SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Sheekh Cusmaan oo lagu wareejiyey Booliiska iyo Xaalka Boosaaso oo degan

Kadib rabshado ka dhashay sheikh si weyn looga yaqaanay maagalada bosaso oo ay xireen ciidamada sirdoonka puntland ayaa Talaadadii magaalada bosaso waxaa laga dareemay saamayntii rabshadihii horay u dhacay iyadoo ay hadana ganacsiga magaaladu siweyn u kala socday.

Gudoomiyaha gobolka Bari Muuse Geele Yuusuf Faroole ayaa warbaahinta la hadlay wuxuuna sheegay in amaanka magaalada bosaso yahay mid sugan isla markaana ay baaritaano wadaan ciidamada amaanka waxana uu sheegay inay jiraan dad abuuraya rabshado hor leh kuwaaso dano gaar ah wata.

Gudoomiyaha gobolka bari muuse geelle mar uu ka hadlay wadaadka shalay ay xireen ciidamada PIS puntland ayaa sheegay in sheekh cismaan lagu wareegiyey ciidamada policeka puntland isagoo ugu baaqayay dadka reer bosaso inay isdejiyaan.

Sidoo kale gudoomiyaha ayaa sheegey in wadaadka hada lagu hayo Saldhiga dekeda ee magaalada Bosaso wuxuuna intaas ku daray inay Talaadadii sheekh cismaan booqasho ugu tageen wadaadada magaalada bosaso xaaladiisa caafimaadna ay imin ka wanaagsantahay.

Habeenimadii Talaadadu soo galaysay magaalada bosaso waxaa ku sugnaa ciidamo tiro badnaa oo police ah ciidamadaas ayaa lagu weeraray bar kantarool oo ay joogeen bambooyinka gacmaha lagu tuuro saraakiisha police ayaana arintaas xaqiijiyey waxayna sheegeen in ciidamadii la weeraray waxba aanay soo gaarin .

Xalinta arintaas waxaa loo xil saaray gudi uu soo magacaabay madaxweyne kuxigeenka puntland cabdisamad cali shire waxaana gudigaas ka mid ah wasiirada amniga iyo arimaha gudaha.

Xiritaanka sheekh cusmaan ayaa waxay dhalisay inay dadka bosaso ka caroodaan iyadoo hadana dadka mudaharaadka sameeyey uu wasiirka amniga ee puntland ku tilmaamay kuwo dano gaar ah watay.

Xaalada amaan ee magaalada bosaso iminka waxay ku soo laaabteen wax walba sidoodii.

cabdirisaaq xasan cabdi
cabdirisaaqjuba@hotmail.com
bosaso -somalia

Faafin: SomaliTalk.com | March 25, 2009

 

Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS