Taageeridii Dowlad Goboleedka: Northland State of Somalia
Xaflad si qurux badan loo soo agaaasimay ayaa ka dhacday gobolka Ohio,
magaalada Columbus, halkaas oo ay isugu yimaadeen Soomaalida ka soo jeeda
degaamada SOOL, SANAAG, iyo CAYN. Xafladaas oo ay ka soo qayb galaeen
aqoonyahano, isimo dhaqameedyo, haween, culimo, arday, fanaaniin, abwaano, iyo
dadweyne farabadan oo ka kala yimid gobolada Maraykanka sida: Illinois,
Minnesota, California, iyo Boston.
 Shirkan ayaa ku saabsanaa in
lagu taageero fikir ay soo dhirindhiriyeen aqoonyahano ka soo jeeda degaamada
SOOL, SANAAG, iyo CAYN. fikirkaas oo ahaa in la dhiso dowlad goboleed la magac
baxday Northland State of Somalia, maamulkaas oo hoos imaan doona Dowlada
Federaalka Soomaaliya, kana soo horjeeda in wadanka Soomaaliya la kala gooyo,
aamisana in midnimada umada Soomaaliyeed ay tahay muqadas.
Sida uu dhigayo axdiga ama tasduurka Dowlada Federaalka in labo gobol iyo
wixii ka badan ay samaysan karaan maamul goboleed ay isku waafaqsan yihiin.
Haddaba aqoonyahanadu, iyagoo ka faa’ideysanaya fursadan qaaliga ah ee ay siisay
Dowlada Federaalka gobolada wadanka Soomaliya, ayay waxa ay soo diyaariyeen
maamul cusub oo la magac baxay Northland State of Somalia, kana kooban sedex
gobol hadeer, laakiin mustaqbalka uu ka badan doono: SOOL, SANAAG, iyo CAYN.
Aqoonyahanadan oo ka kala yimid Chicago iyo Minneapolis, ayaa waxa ay soo
bandhigeen barnaamijkii oo dhamaystiran iyo sidii caalamka loo gu soo bandhigi
lahaa, dhamaan dadkii halkaas isugu yimid ayaa soo dhaweeyey kuna balan qaaday
in ay taageero buuxda ku garab istaagayaan. Sidoo kale aqoonyahanadan ayaa ku
wareego doona gobalada Maraynkanka iyo Kanada intii aysan tagen wadankii
Soomaliya gudihiisa.
Halkan ka daawo sawiradii shirka oo dhan:
http://www.insideminnesota.org/images.html
Abdimalik Askar
Somali Media
aabdimalik@hotmail.com
Faafin: SomaliTalk.com | Sept 3, 2008
|
Daabaco
Boggan | Print
Puntland
oo Ganafka ku Dhufatay Heshiiska DFKMG La Gashay Shirkadaha Batroolka
DFKMG
oo Heshiis u Saxiixday Shirkadaha Batroolka ee Kuwait Energy iyo Medco
Energi...
Sheikh
Shariif “ciidamada bixitaankooda wuxuu bilaabanayaa markii la sixiixey
heshiiska, laakiin…” Shir jaraa’id