Soomaalida xalaasha ah oo heshiis xalaal ah gaaray
 W.Q:
A. D. Elmi
adelmi@hotmail.com
Kolkii in cabbaar ah lagu kor legdamayey shacabka Soomaaliyeed,
oo dhibaatooyin lixaad lehna laysu geytstay ayay go’aansadeen
Soomaalida xalaasha ahi inay gacmahooda hoos u meyraan, si
Soomaalinimo iyo Islaannimo ku jirto ayay arintu u dhammaatay
ugu dambeyntii…. Silic baahsan oo dalka Soomaaliya ka jiray waqti dheer, ayaa
haatan u muuqda inay dhowaan soo gabagaboobayaan Ilaahay
idankii, ka gadaal kolkii dhinacyada TFG-da iyo Isbahaysiga dibu
xoreynta Soomaaliyeed oo ku shirsanaa dalka walaalka ah ee
Jibuuti, ay qalinka kuwada duugeen inay heshiiyaan isla markaana
ay wada dhisaan dowlad misnimo qaran oo loo dhan yahay. Heshiiskan oo waqti soo socday ayaa haatan la gaaray
gunaanadkiisii ahaa in Soomaaliya la samatabixiyo loona dhiso
dawlad taag leh oo ay ka dhex muuqdaan xubno tayo leh iyo kuwo
aan taya lahayn intaba, taas oo meesha ka saari doonta in
golayaasha dowladda ay ahaadaan xero dagaal oogayaal oo lagu
tuhunsan yahay inay galeen dembiyo dagaal. Marka lagu eego diirad sax ah, go’aannada ka soo baxay shirka
Jibuuti waxay yihiin dhammaantood kuwo u adeegaya danaha
shacabka soomaaliyeed, aad ayay u qurux badnaayeen qodobada gaar
ahaan marka ay dhegahaygu maqleen in caddaalad la hor keeni
doono cid kasta oo gashay dambiyo dagaal, waxaan soo xasuustay
maqaalkaygii ahaa XASUUQII SHACABKAYGA XISAABBAA KA DAMBAYSA oo
aan kal hore ku qoray Somalitalk, waa hubaal in riyadaasi ay
rumoobayso gooray ahaataba. Soomaaliya waxay u baahan tahay nidaam ku meel gaar ah oo ka
shaqeeya nabad ku dabaalidda Soomaaliya iyo xoojinta dib u
heshiisiinta dhinacyada Soomaalida oo dhan una sii gogol xaara,
dhisme dawlad wanaagsan oo ay shacabku soo doorteen, oo ku
dhisan nidaamka Dimuqraadiyadda, si taas loo gaarana waa inaan
hadda la fiirin tiro badnida xubnaha geli doona golayaasha
dowladda oo u muuqda tiro ku dhow dhow 600 xubnood. Tan iyo kolkii Soomaaliya ay xornimada qaadatay sanadkii
1960-kii maysan helin dowlad wanaagsan oo dadka iyo dalka ku
hoggaamisa barwaaqo, weligeedba ummadda Soomaliyeed waxay
dhibane u ahayd nidaamyo ku dhisan, maamul xumo, sad bursi,
qabyaalad musuqmaasuq cadaadis iyo dhibaatooyin fara badan oo
lagu galayey magac dawladeed, tanina waxay macnaheedu tahay in
Soomaaliya aysan 48 sano arkin nidaam cadaalad iyo horumar ku
dhisan oo shacabka Soomaaliyeed uu xaq u lahaa.
Haddaba maanta waxay Soomaaliya fursad u haysataa inay dhisato
dowlad dastuurkeeda si wanaagsan loo lafa guray oo dadka aqoonta
u leh sharic dejintu ay aad uga shaqeeyeen, ayna soo baxdo
dowlad ay is fahmi karaan beesha caalamka, oo iskaashi la samayn
karta dunida inteeda kale, si Soomaaliya ay u hesho taageerada
lagama maarmaanka ah ee beesha caalamka si taas loo helana waxaa
haboon in hadda shacabka Soomaaliyeed ay taageeradooda siiyaan
heshiiska Jibuuti, heshiiskaas oo marka dhinacyo badan laga
fiiriyo, ah rajada keliya ee muuqata hadda oo lagu joojin karo
dhiigga shacabkeena, looguna sii gudbi karo dowlad wanaag soo
afjara mashaakilkii cimriga dheeraa ee in mudda ahba soo
jiitamayey.
W. Q: A. D. Elmy
adelmi@hotmail.com
Nabadda ha la siiyo fursad ay ku shaqayso: dhaawac, barakac iyo mashaakilaad..
Akhri..
Xasuuqii shacabkayga xisaabbaa ka dambayn Waxaana muuqanayso in cadowga soo
duulay Guji Faafin: SomaliTalk.com | Nov 28, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka