‘Ururka Qadiyadda Soomaaliya’ waxeey si xoog leh u caambaaraysay duulaankii militari ee sharci darradda ahaa iyo weliba marmarsiyadii iska muuqato ee shakiga ku jira ee laga bixiyay sababtii ka danbeeysay weerarkaas. Duulaankan Gantaalaha lagu riday Dhoobleey iyo kuwii ka horeeyay waxeey u taagan yihiin dagaal la go’aansaday in dalka Soomaaliya lagu qaado.

Ururka Qadiyadda Soomaaliya ayaa baaq ku socda dawladda Mareeykanka ku guubaabiyey kana dalbay ineey tixgeliyaan xoriyadda dawladnimo iyo midda dhuleed ee Soomaaliya. Ururka Qadiyadda Soomaaliyeed waxuu kaloo Maraykanka ku adkeeyay ineey u qiimeeyso nolosha qofka Soomaaliga ee waxba galabsan sida eey u tixgeliso muwaadinka maraykanka ah, waa in dawladda mareeykanku ka harto xoogga mar la boodka ah ee lagu dilayo ama lagu xirayo muwaadinka Soomaaliga ah. Xoogga macnadarradda ah ee Maraykanku isticmaalayo waxuu keenay dhimasho iyo dhaawaca dad aan waxba galabsan, burburin guryahooda iyo noloshooda ah, iyagoo aanan inaba qaban ama dilin hal qof oo argagxiso ah.

Warsaxaafadeedkii Ururka Qadiyadda Soomaaliyeed oo dhan ayaa hoos la idinkugu soo bandhigayaa:

Militariga Dawladda Mareeykanka ayaa maanta weerar gantaalo ku qaaday Dhoobleey, magaalo Soomaaliyeed ee yar oo ku taalo xadka Kenya (xigasho: New York Times, 03/03/2008).  Duulaankaan oo si rasmi ah loogu sheegay inuu ahaa mid lala beegsanayay hal shaqsi oo argagixiso ah, waxuu ku habsaday degaan guriyeed. Dariskii gurigaas waxeey sheegeen inuu weerarkaan dilay oo dhaawacay dad masaakiin ah oo wax galabsan iyo xoolihii ay dhaqanayeen.  Pentagon-ka (Xarunta Gaashindhiga Maraykanka) ayaa ku qiray faafin jaraa’id oo rasmi ah inuu dhacay duulaankan (American Forces Press Service, 03/03/2008). Duulaankan waa kii afaraad ee si guud oo baahsan dawladda mareeykanku u qiratay inay ku qaaday gudaha Soomaaliya ka dib markii ay Maraykanku taageereen duulaanka iyo qabsashadda Itoobiyaanku ku qaaday Soomaaliya bishii December, 2006-dii. Dhoobleey waxeey tahay magaalo dadka  Soomaaliyeed ee la soo barakicyay ee ka baxsanaya burburka iyo weerarka  Itoobiyaanka ee uu Maraykanku taageero ee ka dhacaya caasimadda Muqdisho.

Ururka Qadiyadda Soomaaliya’ waxeey si xoog leh u caambaareeysay duulaankii militari ee sharci darradda ahaa, iyo weliba marmarsiyadii iska muuqatay ee shakigu ku jiray ee laga bixiyey sababtii ka danbeeyey weerarkaas. Duulaankan Gantaalaha lagu riday Dhoobleey iyo kuwii ka horeeyay waxeey u taagan yihiin dagaal la go’aansaday in dalka Soomaaliya lagu qaado.

Duqayntan dhacday 3dii Maarso waxaa iska cad ineey tahay dhacdadii ugu danbeeysay falal siyaasadeed is daba taagnaa oo Soomaaliya lagu qaaday kuwaasoo hubaashii ku dhamaaday guuldaro aad u baaxad weyn.  Faragelinta tooska ah ee Maraykanku ku hayo Geeska Afrika, siiba Soomaaliya waxay abuurtay nabadgelyo la’aan sii kordhaysa iyo dhiigbax dhiiragaliyey kaligiitalinimo, dagaal oogayaal iyo ku xadgudub xaquuqda qofka bini aadamka ah.

