Ahlu Sunna Waljamaaca Iyo Alshabaab oo Waanwaan Laga Dhexwado
Fadhi hordhaca oo lagu heshiisiinayo dhinacyada Al shabab iyo Ahlu sunna
Waljamaaca oo dhawaan ku dagaalamay Magaalada Baar-dheere ee gobolka Gedo, ayaa
shalay degmadaasi lagu qabtay.
Kulankaasi ayaa waxaa soo qaban qaabiyay Odoyaala soo jeeda deegaankaasi waxaana
goobjoog ka ahaa xarakada Al shabab, Xisbul Islaam iyo kooxo matalayay Ahlu
Waljamaaca.
waxaana mid ah ka mid ah nabadoonada ka qeyb galay kulankaasi uu rajo ka
muujiyay is fahan dhexmara labada dhinac ee dagaalamay.
Nabadoon Cali Cabdullaahi Cali Oo loo yaqaano Cali Gaas ayaa xusay in howlaha ay
isdaba socdaan. Waxaana uu sheegay in kulamada ay siiw adi doonaan inta ay
ujeedo dhab ah ka gaarayaan yoolkooda oo ah nabad waarta.
Inkastoo kulankaasi hordhaca ah aysan si toosa u fadhinin dhinacyada wadaada
Ahlu sunna waljamaaca kuwaasoo wali banaanka uga maqan Magaalada Baardheere ayaa
si ku meel-gaara waxaa u matalayay wadaado ay figrad ahaan mideysan yihiin.
Guddiyo lagu dhisay kulankaasi ayaa isla shalay u ambabaxay deegaanka kenta ah
halkaasoo la rumeysan yahay in ay ku jiraan Ahlu sunna waljamaaca mana cada
mabda ahaan sida ay u taageeri karaan heshiiskaasi maadama ay banaanka ka
jooggaan Magaalada Baardheere.
Maxamed Gaarane Aadan
+2525 (0) 996132
+2521 5598706
+254 (0) 722687097
gaarane68@hotmail.com
Faafin: SomaliTalk.com | April 3, 2009 |