XAFIISKA QARAMMADDA MIDOOBAY
U QAABILSAN ARRIMMAHA
SIYAASADDA SOOMAALIYA
WAR SAXAAFADEED- 014/2009
ERGAYGGA GAARKA AH EE
QARAMMADDA MIDOOBAY U QAABILSAN
ARRIMMAHA SOOMAALIYA OO AAD U
CAMBAAREYEY WEERARKII LAGU
QAADAY SIYAASIINTA SOOMAALIYED
NAIROBI, 17 APRIL 2009
Ergaygga Gaarka ah ee
Qarammadda Midoobay u Qaabilsan
Arrimmaha Soomaaliya Ahmedou
Ould Abdullah ayaa si aad ah u
cambaareyay weerarkii beeg-sadka
ahaa ee dhawaan ka dhacay
Muqdishu, looguna dan-laaha in
dhib loogu dhigo hawlgalka socda
ee ay wado xukuummadda cusub si
loo soo celiyo nabadda, isla
markaasna Golaha Shacabka ay u
ansixiyaan ku dhaqanka
shareecada islaamka”.
“Shalay, koox is-qari-neysay,
ayaa isku dayday in ay disho
geesi wadani ah oo ka mid ah
Golaha Wasiiradda” ayuu yiri
Ould-Abdullah. “Maalintii ka
horeysayna, mudane
barlamaanteeriyaan ah oo aan
waxba galabsan ayaa la dilay.
Waxaan ka xumahay weraradaan
lagu qaaday laba nin oo
muslimiinta dhabta ah”.
“Waxaa cad in kuwa ka
danbeeya qaskaani ay yihiin kuwa
aan rajo laheeyn. Waxay ka
warqabaan talaabooyinka
wax-tarka leh ee ay qaadeeyso
xukuummada iyo dadaalada ay wado
ee ku aadan in ay kaga jawaabto
rabitaanka dadka iyo gobalkaba.
Horumar ayaa laga gaaray gudaha,
dhammaan bulshada caalamkuna
waxay muujinaysaa rabitaankooda
ku aadan in ay kaalmo
bixiyaan”.
“ Kuwa ka danbeyey werarakaan
ka dhanka ah Muslimiinta
Soomaaliyeed, kama fakan-doonaan
in ay la kulmaan caddaalda Eebe
ama tan Aadanahaba. Waxaa
cambaareynaaya bulshada
caalamka, hogaanka Sare ee
Soomaaliyed iyo weliba dadkooda.
Ujeedada dhabta oo ay leeyihiin
waa in ay Gobalka iyo dibadaba
ku sharaf-dilaan muuqaalka iyo
sumcadda Soomaaliyed, iyo in ay
ku hayaan dalka qaska iyo
Sharci la’aanta, taas oo ay ka
faa’iidaysteen labaatankii sanno
ee la soo dhaafay. Si kastaba ha
ahaatee, waxaan markaan ku
kalsoonahay in aysan
guulaysandoonin.”
--------------------------------------------------------------------------
For more information please
contact: Susannah Price or Donna
Cusumano,
Public Information Officers,
UN Political Office for Somalia
(Nairobi, Kenya)
Tel: +254 20 762 1192/1625or
+ 254 733902020/737400133