SomaliTalk

Daabaco Boggan | Print

"waayadii hore soohdinta Itoobiya badda ayay ku sinnayd, hase ahaatee kolkii ay weydey awood ku filan oo ay wax isaga caabbido, xoogagga kiristaanka ahina ay wax kaalmo ah taaran waayeen ayay soohdimahayagii badda gaarsiisnaan jirey waxay u gacan-galeen quwado muslin ah"
Menelek II: April 10, 1891... Akhri...

Xuseen Maxamed Faarax Ceydiid Ra'iisul-wasaare K/xigeenka ahna Wasiirka Arrimaha Gudaha DFKMG ee lagu soo dhisay Nairobi oo Magaalada Muqdisho dhawr maalmood kadib markii ay qabsadeen ciidamada Ethiopia kula hadalyey odayaal dhaqameedyo ayaa sheegay in la baabi'inayo Xadka Soomaaliya oo lala midaynayo Ethiopia, oo Hal Ciidan ay yeelanayaan, Hal dhaqaale yeelanayaan, hal Baasaboor ay qaadanayaan Soomaalida iyo Itoobiyaanku.
Xuseen Caydiid: Jan 2, 2007.. Akhri..

Ciidamo Itoobiyaan ah oo harsanaya Geed-hindi; Muqdisho Jan 4, 2007. AFP

Qoraalkii uu C/Risaaq Xaaji Xuseen 2002 Ka Qoray Faragelinta ay Itoobiya Ku Hayso Arrimaha Gudaha ee Soomaaliya, kaas oo ku aadan arrimaha Maanta taagan.. Akhri

Meles Zenawi: Hadalkii Diinaari ee Sarbeebta ahaa oo aan Soomaalidu fahmin iyo Xuseen Caydiid oo ah fikirka Saxda ah iyo Qorshaha/Hindisaha/Aragtida ama VISION-ka dhabta ah ee Dawladda... Akhri...

Dagaal Dhimasho Iyo Dhaawac Gaystay Oo Ka Dhacay Xarunta Madaxtooyada Ee Villa Soomaaliya .

Dagaal Laysu Adeegsaday Hubka Noocyadiisa Kala Duwan Ayaa Maanta, Jimce Jan 12, 2007 ka dhacay irida weyn ee xarunta madaxtooyada ee villa soomaali ,dagaalkan ayaa waxaa ku dhintay dad aan weli tiradooda la xaqiijin , sidoo kale dagaalkan ayaa yimid kadib markii ay kulan ku wada Lahaayeen Hogaamiye kooxeedyada Magaalada muqdisho ku sugan iyo Masuuliyiinta dowlada ugu sarsareeya oo uu kamid ahaa madaxweyne c/laahi yuusuf .

sidoo kale dhawaca ayaan laga hayn ilaa iminka Tiro dhab ah oo ku dhawacantay dagaalkaas oo socday mudo lagu qiyaasay 30daqiiqadood waloow ay jiraan warar soo baxaya oo sheegaya inay dad badan oo rayid ah ay ku dhaawacmeen ,dagaalkan ayaa dhexmaray milayshiyada hogaamiye kooxeedyada iyo ilaalada madaxtooyada kadib markii ay isku dayeen milayshiyada hogaamiye kooxeedyadu inay xoog ku galaan Gudaha xarunta madaxtooyada ee villa somali.

Dhanka kale kulankan uga soconayey xarunta madaxtooyada ee villa soomaali Hogaamiye kooxeedyada iyo masuuliyiinta ugu sarsaraysa dowlada FKMG ee soomaaliya ayaa waxaa ka war bixiyey waxii kasoo baxay afhayeenka dowlada c/raxmaan diinaari oo saxaafada u sheegay in kulankii ay kasoo baxday, waxaa Hogaamiye kooxeedyada Lagu war geliyey inay si shruud la,aan ah kusoo wareejiyaan hubkooda Maalmo gudahood oo ay ka bilaabanayso maanta .

