Xildhibaan ka tirsan Dowlada Midnimada Qaran oo ay Kusoo Dhaweeyeen Garoonka
Magaalada Hargeysa Xildhibaano Maamulka Somaliland ka tirsan
Xildhibaan Xuseen Cabdisalaan Muxumed oo ka mid ah Xildhibaanada Dowlada
Midnimada Qaran, islamarkaana hore ugasoo jeeday Gobolada Woqooyi ee Soomaaliya
oo in mudo ah ku adkeysanaya maamulka Somaliland ayaa ka degey Garoonka weyn ee
magaalada Hargeysa oo ah Caasimada labaad ee Soomaaliya 09/03/2009 abaaro 11;30
Subaxnimo, islamarkaana ay kusoo dhaweeyeen Xildhibaano kale oo ka tirsan
Maamulka Somaliland.
sida aan ka helney ilo wareedyo ku sugan magaalada Hargeysa oo hada xarun u ah
Maamulka lamagac baxay Somalinad ayaa waxay ii sheegeen "in Xildhibaanku uu ka
heley fasax qaar ka mid ah mas'uuliyiinta maamulkaas, islamarkaana ay kusoo
dhaweeyeen Garoonka Magaalada HargeysaXildhibaano kale oo ka tirsan maamulka
Somaliland oo laga bartey in ay xiraan xubin kasta oo ka soo jeeda Gobolada
Woqooyi iyo mas'uuliyiinta kale Soomaalida ee ka qaybgaley maamuladii kala
duwanaa ee ka jirey Koofurta Soomaaliya mudadii bur burka".
Xildhibaan Xuseen Cabdisalaan Muxumed ayaa wuxuu ka maqnaa magaalada Hargeysa
mudo 9 sano ah, isagoo waliba ku suganaa dalka Soomaaliya gudihiisa, tan iyo
markii la soo dhisey Xukuumadii Carta oo uu ka noqdey Xildhibaan iyo Wasiir ku
xigeen, halka Xukuumadii TFG-na uu ka ahaa Xildhibaan mudadii ay jirtey, ilaa
iyo hada wuxuu yahay Xildhibaan, inkastoo aan la sheen Ujeedada safarka
Xildhibaanka iyo waxa iska bedeley mowqifkiisa ka mid ahaanshaha Xildhibaanada
Baarlamaanka Dowlada Midnimada Qaran ayaa hadana waxaa jira Xildhibaano kale oo
hore ugu sugnaa halkaasi, kuwaasoo ay ka mid yihiin Xildhibaan Axmed Cabdullaahi
Daakir, Xildhibaan Ismaaciil Xasan Jaamac iyo kuwo kale oo aan wali helin
magacooda.
lama oga waxa iska bedeley mowqifka maamulka somaliland, arintan ayaa waxay
muujineysaa is-bedelada la yaabka leh ee uu lugaha la siigalayo dalka
Soomaaliya, tan iyo wixii ka dambeeyey bur burka dowladii dhexe ee Soomaaliya ee
ay horseedka ka ahaayeen kuwa sheeganaya maamulada macmalka ah ee lagu
dhibaateeyo shacabka Soomaaliyeed, laguna kala fogeeyo meel kasta oo ay joogaan.
Maxamed Macallin Cismaan (All-man) Somalitalk Jabuuti.
fatxumaalik@hotmail.com
Faafin: SomaliTalk.com | March 11, 2009
Daabaco
Boggan | Print
