SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Munaasabad loogu mahad-naqayay Surwal Family oo ka dhacday dugsiga Gargaar ee Borama. +SAWIRO

Sawirada Halkan ka daawo....

Munaasabad balaaran ayaa maanta ka dhacday xarunta dusgiga Gargaar ee magaalada Boorama.

Munaasabadaan waxaa ka qeyb galay mas’uuliyiin kala duwan, Wakiilka Surwal Family Mukhtaar Xuseen Meegane, Macalimiin, Maamulka dugsiga Gargaar, Waalidiin iyo Arday tira badan.

Ugu horeyn waxaa ka hadashay Ardayad Deeqa Xuseen Kaahin oo dhigata Fasalka Lixaad, waxeyna u mahadceliyay Surwal Family oo u suurta galisay inay Waxbarasho lacag la’aan helaan, waxeyna Alle ugu bariday inuu ka ajir siiyo.

Waxaa sidoo kale Arday lagu magacaabo Mukhtaar Xuseen Cabdilaahi oo ku hadlayay magacaga Ardayda, waxuu sheegay inay aad ugu mahad-naqayaan Surwal Family oo uu sheegay inay suurta galisay iyagoo aan heli laheyn waxbarasho inay u suurta galisay waxbarasho lacag la’aani ah, waxuuna sheegay in si wanaagsan wax lagu baro.

Maamulaha dugsiga ayaa sheegay in dugsigaan la aasaasay 2003, isla markaana guri kiro ah lagu bilaabay, isagoo sheegay in ujeedada lagu aasaasay dugsiga uu ahaa sidii dadka danyarta ah gaar ahaan agoonta ay u heli lahaayeen Waxbarasho.

Maamulaha waxuu sheegay inay muddo kadib suurta gashay in dugsigaan helo jago banaan iyo dhismahaan dugsiga Gargaar, waxuuna sheegay in 5 Fasal uu yahay 1 Xafiis iyo 1 Store ah, 4 Mushqulood oo laba gabdhaha leeyihiin labana wiilasha leeyihiin.

Maamulaha waxuu sidoo kale xusay in 358 Arday ay dhigtaa Wiilasha 184 halka gabdhaha iskuulka dhigtana tiradooda tahay 174 gabdhood, waxaana la dhigtaa laba shifti oo ah galinta hore iyo galinka dambe waxuuna sheegay galinka hore dhigtaan 226 arday halka galinka dambena ay dhigtaan 132 arday.

Maamulaha waxuu sidoo kale sheegay in tirade macaliminta yihiin 7 Macalin laba hablood iyo 5 rag ah, waxuuna u mahadceliyay Surwal Family oo u suurta galisay tirada intaan la ag ay si bilaasha ay iskuulka ku dhigtaan isla markaana macalimiinta iyo qarashka iskuulka ay bixiso.

Waxaa sidoo kale hadlay Wakiilka Hay’ada Surwal Family Mudane Mukhtaar Xuseen Meegani waxuuna sheegay in sannadkii 1998 mar uu yimid dalka uu ku fakiray dugsi noocaan oo kale ah in la dhiso isla markaana markii uu laabtay fikirkaasi bandhigay kadibna lagu guuleystay dhismaha iskuulka.

Mukhtaar waxuu sheegay in laba qol oo kaliya iskuulka lagu bilaabay hadana la arko heerka uu marayo, waxuuna sheegay inay wali Surwal Family dhisi doonto iskuulka oo dhinac walba ka taageeri doonto ardayda dhigta ee agoonta iyo kuwa danyarta ah iskugu jia.

Munaasabadaan waxaa sidoo kale ka hadlay Waalidiin, Macalimiinta, Arday, Odoyaasha deegaanka, Guddiga Iskuulka iyo dad kala duwan.

Daahir Axmed Jirde
Borama – Somaliland


Xubnaha Ururka ARNA oo ammaanay dadaalka Prof. Xasan Cismaan Cali.

Xubnaha Ururka Awdal Roads Network Association “ARNA” ayaa amaan balaaran u jeediyeen Prof. Xasab Cismaan Cali oo ku nool dalka Saudi Arabi.

Guddoomiyaha ARNA C/qaadir Aadan Nuur oo Saxaafada kula hadlay magaalada Borama ee xarunta gobalka Awdal ayaa sheegay inay aad ugu dhacsan yihiin oo ay ammaanayaan dadaalka uu wado Prof. Xasan Cismaan Cali oo kamid ah ragii aasaasay Jaamacada CAMUUD.

Guddoomiyaha Ururka ARNA C/qaadir Aadan Nuur waxuu sheegay in dhaqaale badan uu Professor-ka Soomaalida ku dhaqan dalka Saudi Arabia si wax loogu qabto wadada isku xirta Dilla iyo Borama iyo guud ahaan waddooyinka gobolada SALAL iyo AWDAL oo ururkaan u dhisan inuu dhiso.

Guddoomiyaha waxuu sheegay in Professor-ka dhexda marada ugu xirtay sidii kaalin weyn ugu qaadan lahaa dhismaha waddooyinka ee ARNA howlaheeda wado, waxuuna sheegay inuu kamid yahay xubnaha ururka ARNA.

“Aad baan ugu faraxsanahay dadaalka xoogan ee uu wado walaalkeen Prof. Xasan Cismaan Cali oo Saudi Arabia ku nool, iminka waxuu wadaa howlo balaaran oo uu dhaqaale badan ku aruurinaayo isagoo dadweynaha ku baraarujinaya sidii waddooyinka u dhisan lahaayeen dadka iyagoo aan Hay’ada iyo Dowlado shisheeye wax ka sugin” ayuu yiri C/qaadir Aadan.

Prof. Xasan Cismaan Cali waxuu kamid yahay aqoonyahana aadka loogu jecelyahay gobalka Awdal gaar ahaan magaalada Boorama iyadoo dhawaan markii uu soo gaaray Borama soo dhaweyn heer wanaagsan loogu sameeyay taasoo laga dareemayay guud ahaan magaalada.

Faafin: SomaliTalk.com |  Sept 8, 2008

BAARID | SEARCH


yusufPuntland oo Ganafka ku Dhufatay Heshiiska DFKMG La Gashay Shirkadaha Batroolka
Wasiirka Tamarta DGPL ayaa waxba kama jiraan ka dhigay heshiiskii Eng. Kaanje la soo galay shirkadaha KEC iyo Medco Akhri Aug 22

Hayadda batroolka SoomaaliyaDFKMG oo Heshiis u Saxiixday Shirkadaha Batroolka ee Kuwait Energy iyo Medco Energi...
Maadaama shirkadahaasi jaal la ahaayeen Geeddi ma lagu macnayn karaa in la soo celinayo Geeddi Akhri

Sheikh Shariif “ciidamada bixitaankooda wuxuu bilaabanayaa markii la sixiixey heshiiska, laakiin…” Shir jaraa’id
Warbixin arintaas ku saabsan Akhri Aug 22


Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS