Axmed Walad Cabdalla: Warqad ku socota Jaalliyadda Soomaaliyeed ee dalka dibaddiisa ku nool
- Shir Dhaqaale loogu uruurinaayo Soomaaliya oo April 22-23, 2009 lagu
qabanayo Burussels
Qoraal ka kooban sagaal qodob oo uu jaalaidda Soomaaliyeed ee qurbaha u soo
diray wakiilka QM ee Soomaaliya, ayaa waxaa ku xusan in: Si dhaqaale loo helo, nabadgeliyadana loo hormariyo, Qarammadda
Midoobay oo ay wehliyaan Midowga Europe ayaa waxay qabanayaan shir
ka qeybgalkiisu sareeyo oo dhaqaale loogu uruurinaayo Soommaliya,
waxaana shirka lagu qabanayaa Burussels inta u dhexeysa 22-23 Abriil
2009, Shirkaani waxaa shir gudoomin doona Xoghayaha Guud
ee Qarammadda Midoobay....
Qoraalkaas oo dhan waxa uu u qoraa sidan:
United Nations Political Office for Somalia (UNPOS)Xafiiska Qarammada
Midoobay u Qaabilsan Arrimaha Siyaasadda Soomaaliya
Warqad ku socota Jaalliyadda Soomaaliyeed ee dalka dibaddiisa ku nool
(no.13)
Nairobi, 3 Abriil 2009
Al- salaamu caleykum
- Bishii la soo dhaafay waxaa dalka gudihiisa iyo dibaddiisaba ka
jiray dhacdooyin intuba ahaa kuwa waxtar leh. Sid ay caadadu aheyd
waxaan jeclahay in dhowr daqiiqo oo waqtigeyga ka mid ah aan
idinkaga warbixiyo halka aan u maleynaayo in arrinta Soomaliyeed ay
hadda mareyso.
- Waxaan hadda ka soo laabtay shirkii kulan-madaxeedka Wadamadda
ku jira urrurka Jaamacadda Carabta ay ku lahaayeen magaalada Doxa,
Qadar, halkaas ajendaha looga hadlaayey ay arrinta Soomaaliya meel
weyn kaga jirtay. Waxaan ka qeybgaley kulamo muhiim ah ee
dhexmaraayey madaxda carbeed iyo Xoghayaha Guud ee Qarammadda
Midoobay. Arrinta marka si guud loo eego, madaxda carbeed waxay
taageer-sanaayeen xukuumadda cusub ee Soomaaliya, waxayna muujiyeen
rabitaanka ay u hayaan in xukuumadu hirgasho. Kulankii uu la yeeshay
Xoghayaha Guud ee Qarammadda Midoobay, Madaxweyne Sheikh Shariif
Sheikh Axmed wuxuu carabka ku adkeeyey in xukuumaddiisu u maamuli
doonto wixii dhaqaale ah ee la siiyo ummadda Soomaaliyeed si
mas’uuliyadi ku jirto oo cad. Madaxweynaha wuu ku saxsanaa in uu
siddaan u caddeeyo arrintan, maxaa yeelay waddamo badan oo carbeed
ayaa shaki ka muujiyey qaabka ay maddaxda Soomaaliyeed u maamuleen
dhaqaalihii horey loo siiyey, isla waddamada aan hadda ka hadleeyno
ayaa go’aansaday in ay Soomaaliya kaalmo dhaqaale siinayaan oo
kaliya markii ay nabad-buuxda ku soo noqoto. Dhaqaalaha laga
hadlayey wuxuu ahaa saddex (3) milyan oo doolar in la helo bilwalba
muddo 12 billood ah. Xukuumaddu waxay halkaas ka muujisay
mahadcelinteeda, waxayna go’aansatay in ay codsigeeda ay dib u
dhigto ila iyo waqtiga ku habboon.
- Ganacsatada Soomaaliyeed ayaa soo jeediyeen tallooyin waxtar
lehna ka geystay shir muhiim oo looga hadlayey shaqo u abuurista
dhalinyarada Soomaaliyeed, kaas oo ka dhacay Jabuuti 21-22 Maajo
2009. Kulanku wuxuu diirada saaray sidii fursad tababaro
xirfadi-ku-dheehan tahay iyo shaqaba loogu abuuri lahaa
dhalinyarada loo diiday fursad ay ku noolaadaan, kuwaas oo ku nool
rajo la’aan, duruuftuna ay ku kaliftay in ay degganaasho la’aan iyo
denbi ay faraha la galaan. Kulanku wuxuu door ka geystay in uu
abuuro xiiriirka ka dhexeeya xukuumadda, ganacsatada iyo
dhalinyaradaba. Guddi la socda arrintaan ayaa la sameeyey, kaas oo
soo diyaarin doona istaraatajiyada wax barasho iyo shaqaba loogu
abuuri lahaa dhallinyarada, soona diyaarin doona mahsaariic la
xiriira arrimahaani iyo habkii dhaqaale loo heli lahaa. Waxaan
rumeysanahay in fursadaan shaqo abuurista ahi ay ka mid tahay
arrimaha ugu muhiimsan ee aan u baahanahay in si deg-deg ah wax uga
qabanno si aan u xaqiijinno helitaanka mustaqbal nabadi ku dhehan
tahay ee Soomaaliyeed.
