tujisay hool wayn ku dhex yaalay kaniisaddaas.
Aamina waduud waa
macalimad ka dhigta maadooyinka culuumta islaamka
jaamacadda Viriginia Commenwelth, waayadan waxa ay waday
urur ay kula jiraan haween kale oo u doodaya gabdhaha
islaamka ah iyo waxa ay ka qabaan islaamka laguna
magacaabo Baraarug muslim.
Wargayska New York Times
oo ay soo xigatay shabakada islamonline ayay
haweenaydani u sheegtay in ay caalamka tusinayso
sinaanta ragga iyo dumarka ee xagga diinta waxa ayna
intaas ku dartay in islaamku simay ragga iyo dumarka
balse ay raggu ka qariyeen gabadhaha xaqqa ay u
leeyihiin in ay gutaan waajibadka saaran ama kaalintooda.
Aamina waduud oo qudbad
gaaban jeedisay wax yar ka hor salaada jimce waxa ay
sheegtay in dunida ay tusinayso sinaanta ragga iyo
dumarka ee xagga diinta la xiriirta wax badan hoos u
dhig ah ayaa lagu hayaa gabdhaha muslimka ah ee ku nool
wadamada islaamka ah ayaa ka mid ahaa hadaladii
hawenaydan oo dad badan aad uga fajicisay.
Haweenaydan
hoolka ay ka bixinaysay salaadda jimce waxaa mu'adimad u
ahayd gabar uu dhalay imaam ka mid ah imaamyada
masaajidyada loo diiday in ay salaadan imaamka ka noqoto,
gabadhan oo lagu magacaabo Suhayl Al-cadaar waxa ay ka
adintay saladan iyadoo aan wadan wax qamaar ah(madax
qaawan) ragga iyo dumarka salaadan tukanayay ayaa isku
dhex jiray haweenka qaarkoodna waxa ay qabeen saraawilo
iyo shaarar iyadoo aanay madaxana waxba u saarnayn.
Salaadda Aamian waduud
waxaa soo qabanqaabiyay koox dumar ah oo madax ka ahaa
urur lagu magacaabo Midawga Muslimiinta Horusocodka ah,
waxaa dumarkan ka mid ahayd Aasira Annucmaani oo ahayd
suxufiyad iyo qoraa waxa ayna sheegtay in haweenka uu
nabiga siiyay ahmiyad wayn oo ah in ay salaad tujin
karaan masaajidkana albaabka hore ka soo gali karaan
waxa ayna intaas ku dartay in haweenku soo ceshanayaan
xiligii ay Nabiga NNKH uu joogay xuquuqdii ay
lahaayeen,Hada waxii ka dambeeyana aysan masaajidka
gadaal kaga dukan doonin ayna aduunka tusinayaan
sinaanta ragga iyo dumarka ee diinta muslimka.
Aamina waxaa kale oo
hadaleeda ku jiray in aysan ragga kula tartami doonin
xagg siyaasad iyo dhaqaale balse u doodistooda ay la
xiriirto kaliya sidii ay ku heli lahaayeen xaqqa ay
leeyihiin diinta islaamka ee Qur'aanku u jideeyay
laakiin sida ay hadalka u dhigaysay hawenaydan ay raggu
ka qariyeen xaqqaas ay leeyihiin.
Salaadan
oo si toos ah looga daawanayay TV-yada caalamka qaarkood
waxyaabaha aadka looga yaabay waxaa ka mid ahayd in
ragga iyo dumarku ay isku dhex jireen oo aysan u
dhaxaynin waxba,waana tan wax badan muranka abuurtay in
la arko dad ajnabi kala ah salaad isla tukanaya(NNKH)
Waxa uu xadiis ku yiri"inaad salaanto gabar kaa ajnabi
ah waxa kaaga kheyr badan adigoo dhimbil dab ah gacabta
ku qabsada)iskaba daa isk dhex gal salaad isla tukasho
xadiiskan iyo kuwo kale oo badan iyagoo culumo badan
daliishinaya ayay ku tilmaameen arrin dhinac ka ah
islaamka shaqona aan ku lahayn.
Culumadda islaamka ayaa
arrintan ku tilmaamay mid ku cusub islaamka oo aan wali
la arkin taariiqda islaamka haweenay imaam ka ah salaad
jimce ama salaad kale midna,waana wax mudan in laga
hadlo arrintan inta aysan sii faafin, Culumadda iyo
macalimiinta Jaamacada Al-Azhar ee dalka masar ayaa la
yaab ka muujiyay arrintan ku saabsan gabadha imaamka ka
noqotay salaada jimce ee tujisay dadkaas isku dhex
jirka ah.
Culimadda ku nool W/ameerika
ayaa ka soo saaray bayaan arrinta ay samaysay Aamina
waduud ee saladda waxa ayana sheegeen in arrintani tahay
mid dadka islaamka ah ku cusub iyo taariiqdaba diintaba
lana damacsan yahay in muslimiinta laga
jahawareeriyo,mid la mid ah hadaladan ayaa ka soo baxaya
qaar badan ka mid ah culumada islaamka ah ee ku nool
dunida islaamka iyagoo la yaab ku tilmaamay.
Kaniisadda
ay ka dhacaysay salaadan jimcihii la soo dhaafay ayaa
waxaa hareeyay dadweyne muslimiin ah iyagoo leg "Maanta
waa maalintii aan halaagsami lahayn waayo waxa la
samaynayaa wax Alle ka xarimay muslimiinta wali lama
arkin Rag iyo dumar isku dhex jira oo salaad isla
tukanaya iyadoo ay haweenku asturnayn, maahan wax aan u
dulqaadan karno".
Albaabka hore ee kaniisada
ay salaada ka dhacaysay waxa buuxiyay booliis sugayay
amaanka waxaana yimid goobta salaada warbaahin aad badan
kala kala socotay dunida iyagoo si toos ah usoo daynayay
salaadan, waxaa tukadii salada ka soo qayb galay dad
gaarayay 150 qofood waxaa dumar ahaa in ka badan 50
halka inta kalena ay ragg ahaayeen.
Ugu dambayn salaadan waa
mid aad loola yaabay waxa ayna dad badani rumaysan
yihiin in arrintani ay tahay mid jahawareer ah oo la
damacsan yahay in islaamka dhibaato loogu keeno, waayo
haweenku xaq walba ha raadiyaan laakiin in ay sameeyaan
wax aan diintu u fasaxin ama horay loo arkin taariiq
ahaan.
Canab Mumtaz |
SomaliTalk | Nairobi | Maarso 25, 2005
EMail: cmmumtaz@somalitalk.com ama canabmumtaz@yahoo.com
Daabaco
Boggan | Print