Rabshado Dhimasho Geystay oo Ka Dhacay
Boosaaso kaddib markii Ciidamada Sirdoonka Puntland (PIS) ay Xireen Sheekh
Caan ka ah Boosaaso...
Maamul Goboleedka Puntland ayaa siyaabo Kala Gadisan uga Hadlay Rabshadihii
Bosaaso.
Ciidamada Sirdoonka DGPL ayaa xiray Sheikh caan ka ah Boosaaso, taas oo
dhalisay rabshado ay ku dhinteen dad.....
Mudharaad ayaa Galabnimadii Isniinta ka dhacay Bosaso, markii la xiray shiikh
caan ah oo la yiraahdo Sh. Cismaan Maxamuud Shire, waxaaxan xiray
Ciidmada PIS abaarihii 04:30 galabnimo, isla waqtigaasna waxaa la sheegay in uu
geeriyooday mid ka mid ah askartii xooga ku kaxaysay sheekha, waxaana wararku
tibaaxeen in askariga uu madax ka maray Baabuurta noooca qoryaha saaran yihiin
oo leeyihiin askartu.
Markii xaaladu waa isbedeshay waxaana is qabsday dab iyo qiic markii la gubay
taayiro, dhalin yaro yar yar ayaa gubayay taaiyada, waxaa ku dhaawacmay ilaa
inta aan ogahay 5 qof oo ku jiro nin u shaqeeenayay shirkada isgaarsiineed.
Xukuumada C/raxmaan Faroole Hogaamiyo ayaa Maanta siyaabo kala Gadisan uga
hadashay Rabshadihii ka dhacay Magaalada Ganasci ee Bosaaso, Masuuliyiin kala
duwan ayaa Rabshadahaasi ka Hadlay kuwaasi, oo ay ka mid Yihiin Madaxwayne
Xigeenka Puntland C/samad Cali Shire iyo Wasiirka Amniga Puntland Gen- C/laahi
Siciid Samatar.
Hadii aan soo xigano Hadalkii Wasiirka Amaniga ee Puntland Gen- Samatar ayaa
Kulan Wareed uu Qabtay Caawa waxa uu kaga hadlay Qul Qulatooyinkii dhacay
Galabta, Wasiirka ayaa difaacay Ciidamada Puntland ee Hawlgalkaasi Fuliyay isaga
oo si Cad u sheegay in wixii danbi Gala la Qabanayo isla markaan lala
Xisaabtamayo.
Wasiirka ayaa muujiyey in Qabashadadii Wadaadka Wax Wayn maha Laakiin waxa ka
sii xun sida wax u dhaceen iyo dadka Wadooyinka dhagaxaanta dhigay ismalaha
Qabashada Wadaadka iyo Waxa dhacay dadka waxaasi Maleegaya ..
Wasiirka Amniga ee Puntland C/laahi Siciid Samatar ayaa dhaleeceeyay cid kasta
oo ka Hor timaada Amarka Dawlada waxana uu Ku adkeeyay Carabka inay sii
socondoonaan dadaalada ay wadaan Ciidamada Amaanku mar uu Arinkaasi ka Hadlayay
Ayuu muujiyey in Qofka waa laga shakiyi Karaa oo Danbi inuu Galay Boolisku
Su'aalo waa waydiinkaraan Laakiin maha in la Buun Buuniyo..
C/laahi Siciid Samatar waa ka Gaabsaday inuu Faah Faahin ka Bixiyo sababaha
Wadaadkaasi loo xidhay isaga oo ku Cel Celiyay inay baadhayaan danbiyada
Wadaadka loo Haytso, waxa uu ka digay inay ka Waantoobaan Shacabku Wax kasta oo
Keenaya Qalalaasi iyo Foodo.
Dariiqyada oo dhagxaan lagu xiray
Dhanka kale Madaxwayne Xigeenka Puntland Gen. Cabdi Samad Cali Shire ayaa isna
Saxaafada la hadlay isaga oo iska Fogeeyay inaanay waxba ka ogayn Rabshadahaasi
iyo Meesha ay salka ku Hayaan Balse ay Maqleen uun inay Arinkaasi fuliyeen
Ciidamada Sirdoonka ee loo Yaqaan PIS-ta.
Mr Cabdi Samad Cali SHire ayaa shacabka Bosaaso ugu Baaqay inay Xaalada Dejiyaan
oo ay sidii Hore ku soo Celiyaan waxana uu si Qota dheer uga hadlay inay Jiraan
dad doonaya inay Qas ka Abuuraan Puntland kuwaasi oo xun Buu Yiri AMaanka
Puntland ilaahay Siiyay.
Madaxwayne Xigeenka Puntland ahna sii Haya xilka C/raxmaan Faroole ayaa
Ciidamada Amaanka Ugu Baaqay inay dhaworaan shacabka oo ay ka ilaaliyaan wixii
Naftooda Khatar Galin Kara.
Magaalada Bosaaso ayaa Mudo 3- Saacadood ah waxa ka dhacayay Rabshado Balaadhan
kuwaasi oo Keeneen ka dib Markii ciidamada Sirdoonka PIS ay qabteen Wadaadka
Caanka ah ee Sheekh Cismaan kaasi oo la sheegay in Puntland ku eedaysay inuu
xidhiidh la Leeyahay kooxaha lagu sheego xag jirka, sida laga soo xigtay
saraakiisha Amaanka ee Puntland.
Taayaro dariiqa lagu gubay..
Sheekh Cismaan Waxa uu ahaa wadaad iibiya dhirta laysku daaweeyo, dhamaan
shacabka Magaalada Bosaaso ayaa Arinkaasi aad uga cadhooday iyaga oo Maamulka
Puntland Ugu Baaqay inay Arinkaasi ka Waantoobaan.
Madaxweynaha DGPL ayaa bishan safar ku tegey Ethiopia, waxana uu Addis Ababa
bishan Maarso 14keedii kula kulmay Meles Zenawi oo la sheegay in ay ka wada
hadleen la dagaalanka waxa loo yeero argagaxisada.
W/Q Jaamac Feyte
Feyte37@hotmail.com
Bosaaso
LIFAAQ: Waxaa jira warar sheegaya in Sh. Cismaan laga wareejin doono PIS oo
lagu wareejinayo booliska caadiga ah.
Sidoo kale
Dhegeyso Waraysi Madaxweyne xigeenka Puntland siiyey SBC (SBC)
Sidoo kale
Dhegeyso
Hadalkii Wasiirka Aminga DGPL.... (Horseed)
Faafin: SomaliTalk.com | March 24, 2009
Daabaco
Boggan | Print