- Bishii tagtey, waxaan booqday Washington aniga oo ahaa shakhsiga
sida weyn uga hadlay shir ku saabsanaa caqabadaha ka hor immaan kara
in Soomaaliya dib wax looga qabto, shirkana waxaa martigeliyey
xarunta istiraatijiyada iyo daraasaadka caalamiga ah oo la
kaashanayey Machadka Mareykanka u qaabilsan arrimaha nabada ee ku
yaala Washington. Arrintaani, waxaa kale oo ay fursad ii siisay in
aan wadahal la yeesho dad fara badan oo kala gedisan sida Senator
Russ Feingold oo ah madaxa gudi hoosaadka Senate-ka u qaabilsan
arrimaha Afrika, sii hayaha Kaaliyaha xoghayaha arrimaha dibadda
qaabilsan Afrika, Phil Carter, Ken Mekhaus ka tirsan kuliyada
Davidson, Cabdi Samatar oo ka tirsan Jaamacadda Minnesota iyo
Jabriil Cabdulle oo ka tirsan xarunta Cilmi-baarista iyo
wada-hadalada iyo xubno ka tirsan Jaalliyada Soomaaliyeed ee dibadda
ku nool. Ka qeybgalayaashu waxay aad u soo dhaweeyeen geedi
socodkii Jabuuti, waxayna si buuxda uga wadahadleen arrimaha
mustaqbalka Soomaaliya.
- Muddadii aan wadahadalka kula lahaa Washington Wasaaradda
arrimaha dibadda Mareykanka iyo gudiga amaanka Mareykanka, waxaa si
cad u soo shaac-baxay in maamulka Mareykanka uu aad uga
walaacsanyahay soo ifbixidda afkaaraha xagjirka ah ee ka jira
dhallinyarada Soomaaliyeed ee Mareyknaka ah. Sida aad og-soon
tihiin, mid ka mid ah ismiidamiyaashii Hargeysa waxaa ka mid ahaa
nin dhallinyaro Mareykan ah, asalkiisuna uu Soomali ahaa, kuna noola
Minnesota. Wiilkaani wuxuu noqday ninkii ugu horeyey oo Mareykan ah
ee is-qarxiyey. Dhallinyarada kale ee Soomaaliyeed ee Mareykanka ah,
ayaa loo maleynayaa in ay Soomaliya u joogaan inay ka ag dirirayaan
ama taageero u fadinayaan kooxaha xagjirayaasha ah. Mareykanka iyo
Wadamada kale ee reer Galbeedka ahi, waxay aad uga walaac sanyihiin
arrintaan soo korartay, bacdama shakhsiyaadkaani hawla
argagixisanimo ka sameeyn karaan wadanka. Congareska Mareykanka,
Wasaaaradda arrimaha nabadgeliyada wadanka iyo Guddiga arrimaha
dowliga u qaabilsan ayaa kulmay bishii hore, kana hadlay
dhallinyaradaan Soomaaliyeed ee Mareykanka jooga loona qoraayo hawla
argagaxisinimo. Nabadgeliyo la’aanta ka sakow, dhalinyaradaan
xagjirka ahi, waxay si aad u xun u dhaawacayaan magaca iyo sharafta
dhallinyarada Soomaaliyeed ee sharciga jecel kuna nool dalka
dibaddiisa kuwaas oo si joogta ula kulmaaya shaki iyo tuhumo ku
saabsan waxaysan ayagu denbi ku laheyn. Afrika dhexdeeda, arrintaan
tuhumka ah dartii ayaa wadanka Botswana wuxuu u soo eryey dad
Soomaaliyeed ayaga oo looga shakiyey inay fulinayaan fal
argagixisinimo ah. Bulshooyinku waxay u baahan yihiin in ay helaan
habkii ay ku xaqiijin lahaayeen in dhallinyaradoodu aysan ku dhicin
habkaan xagjirnimadda ku dhisan iyo cawaaqib xumada uu keeni karaba.
- 20kii Maarso waxaan la hadlay Golaha Amaanka Qarammadda Midoobay
aniga oo carabka ku adkeeyey baahida loo qabo in kaalmo deg-deg ah
loo fidiyo maamulka cusub ee Soomaaliya, labada ama saddexda billood
ee soo socoda. Arrintaan waxaa asna ka dhawaajiyey Wasiirka cusub ee
Arrimaha Dibadda, Maxamed Cabdullahi Oomaar, kaas oo xoogga saarey
ujeedooyinka waqtiga dhow la gaari karo. Danjirayaal farabadan ayaa
isku raacay in Xukuumaddu hadda ay u baahan tahay kaalmo. Arrintaan
waxaan kala hadlay Xoghayaha Guud ee Qarammdda Midoobay,
Danjirayaal, Wasiirada Arrimaha dibadda iyo Difaaca ee Wadanka
Burundi, Madaxa arrimaha nabadgeliyada ee Ururka Midowga Afrika iyo
madax kale ee sar-sare ee Qarammadda Midoobay.
- Si dhaqaale loo helo, nabadgeliyadana loo hormariyo, Qarammadda
Midoobay oo ay wehliyaan Midowga Europe ayaa waxay qabanayaan shir
ka qeybgalkiisu sareeyo oo dhaqaale loogu uruurinaayo Soommaliya,
waxaana shirka lagu qabanayaa Burussels inta u dhexeysa 22-23 Abriil
2009, Shirkaani waxaa shir gudoomin doona Xoghayaha Guud ee
Qarammadda Midoobay -waana markii ugu horesey ee Xoghayaha Guud ee
Qarammadda Midoobay uu shir gudoomiyo shir Soomaaliya ku saabsan
muddo sanooyin ah. Shirka waxaa ka soo qeybgeli doona: Louis Michel,
wakiilka u qaabilsan Midowga Europe horumarinta iyo arrimaha
bani’aadanimo, Javier Solana, wakiilka gaarka ah ee u qaabilsan
Midowga Europe siyaasadda arrimmaha dibadda iyo nabdgeliyada,
Xoghayaha Guud ee Jaamacadda Carabta , Amre Mussa iyo Ururka
Islaaamka Adduunka, Professer Ekmelledin Ihsanoglu, maddaxa ururka
midnimada afrika, Jenping iyo maddax kale oo sar-sare oo ka socda
Yurub, Afrika, Khaliika iyo Mareykankaba. Ujeedada shirkani muhiimka
ahi waxay tahay in si deg-deg ah taageero loogu fidiyo arrimaha
nabadgeliyada soomaaliya ayadoo dhaqaale loo raadinayo ciidamada
wada jirka ee Soomaaliyeed iyo AMISOM.
- Waxaan ka naxay aadna uga xumahay sii socoshada degganaasho
la’aanta ka jirya meelo badan ee Soomaaliya, siddaan horeyba u sii
caddeeyey ciidamadii Ithoobiya dalka way ka baxeen. Arrintaan oo
horey loogu andacoon jirey in ay tahay sababta ugu weyn oo dalka
qaska ugu sii socanaya. Weeraradii loo geystay wasiirka arrimaha
gudaha bishii hore sidoo kalena nin barlamanteeriyanka ahaa weerar
loogu geystey isbuucan waxay si cad u muujinayaan in loogu danlahaa
in nabada lagu qaso laakiin ma noqonayaan kuwa guuleysto. Waxa arrin
dhiiro gelin leh ah in Madaxweynaha, Xukuumadda iyo Barlamaankuba ay
caasimada Muqdisho gudaheeda ka shaqeynayaan tallaabooyin muhiim
ahna ay horey u qaadeen. Si loo soo celiyo sharafta wadankiinna,
maddaxda aan soo sheegnay waxay mudan yihiin taageero iyo in qoryaha
la aamusiiyo.
- Waxaa shaki la’aan ah inay soomaaliya hadda ka jirto fursad
nabad lagu sameynayo. Sida ay caadadu tahayba arrintan waxay
taageero ka dooneysaa qof waliba- hadday Soomaali yihiin amaba
bulshada caalamka. Taageerada qurbajoogta soomaaliyeed hadda ayaa si
aad ah loogu baahan yahay. Waxaa jira caqabado aad u waaweyn,
laakiin waxaan ku kalsoonnahay haddii la mideeyo awoodiinna iyo
go’aamadiinna waxaad kari doontaan in aad ka guuleysataan
caqabadahan waxaana dib u hanandoontaan wadankiinna. Ha noqonina
dadkii lagu tilmaamey qur’aanka kariimka: kuwaas oo sida ay suuraddu
tilmaameyso qalbigoodu, dhegahooda iyo indhahoodaba oo illaahay
xiray ama ooday wax waanana aanan maqleynin sida ku cad
suuratul-naxal aayadda 108. Isu tanaasul, isku biirin /isku hayn iyo
is cafin ayaa asal u ah soo noqoshada nabadda iyo xurmada.
Walaalkiin
Ahmedou Ould-Abdallah
Wixii war
dheeraad ah fadlan la xiriir:
Donna G. Cusumano
Public Information Officer
United Nations Political Office For Somalia (UNPOS)
Telephone: Office - 254 20 7621625
Mobile - 254 737 400133
Please visit:
www.UN-Somalia.org
Ergeyga gaarka ah
ee arimaha Soomaaliya Amb, Ahmed Would Abdallah "Waqtigan hadda la taagan
yahay, gebi-ahaanba ma jirto wax cudurdaar ah…" Qoraal uu ka soo saarey New York
Akhri Mar 14
Faafin: SomaliTalk.com | April 7, 2009 |