SomaliTalk

Daabaco Boggan | Print

Kenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya... Akhri..

Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu bixisay.. Akhri...

Itoobiyaan baaraya laba nin oo Soomaali. Muqdisho. AFP - Jan 13, 2006

Taangi Itoobiyaan ah oo taagan garoonka muqdisho - AFP - Dec 2006
ARAGTIDA/MAQAALLADA DADWEYNAHA EE MAANTA

Feb 6, 07: Xabashida iyo magaalooyinka: Galkacyo (73), Baydhabo (52), Beledweyne (44), Muqdisho (41), Kismaayo (37)..
Sarbeebtii Diinaari

Zakariya Xaaji Maxmuud:-Waa In Loo Diyaargaroobaa Sidii Tegreega Dalka Looga Xorayn Lahaa.

Xildhibaan Zakariya X.Maxmuud oo isagu ka mid ah guddiga arrimaha dibada ee Golaha wakiilada, isla markaana xubin joogta ah ka ah baarlamaanka Carabta ayaa xaflad lagu qabtay magaalada Dimishiq taas oo lagu soo dhaweynayey xildhibaanka ka sheegay in ay Soomaalidu u diyaar garowdo sidii ay dalkooda uga xorayn lahaayeen xoogaga Tegreeyga ee ku soo duulay.

Xafladan oo ay ka soo qayb galeen dadaweyne aad u tiro badan iyo xubno ka socday Safaaradda Soomaalida ee dimishiq gaar ahaan xoghayaha Safaaradda C/raxmaan Barqiya, guddoomiyaha Jaaliyadda Soomaaliya Fu’aad iyo Shiikh C/casiis Calas ayaa waxa uu Zakariye ku dheeraaday Taariikhdii soo jireenka ahayd e u dhaxaysay Shacabka soomaaliyeed iyo Dawladda Itoobiya ee ay gadhwadeenka ka yihiin qawmiyada Tegreey.

Wuxuuna Zakariye ku celceliyey in shantii qarni ee ugu danbeeyey uu jiray loolan xoogweyn oo soo bilaabmay xilligii dagaalkii mucatabka ee ay soo qaadeen xoogaggii kiristaanka ahaa, kuwaas oo bariga dhexe iyo bariga afrika ku soo ekeeyey.
Kaas oo u dhexeeyey ayuu yidhi , shacabkii muslinka ahaa ee Soomaaliya ku dhaqnaa ee lagu soo duulay iyo kiristaan soo adeegsaday Itoobiya.

Wuxuuna shacabka soomaaliyeed gaar ahaan jaaliyaddaha dibada ku dhaqan ku guubaabiyey in ay isu diyaariyaan Jihad ay kala hortagaan cadowga dhulkooda ku soo duulay sidii Axmed Guray iyo Sayid Maxmed C/lle Xasan.

Dhinaca kale wuxuu ku tilmaamay Baarlamaanka Soomaaliya mid la hayste ah oo gacanta ugu jira saraakiil hoosaadyo ka soo jeeda qawmiyadda Tigreeyga , kuwaas oo baarlmaanka hadda jira u yeedhiya hadba waxa ay doonayaan.

Wuxuuna sheegay in hogaanka maanta Soomaaliya ka arrimiyaa uu dhagar iyo khiyaamo qaran ka galay shacabka Soomaaliyeed, gacanta aanay waxba ugu jirin, lagulana xisaabtami doono, wuxuuna sheegay in kuwa hadda u sacabba tumaya gumaysiga cusub ee Soomaaliya Hantiyey in ay noqondoonaan kuwa ugu horeeyey ee uu isku rago markay u fududeeyeen wixii ay waligoodba ku taami jireen oo ahayd siday u soo gaadhi lahaayeen badweynata hindiya iyo hawadda wanaagsan, taas oo ay hore gumaysiga isaga hortaageen muddo shan boqol oo sanno ah awoowayaasheen oo ku hubaysnaa warmo iyo toorayo.

Zakariya Xaaji Maxmuud oo marka uu ka hadlayo warbaahinta lagu yaqaanay hadallo kulkul ayaanay xafladan wax dhaafsiisan hadalo dulmar iyo dublumaasiyad ah ka soo yeedhin.

