Barnaamijkii Radio Xoriyo
20 April 2009.
Ciidanka xoreynta Ogadenya oo halgalo ka fuliyey gobolka Afdheer
ee Ogadenya.
Ciidamada nacabka ah oo dad rayid ah waxyeelooyin kala duwan u
gaystay.
Hayada Ilaalinta xasuuqa (GENOCIDE WATCH)oo ka dalbatay qaramda
midoobay in la soo afjro xasuuqa ay gaysanayso Itoobiya.
Jaaliyada Ogadenya ee Australia oo kulan rasmi ah la yeelatay
raiisul wasaaraha wadanka
Siminaarkii ururka Dhalinyarada Ogadenya ee Denmark oo guul
kusoo gaba-gaboobay
======================
Ciidanka xoreynta Ogadenya oo halgalo ka fuliyey gobolka Afdheer
ee Ogadenya.
Wariyaha Radio Xoriyo ee jiida hore ku sugan ayaa noosoo wariyey
in Howlgalo ay fulieen qaybo kamid ah ciidanka qalabka sida ee
xoreynta Ogadenya 07/04/09 kana fuliyeen Duleedka Magaalada
Hargeelle ee gobolka Afdheer ay ciidamada gumaysiga itoobiya
kaga Gubeen Hal Gadhi iyo Waxii Sarraa oo dhan waxaana laga
Qabsaday Shan Gaadhi oo kale
Dhacdadaas iyo dagaallo kale oo ka dhacay gobolkaas Afdheer
Kadib Wuxuu Woyaanuhu Xannibay Dhammaan wixii iskaadhsiin
taallay Gobolada Liibaan iyo Afdheer
12/04/09 Abbaa-Qorow oo ka tirsan gobolka Shabelle waxay
ciidamada gumaysigu ku dileen nin Rayid ah oo Magaciisa la odhan
jiray alle ha unaxariistee
Cabdi Jaamac Cawl
Ciidamada nacabka ah oo dad rayid ah waxyeelooyin kala duwan u
gaystay
31-03-09 Halloobiyo oo ka tirsan magaalada Baabili waxay
ciidamada dilka ku caanbaxay ee gumaysigu ku dileen Nin Shicib
ah oo la odhan jiray alle ha unaxariistee Sacdi Sheekh Yuusuf .
09/03/09 Degmada Fiiq ee gobolka Nogob Waxay ciidamada daalan ee
gumaysiga Itoobiya ku xidheen dad badan oo uu kamid yihiin
Saxane Aamin Ismaaciil iyo Mohamed Askar
25/03/09 Degmada Xamaro ee gobolka Nogob Waxay ciidamada
gumaysigu ku xidheen kuna dhaceen dad badan oo shacab ah waxaana
kamid ah
Mahad Carab Xayi oo la xidhay lagana Dhacay 1000 Birr,iyo
Maxamuud Saxane .
5/04/09 Degmada Dhagaxbuur ee gobolka Jarar Waxay ciidamada
gumaysigu ku xidheenlaba nin oo kala ah:
1- Cabdi Mahad
2- Nuur Mahad
05/04/09 Degaanka Qoraan oo ka tirsan degmada Qabribayax waxay
ciidanka gumaysigu ku jidh dileen kadibna la tageen nin Shicib
ah oo la yidhaahdo
Xasan Mataan Cumar Cali ilaa iyo hadana ninkaas lama hayo raq
iyo ruuxba.
04/04/09 Duleedka Magaalada Sagag ee gobolka Nogob Waxay
ciidamada gumaysiga Itoobiya ku dhaceen Dadyoow Xoola-Dhaqata
o:o ay kamid yihiin: Maxamed Sheekh C/llaahi waxaana laga Dhacay
8 Neef oo Adhi ah.
8/04/09 Degmada Birqod ee gobolka Nogob ayay ciidamada gumaysigu
ka dhaceen dad shacab ah oo ay ka dhaceen Hanti fara
badan,waxaana kamid ah dadkaas ay ciidamada gumaysigu dhaceen:
1- Maxmed Siyaad Cabdi lagana DHACAY 11,000 KUN OO BIR
2- Xaliimo Ibraahim Cabdi oo laga dhacay 12,000 kun oo birr
3-Kamaal Axmed Nuur oo aanaan wali haynin inta ay la egtahay
hantida laga dhacay
4-Daahir Cabdi Duwane oo aanaan weli heli inta ay la egtahay
maalka laga dhacay.
04/04/-09 Degmada Awaare ee gobolka Jarar waxay ciidamada
gumaysigu ku xidheen dad badan oo ay kamid yihiin:
1-Cabdi Axmed Faroole
2-Maxamuud Cismaan Faarax Gacan
11/04/09 Dhagaxmadow oo ka tirsan gobolka Jarar waxay gumaysigu
ku xidheen dad rayid ah oo ay kamid tahay : Istaahil Qoofal oo
Umul ah .
