Madaxa ka tirsan dowlada koonfur Afrika oo ka hadlay dilalka Soomaalida
Dowlada koonfur afrika si adag ayay ola tacaali doontaa loona dulqaadan maayo
dhibaatada iyo dilka Soomaalida lagu hayo, ciddii lagu helo dambina waxaa la
marin doonaa ciqaab adag, sidaasi waxaa yiri Feros Kachalia oo ah wasiir ka
tirsan dowlada K/Afrika xilli isaga iyo barasaab gobol ay la kulmayeen ururka
jaaliyada Soomaalida.
midix, Ugaas Qooqaani, wasiirka feeyruus, Dr Carte, iyo cali saciid
Madax dowladeed oo ay ka midyihiin barasaabka gobolka barwaaqo sooranka ah uguna
weyn koonfur Afrika ee Gauteng Mr. Paul Mashatile iyo wasiirka abniga iyo
badbaada dowlada goboleedka Gauteng Mr. Ferus kachalia ayaa kullan la qaatay
mas’uuliyiinta ugu sareeya ururka matalada jaaliyada Soomaalida Koonfurta Afrika
ee SASA.
barasaab Paul Mashatile iyo Dr Carte
Madaxda jaaliyada oo uu horkacaya Ugaas Maxamed Cabdi Diiriye, Cali Saciid
Najjaar iyo Dr. Cabdullaahi Carte ayaa madaxda dowlada si adag ogala hadlay
dhibaatada amaan darada ee Soomaalida ku heeysa dalkani iyo sida dowlada ay oga
gaabisey wax ka qabashada.
Kullanka labbada dhinac wuxuu ka dhacay caasimada Pretoria maalintii sabtida,
waxayna madaxda ballan qaadeen in ay dowlada wax kasta oo karaankeeda ah ka
qaban doonto dhibaatada Soomaalida.
feeyruus oo kulanka ka hadlaya
Kullanka kadib Madaxda Jaaliyada waxa ay madaxda dowlada u raaceen goob qaddo
sharaf loogu sameeyey madaxax ka tirsan xisbiga tallada haya halkaasi oo
barasaabka Gauteng Paul Mashatile uu ka sheegey in istaraatiijiyada ANC ay tahay
sidii loo heli lahaa qaarada Afrika oo nabdoon, barwaaqo ah isla markaasina
dhibaatooyinkeeda xalisa, wuxuu soo hadal qaaday wadamo dhowr ah oo ay K/Afrika
dhexdhexaadin ka gashay isla markaasina nabada ka gaartay, iminkana u toog
heeyso in ay gacan ka geeysato dadaalo nabadeed oo laga waddo wadamo ay
Soomaaliya ka mid tahay.
Qadada inta baddan waxaa lagu soo hadal qaaday siyaasada arrimaha dibbada ee
dowlada, waxyaalihii laga hadlay ka mid ahaa fiiso ay dowlada u diidey
hogaamiyaha ruuxiga ah ee qoowmiyada Tibet ee dal weynaha China, arrintaasi oo
buuqweyn dalka ka dhalisey, madaxda waxa ay difaaceen go’aankaasi maadaamaa
ninkaasi oo dowlad iskiis ah oo dalka China musaafuris oga maqan uu ku iman
lahaa dalkani kana jeedin lahaa qudbado siyaasadeed oo uu Shiinaha u
cambaareynayo, K/Afrika iyo Shiinaha waxaa ka dhaxeeya xariir wanaagsan.
madaxda dowlada oo wada fadhiya
Arrintani waxay kusoo aaday muddo uun yar kadib markii jaaliyada ay qoraal
dhinacyo baddan taabanaya u gudbisey madaxtooyada dalka, iyo is kaashi la filayo
in wasaarada arrimaha dibbada iyo jaaliyada dhexmara oo ku saabsan arrimaha
Soomalaiya sida ay ii sheegeen saraakiil jaaliyada ka tirsan.
wasiirka oo la taagan madaxda soomaalida
Cabdinaasir Saxansoxo, Johannesburg
Faafin: SomaliTalk.com | March 29, 2009