Kun Guri oo ku
gubatay Degmada Baardheere
Wararka naga soo gaaraya Degmada Baardheere ee
Gobalka Gedo waxa ay sheegayaan in uu dab socday
saacado uu ka kacay deegmadasi uuna baabi’iyey ilaa
iyo Kun Guri oo ay ku noolaayeen 2-kun oo Qoys,
sidoo kale dabkaasi waxa uu khasaare u gaystay hanti
aad u fara badan iyadoo, dabkaasi uu ahaa dabkii ugu
xumaa ee ka dhaca Degmadaasi waxaana daminta
dabkaasi u gurmaday dadweynaha ku nool Degmadaasi oo
ku guuleystay in ay baqtiijiyaan.
Qoysaskii ku guryo beelay dabkaasi ayaa haatan
fadhiya meel banaan oo ay ku haysato Hoy la’aan iyo
cunto la’aan, waxayna ka codsadeen Hay’adaha
samafalka ina y la soo gaaraan gargaar deg deg ah,
sidoo kale shacabka Soomaaliyeed ee ku nool dalka
gudihiisa iyo dibaddiisa ayey ka codsadeen in ay
gacan siiyaan.
Dabkaan ayaa waxaa sii kordhiyey dabaylo xoog leh oo
ka socday degmada Baardheere iyadoo loo waayey
dabkaasi qalabkii lagu damin lahaa.
Prof. Dhalxa oo ka
qaybgalay xuska maalinta Afka hoooyo.
Xaflad si heer sare ah loo soo agaasimay ayaa ka
dhacday shalay xarumaha INXA iyo COGWO ee Magaalada
Muqdisho, taas oo lagu xusayey maalinta Afka Hooyo,
waxaana ka qaybgalay mas’uuliyiin uu ka mid ahaa
Guddoomiye ku xigeenka koowaad ee Baarlamaanka Prof.
Max’ed Cumar Dhalxa oo sheegay in afka hooyo uu
yahay af hodan ah, loogana baahan yahay in Bulshada
Soomaaliyeed ay dhowrto, sidoo kale waxa uu sheegay
in Waalidiinta Soomaaliyeed loo baahan yahay in
carruurta ay ku abaabiyaan afka.
Prof. Dhalxa waxa uu sheegay in afka Hooyo uu soo
maray heerar kala duwan, iyadoo dadkii ka dambeeyey
fikradda ah in la qoro afka Hooyo ay maanta mudan
yihiin in la xuso, isagoo sheegay in qorista Afka
Hooyo ay ummadda Soomaaliyeed si weyn ugu faa’iidey.
Xafladdaan oo uu soo qaban-qaabiyey ururka
Qorayaasha iyo Qalin Maalka Soomaaliyeed (Somali
Pen) ayaa waxaa kaloo ka hadlay Guddoomiyaha
ururkaasi ee Koonfurta Soomaaliya Cabdi Muxud Amiin
oo sheegay in afka Soomaaliga uu yahay af ka horeeya
afafka kale, waxa uuna u soo jeediyey Bulshada
Soomaaliyeed in ay ku faanaan Afka Hooyo, waayo umad
aan af laheyn, waa Geedi aan sahan laheyn, waxayna
Xafladdaasi ku dhamaatay sidii loogu talagalay. [warbixin
dheeraad ah hoos ka akhri...]
W/D Amiin Yuusuf Khasaaro
E-Mail
amiinkhasaaro@hotmail.com
Cabdishukri Cali Xirsi oo Cambeereeyey madaafiicda
ay ciidamada dowladda iyo kuwa Itoobiya ku
Garaacayaan Shacabka reer Muqdisho
![](cshurkr.jpg)
Cabdishukri Cali Xirsi |
"...Waxaan
u arkaa imaashaha ciidamada Afrikaanka ah ee dalka
ku soo fool leh in aysan soo dhaweyn la kulmi doonin
hadii aysan ka laaban hadafka ay hadda ku socdaan oo
ah in garab siinayaan Dawladda Cabdulaahi Yuusuf...." Cabdishukri
Wararysiga waxaa
qaaday: Muuse Maxamuud Jiisow
Waxaa
inuu suuro gashay inaan wareysi la yeelano
guddoomiyaha ururka SNCP (Somali National Congress
Part) Cabdishukri Cali Xirsi isla markaana ka mid
ahaa xubnihii aas aasay isbaheysigii la
dagaalanka "argagixisada" iyo soo celinta nabadda
kaasoo ay u badnaayeen hogaamiyeyaashii kooxaha,
wuxuuna Cabdishukri haatan ku sugan yahay dalka
Mareykanka, wareysiguna wuxuu u dhacayaa sidatan:-
Akhri Halkan....