12/04/09 Daalootiyoowga oo Daakhato ka tirsan ee gobolka Nogob
Waxay ciidamada gumaysigu ku xidheen
1-Cabdi Dhuub Maxamuud iyo
2-C/llahi Dheeg Caydiid
Hayada Ilaalinta xasuuqa (GENOCIDE WATCH)oo ka dalbatay qaramda
midoobay in la soo afjro xasuuqa ay gaysanayso xukuumada
Itoobiya.
Warqad uu u qoray qaramada midoobay(UN) gudoomiyaha Hayada
Ilaalinta xasuuqa ee la yidhaahdo (GENOCIDE WATCH) Dr. Gregory
Stanton ayaa waxa uu ku cadeeyay markii mudo ay baadhayeen lana
kaashadeen khibrada ay u leeyihhiin xasuuqa ayaa waxaa cadaatay
in xasuuq loogaystay dadyoga ku hoos nool xukuumada Itoobiya.
Xasuuqan ayaa waxaa gaystay ciidamada dawlada Ethiopia ee uu
kaligii taliye Meles Zenawi madaxda ka yahay.Warqadan ayaa waxaa
lagu cadeeyay in aan marnaba maxkamad la soo taagin
danbiilayaashii gaystay xasuuqaas oo ay sababtuna tahay musuq
maasuqa ka jira maamulka Ethiopia.
Iyda oo lawda ogyahay in ay ciidamada dawlada Ethiopia gaysteen
xasuuqan loogaysatay dadyowga ku hoos nool itoobiya, ayaa waxaa
cad in aan wali waxba laga qabanin dadkii xasuuqaas gaystay oo
ay walina xasuuq hor leh ka bilaabeen gobolo kale oo ay ka mid
tahay Ogadeniya oo ay ka sii darayso xaalada wadanku guud
ahaanba.
Ururo madax banana ayaa isku dayay in ay baadhaan xasuuqyada ay
ciidamada Ethiopia gaysateen, waxaay had iyo jeerna ku
celceliyaan in ay dawladu la dagaalamayso Jabhado mucaarid ah
taas oo xad gudub ku ah xaquuqal insaanka.
Waxaan si adag qaramada midoobay haydda xaquuqal insaanka uga
codsanaynaa anaga oo ka duulayna cadaymaha aan hayno in si rasmi
ah oo madax baanaan loo baadho xasuuqyadan ay dawlda Ethiopia
gaysatay maxkamadana la hor keeno cidii danbiyadaas gaystay.
Sidaasna waxaa yidhi gudoomiyaha hay,dada ilaalinta xasuuqyada
Dr.Stanton.
Dr Stanton ayaa intaas sii raaciyey:Waxaan aamisanahay in
dadyowga Ethiopia dagan ee xasuuqa loogastay ay inbdan sugayeen
in maxkamad la hor keeno danbiilayaasha xasuuqaas ka danbeeyay
cadaaladana la helo.
Waxaa cad haddii cadaalada la hor keeno dawlada EPRDF ee uu
kaligii taliye Meles Zenawi madaxda ka yahay in uu geeska Afrika
heli doono daganaansho iyo xasilooni rasmi ah ayuu hadalkiisii
sii raaciyey.
Waxaanan idiinku balan qaadaynaa in aanu gacan idinka siino
baadhidan xasuuqyadan ay dawlada Ethiopia gaysatay.
Jaaliyada Ogadenya ee Australia oo kulan rasmi ah la yeelatay
raiisul wasaaraha wadanka Australia Kevin Rud
Jaaliyadda Ogaadeenya ee waddanka Australia ayaa waday dadaalo
ay ku xoojinayso sidii ay u soo bandhigi lahay dhibaatada &
tacadiga dhanwalba ah ee lagu hayo shacabka Ogaadeenya waxayna
jaaliyadu sanadihii ugu dambeeyay xoojisay in ay xidhiidho la
samayso dawladda waddanka Australia oo ka jirto jaaliyad xoogan
oo isku duuban.
Waxaa maalmihii ugu dambeeyay ka socday waddanka Australiya
dadaal ay Jaaliyaduhu kula kulmayeen madax ka tirsan dawladda
Australia.
Bisha Abriil 16keedii wofuud ka socota Jaaliyadaha Ogaadeenya ee
gobolada Queensland iyo NSW ayaa la kulmay Wasaaradda Arrimaha
Dibadda, madaxa qaabilsan Afrika iyo Bariga Dhexe, Mr. Jon
Richardson. Waxayna woftigu kula kulmeen magaalada Canberra ee
caasimadda waddanka Australia.
Woftigu, wada hadal dheer oo dhexmaray iyaga iyo masuuliyiinta
kadib, waxay u gudbiyeen qoraal ka hadlaya dhibaatada Gumeysiga
Itoobiya ku hayso shacabka Ogaadeenya iyo asalka dhibaatada oo
ah gumeysi caalamku indhaha ka qabsaday iyo in gargaarka
caalamiga loo adeegsado in lagu laayo shacabka aan wax galabsan.