Weerar Loo adeegsaday Bam gacmeed oo ka dhacay Hotel Ambassador ee magaalada Muqdisho

Koox Hubeysan oo aan Cidna Ka Amar Qaadan Ayaa xalay fiidnimadii Weeraray Hotelka Ambassador ee magaalada Muqdisho, iyadoo halkaasi uu ku dhaawacmay Hal Askari oo ka tirsan ciidamada dowladda FKMG Somaliya ee Ilaalada u ahaa masuuliyiin dowlada ka tirsan oo degan hotelkaas.

Kooxahaan Hubeysan ayaa la sheegay in ay wateen Baabuur ah noocyada yaryar ee muraayadaha bersonka ah leh , islamarkaana ay Bam gacmeed ku tuureen Albaabka hore ee Hoteelka oo ay halkaas ku qaraxday , iyadoo ka dibna ay dhacday israsaaseyn xoogan oo socotey muddo ka badan 15 daqiiqo sida ay noo xaqiijiyeen goob joogayaal ku sugnaa Halkaasi .

Rasaastii la is weydaarsaday ayaa waxaa ku dhaawacmay mid ka mid ah ciidamadii halkaasi ku sugnaa, iyadoo aan la garaneyn sababaha keenay in Bam lagu Tuuro Hotelkaasi, waloow ay jiraan warar sheegaya in Hotelku ay degan yihiin masuuliyiin ka tirsan baarlamaanka dowlada soomaaliya iyo Saraakiil ka mida ciidamada DFKMG ee soomaaliya .

Si kastaba ha ahaatee Dadka degan deegankaas iyo xaafadaha u dhow dhow ayaa walaac xoogan ka muujiyey qaraxyada soo noqnoqday ee ka dhacaya agagaarka km4 iyo nawaaxigeeda oo aan aheyn markii ugu horeysay ee sidan oo kale ay qaraxyo israsaasaynba ay ka dhacaan deegaankooda iyo meelaha ku dhowdhowba .

yaasiin maxamed cali (faytin)
yaasiin2006@hotmail.com

Hoggaamiyeyaashii dagaalka oo mar kale dib ugu soo laabtay Magaalada Muqdisho

Inta badan hoggaamiyeyaashii dagaalka ayaa waxay dib ugu soo laabteen magaalada Muqdisho maanta, kaddib marki ay dhawaan gaareen magaalada Baydhabo oo xarunta Dowladda ah.

Hoggaamiyeyaasha maanta dib ugu soo laabtay Muqdisho ayaa waxaa ka mid ah: Muuse Suudi Yalaxow, Maxamed Qanyare Afrax, Cumar Maxamed Maxamuud (Filish), Cabdi Nuurre Siyaad (Cabdi-Waal), Col. Cabdi Qaybdiid iyo xubno kale oo fara badan.

Sidoo kale maanta ayaa waxaa lagu waday inuu yimaado Magaalada Muqdisho Ganacsade Bashiir Raage Shiiraar, balse waxaa la sheegay inuu dib u dhac ku yimid imaansho uu ku imaan lahaa Magaalada Muqdisho, waxaase la sheegay in dhawaan uu dalka dib ugu soo laabanayo.

Hoggaamiyeyaasha dagaalka ee maanta dib ugu soo laabtay Magaalada Muqdisho ayaa waxay kaga qaybgaleen Magaalada Baydhabo kulammadii ugu dambeeyay ee Baarlamaanka, waxaana xubnahaan markii hore ugu yeeray Baydhabo Madaxweynaha Soomaaliya, lamana garanayo sababta dhabta ah ee keentay in ay dib ugu soo laabtaan Muqdisho xilligaan oo uu ku sugan yahay caasimadda Madaxweynaha Soomaaliya.

Ra'iisul wasaare Geeddi: "Odayaal Dhaqameedyada waa inay nabadda dalka ka shaqee...

Dowladda Federaalka Soomaaiya ayaa kulan kulan ay la qaadatay Cuqaasha Soomaaliyeed waxay kaga codsatay inay nabadda dalka ka shaqeeyaan; isla markana ay horumuud u noqdaan nabad ku soo dabbaalidda Caasimadda Soomaaliya.

