Daabaco Boggan | Print Cilmiga Hindisaha (Engineering) ee Laga Dhaxlay Islaamka.. Daawi Vedio-gan Halkan ka daawo: Vedio Doodii Dhexmartay;- Zakari-yaha Masar iyo Azhari-ga Itoobiya ... Akhri Ceelka iyo Xaruntii Conoco, Garoowe, Soomaaliya... Akhri....

Amaan Iyo Bogaadiin Jaaliyadda Wadaniyiinta Somaaliyeed.

-Xassan C/Laahi Sh(Xassan Carab)-
-Afhayeenka Guud- -Dhaq-dhaqaaqa Somaaliyeed Nabada,Midnimada Iyo Cadaaladda.
-England-UK- 15/04/2007-
sharifhassan50@yahoo.com

Dhaq-dhaqaaqa Somaaliyeed Nabada,Midnimada iyo Cadaaladda waxeey halkan Amaan,bogaadiin iyo dhiiri gelinba uga soo jeedinaayaan Jaaliyadda Somaaliyeed ee ku dhaqan Dalalka-Canadda, Mareeykan, England, Sweden, Denmarka, Norway,Hollands Swiss iyo Austaralia oo muujiyeey sida eey uga xun yihiin Duulimaadka qaawan, dhibka, Tacadiyada Xad dhaafka, Xasuuqyadda, Bara-kicinta iyo Argagax gelinta lagu hayo ama loo geeysanaayo Dadka Somaaliyeed eeyna Wadaan Ciidanka Gumeeysiga Itoobiya iyo Kuwa Dowladda Federaalka ahba.

haq-dhaqaaqa Somaaliyeed waxeey si toos ah u taageersan yihiin, lana duuban Yihiin Talaabooyinka Wadaniyada ku saleeysan,Banaan baxyada baaxadda leh oo eey Sameeyeeyn, welina Wadaan qeybo ka mid Jaaliyadaha Dalalkaas ku dhaqan oo ah kuwa leh Damiirka iyo Dareenka Somaaliyeed oo nool iyo Qiirada Wadaniyeedba.lehna Sifooyinka Wanaagsan ee Muwaadin-nimada iyo Dal Jceylka.

Dhaq-dhaqaaqa Somaaliyeed waxeey ku boorinaayaan Jaaliyadda Somaaliyeed ee qurba jooga ah in eey Gartaan isla markaana gutaan Masuuliyada Diineed,Qarameed iyo Akhlaaqeed oo ka Saaran Dalkooda hooyo iyo Dadkoodaba, Aduunkana u miijiyaan Sida eey uga Xun yihiin Fara gelinta iyo Qabsashada Gumeeysiga Itoobiyaanka xiligan ku heeysto Aqlabiyadda Dalkeena Qaaliga ah, Ciideena Daahirka ah, Sidoo kale Waxanu ugu baaqeeynaaya Jaaliyadda in eey Taakuleeyaan,u gargaaraan, Caawimona u fidiyan Walaalahooda Tabaaleeysan laga soo bara kiciyeey Guryahoodii,Hadana ku sugan ama ku Dhibaataaysan Duurka, Dhirta Heestiisa iyo Bonaanada Cidladda ah,Daryeelka Deg- dega ah u baahan, Gaar ahaan-Daawooyinka, Raahiinka, Biyaha iyo Bustayaasha, iyadoo hada la galay Xiligii Roobka (Raxmadda Gu'gga), sida la wada ogyahay Baahidda ugu Weyni waxeey ka jirtaa Degaamada ku xeeran Caasimadda Muqdisho-Sida-Lafoolle, Afgooye, Marka Cadeey, Jowhar iyo Muqdisho Gudaheedaba.