Asad Caddaani Ibraahim
assadlaska@yahoo.com

C/laahi Yuusuf iyo Geedi maxay ka kala Aaminsan yihiin dib heshiisiinta…

Madxweyne C/laahi Yuusuf Axmed iyo Ra’iisul wasaare Cali Max’ed Geedi ayaa si aad ugu aragtii kala duwan qaabka loo qabnaayo Dib u hashiisiinta Soomaaliyeed, Madxweyne C/laahi Yuusuf ayaa isagu qabo in Shirka Dib u hashiisiinta lagu qabto Dalka gudihiisa gaar ahaan meel Nabdoon oo ay ka soo qaybgalaan Dhamaan Ummadda Soomaaliyeed qeybahooda kala duwan isla markaanay Goob joog ka noqdaan Beesha Caalamka sida Qaramada midowbay, Midowga Afrika, IGad, Jaamacdda Carabta, Midowga Yurub iyo Dalalka daneeya Arimaha Soomaaliya. [Waxa kale oo madaxweynaha laga soo xigtey in uu yiri: Qunyar socod iyo xagjir midna la kulmi maayo].

Madaxwaynaha waxaa kaloo taageersan yahay in kulankaasi oo noqdo mid lagu qaybsado Awooda Dowladda si loo soo afjaro dhibaatooyinka Soomaaliya.

Ra’iisul Wasaare Cali Max’ed Geedi ayaa isagu qaba in kulanka dib u hashiisiinta uu noqdo mid lagu qabto Dalka gudihiisa ayna qabanqaabiyaan Gudiga dib u hashiisiinta Qaran, mar uu ka hadalayeey Siminaar ku saabsan dib u hashiisiinta Soomaaliyeed waxa uuna sheegay in Dowladda fedaraalka ay aad u taageersan tahay kulamada ay wado Wasaaradda dib u hashiinsiita Soomaaliyeed.

Ra’iisul Wasaare Cali Max’ed Geedi waxa uu sheegay in xiligan aysan jirin Cid Macaarad ku ‘ah Dowlada Soomaaliyeed oo la qaybsata Awooda Dowlada isagoo sheegay in si aad ah uga soo hojeedo in wax wad xaajood ah lala galo Maxkamadah islaamiga uu ku tilmaamay kuwa dambe ka galay Dalka Soomaaliyeed.

Beesha Caalamka ayaa iyagu qabta in kulanka dib u hashiisiinta lagu qabto meel banaanka ka ‘ah oo ay ka qaybgalaan Maxkamadha islaamiga maadaama wali Awoodoodii ay jiro isla markaan Taageero fara badan ku leeyihiin Dalka gudihiisa iyo dibadiisaba taasoo ay sheegeen in lagu gaari karo Nabad iyo Xasilooni ka dhalata Gudaha Waddanka Soomaaliya Mudo 16-Sano ku soo jiray Dagaalo sokeeye.

C/laahi Yuusuf” Qunyar socod iyo Xagjir midna la kulmi maayo….

C/laahi Yuusuf Axmed ayaa mar kale ku celiyey inuusan wada hadal la geli doonin Maxaakiimta islaamiga ah isagoo ku tilmaamay Masuuliyiinta Maxaakiimta islaamiga ah kuwa dambiiliyaal ah oo u baahan in Maxkamad la soo taago.

“Masuuliyiinta Maxaa-kiimta xataa uma findinayno wax cafis ah oo waxaa soo taagaynaa Maxkamad” ayuu iyiri C/laahi Yuusuf Axmed oo u waramayay Wakaalad wararka Wadanka Yeman Madaxwayne C/laahi Yuusuf Axmed waxa uu sheegay inuusan la kulmi doonin Shiikh Shariif isagoo ku tilmaamay Nin horseed u ahaa Bur-Burka iyo qalalaasaha ka taagan maanta Dalka

Dowlada Maraykanak iyo Midowaga Yurub ayaa iyagu wada dadaal la doonayo in la ‘iskugu keeno meel Dowlada fedaraalka iyo Qaar ka mid ah masuuliyiinta Maxaakiimta islaamiga ah iyagoo arintaani u arka mid xal u keeni karta Xaalada Murugsan ee Soomaaliya. Sidoo kale siyaasiyiinta Soomaliyeed ayaa iyagu doonaya in meel la isgu keeni Dowlada iyo Maxaakiimta islaamiga ah.