Xuska Maalinta Afka
Hooyo ee Soomaaliga oo maanta lagu qabtay Magaalada
Muqdisho
Maanta
(Feb 22, 2007) ayaa magaalada Muqdisho waxaa
lagu qabtay xuska maalinta afka Hooyo ee Soomaaliga,
waxaana xafladdaas lagu qabtay xarunta Hay’adda
COGWO ee Magaalada Muqdisho.
Xuskaan ayaa waxaa soo qabanqaabiyay Naadiga Hal
abuurka iyo Qorayaasha Soomaaliyeed, waxaana
xafladda dhanka dowladda uga soo qaybgalay
Gudodomiye ku xigeenka 1-aad ee Golaha Baarlamaanka
Federaalka Soomaaliyeed, isla markaana ah ku simaha
Madaxweynaha Prof. Maxamed Cumar Dalxa iyo weliba
mas’uuliyiin kale oo ka socday hay’yadaha xuquuqda
insaanka iyo dadweyne kale.
Xafladda ayaa waxaa lagu furay Aayadaha Qur’aanka
Kariimka ah, waxaana abwaaniintii xafladda ka soo
qaybgalay ay ka jeediyeen madasha xafladdu ka
dhacaysay saddex gabay oo ka hadlayay afka Hooyo ee
Soomaaliga iyo Qiimaha uu leeyahay in la dhowro lana
horumariyo.
Abwaannada
soo jeediyay tixahaas gababayadaha ah ayaa waxay
kala ahaayeen Abwaan Farey, Abwaanad Dahabo Sheekh
Maxamed iyo Abwaan Cismaan C/llaahi Guure oo
dhammaantood ka hadlay wanaagga Afka Soomaaliga uu
leeyahay iyo sida loogu baahan yahay in la dhowro
lana horumariyo
Guddoomiyaha Naadiga Hal abuurka iyo Qorayaasha
Soomaaliyeed Somali Pen Laanteeda Koonfurta
Soomaaliya, Abwaan, Hal-abuure: Cabdi Muxumad Amiin
oo hadal ka jeediyay xafladda lagu xusayay afka
Soomaaliga ayaa sheegay in afka Soomaaliga uu yahay
mid u baahan in la dabar-qato inta uusan baabi’in,
wuxuuna sheegay in bulshada Soomaaliyeed ay
dhammaantood mas’uul ka yihiin horumarka afkooda,
waxaana eraydii uu halkaas ka jeediyay ka mid ahaa:
“Maalinta aan xusayno ee Afka Hooyo, waa maalin
caalami ah oo dunida oo dhan laga aqoonsan yahay
qolo walbana ay xusto afkeeda, annaga haddii aan
Soomaali nahay waxaan xusaynaa afkeenna, sida
shucuubta kale ee dunida ay u xusaan afafkooda” ayuu
yiri Abwaan, Hal-abuure: Cabdi Muxumad Amiin.
Sidoo kale Abwaanka wuxuu yiri: “Afka Hooyo ee aan
xusayno maanta waxaa sidoo kale xaflado kuwan la mid
ah ay ka dhacayaan dunida dacalladeeda sida Sweden,
England, Jabuuti iyo dalal kale, waxaana xusayay
shucuubta Soomaalida ah ee halkaas ku nool, waxayna
tani dunida tusaysaa in Afka Soomaaliga uu leeyahay
dad xusa horumarkeedana ka shaqeeya”.
Mar uu ka hadlay xafladda ka dhacaysa Jabuuti Abwaan
Cabdi Muxumad Amiin ayuu sheegay inuu ka qaybgalayo
Madaxweynaha dalka Jabuuti maadaama ay yihiin
Soomaalina waxay ku xusayaan maalinta afka Hooyo ee
21-ka November, balse maanta xafladdeeda la dhigayo
Deegaanka lagu magacaabo Cali Sabiix, waxaana uu
sheegay in meel walba in laga xuso afka Soomaaliya
ay sharaf u tahay shacabka Soomaaliyeed oo dhan.
Qoraaga
lagu magacaabo C/qaadir Maax oo halkaas isaguna
hadal ka jeediyay ayaa sheegay in afka Soomaaliga
afafkii la midka ahaa ay waa hore dabar-go’een loona
baahan yahay in afka Soomaaliga loo istaago in wax
weyn laga qabto, si horumar intaan ka ballaaran uu u
sameyn lahaa.
