|
Jaammacadda
Cammuud oo Waddo cusub loo Sameeyey
Waddo cusub oo isku xidha jaamacada camuud
iyo magaalada boorama ayaa la hir galiyey todobaadakan horaantiisii waddadan
oo dhererkeedu yahay 3.5 km waxaa maalgaliyey hayada wadaniga ah ee
somaliland road authority. Caadiyan gaadiidka jaamacadu leedahay waxay mari
jireen wado dhererkeedu yahay 8.5km waxa ay gaadiidku kala kulmi jireen
dhibaatooyin badan oo ka soo gaadhi jiray roobabka. Maamulka jaamacadda waxa
ka soo gaadhi jiray dhibaatooyin Dhaqaale waddo xumadaasi sabatey; xaga
qalabka dayactirka baabuurta, iyo shidaalkaba, waqti badana wuu kaga lumi
jiray safarkaas, dhibaatada waddada asi ayaa iyana waxaa ka mid ahaa
dooxyada oo aan laga talaabi jirin xili roobaadka taasina ay sababi jirtay
inay hakadaan habsami u socodka waxbarashadu.
Gudoomiyaha
Jaamacada Camuud prof Saleebaan Axmed Guuleed oo arintaasi aan ka waraystay
waxaa uu ii sheegay inay wadadan cusubi ay faa,iido wayn u leedahay
Jaamacada iyo dadweynahaba; waxaanu yidhi waddadani cusubi way ka dhowdahey
wadadii hore, waxaana jaamicadda lagu gaadhi karaa in ka yar yar kii hore
shan iyo toban daqiiqo (15).
Baabuurta
yaryarina ilaa 8 daqiiqo oo kaliya ayey ku tagi karaan Jaamacada. Isagoo ka
hadlaya faa,iidada ay waddadani u leedehay jaamacada prof Saleebaan wuxuu
tibaaxey in ay ka saacideyso jaamicadda xagga wakhtiga maadaama ay basasku
ay awoodi karaan in qaadaan ardeyda sedex ilaa afar jeer maalintiiba halkii
markii hore ay laba goor uun kala qaadi jireen ardeyda.
Waxaa kale oo
xusid mudan in waddadani ay faaiido u leedahey beeraleyda ama degaanka
Jaamacadda Camuud ay ku taalo isagoo arrintaasi ka hadlaya prof Saleebaan
Axmed Guuleed wuxuu yidhi beeraleydu waxey midhahooda si fudud u geysan
karaan suuqyadda Boorama. Waxey waddadani horsed u tahey horumarka bulshada
iyadoo jaamacadda Camuud ay u tafaxaydatey horumarinta mashaariicda
horumarineed.
Mar uu ka
Hadley mustaqbalka ay waddadani ay jaamacadda camuud u horseedi doonto waxa
uu Prof. Saleebaan Axmed Guuleed tibaaxey in ay baabuurta yaryar ee
shacabku qaadi doonaan ardeyda Jamacadda taasina ay keeni karto in ardeydu
seexdaan Jaamicadda isla markaana ka faaiideystaan wakhtigooda iyo markaasi
u helaya fursad ay ku akhriyaan buugaagta taala Jaamacadda; mustaqbalka
waddadani waxaa uu rajeynaynaa in ay noqoto waddo laami ah oo leh
buundooyin adag.
Wuxuu Prof.
Saleebaan u mahad naqay hayadda wadaniga ah ee Somaliland Road Authority,
Wasaaradda hawlaha guud, iskaashatada iska rogooyinka Boorama oo iyaguna ku
yaboohay in ay lacag la’aan ku keenaan ciida carro kaawadda ah ee loo
baahan yahey iyo dadka leh beeraha ay wadaddani marayso kuwaas oo uu
sheegay inay ogolaadeen meelkasta oo ay wadadani maraysona in jid laga
saaro.
Wuxuu ugu
baaqey dadwenaha reer Soomaaliland in ay u furan tahey ciddii waddadan wax
ku darsaneysa.
Wariye Xasan
Axmed Caynaan
hasanjacayl@hotmail.com
Faafin: SomaliTalk.com | Feb 5, 2005
Cisbitaalkii u
Horeeyay ee Dhimirka oo Boorama laga Furay
Kulaabo bogga www.SomaliTalk.com
| 
Daabaco
Boggan | Print