Kulankaan oo ahaa mid ay ka soo qaybgaleen odayaal dhaqameedyo ka socday qaybaha kala duwan ee Bulshada ayaa waxaa haddallo ka soo jeediyay cuqaasha qaarkood iyo madaxda Dowladda.

Xubnaha Dowladda uga qaybgalay kulankaan oo ay ma mid ahaayeen Ra'iisul wasaaraha Soomaaliya Prof. Cali Maxamed Geeddi, Guddoomiye ku xigeenka koowaad ee Baarlamaanka Prof. Maxamed Cumar Dalxa, Wasiir ku xigeenka Gaashaandhigga Salaad Cali Jeelle, Guddoomiyaha Gobolka Banaadir Cadde Gaaboow iyo xubno kale oo fara badan ayaa waxay si isku mid uga codsadeen Cuqaasha Soomaaliyeed inay nabaddda ka shaqeeyaan isla markaana ay ka billaabaan howlo ay kala qaybqaadanayaan dowladda sidii ay nabad ugu soo celin lahayd Caasimadda.

Imaam Maxamuud Imaam Cumar ayaa sheegay in cuqaasha Soomaaliyeed ay ogol yihiin isla markaana ay dowladda kala shaqeynayaan sidii ay dalka nabad ugu soo dabbaali lahayd, waxaana uu yiri mar uu ka hadlayay doorka Hoggaamiye dhaqameedyada:

"Anigoo ku hadlaya doorka Cuqaasha iyo hoggaamiye dhaqameedyada Soomaaliyeed, waxaan diyaar u nahay inaan kala shaqeynno dowladda nabad ku soo dabbaalidda dalka oo dhan, gaar ahaan caasimadda oo ah caloosha Soomaaliya, nabad haddii laga waayana dalka oo dhan aan laga helayn nabad iyo kala dambeyn" ayuu yiri Imaam Maxamuud Imaam Cumar.

"Waxaan u soo joogay dalkaan Maxamed Siyaad kaddib saddex dowladood oo dhalatay, dowladdii ku guulaysatay inay Madaxtooyada dagtana waxay noqotay dowladdaan uu madaxweynaha ka yahay C/llaahi Yuusuf Axmed, waxaana u arkaa inay tahay dowlad dalka iyo dadka wax u qabanaysa, Madaxweynayaashii kalena waxay madaxtooyo ka dhigteen guryahooda" ayuu yiri Mar kale yiri Imaam Cumar Imaam Cumar.

Sidoo kale waxaa hadal dheer halkaas ka soo jeediyay Ra'iisul wasaaraha Soomaaliya Prof. Cali Maxamed Geeddi oo sheegay in dowladda Federaalka Soomaaliya ay ka codsanayso Madaxda Dhaqanka inay wax kala qabtaan ammaanka Magaalada Muqdisho.

"Cuqaasha iyo Odayaal Dhaqameedyada qoraal ka kooban 6-qodob oo ay ku sameeyeen Magaalada Nairobi ee dalka Kenya intii uu socday shirkii dib u heshiisiinta ayay dowladdu ka dhalatay, waxaana ay ku shaqeynayso waxaa ka mid ah qodobbadii ku jiray 6-daas documenti oo ay sameeyeen Odayaasha Dhaqanka" ayuu yiri Prof. Geeddi oo intaas ku daray: "Odayaasha dhaqanka magacaabiddooda ayaan halkaan ku joognaa ee ma nihin kuwo iskood isku magacaabay, waxa aan doonayno waa inay cuqaashu nala shaqeeyaan" ayuu yiri Geeddi.

Barnaamijka hub ka dhigista oo uu ka hadlay Geeddi mar kale ayuu sheegay in loo baahan yahay in Odayaal dhaqameedyada ay kala shaqeeyaan ciidammada dowladda sidii nabad lagu sugi lahaa isla markaana hubka lagu ururin lahaa.

"Waxaan qiraynaa oo aan inkiri Karin in odayaasha dhaqan qoraalkii ay ku sameeyeen Nairobi uu ka mid ahaa barnaamijka hub ka dhigista, isla markaana laga doonayo cuqaashu in fikradda ay ku dari lahaayeen waxqabadka dowladda ay sida ugu dhaqsiyaha badan ugu soo gudbiyaan dowladda" ayuu yiri Geeddi.

