w w w . S o m a l i T a l k . c o
m
|
SOMALITALK - WARAR
|
Qarax lagu dilay Taliyihii Hay'adda Sirdoonka Puntland ee (PIS)
Qaybta Galkacyo Yasin Tolwaayey.
Labo Qof ayaa ku dhintay Afarna Waa ay ku dhaawacantay Qarax lagu
khaarajiyay Yasin Tolwaayey Taliyihii Hay'ada Sirdoonka Puntland ee
(PIS) Qaybteeda Galkacyo.
Waxaa Magaalada Galkacyo ee Gobolka Mudug ka dhacay Qarax ahaa
Bom-Gacmeed lagu soo tuurey Baabuur uu saarnaa Taliyihii PISta ee
Gobolka Mudug iyo labo nin oo Istaafkiisaa, Sida ay noo xaqiijiyeen
dadweyne ku sugnaa halka uu ka dhacay qaraxaas ayaa ku tilmaamey in uu
falkaas ka danbeeyey nin watay gaari Market ah kadibna uu ka soo degay
kuna tuurey Bom-Gacmeed Gaarigii uu saarnaa Taliyihii (PISta) markii uu
Qaraxa sameeyeyna Haleeli waayey in uu Dib ugu laabto Gaarii uu watay.
Waxaa uu ninkaas Dabo yaacay oo rasaas ku furay dad agaas joogay kadibna
sida ay wararku sheegayaan waxaa isaguna oo iskaga difaacay Bastoolad
wuxuuna dhaawacay labo nin oo cayrsaneysay Danbiilaha falkaan gaystay
isagana sidoo kale waxaa lala beegsaday xabad waxana lagu qabtay isaga
oo dhaawac ah.
Qaraxaan ayaa sidoo kale ku dhimatay Gabar Agmaraysay Gaariga la
qarxiyey waxaa kaloo ku dhaawacmay Labadii Istaaf ee la socotay Yasin
Tolwaayey iyo Labadii Nin ee soo qabtay Danbiilihii Falkaan Geystay oo
uu rasaas ku furay. Waa markii ugu horeesay ee magalada galkacyo gacanta
lagu dhigo shaqsi fal Qarax ama Dil ah geystay, Iyadoo in badani ay ka
dhacday Galkacyo Qarax iyo Dilal isdaba joog ah oo aan gacanta lagu
dhigin Dadkii Geystay.
Qaraxaan ayaa uu ka dhacay Ka meel farsa magaalaha ah waxaana halkaas ku
sugnaa dadweyne aad u faro badan oo marayey aaga uu qaraxa ka dhacay iyo
nawaxigiisa waxaana uu wararku sheegayaan in danbiilihii falka geystay
lagu soo qabtay aaga Isteeshinka Miir oo meel cabaara u jirta halka uu
qaraxu ka dhacay.
Isku soo wada duuboo Danbiilihii Qaraxaan geystay ayaa ay gacanta ku
dhigeen Ciidamada Booliska Dowlad Goboleedka Puntland ee Magalada
Galkacyo waxaana lagu wadaa baaritaan sidii loo ogaan lahaa Falkaan in
uu kaligiis ku kooban yahay iyo in laga danbeeyey.
Farxaan Yasin Mire (isqootax)
isqootax@hotmail.com
Faafin: SomaliTalk.com | April 30, 2009 |
Kulaabo bogga www.SomaliTalk.com
©
www.SomaliTalk.com
La soo xiriir:
|
|
|