w w w . S o m a l i T a l k . c o
m
|
SOMALITALK - WARAR
|
Masuuliyiinta Ehlusuna Waljameeca Ee Ku Sugan Magaalada Doolow Oo
Beeniyay Inay Wadahadal La Galeen Xoogaga Alshabaab Ee G/Gedo
- Waa waraysi aan la yeeshay afhayeenka Ehlusunna Ee Gedo Sh
Ismaaciil Sh Cabdi Oo Loo Yaqaano Koofi oo ku sugan Magaalada Doolow
Ee Xadka Itoopiya Iyo Soomaaliya
Halkan ka
dhagayso
Sh ismaaciil Sh Cabdi oo loo yaqaano Sh Ismaaciil Koofi oo ah
afhayeenka Ehlusuna Waljameeca ee G/Gedo ayaa mar uu la soo xiriiray
warbaahinta waxaa uu maanta markii ugu horaysay gaashaanka u daruuray
hadalo la xiriira inay wadahadal la galeen xarakooyin islaamiga ah eek u
sugan gobolkan Gedo.
Afhayeenka ayaa ku nuuxnuuxsaday in aysan jirin wax xiriir ah o ay la
sameeyeen masuuliyinta heer gobo lee xoogaga islaamiga ah .waxaana uu
carabka ku adkeeyay in aysan dhicin cid ay wadahadal ay la galeen.
“ ma jirto cid aan la hadalnay ,dagaalkeenu ma ahayn mid qabiil ee wuxuu
ahaa mid diineed , taasi waxa ay u baahantahay in la helo cid diinta
taqaana oo dhexdhexaad iyo goob ku haboon, dadka sheeganaya wadahadalka
taasi waa been abuur lama aanan hadli ci kamid ah lama aan hadli
doono”.sidaasi waxaa yiri Sh Ismaaciil Koofi
Sheeqa ayaa ku gacan sayray in waanwaan ay sheegeen in kooxda Xildhibaan
barre Hiiraale ee k u sugan magaaladaasi Doolow ay la bilaabeen xoogaga
islaamiga ah. waxaa uu ku jawaabay mar uu arrimahaasi ka hadlayay.
“Taasi waxba kama jiraan , ragaasi aad sheegayso eek u sugan doolow kana
tirsan dowlada xittaa guryahooda ma tagi karaan oo dolow ayay ku xaniban
yihiin isbadaa wadahadale ,arrimahaasi walaalow waxba kama jiraan” ayuu
tibaaxay Sh Ismaaciil Koofi
Mar aynu wax ka waydiinay halka ay ku dambeeyeen dadaalo ay wadeen
odayaasha dhaqan oo la doonayay in lagu soo gunaanudo xiisadihii ka
dhacay magaalada Baardheere ayaa waxaa uu sheegay in Odayaasha Gobolka
ku sugan ay yihiin la hayste aysana ka hadli karin waxa dhabta , taasi
oo uu tusaale ahaan u soo qaatay nabadayntii baardheere oo uu tilmaamay
in ay horay u fashilantay.
Hadaladan kulkul ee ka soo yeeraya wadaada Ehluna Waljameeca eek u sugan
magaalada Doolow oo ku taalla xadka ayaa waxa ay ku soo beegmayaan xili
maalmihii la soo dhaafay ay hoggaanka Alshabaab Ee G/Gedo ay sheegeen
inay wadahadal la galeen qaar kamid ah xubnaha ku sugan magaalada Doolow
oo isugu jira Ehlusuna waljameeca iyo xubno ka tirsan garabka Xildhibaan
Bare Hiiraale.
mohamed gaarane <gaarane68@hotmail.com>
Faafin: SomaliTalk.com | April 30, 2009 |
Kulaabo bogga www.SomaliTalk.com
©
www.SomaliTalk.com
La soo xiriir:
|
|
|