Maxey ku doorteen Islaamka?
Daina
Paetty
- Tarjumadii:
Ikraam Cali-kaar
Qormadani
waa qeyb kamid qoraaladii taxana ahaa ee aan kaga hadleynay shaqsiyaadka
aan Islaamka u dhalan ee Illaahey gadaal kasoo hannuunshay kuwaasoo u
arka in Diinta Islaamka tahay Diinta keliya ee saxda ah. Hadaba qeybtani
waxanu kaga hadli doonaa gabadha la yiraahdo Daina Paetty oo iyadu ka
hadli doonta sababtey ku soo Islaamtay, iyadoo arrintana nooga
sheekeyneysa waxey ku bilowday sidatan.
Waxaan ku koray kuna dhashay guri dadka ku nooli ay ahaayeen dad
Masiixiyadu ku dheer tahay, waxaana uu ku yiilay gobolka Colorado ee
dalka Mareykanka. Diin nooca ay tahay xageyga waxey ka aheyd maado aan
sidaasi qiimo u laheyn. Aabahey iyo dhamaan eheladiisa waxey ku soo
koreen iyagoo heysta madhabta Protestant-ka.
Yaraanteydii waxaan ahaa foodleey mararka qaar is weydiin jiray Illaahey
jirtaankiisi. Xitaa dugsiga dhexe intaan dhiganayey waxaan aad u akhrin
jiray Beybalka (Kitaabka Masiixiyada) iyo buuggag kale oo la xirriira
dhaqanka iyo caadooyinka. Sidaas oo ay tahay waxaan dareen sanaa iney
jirto waxyaabo kale oo kasoo horjeeda Diinta masiixiyada ee aan heysto.
Gaar ahaan marka ay timaado arrinka ku saabsan Nabi Ciise (cs) iyo
Seyniska. Sababta oo ah meelaha qaar waxaad arkeysaa iyaddoo la leeyahay
waa wiilkii Illaahey, marna waa Illaahey laftiisa iyo qaar kaloo badan.
Dhamaana arrimahaasi waa kuwo is diidan, sidaas ayaana dareen kale oo
waxyaabahani diidan iigu jiray. Muddo gaaban kadib waxaan bilaabay inaan
ku xirmo Kanaasid loogu magac darray “The Church of god” (Kaniisadda
Illaahey), kuwaasoo buuggagtii dhaqanka ahaa ee aan akhrin jiray ka
helay cinwaankooda, waxaana ay iila muuqdeen kuwo u dhow diin macquul ah
bayaaninta ama cadeynta ay ku sameeyeen arrimaha la xirriira Seyniska
taasoo aan aniga weligey horey u arag waxyaabaha soo jiidashada leh ee
qoladani sheegeyso. Arrimaha sida weyn ii soo jiitay waxaa kamid ahaa
iyaga oo aan jecleyn cunista doofaarka iyo cabista Qamriga dadkana wey
ugu digi jireen in munkarka la badsado oo aan camal kale la yeelan.
Markii aan bilaabay jaamacada waxaan halkeygii kasii waday niyadii iyo
xoogii fir fircnoonaa ee aanu hayey howlaha Kanaasida, waxaan ka qeyb
qaadan jiray howlo dadka diinta loogu sheegayo. Intaasoo dhamina waxaan
u sameynayey bal inaan ogaado uun Ilaahey axwaalkiisa iyo xaqiiqda jirta.
Hase ahaatee waxaa timid caqabad ah in wixii aan raadinayey aan iiga soo
naas cadaanin, buuggii masiixiyada ahaa ee aanba sidaas wax nafci leh
uga helin waxaan ka qaaday jaha wareer badan. Jee aan maalintii dambe la
kulmay nin Muslin ahaa oo sidaad ka yaabto quruxda iyo hanaanka u
tukanayo aad lafajaceyso. Waxaa i galay dareen xoogan oo aan ku doonay
ninka waxa uu sameynayo sababta ku kaliftay. Durba inaan sameeyo waxa uu
sameynayo ayaan jecleystay, laakinse cabsi bey igu jirtay waswaaska iyo
shakiga noocan ah ee aan oran jiran Illaahey waan aqoonsanahay, Misna
waa Wiilkii Illaahey waxyaabahaasi oo dhami waxey ahaayeen kuwo shirki
ah oo lugu Naarta gallo.