Kulankaan ayaa ku soo gabagaboobay jawi is afgarad, waxaana madaxdii halkaas ka hadashay oo isugu jiray Madaxda Dhaqanka iyo kuwa Dowladda ay si wadajir ah u qireen in nabad lagu soo dabbaali Magaalada Caasimadda ah ee Muqdisho ay tahay mid loo siman yahay oo aan cid gaar ah mas'uuliyaddeedu saarnayn.

Xafiiska Isku xirka Bulshada iyo Dowladda oo maanta kulan ku yeeshay xaruntiisa ayaa waxay soo jeediyeen in lagama maarmaan ay tahay in dowladda la taageero, maadaama ay dowladdu soo dagtay muddo dheer kaddib caasimadda.

Caaqil Koogaar: "Dowladda waa in lala shaqeeyo...

Caaqil Maxamuud Cali Jimcaale (Koogaar) ayaa isagoo ka hadlayay nabad lagu soo dabbaalo Muqdisho wuxuu sheegay in loo baahan yahay in shacabka Soomaaliyeed ay qayb ka noqdaan nabad ku soo dabbaalidda Magaalada Muqdisho, isla markaana la taageero dowladda Federaalka Soomaaliya.

"Waa inaan u mahadcelinno Dowladda dariska nala ah ee Ethiopia oo gacan nagu siisay in dowladda ay soo gaarto Magaalada Caasimadda ah ee Muqdisho, waana in aan la cambaareyn" ayuu yiri Caaqil Koogaar oo intaas ku daray:

"Ayman Al-sawahiri hadalkii uu dhawaan ka jeediyay Telefishinnada caalamka ma ahayn mid dan u ah shacabka Soomaaliyeed, balse wuxuu ahaa mid abuuraya dagaal iyo colleyntan hor leh, waana mid aan leennahay diidnay, mana aqbalayno".

Caaqilka oo mar kale ka hadlay sida lagu nabadeyn karo magaalada caasimadda ah ee Muqdisho ayuu sheegay in loo baahan yahay in qof walba oo ka mid ah shacabka uu ku dalaalo in xaafaddiisa uu ka eryo tuugada, isla markaana uu ka celiyo kuwa uu yaqaanno howlaha nabadgalyo xumada ah.

"Kuwa dhibaatooyinka ka wada gudaha Magaalada Muqdisho ha ogaadeen waa la yaqaannaa waana la ogyahay, berrina iyaga ayaa wax laga weydiin doonaan marka la qabto kuwa ay magaalada ku soo dirsadeen ee ay nabadda uga soo horjeedaan" ayuu mar kale yiri Caaqil Maxamuud Cali Jimcaale (Koogaar).

Sidoo kale maanta ayaa waxaa ka hadlay kulankaas Afhayeenka Wasaaradda Arrimaha Gudaha ee Dowladda Federaalka Mr. Qalinle oo sheegay in madaxda sarsare ee Dowladda uu gaarsiin doono inuu jiro xafiis dowladda si weyn looga taageersan yahay isla markaana wada howlo uu shacabka ku tusayo wanaagga iyo in loo baahan yahay in nabad lagu soo dabbaalo magaalada caasimadda ah ee Muqdisho.

Kulankii maanta ayaa mid ku soo gabagaboobay si heer sare ah, iyadoo halkaas ay heeso guubaabo ka qaadayeen haweenka ururkaas oo heesaha ay qaadayeen ay u badnaayeen kuwo ay ku guubaabiyaan Dowladda iyo Shacabka Muqdisho.

Muuse Maxamuud Jiisow
somali39@hotmail.com
Muqdisho Somaliya
025215576666
002521653623

Xuseen Caydiid: "Mareykanka waa inuu keeno ciidammo kuwa lugta ah si uu ula dagaallamo Argagaxisada"

Jan 11, 2007:

Wasiirka Arrimaha Gudaha Dowladda Fadaraalka Soomaaliya isla markaana ah Ra'iisul wasaare ku xigeenka Soomaaliya Eng. Xuseen Maxamed Caydiid ayaa ka codsaday Dowladda Maraykanka inay ciidammo kuwa lugta ah ay u soo diraan gudaha Soomaaliya.