C/qaadir Maax ayaa sheegay in afka Soomaaliga uu ka
badbaaday afafka la sheegay inay sannadaha soo socda
ka dabar go’ayaan geeska Afrika sida: 6-luuqadood oo
looga hadlo dalka Ethiopia, 19-luuqadood oo looga
hado dalka Sudan iyo 6-luuqadood oo looga hadlo
dalka Kenya, waxaana uuna sheegay in afafkaas oo
dhan ay la da’ yihiin afka Soomaaliga.
Wuxuu dhanka kale sheegay in 250-luuqadood oo dunida
looga hadlo ay dabar go’ayaan sannadaha soo socda,
wuxuuna carrabka ku dhajiyay in shacabka
Soomaaliyeed ay ku dadaalaan meel walba oo ay
joogaan inay ilaalinyaan afkooda horumarna u
sameeyaan, iyadoo Abwaan Maax uu hadalkiisa ku soo
gabagabeeyay (DIFAAC AFKAAGA OO GUMEYSI DIB HA UGU
NOQON”.
TACSI::::
Inaa Lilaahi Wa Inaa
Ileyhi Raajicuun.
Waxaa Halkan Tacsi looga Dirayaa Dhamaan
Qoyska Reer Faarax Xasan (Laba Go'le) gaar
ahaan Cabdi Aar Abdi oo aabihii Faarax Xasan
(Laba Go'le) ku geeryooday Magaalada
Laascanood 20-02-07. Waxaa Halkan Tacsi ka
diraya, dhamaan Shaqaalaha TV-yada gobalka
Minnesota iyo Guud ahaa Warbaahinta
Soomaaliyeed Gudaha iyo debedaba.
Waxaa kale oo Tacsi Taas la mid ah diraya
Maamulka iyo Shaqaalaha Somali Media waxaanu
si gaar ah ugu Tacsiyeynaynaa Saaxiibkayo
Cabdi Aar Abdi oo jooga Minnesota USA.
Waxaanu Ilaahay ka baryeynaa in uu Janadaii
ka waraabiyo Qoyskii iyo qaraabadiina Samir
iyo Iimaan ka siiyo. Aamin Aamin Aamin
Abdimalik Askar
aabdimalik@hotmail.com |
Gudodomiye ku
xigeenka 1-aad ee Golaha Baarlamaanka Federaalka
Soomaaliyeed Prof. Maxamed Cumar Dalxa oo isaguna
hadal ka jeediyay xafladda ayaa ku ammaanay Somali
Pen laanteeda Koonfurta Soomaaliya xafladda ay u
sameeyeen maalinta afka Hooyo, wuxuuna sheegay in
afka hooyo oo la dhowro ay ku jirto sharafta dadka
Soomaaliyeed, isagoo soo qaatay xikmad carbeed oo
oranaysa: (NOLOSHU WAA AFKA, HADDII AFKAAGA LA
TIRTIRO, ADIGANA WAA LAGU TIRTIRAY).
“Waxaan jeclaan lahaa haddii maanta la xusayo
maalinta Afka Hooyo in xafladdaan laga soo
qaybgeliyo guddigii qoridda farta Soomaaliga inta ka
nool, taasoo xafladda ka dhigi lahayd mid aad u
wanaagsan oo qurux badan” ayuu yiri Prof. Dalxa oo
carrabka ku dhuftay in uu u mahadcelinayo cid walba
oo Soomaaliyeed oo kaga qaybgalaysa meel walba oo
xafladdaan lagu qabanayo maanta.
Xafladda oo ku soo gabagabowday jawi farxad leh ayaa
waxaa ka hadlay dhowr qof oo ka mid ahaa ka soo
qaybgalayaasha iyo ammaan iyo bogaadin u soo
jeediyay Somali Pen laanteeda Koonfurta Soomaaliya
kuna ammaanay xuska maalinta Afka Hooyo ee ay Somali
Pen qaybteeda Koonfurta Soomaaliya ay soo abaabushay
Maxamuud Axmed Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321
Faafin: Feb 23,
2007
Wararkii Shalay:::
Feb 22, 2007
Waaxda
Immagrationka Dawladda Federaalka KMG ah oo xafiis
ka Furatay Magaalada Boosaaso.
Waxaa maanta si rasmi ah xafiis uga furatay
Magaalada Boosaaso oo ah xurunta gobolka bari ahna
magaalada Xeebta ah uguna qurux badan Magaalooyinka
Puntland waaxda sodaalka ee dowlada federaalka kmg
ah ee soomaaliya ee fadhigoodu yahay magaalada
baydhabo xurunta gobolka baay.
