Gaashaanle Sare Nuur Cadde Ma Xasuuqa Shacabka Soomaaliyeed ayuu Zenawi uga
Mahad Celiyey?...
Ra'iisul wasaaraha DFKMG, Gaashanle Sare Nuur Cadde ayaa Arbacadii (Febraayo
6, 2008) waxaa kulan gaar ah la yeeshay ra'iisul wasaaraha xukuumada Itoobiya,
Meles Zenawi.
Zenawi waxa uu Nuur Cadde u sheegay in uu sii wadayo taageeradiisa uu siinayo
DFKMG.
Zenawi waxa kale oo uu DFKMG ku ammaanay waxa uu ugu yeeray "Nidaam wanaagga
ay DFKMG gaarsiiyeen Soomaaliya oo dhan." waa sida u dhigay'e, sida ay werisey
saxaafadda ku hadasha afkiisa.
G/Saare Nuur Cadde oo saxaafadda Itoobiya la hadlay kaddib markii uu la
kulmay Zenawi (Arbaca Feb 6, 08) ayaa waxa uu yiri: Waxaan ammaan u soo
jeedinayaa Xukuumadda Itoobiya taageeradooda hagar la'aanta ah ee ay
nabad iyo xasilooni ka dhalinayaan Soomaaliya." Hadalkaas oo loo qaatay in uu
Itoobiya ku ammaanayo burburka, bililiqada iyo xasuuqa ay ka geysteen
Soomaaliya, gaar ahaan Muqdisho.
G/Sare Nuur Cadde waxa uu hadalkaas yiri kaddib markii lagu fariisiyey
kursigii la fariiseyey Cali Maxamed Geeddi oo jagadaas uga horeeyey, halkaas oo
isaga Zenawi laga qaaday sawir uu Zinawi u
fadhiyey qaabkii loola sawiray Geeddi (Eeg sawirada hoose)
G/sare Nuur Cadde iyo Zenawi, Addis Ababa, Feb 6, 2008
Geeddi iyo Zenawi oo jooga Addis Ababa xilligii uu ra'iisul wasaaraha u ahaa
DFKMG
Hadalka ka soo yeeray G/Sare Nuur Cadde waxa uu u muuqdaa mid meesha ka
saaraya aragtidii shacabka qaarkiis ka haysteen ee ahaa in uu yahay nin ka madax
bannaanaan kara gacanta Zenawi.
Itoobiya iyo Soomaaliya waa laba dal oo ay ka dhaxayso colaad soo jireen ah
oo la xiriirta dhul ay Itoobiya ka gumeysato Soomaalida, dagaallo adagna soo
dhex mareen, welina socdaan. Itoobiya cadaawadda ay Soomaalida u hayso waxay ku
cadaysay qoraal ay soo saartay Wasaraddeeda Arrimaah Dibadda (oo ay ugu
magac dartay
Siyaasadda Itoobiya ee ku wajahan Soomaaliya), sidaas daraadeed nin kasta oo
sheegta madax Soomaaliyeed ee ammaana Itoobiya xilligan waa nin is-yeel-yeelaya
ama ah la hayste aan xor ahayn, oo aan si xor ah u dhiiban karin afkaastisa.
Faafin: SomaliTalk.com | Feb 7, 2008 | 
Daabaco
Boggan | Print
Booliiska
Federaalka Australia oo Baaritaan Xooggan ku haya Shirkado Macdanta ka
Baarta Dunida Saddexaad.. Akhri...
Guddoomiye
ku xigeenka Baarlamaanka Kenya, Faarax macallin, oo waraysi siiyey
Idaacadda Australia ee SBS
Zakariye
Xaaji: Nuur Cadde Waa Nin Odey ah Waxase uu Saaran yahay Gaarigii Dalka Lagu
Qabsaday (Waraysi)... Akhri...
Shirkadihii
Shiidaalka oo
Maalgelin toos ah ku
samaynaya Cabudhinta
Shacabka Puntland.
Mu'tamaradii
Norway-Sweden oo khayr kudhamaaday
Bannaanbax
looga soo horjeedey Xasuuqa iyo Joogitaanka Itoobiya