Eng. Xuseen Caydiid ayaa sheegay in askartaas ay doonayaan inay la dagaalamaan kooxihii ka haray Maxkamadaha oo ay wehliyaan kuwo Al-Qaacida ka tirsan, isagoo sheegay inay ku dhuumaalaysanayaan koonfurta Soomaaliya qaybo ka tirsan.

�Waddada qura ee lagu dili karo ama lagu qaban karo xubnaha Al-Qaacida waa in ciidamada sida gaarka ah u tababaran ee Maraykanka ay weerar dhulka ku qaadaan kooxaas ku dhumaalaysanaya koonfurta Soomaaliya, si ay ugu guulaysaan inay soo qaqabtaan� ayuu u sheegay Eng. Xuseen Caydiid Wakaaladda Wararka ee AP.

Sidoo kale Eng. Xuseen Caydiid ka mid ahaan jiray Ciidmmada Maraykanka ayaa sheegay in ciidamadaasi ay leeyihiin qibrad iyo qalab ay u adeegsan karaan soo qabashada xubnaha ku dhuumaaleysanaya gudaha dalka Soomaaliya.

Wuxuu kale sheegay Xuseen Caydiid in kooxaha argagaxisada ah ee la raadinayo ku jiraan fog-fog oo kayn ah, isagoo intaa raaciyay inay haystaan biyo iyo cuno ku filan inay ku noolaadaan dhowr sano, loona baahan yahay in weerar aan kala go' laheyn lagu qaado ciidammada Mareykanka ay deg-deg ku soo galan gudaha dalka Soomaaliya si ay wax uga qabtaan kooxahaas weli rajeynaya inay dhibaaooyin gaarsiiyaan Shacabka Soomaaliyeed iyo dalalka dariska ah.

Eng. Xuseen Caydiid ayaa sheegay in loo bahan yahay in la tirtiro Kooxaha xiriirka la leh Al-Qaacida ee ku sugan gudaha Soomaaliya; isla markaana loo keeno ciidammo si gaar ah u ugaarsada kooxahaas.

Shaqaalihii Wasaaradda Arrimaha Gudaha iyo kuwii Gobolka Banaadir oo loo yeeray

Qoraal ka soo baxay xafiiska Wasiirka Arrimaha gudaha Dowladda Federaalka Soomaaliya Eng. Xuseen Caydiid ayaa lagu sheegay in shaqaalihii hore ee Wasaaradda Arrimaha gudaha ay isugu tagaan xaruntii hore ee Wasaaradda iyagoo howlahooda dib u billaabi doona, inkastoo ay haatan uu burbur xoog leh ka muuqdo xaruntii hore ee Wasaaradda Arrimaha gudaha.

Sidoo kale shaqaalihii hore ee Dowladda hoose qaybahooda kala geddisan ayaa iyagana sidoo kale waxaa lagu amray inay si deg-deg ah howlihii Gobolka Banaadir uga billaabaan xaruntii hore ee Gobolka Banaadir (Fichio Governo) , waxaana lagu wadaa in maalmaha soo socda ay halkaasi ka billowdaan howlo dayactir ah oo dib loogu habeynayo xafiisyadii Dowladda hoose oo ay ballanqaad buuxa ku bixisay hay'adda UNDP.

Mas'uuliyiinta Hay'adda UNDP ayaa waxay kormeer qiimeyn ah ku sameeyeen xarummihii hore ee ee Dowladda iyo dhismaha wasaaradda arrimaha gudaha oo uu burbur xooggan ka muuqdo, waxayna ballanqaadeen inay sida ugu dhaqsiyaha badan ay dayactir ugu sameyn doonaan.

Dowladda Federaalka oo laba sano iyo bar jirsatay ayaa xilligaan u muuqata inay dib u noolaynayso xarumihii hay'adaha dowladda ee kala duwanaa, si ay dib ugu soo noolayso adeegyadii kala duwanaa ee Bulshada.