Xafiiskan ayaa wuuxu bixinaya baasaboorada cusub ee
ay dhowaan soo samaysay Dawladda Federaalka KMG ah
ee Soomaaliya, waxaana meeshii lagu furahayay
xafiiskan socdaalka ee dowlada soomaaliya ka hadley
Masuuliyiin aad u fara badan oo kala ah kuwo ka
socdey dowlada federaalka iyo dowlada Puntland.
Waxaana ka mid ahaa dadkii munaasabaddii maanta ka
hadlay agaasimaha guud ee waaxda socdaalka iyo
jinsiyadaha ee dawladda federaalka kmg ah ee
Soomaaliya, Mudane Cabdullaahi Maxamuud Gaafow iyo
xubno kale oo ka sodey waaxda socdaalka.
Waxa uu sheegtey mudane Cabdullaahi Maxamuud Gaafow
in baasaboorrada cusub laga bixin doono xafiiskan
isla markaana uu yahay baasaboorkani E-Passport
casri ah oo aan la been abuuri karin isla markaasna
uu yahay baasaboorkii ugu casrisanaa ee dal Afrikaa
ah uu bixiyo waana baasaboor aad ku tagi karto ayuu
yiri meel walba oo aad rabto in aad aado
Dhanka kale Munaasabaddii Maanta lagu furayey
xafiiskan waaxda socdaalka ayaa waxaa ka qayb galay
mas'uuliyiin ka tirsan Maamulka Puntland waxaana ka
mid ahaa masuuliyiintaasi wasiir kuxigeenka arrimaha
gudaha iyo amniga, Ibraahim Cartan (Xaaji Bakiin)
iyo xubno kale oo ka tirsan gobolka.
Sidoo kale dhamaan Masuuliyiintii ka hadashey
goobtii lagu furahay xafiiskan socdaalka ayaa
iclaamiyay furitaanka xafiiskan waxaana ay sheegeen
in uu fududaynayo arrimaha socdaalka iyo bixinta
baasaboorrada cusub ee ay dhawaan samaysey dowlada
federaalka kmg ah ee soomaaliya.
Isku soo wada duuboo madaxa waaxda socdaalka dowlada
kmg ah ee soomaaliya mudane Gaafow ma sheegin meesha
xigta oo ka tirsan dowlad goboleedka puntalnd oo
sidan oo kale ay xafiis oga furan doonaan.
Yusuf Mohamed Ismail (Gaduudow)
E-mail yusufgaduudow@hotmail.om
Bososo,Puntland,Somalia
Dowlada
FKMG Ah Iyo Ciidamada Ethiopia Oo Baaritaan Ku Haya
Haweenka Qaata Naqaamka (indho shareerka)
Waxaa sii kordhaya baaritaano kala duwan oo lagu
samaynayo haweenka qaata xijaabka gaar ahaan
naqaamka oo soomaalidu u taqaano indho shareerka ,iyadoo
haweenka ku dhaqan magaalada muqdishona ee qaata
indho shareerka ay ka cabanayaan ciidamada dowlada
kmg ah iyo kuwa ethiopia oo fara ba,an ku haya.
Haweenkan qaata xijaabka gaar ahaan indho shareerka
ayaa badanaaba ciidamada dowlada kmg ah iyo kuwa
Ethiopia ku xanibaan wadooyinka iyo xarumaha
fariisimada ay ku leeyihiin iyagoo waydiinaya
su,aalo ay kamid yihiin maxaad usoo xiratay naqaamka
iyo su,aalo kale .
Sidoo kale goob-joogayaal ku sugnaa meelo kala duwan
oo lagu baarayo haweenkan indho-shareerka xiran ayaa
saxaafada u xaqiijiyey in haweenkaas laga xayuubiyey
naqaamkii ay xirnaayeen islamrkaana la tuuray,
agagaarka sayidka ee degmada howl-wadaag oo ay degan
yihiin ciidamada xukuumada Ethiopia ayaa dhowr
haween ah oo xijaabkaas indho shareerka sitay lagaga
tuuray iyadoo weliba lagu handaday inaysan soo xiran
mar dambe ,hadii lagu arkana talaabo laga qaadi
doono.
Shariifo Xasan oo kamida haweenka laga furtay indho
shareekoodii ayaa ii xaqiijisay inay qabteen
ciidamada fariisin ka dhigtay agagaarka taallada
sayidka islamarkaana ay ka tuureen indho shareerkii
iyadoo intaas ku dartay waxaa la i waydiiyey dhowr
su,aalood oo ay kamid yihiin maxaa kugu kalifay
inaad xirato iwm.