Ninka madaxda looga dhigay Mission-ka (Howlgalka diinta masiixiga lugu
faafinayo) oo isagu dalka Aljeeriya howlo kasoo fulayey ayaa waxa uu
kamid ahaa macalimiinta howlgaladeena, waxaana berigii dambe u helay
fursad aan wax ka weydiiyo su’aalo la xiriira diinta xillii uu uu
jaamacada cashar diineed ka jeedinayey.
Waxaan
ku iri “ Waxaa jira nin aanu saaxiibo nahay oo muslin ah, bal ii sheeg
waxa qabsan doona saaxiibkeyga Muslinka ah, markaasuu dhahay Naartuu
galayaa iyadoo la hubo” Cajiib!! Durba su’aal kale ayaan ninkii
weydiiyey oo iri “Siddee ku dhacday in Quraanka oo Bibel-ka xooga u eg
uu been sheegayo, markaasuu dhahay waa music kamid ah kuwa sheydaanka oo
Bani’aadamka shaki ku rida!” Ugu dambeyntii waxaan ninkii weydiiyey bal
inuu Quraanka indho ku jiiday oo u akhristay, jawaabtiisana waxey
noqotay “Waan isku dayey balse ima cajiban jirro ayaanba ka qaaday”
Waxaana yaab iyo amkaaga kasoo qaaday ninkii isku sheegayey hogaamiye
wax yaqaan oo aan si weyn u aaminsanaa waxaa iiga muuqatay inuusan waxba
i dhaamin, maxaa yeelay marka la eego mudda dheer uu joogay dalal
Islaam ah, iyo halka uu ka hadlayo waa “KAAF IYO KALA DHEERI” Waxaaba
dhabana heyso igu riday markuu ii sheegay siddii inuu isaga hubo in
saaxiibkey galayo Naar, Quraankana ku sheegay cilmi Sheydaan. Si kale oo
wax u sharxo ayaa u muuqan weysay aqoontiisana intaaasey dhaafi weysay
ee uu lahaa Diin uusan akhrin waxey tahay.
Alxamdu Lillaah, taasi inkastoo ay doodii ugu horeysay aheyd ee aan ka
qeybgalo kuna ogaanayey Diin waxey tahay, hadana waxaan halkeygii kasii
waday halkgankii aan ku baadi goobayey xaqiiqda dareenadda is diidan.
Waxaan bilaabay markaas kadib inaan Quraanka akhriyo, markaan muddo
dhowr bilood ahaa akhrinayey waxaan qirtay Shahaadada. Barashada Diinta
Islaamkana halkeeda ayaan kasii waday.
Waana Alle mahadiis in Diinta saxda aheyd uu igu hannuuniyey. Tanina waa
Diinta keliya ee tijaabo kasta oo Aadunuhu doono ama ku wareero sax ugu
jawaabta.
Eheladeydii qaadashada aan qaatay Diinta Islaamka sooma dhaweyn kumana
farxin. Waayo waxey ogyihiin in la soomo, lana xirto Xijaabka
waxyaabahaasi oo dhan waxey u arkaan dhaqan iyo diinta aanan laheyn oo
la igu qasbay ama si qaldan wax la iigu sheegay. Waxey u heystaan in
haddii Xijaabka la xirrto loo ekaanayo, dumarka kaniisadaha jooga (soorooyinka).
Taasina wel wel bey igu heysaa. Inkastoo aan aniga xirrin xijaabka,
hadana waxaan ku camal jira sida ugu dhaqsaha badan inaan ku ahaado
Muslim qaalis ah haddii kale waxaan ahaanayaa “Mid sheegata oo aan
Illaahey runsaneyn”.
Ikraam Cali-kaar,
SomaliTalk Team, Gothenburg, Sweden
ikraam_k@hotmail.com
Faafin: SomaliTalk.com | Dec 21, 2004
Kulaabo bogga www.SomaliTalk.com
Powered by
www.SomaliTalk.com
All About Somalia and More...
|