Saxafiyiin booqatay waddada isku xirta Muqdisho iyo Ceel-macaan

Iyadoo waddada isku xirta Magaalada Muqdisho iyo Dekeddii hore ee Ceel-macaan ay ka socdeen howlagallo looga nadiifinayay burcad jidgooyo dhigata waddaadaas ayaa waxaa maanta booqday saxafiyiin si ay u soo xaqiijiyaan howlaha burcad sifeynta ah ee halkaas laga sameeyay.

Guddoomiye ku xigeenka Gobolka Banaadir ee Dhinaca ammaanka Maxamed Cusmaan Cali (Dhagaxtuur) oo saxafiyiinta booqashada ku tagay halkaas kula hadlay ayaa sheegay in howsha burcad sifeynta ah ay tahay mid maamulka gobolka banaadir uu ku guulaystay, isla markanaa uu sii wadi doono.

"Goobtaan waxay ahayd halkii lagu gubay gaari u socday deegaanno ka tirsan gobolka Shabeellada dhexe 5/01/2007, waxaana howlgal aan ka sameynay shalay ku guulaysannay inaan ka qababqanno kooxihii burcadda ahaan ee geystaan falkaan foosha xun, iyagoo ku xirxiray saldhigga bari ee Magaalada Muqdisho" ayuu yiri Maxamed Cismaan Cali (Dhagax-tuur) oo intaas ku daray: "Isbaarooyinka yiillay Muqdisho illaa galgalato waxay ahaayeen ku dhawaad 7-isbaaro, waxaana ku guulaysannay inaan dhammaantood baabi'inno, burcaddiina xabsiga u taxaabno, annagoo weliba haynna hubkii ay wateen".

Shacabka Deegaannada burcadda laga sifeeyay ee ay suxufiiyiinta booqdeen ayaa ahaa kuwo aad ugu faraxsan howlgalka ay ciidammada Booliiska Soomaaliyeed oo uu horkacayay Dhagaxtuur ka sameeyeen waddooyinkaas.

"Burcaddii halkaan ku sugnaan jirtay ka hore intii aan laga nadiifin waxay nagu hayeen dhibaatooyin fara badan, balse shallay illaa maanta waxaan qabnaa nabad" ayay tiri Xabiibo Colaad oo ka mid ah dadka deegaanka, waxayna sidoo kale sheegtay inay u mahad-celinayaan Ciidammada Booliiska Soomaaliyeed iyo Mas'uulyiinta Gobolka Banaadir oo isku howlay inay burcadda la dagaalamaan.

"Waxaan marka hore mahad ballaaran u jeedinaynaa Maamulka Gobolka Banaadir, gaar ahaan Guddoomiye ku xigeenka Maaamulka Gobolka Banaadir dhanka Ammaanka Maxamed Cismaan (Dhagaxtuur) oo runtii isku howlay inay burcadda aan ashaxa lahayn ka wadaan waddadaan, isla markaana kormeerrada joogtada ah ku haya" ayuu yiri Oday 60-jir ah oo ka mid ahaa dadka deegaanka Galgalato oo ay la hadleen saxafiyiinta halkaas booqday.

Guddoomiye ku xigeenka Maaamulka Gobolka Banaadir dhanka Ammaanka Maxamed Cismaan (Dhagaxtuur) ayaa howlgal uu shalay ka sameeyay waddaas wuxuu gacanta ku soo dhigay 11-burcad ah oo la sheegay inay isbaaro dhiganayeen waddadaas iyo 8-qori oo ay dadka dhac ugu geysanayeen.

Maxamuud Axmed Xasan ( Xuurshe)

Raabeh YABOOH (APPEAL) KU WAAJAHAN UMMADDA SOOMAALIYEED
Anigoo ah Xaafid-ed-Diin Cumar Axmad Malow, loo yaqaanno Cumar Cusmaan Raabe.
Anigoo wax badan uga digay ummadda Soomaaliyeed mu'aamaradaha cadowga Xabashida inta (Dowladaha) had iyo jeer hiil iyo hoo la garabjooga. Waxaan ugu yaboohaya Shacbiga Soomaaliyeed meel u joogaba iyo Qaranka Soomaaliyeed gebi ahantii:... Akhri...