Siyaasiin ka tirsan Beesha Cayr oo doonaya in Dowladda Itoobiya ka dhaadhiciyaan…

Siyaasiyiinta Beesha Cayr oo ka koobnaa 10-Xubnood ayaa u amababaxay Magaalada Adis-Ababa ka dib markii martiqaad ka heleen Dowladda Wadankaasi.

Siyaasiyiintan ayaa waxaa la sheegay in uu hogaaminayey Gen –Max’ed Nuur Galaal waxa uuna martiqaadkani ku yimid markii kulan ay Muqdisho ku wada yeesheen Wasiirka Arimaha dibada ee wadanka itoobiya ee Bishii hore soo gaaray Magaalada Muqdisho waxaana xilgaasi lagu balamay in kulan kale ay Adis-Ababa ku yeeshaan labada dhinac. Dowlada Itoobiya ayaa waxay doonaysaa in Beesha Cayr ay ka qayb qaadato Gacan siinta Dowlada fedaraalka si Nabad loogu soo dabaalo Dalka Soomaaliya, hase yeeshee Beesha Cayr ayaa ka biyo diidsan inay wax wada shaqayn la yeelato Dowlada fedaraalka maadaama C/laahi Yuusuf uu horay u diiday inuu la shaqeeyo Madaxwaynihii hore ee Dowladii Carta ee C/qaasim Salaad Xasan.

Beesha Cayr ayaa waxay doonaysaa in Dowlada itoobiya ka dhaadhiciso in la qabto Shirwayne dib u hashiisiin ah oo lagu dhiso Dowlad Sal-Balaaran waxaa lagu waramay in Beesha Cayr ay daneynayso in kulanka kan xiga laga soo qaybgaliyo Beesha Habar-Gidir (oo dhan).

Dilal iyo Afduub oo shalay iyo xalay ka dhacay Muqdisho..

Waxaa shalay iyo xalay ka dhacay Magaalada Muqdisho Dilal iyo Afduubyo loo geystay Dad aan waxba galabsan.

Waxaa agagaarka Caymiska lagu dilay Tahliil Max’ed Barre oo ka mid ahaa Shaqaalaha Shirkada CoCa-Cola waxaana dilkaasi geystay Koox Dablay ah mar uu ku sii jeeday Gurigiisa.

Xalay ayaa isgoyska Baar ubax lagu dilay Wiil Dhalinyaro ah waxaana dilkiisa ku dhaawacmay labo kale isagana lama garanyo Cidii ka dambeysay Dilkiisa .

Waxaa iyana Magaalada Muqdisho shalay laga afduubtay mid ka mid ah Masuuliyiinta Shirkada Hormuud oo lagu Magacaabo Caynaanshe,

Dhinaca kale waxaa maalintii shalay Agagaarka Vila-Soomaaliya lagu riday Hoobiya hase yeeshee Hoobiyahaasi wax khasaaro ah ma geysan waana markii labaad oo weerar Hoobiye lagu qaado Xarunta Madaxtooyada .

Weerar Hoobiye oo lagu qaaday Madaxtooyada Soomaaliya..

Shalay barqanimadii ayaa xarunta Villa Soomaaliya ayaa waxaa lagu weeraray qoriga Hoobiyaha , wuxuuna hobiyahaas ku dhacay meel ku dhow dugsiga Sare ee Jamaal Cabdi Naasir.

Illaa haatan lama sheegin wax khasaare ah oo uu gaystay qaraxaas hasa yeeshee af hayeen u hadlay Ciidanka Boliiska ayaa sheegay in kooxihii ka danbeeyay Qaraxaas lagu raad joogo, waana markii labaad ee dhinaca Hoobiyaha loogu gaysto xarunta Madaxtooyada ee Villa Soomaaliya, wuxuuna Hoobiyahan ku soo beegmay xilli Madaxweyne Cabdullaahi Yuusuf uu ka maqan yahay Xarunta Madaxtooyada.

Habeen hore ayay ahayd markii weerar loo geystay dekedda wayn ee magaalada Muqdisho ilaa hadda lama faah faahin khasaaraha dhabta ah ee uu gaystay weerarkaas hasa yeeshee qaar ka mid ah maraakiibtii ku sugneed halkaas ayaa isaga baxsaday.

Dowlada Yeman oo Caqabado..