Shariifo ayaa intaas ku dartay waxaanu ahayn labo
haween ah oo xijaaban islamarkaana xiran indho
shareerka waxaana labada-yadiiba nalagula kacay
waxaan diintu ogolayn iyadoo markii nalaga tuuray
naqaamkana ay weliba caga juglayn naloogu daray "
xijaabka alle ayaa diintiisa ku sheegay inay dumarku
is asturaan oo jirkooda aan xubin kamida laga arkin
waxaana dhibaato ah hadii diinteenii iyo
islaamnimadeenii ay sii naaqusayso oo maantaba rag-ajnabi
naga ah ay si xoog ah nooga tuureen naqaamkayagii ''
ayay tiri shariifo xasan oo aad uga xumayd sida
foosha xun ee lagula kacay .
''Weligay xijaab iyo indho-shareer la,aan ma socon
ilaa iyo 16-kii sano ee bur-burka waxan oo kale ima
soo marin xataa mooryaanta iyo tuugada dadka dhaca
ma aysan fara gelin jirin xijaabka iyo indho
shareerka '' ayay sii raacisay shariifo xasan oo
indha heeda ay ilmo ka muuqato.
si kastaba ha ahaatee ciidamada dowlada kmg ah iyo
weliba kuwa Ethiopia ee ay xulufada yihiin ayaa
maalmihii ugu dambeeyey dagaal xoogan kula jiray
haweenka qaata indho-shareerka sidii ay uga xakamayn
lahayeen qaadashada indho shareerka oo ah oo dumarku
u qaateen Allah dartiid.
yaasiin maxamed cali (faytin)
yaasiinfaytin@hotmail.com
Cabdirashiid Cali Guutaale
oo Deeq Lacageed soo gaarsiiyey Xabiibo Xasan
Xabiibo
Xasan Cali oo ah Gabar 5- jir ah oo la dhibaatoon
Cudur ka heleelay Isha Bidix ayaa maalintii shalay
ahayd Deeq lacageed soo gaarsiiyey C/rashiid Cali
Guutaale oo degan Dalka Norway. Deeqdaan lagu soo
hagaajiyey Jibriil Max’ed ayaa waxa ay ka Koobneyd
800-Doolar ayaa waxaa laga Gudoonsiiyey Aabaheed
Xasan Axmed Xeydar waxaana goobjoog ka ahaa
Adeerkeed C/waaxid Axmed.
Aabaha dhalay
Gabadha ayaa u mahadceliyey C/rashiid Cali Guutaale
waxa uuna u rajeeyey inuu helo mid ka khayr badan
sidoo kale waxaa uu mahadceliyey intii kale oo iyana
fududeysay Deeqdaasi.
C/rashiid Cali Guutaale ayaa markii la
gudoonsiinaayey la soo xiriiray Qoyska Gabdha oo u
rajeeyey in ay Gabadhooda u helaan Caafimaad deg-deg
ah isagoo sheegay inuu dadaal u gali doono sidii
Dadka Soomaaliyeed ee ku nool Norway ay u caawini la
haayeen Gabadhaasi...
Akhri warkan oo dhan..
Gen. Cadde Muuse oo Ammanay
Hay'adaha Samafalka...
Madaxweynaha DGPL, Cadde
Muuse, ayaa Isniin Feb 19, 2007 magaalada Garoowe kulan kula
yeeshay hay'adaha samafalka ee fadhigoodu yahay magaaladaas,
waxana uu sheegay in hay'adaha samafalka ee jooga Garoowe
inay hawl wanaagsan qabteen. Isagoo arrintaas ka hadlaya
Gen. Cadde Muuse waxa uu yiri: "Qolooyinkii United Nation-ka
IYAGOO DHAN waa noo yimaadeen kulligood wax fiican bay noo
qabteen iyagana si aad iyo aad ah ayaan ugu mahad naqayaa
iyo waxyaalahay qabteen."
Dhegeyso
Hadalkii Gen. Cadde.
Mar sii horeysey ayey ahayd
markii Wasiirka Wasaaradda Maaliyadda ee DGPL, Maxamed C. Y.
Gaagaab uu dhaliil u jeediyey hay'adaha Samafalka ee jooga
Soomaaliya. Xilligaas oo uu Wasiirku la hadlayey dad
Soomaaliyeed oo jooga magaalada Minneapolis ee dalka
maraykanka waxa
hadaladdiisii ka mid ahaa "Ha'adaha dalka Soomaaliya jooga
waxay isu haystaan in ay yihiin madaxweynihii dalka."
Dhegeyso Hadalkii Gaagaab...
![](/terry/arrowleft.gif)
![](/terry/arrowright.gif)