Wuxuu ku dhamaaday kulankaasi guul iyo is af-garad waxayna
halkaas ugu dhibeen qoraal ka socda Jaaliyadda Ogaadeenya ee
waddanka Australia.
Bishan 18keedii waxaa kulan khaas ah la yeeshay Prime Ministerka
Australiya, Hon. Kevin Rudd, Guddoomiyaha Jaaliyadda Ogaadeenya
ee Queensland, Faarax Sheikh Abdiwahab, isaga oo u sharxay
dhibaatada Itoobiya ku hayso shacabka Ogaadeenya iyo siduusan
caalamku wax uga qabanin. Wuxuu Guddoomiyuhu u gudbiyey Mr Rudd
qoraal muujinaya dhibaatada shacabka Ogaadeenya haysate ee ay
Itoobiya ku hayso & xaaladda Geeska Afrika guud ahaan.
Jaaliyadda Ogaadeenya ee waddanka Australia ayaa dadaal badan
ugu jirta sidii ay waddanka ay ku noolyihiin u gaadhsiin
haalayeen dhibaatada lagu hayo shacabka Ogaadeenya oo loo gayto
dhibaatooyin aad u faro badan, waxayna Jaaliyadu goosatay in ay
kulan yeelato sanadkiiba mar waxaana todobaadkan soo socda
furmaya shirkii sanadlaha ahaa ee Jaaliyadaha Ogaadeenay
Australiya iyo New Zeanld kulankaas oo lagu lafo guri doono
waxqabadka Jaaliyadaha laguna xoojinayo hawlaha Jaaliyadaha ayaa
ka 25/04/09 dhacaya Gobalka Victoria magaalada Melbourne.
Siminaarkii ururka Dhalinyarada Ogadenya ee Denmark oo guul
kusoo gaba-gaboobay
Ururka dhalinyarada Ogadenya OYL faraciisa Denmark ayaa siminaar
ugu qabtay dhalinyarada u dhalatay ogadenya ee dagan wadanka
Denmark magaalada Odense maalintii Sabtida ahayd.
Siminaarkaas oo socday muddo laba maalmood ah ayaa lasoo
gabagabeeyey fiidnimadii habeenkii siniinta ahayd ee
xalay,waxaana siminaarkaas ujeedadiisu ahayd sidii loo kobcin
lahaa maskaxda dhalinyarada u dhalatay ogadenya ee qurba joogta
ah iyo in la baro dhulkoodii hooyo iyo taariikhdiisaba.
Siminaarkaas ayaa laga bixiyey duruus iyo cashiro waxtar ulahaa
dhalinyarada ogadenya ee qurba joogta ah iyadoo ay siminaarkaas
bixinayeen aqoonyahano u dhashay ogadenya oo ka kala yimid
UK,Holland iyo Denmark.
Gen. Cabdullaahi Mukhtaar la taliyaha gudoomiyaha Jwxo oo kamid
ahaa aqoonyahaniintii siminaarka duruusta ka bixisay ayaa ka
hadlay:
A-Maxay ururnimadu tahay?
B-Wajibadka xubinka
C-Wada shaqaynta xubnaha
Prof :Yuusuf Cadami oo kamid ahaa aqoonyahadii siminaarkaas
duruusaha ka bixiyey kana yimid wadanka Ingiriiska ayaa isagu ka
hadlay:
A-Diinta Islamka iyo Halgan Ogadenia
B-Wajibadka muwaadinka Ree ogadeniya?
C-Halgan JWXO iyo Diinta?
D-Jahwareerinta Umada reer Ogadeniya iyada oo diinta la
garabsan?
Sidoo kale waxaa kamid ahaa aqoonyahanadii siminaarka kaalinta
lixaadka leh ka qaadatay Cabdullaahi Colaad oo si qotadheer uga
hadlay Taariikhda Dalka, Halganka Ogadenya iyo marxaladihii kala
duwanaa ee uu soo maray iyo dhaqanka ummadda soomaaliyeed.
Ugu dambayntiina waxaa siminaarka darsi xog warran iyo warbixino
dheeri ah kabixiyey Mudane Bashiir Yuusuf oo kamid ahaa
aqoonyahaniintii sida rasmiga ah siminaarka loogu marti qaaday
isagoo ka yimid wadanka Holland waxaana kamid ahaa qodobadii uu
ka hadlay:
A-Xadgudubka Shacabka So. Ogadeniya Gumaysigu ku hayo.
B- Isu barbar dhigit: Dowrka Halgan ee Dhalinta Gudaha iyo
Dhalinta Qurbaha ku nool.
20 April 2009
Cabdinuur Sh. Maxamed
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa Mawjadaha 31 MB iyo 41
MB, iyo internetka Radioxoriyo.com,Ogaden.com Habeenada
Talaadada & Sabtida 20:00PM – 20:30 waqtiga