Beesha Tanade (Leelkase) ee
degan waamo oo dooratay suldaan
cusub
Xaflad
aad loo soo agaasimay ayaa si
habsami ah dhowaan uga dhacday
magaalada Kismaayo ee gobolka
Jubada Hoose. Xafladaas oo lagu
caleemo saaray suldaan Cali
Salaad Cusmaan oo noqday
suldaanka rasmiga ah ee beesha
Tanade degaankeeda waamo, Waxaa
Xafladdaasi aad uga soo qayb
galay dadweyne Soomaaliyeed oo
ay horkacayeen suldaano, isimo,
ugaasyo iyo waxgarad badan oo ka
tirsan dhamaan beelaha
Soomaaliyeed ee Jubooyinka iyo
Gedo
Suldaan Cali Salaad Cusmaan oo
ku magic dheer Suldaan Cali
Sokor waxaa uu sheegay inuu
diyaar u yahay oo uusan ka
gabanayn howsha culus ee
hortaala asagoo uga mahad
celiyey beesha dooratay iyo
dhamaan bulshada Soomaaliyeed ee
soo xaadirtay caleemo saarkiisa
wuxuuna yiri “ Balantii aan
idiin qaaday waan oofin insha
Allah”
Suldaan Cali Salaad Cusmaan ayaa
balan qaaday inuu sii wanaajin
doono xiriirka beesha tanade ee
waamo iyo dhamaan beelaha
deriska kula ah jubooyinka isla
maarkaana uu diyaar u yahay ka
qaybqaadashada dib u
heshiisiinta hadday ahaan lahayd
jubooyinka ama guud ahaan
Soomaaliya.
Suldaan Cali Salaad Cusmaan oo
lagu yaqaan fir fircooni iyo
wanaag badan ayaa la soo weriyey
in horeba loogu yeertay
dhexdhexaadinta beelo walaalo ah
oo degan waamo oo dhowaani doodi
ka dhex aloosantay.
Hussein Hurry
xhurry56@hotmail.com