Sh, Fu'aad Shongole Oo Gaashaanka U Daruuray Eedaynta Ururka
Al-shabaab Lagu Eedaynayo Dilalka Qorsheysan
Wadaadka caanka ah ee kamid ah madaxda ururka al-shabaab Fu'aad
Maxamed Khalaf (fu,aad Shongole) ayaa markii u horeysay la
hadlay Warbaahinta Muqdisho isagoo tibaaxay shil dhowaan ku
dhacay ilaaladiisa gaarka ah iyagoo maraya deegaan ka tirsan
gobolka hiiraan islamrkaana warbaahinta qaarkeed sheegtay in
dhaawac soo gaaray wadaadka ayuu ku sheegay inuu caafimaad qabo
oo aysan jirin wax soo gaaray haba yaraatee.
Sheekha ayaa intaasi ku daray inay jirto Weerar lagu qaaday
Gaari uu la socday meel u dhow Degmada Buulo Burde ee Gobolka
Hiiraan, isagoo tilmaamay in weerarkasi ahaa mid aan loogu talo
gelin balse uu si kama ah ku dhacay islamrkaana ay waxyeelo
dhaawac kasoo gaadhay labo kamid ah ilaaladiisa .
Sidoo kale sh,fu,aad shongole oo wax laga weydiiyey dilalka
qorsheysan ee ka dhaca caasimada muqdisho islamrkaana ay
masuuliyiinta maxaakiimta qaarkeed ku eedeeyeen ururka
al-shabaab ayuu waxuu kaga jawaabay inaysan arintaasi waxba ka
jirin islamrkana ay dilalakaasi ka dambeeyaan rag gaar ah oo u
adeega danaha cadowga islaamka .
"Dilalka qorsheysan ee Muqdisho ka dhaca Shabaab kama
dambeeyo,waxaana wada rag gaar ah oo la yaqaano oo u adeega
cadowga islaamka ,Si aad ahna anigu waan uga xumahay in la dilo
ragii aan isku safka ahayn walaahi waxbana kama ogi rag igu
qaali ah oo aan aad uga naxay ayaana la dilay subxaanalaah" ayuu
yiri sh,fu,aad
Dhinaca kale sh,fu,aad shongole oo la weydiiyey tegitaanka
gobolada dhexe ayaa shaaca ka qaaday inuu gobolada galguduud iyo
hiiraan meelo ka tirsan uu tegey islamrkaana ka wadey fidinta
diinta islaamka isagoo carabka ku adkeeyey in muxaadarooyin kala
duwan uu ku qabtay meelo ka tirsan goboladaasi islamrkaana dadka
ugu yeerayey xaqa siday u fahmi lahaayeen .
Madaxweyne Shariif Sh,Axmed Oo Sheegay Inuu Ku Guuleystay
Yaboohii Kaalmeed Ee Wadamada Uu Safarka Ku Tegey
Madaxweynaha Dowlada FKMG ah ee soomaaliya Shariif Sheekh Axmed
oo shalay galinkii dambe soo gaadhay caasimada dalka soomaaliya
ee Muqdisho ayaa warbaahinta qaarkeed u sheegay inuu soo maray
wadamo dhowr ah islamrkaana weydiistay inay ka caawiyaan dhinaca
dhismaha ciidamada iyo weliba tababaradooda .
Shariif Sheekh Axmed safaro kusoo kala bixiyay wadamada Turkiga,
masar, Brussels, Kenya iyo suudaan ayaa faahfaahin ka bixiyay
safaradiisa islamrkaana shaaca ka qaaday inuu yaboohii uu
wadmadaas ula tegey ay dhamaantood uu ku guulaystay isagoo
carabaabay inay ugu soo dhamaadeen is faham .
Sidoo kale Madaxweyne Shariif ayaa si gaar ah diirada u saaray
safarkiisii ugu dambeeyey ee wadanka suudaan isagoo tilmaamay
inuu aad ugu farxay is afgarad iyo soo dhoweyn uu kala kulmay
madaxweynaha wadanka suudaan cumar xasan al-bashiir taasoo uu ku
macneeyey inuu ugu yaboohay inuu ka saacidi doono tababaro ay u
fidin doonaan ciidamo soomaaliyeed islamarkaana ay todobaadyada
soo socda gaadhi doonaan dalkaasi ciidamo soomaaliyeed oo mudo
90-cisho ah ku qaadan doona tababar iyo wacyi gelin .
Dhinaca kale madaxweyne shariif oo saxaafadu weydiisay bal sida
ay u u kala sooci doonaan ciidamadii maxaaiimta iyo kuwii
dowladii hore iyo cidda la diri doono ayaa ku jawaabay inaysan
jirin ciidan kala soocan oo ay isku mid noqon doonaan diritaanka
tababarada soo socda
“Ciidamada aan direyno ma noqon doonaan kuwa qeyb gaar ah ka
socda, balse ciidamada Dowlada kuwada jira waa isku mid lama
kala takooraayo, waxaana loo xuli doonaa si cadaalad ah” ayuu
yiri madaxweyne shariif
Si kastaba ha ahaatee, Xukuumada Suudaan ayaa dadaalo ugu jirta
sidii ay usoo afjari lahayd khilaafyada sii xoogaysanaya ee u
dhexeeya dowlada iyo xoogaga islaamiyiinta kasoo horjeeda
kuwaasoo ay todobaadyadii nasoo dhaafay isku day ka samaysay
sidii ay ugu kala dab qaadi lahayd hogaamiyaha islaamiyiinta
garabka asmara sh,xasan daahir aweys iyo madaxweyne shariif
sh,axmed oo u muuqda kuwo rajo xumo laga muujinayo .
yaasiin Maxamed faytin
yaasiinfaytin@hotmail.com
Muqdisho