Dowladda Yemen oo wada daal ah oo in ay isku keento dowladda Federaalka ah iyo Maxaakiimta Islaamiga ah ayaa waxaa ka hor yimid caqbado waaweyn kaddib markii Dowladda Federaalka ay ku xirtay waxa uu Shiikh Shariif ka qabanayo dalka Yemen in loo caddeeyo, sidoo kale Dowladda yemen waxaa ka hor yimid caqabad ah in wadamada IGAD ay u kala qaybsan yihiin qaabka loo wajahayo isku keenida ladada dhinac, waxayna qaarkood soo jeediyeen in Dowladda sideeda loo dhaafo, ciddii loo baahan yahay in lagu biiryo lagu daro.

Dalka Yemen ayaa la filayaa ini dhawaan ay gaaraan mas’uuliyiin ka socota wadamada Mareykanka iyo Yurub si ay Dowladda Yemen iskula soo meeli dhigaan sidii la isaga hor keeni Maxaakiimta iyo Dowladda Federaalka waxaana lagu waramay in Sheekh Shariif loo sheegay in inta la xalinayo arrimaha uu ku sii nagaado dalka.

Qaraxyo iyo weeraro xalay loo gaystay xerooyin ku yaal…

xalay ayaa magaalada Muqdisho laga maqlay qaraxyo iyo weeraro is rasaaseyn ah, waxayna weeraradaasi ka dhaceen agagaarka Lambar Afar iyo waliba agagaarka Garoonka Diyaaradaha, ilaa iyo hadda lama garanayo khasaarihii uu keenay weerarkaasi, waxaana la sheegay in dad dhaawac loola cararay isbitaalada magaalada Muqdisho.

Weerarkaani waxa uu ka dambeeyey weeraro is daba joog ah oo maalmahan ka dhacayey magaalada Muqdisho, kuwaas oo lala beegsanayey xarumaha ay degan yihiin ciidamada Itoobiya.

Mid ka mid ah Masuuliyiintii Maxaakiimta oo ay soo bandhigeen Ciidamada Itoobiya ..

Waxaa maalintii shalay ahayd saxaafadda la hadlay guddoomiyihii Maxaakiimta Islaamiga ee gobolada Jubbooyinka Axmed Maxamed Islaan oo dhawaan ay gacanta ku soo dhigeen ciidamo ka tirsan Itoobiya iyo kuwa federaalka kaddib markii uu ku dhaawacmay duqayntii ciidamada Maraykanka uu ka gaystay meelo ka mid ah koofurta Soomaaliya

Axmed Islaan oo ay ka muuqdeen dhaawacyadii soo gaaray ayaa waxa uu sheegay in si wanaagsan ay ula dhaqmeen ciidamada Itoobiya intii uu dhaawaca ahaa “Markii hore waxaan u haystay ciidamada Itoobiya iyo haatan waxa ay yihiin waa arrin kala duwan waxayna iila dhaqmeen si binu’aadnimada ku jirto” ayuu Axmed Islaan oo aad uga xumaaday duqayntii ciidamada Maraykanku ka gaystay Koofurta Soomaaliya oo uu ku laayay Dad Rayid ah.

Wuxuu sheegay inuu aad u danaynayo inuu daawo ahaan u aado waddanka Itoobiya isagoo sheegay inuu marka uu soo caafimaado uu ka qayb gali doono kulanka uu ku baaqay Cabdullaahi Yuusuf ee dib u heshiisiinta Ummadda Soomaaliyeed, wuxuuna u soo jeediyay shacabka soomaaliyeed inay ka qayb qaataan sidii xal looga gaari lahaa arrimaha Soomaaliya

W/D Amiin Yuusuf Khasaaro
E-Mail amiinkhasaaro@hotmail.com

Itoobiya oo ku hanjabtay in aysan sugi doonin Keenista Ciidamada Afrikaanka.
.Dowladda Kenya oo sheegtay inay ku saxsaneyd Celistii..
.Kulan looga hadlayo dib u heshiisiinta oo ka furmaya xamar
.Dowladaha Mareykanka iyo Yemen oo wada dadaal dib u
.Saraakiil ka socotay Uganda oo booqdey gobo ku yaal...
.Kulan looga arisanayey xaaladda nabadgelyo ee muqdisho
.MURAAYO OO HESHAY IN LAGU DAAWEEYO DALKA USA
Wararka oo dhan ka akhri halkan.... Feb 5