Hubaynta iyo maalgelinta dagaal oogayaasha dambiilayaasha ah ee ka soo horjeeda dadka ((New York Times, 06/08/2006) iyo weliba sahaysiinta dhinaca saadka, siyaasadda daboolaysa duulaanka iyo qabsashadda Itoobiyaanku ku sameeyeen Soomaaliya ((New York Times, 12/27/2006) ayaa siyaasadda maraykanka ee ku wajahan Soomaaliya ka dhigaysa mid ku qeexan waali aan loo baahneeyn; Ku celcelinta siyaasadda qaldan iyo rajaynta ineey ka soo baxdo natiijo ka duwan tii hore ayaa waali ah. Siyaasadahan Maraykanku qaatay waxeey abuureen dhib bini’aadan tii ugu xumeeyd ee Afrika ka dhacda taasoo ka sii daran dhibka Darfur (New York Times, 11/19/2007).  Dareen dhiilo ayaa laga muujiyey ineey Soomaaliya ka dhici doonto abaar dagaalku’ uu sabab u leeyahay sida abaartii dhacday horaantii sanadihii sagaashameeyadda (New York Times, 03/04/2008).

Ururka Qadiyadda Soomaaliya ayaa baaq ku socda dawladda Maraykanka ku guubaabiyey kana dalbay inay tixgeliyaan xoriyadda dawladnimo iyo midda dhuleed ee Soomaaliya. Ururka Qadiyadda Soomaaliyeed waxuu kaloo Maraykanka ku adkeeyay ineey u qiimeeyso nolosha qofka Soomaaliga ee waxba galabsan sida eey u tixgeliso muwaadinka mareeykanka ah, waa in dawladda mareeykanku ka harto xoogga mar la boodka ah ee lagu dilayo ama lagu xirayo muwaadinka Soomaaliga ah. Xoogga macnadarradda ah ee Maraykanku isticmaalayo waxuu keenay dhimasho iyo dhaawaca dad aan waxba galabsan, burburin guryahooda iyo noloshooda ah, iyagoo aanan inaba qaban ama dilin hal qof oo argagxiso ah.

Ururka Qadiyadda Soomaaliyeed waxay dalbayaan in:

• In dawladda Maraykanku joojiso duqaynta macnadaradda iyo dilka dadka aan wax galabsan iyo burburinta hantidooda, duqeeyntaas iyo dilkaas oo ku saleeysan sir-ku-sheeg aanan lagu kalsoonaan Karin oo waqtiyo la soo dhaafay dhacay.
• In Kongress-ka Maraykanku baaro dagaalka aan la cadayn ee lagu hayo Soomaaliya.
• In Beesha Caalamku si deg deg ah u joojiso qabsashadda Itoobiya ee Soomaaliya, kaasoo argagixis ku ah dadweynaha Soomaaliyeed.

Ururka Qadiyadda Soomaaliyeed waa midowga ururo, hayaddo iyo jaaliyaddo Soomaaliyeed oo isku aragti ah kana kooban:

1. United Somali Diaspora (USD), Minneapolis, MN

2. Alliance for Peace and Development (AFPD), Columbus, OH 
 
3. Baltimore Somali Community, Baltimore, MD 
 
4. Greater Boston Somali Community, Boston, MA

5. Somali American Peace Council (SAPC), Washington DC

6. Somali Canadian Diaspora Alliance (SCDA), Toronto, Canada 
 
7. Somali Diaspora Network (SDN), Fairfax, VA 
 
8. Somali Institute for Peace and Justice (SIPJ), Minneapolis, MN 

 Faah faahin intaa dheer fadlan la xiriir info@somalicause.org  ama wac(202) 285-0780 ama waraaq ku dir 1425 K ST NW STE 350
 Washington DC, 20005-3514 

# # # #

English Version