Qaar Ka Tirsan Warbaahinta Ka Howlgala Magaalada Muqdisho Oo
Cambaareeyey Maamulka Puntland Xiritaankii Ay Kula Kaceen Weriye Jaamac ayaanle
Ururada saxaafada ee ka Howl gala magaalada caasimada ee muqdisho ayaa
cambaarayn dusha kaga tuuray maamulka cusub ee puntland kaasoo ay tilmaameen
inuu dagaal ba,an kula jiro xoriyada qowlka iyo saxaafada .
Qaar ka tirsan warbaahinta wepsideyada soomaaliyeed ee marka lasoo gaabiyo loo
yaqaano (WWS) ee xafiisyada ku leh caasimada muqdisho ayaa maanta kulan ay isugu
yimaadeen ku falanqeeyey sida ay maamulka puntland ugu tumanayaan saxaafada
islamarkaana shaaca ka qaaday inay maamulka puntland uu si aan naxariis lahayn
ugu tumanayo saxaafada xorta iyagoo cambaareeyey muulmulka uu madaxda ka yahay
madaxweyne faroole .
Sidoo kale kulankan oo ay hadalo ka jeediyeen qaar ka tirsan weriyayaal iyo
weliba masuuliyiin ka kala socday waraabaahinta wepsidyeda ayaa tibaaxay in wax
laga xumaado ay tahay in weriye shaqadiisii gudanaya lagula kaco tacadi ka dhan
ah xoriyada saxafiga iyo shaqo ka fariisin islamrkaana xoriyada laga qaado oo
weliba lagu soo rogo xukun ka baxsan qawaaniinta saxaafada .
Dhinaca kale kulankan oo uu saxaafada uga war bixiyey waxii kasoo baxay weriye
yaasiin maxamed faytin ayaa sheegay inay cambaaraynayaan xadgudubka uu maamulka
puntland kula kacay weriye jaamac ayaanle fayte isagoo farta ku fiiqay inay xad
gudub ku tahay dhamaan warbaahinta soomaaliyeed in weriye shaqadiisii gudanaya
caburin lagu sameeyo islamrkaana xabsi keligii taliye oo aan maxakmad qawaaniin
sharciya haysan ay xabsi labo sano ah iskaga xukunto .
Iskusoo wada duuboo hadalkan kasoo yeeray qaar ka tirsan warbaahinta ka howlgala
magaalada caasimada ee muqdisho ayaa kusoo beegmaya xili dhowaan xabsiga
magaalada boosaaso lagu xidhay weriye jaamac ayaanle oo weriye ka ahaa wepsideka
laasqoray.net islamrkaana maxkamada puntland ay ku xukuntay mudo labo sano ah
taasoo ay kulankooda maanta tilmaameen warbaahinta qaarkood inay tahay caburin
saxaafadeed .
yaasiin faytin
yaasiinfaytin@hotmail.com
muqdisho
Faafin: SomaliTalk.com | April 3, 2009 |