Dhaq-dhaqaaqa Somaaliyeed Nabada,Midnimada Iyo Cadaaladda iyagoo ka Duulaaya Masuuliyada Qarameed iyo Akhlaaqeedba oo ka Saaran Mueaadiniinta iyo Guud ahaan Dalkooda Hooyo oo xiligan ku jira xaalad cakiran iyo gacanta Gumeeysiga Cadoowga Itoobiyaanka, waxaan halkan ku soo gudbinaayaan Cambaareeyn ku saabsan Xirigga Xaq darada ah ee loo geeysteey Weriyaha Wadaniga ah-C/QAADIR NADAARA iyo Shaqaalaha TV-GA Unitersal oo mudo ka badan Asbuuc ku jira Jeelka Magaaladda Muqdisho.

Dhaq-dhaqaaqa Somaaliyeed waxeey halkan ku cadeeynaayaan in Xarigga iyo Xoriyad ka qaadida Weriye Nadaara wuu ka soo hor-jeedo Xeerarka,Nidaamka iyo Madax banaanidda Warbaahinta Somaaliyeed oo Axdi Qarameedku qiraayo,waana Talaabo khaldan iyo fal qalafsan, laguna cabudhinaayo xaqiiqadda iyo soo bandhigida Xasuuqyadda,Gumaadka,Tacadiyada,Fara-xumeenta iyo howlaha bara-kicinta Dadka iyo guud ahaan howl galka Argagax gelinta lagu hayo Dadaweynaha Muqdisho.

Dhaq-dhaqaaqa Somaaliyeed wuxuu qiraayaa in C/QAADIR NADARA ka mid yahay Shakhsiyaadka ama bahda Saxaafada iyo warbaahinta Somaaliyeed oo magaca,Maqaam iyo xurmo gaar ah ku leh Ummadda Somaaliyeed, Weriye ku xeel dheer gudasahadda Shaqadiisa si weyna loo xiiseeyo, isla markaana waa Muwaadin Somaaliyeed oo xaq u leh in uu Hab Nabadeed uga Shaqeeyso,uguna Noolaado Dalkiisa Hooyo.

Dhaq-dhaqaaqa Somaaliyeed waxeey halkan Cambaareeyn culeeyskeeda leh uga Soo Gudbinaayaan:- Wasaaradda Warbaahinta Somaaliyeed,Gudigga Saxaafada iyo Warbaahinta Golaha Barlamaanka, Ururadda Illaalinta Xuquuqdda Dadka iyo Gudigga Madaxa Banaan ee Saxaafadda iyo Warbaahinta Somaaliyeedba,Sidoo kalle Madaxa Warfaafinta Madaxtooyadda xaq uma laha,awoodna uma laha in wuu Xirro ama Amar ku Bixiyo Xabsi u Taxaabidda Weriyaasha iyo Xakameeynta Codka Warbaahinta.

Dhaq-dhaqaaqa Somaaliyeed waxeey ku baaqaayaan in Si dhakhso ah,Shuruud la'aan ah lagu soo daayo,xoriyadiisana loo soo celiyo Weriye Nadaara iyo Shaqaalaha TV-GA Unitersal oo xaq daradda Jeelka loogu hayo, lagana waantoobo dhibaatooyinka lagu hayo Warbaahinta iyo Saxaafadda Madaxa banaan oo ah Indhaha,Dhegaha iyo Damiirka nool ee Dadweynaha Somaaliyeed.

Cambaareeynta Xasuuqyadda Badda Cadan.

Dhaq-dhaqaaqa Somaaliyeed ayaa halkan ku cadeeynaaya in falalka ka dhacaaya Badaas,geeysanaayaan ama eey ka dameeyaan kuwa lagu tilmaami karaayo Dembiilayaal,gacan ku dhiiglaha loo yaqaano Naakhuudayaasha Doonyaha Dhimashada laga abaabulo xeebaha Goboladda Barigga P/Land.

Dhaq-dhaqaaqa Somaaliyeed waxeey cadeeynaayaan in Masuuliyadda Dhibaatadaas Xasuuqa ah eey iska leeyihiin:-

1-Madaxweynaha P/Land.
2-Madaxweyne ku Xigeenka P/Land.
3-Wasiirka Arr.Gudaha P/Land.
4-Ku Xigeenka Wasiirka Arr.Gudaha P/Land.
5-Taliyaha Ciidanka Poliiska P/Land.
6-Gudoomiyaha Gobolka Barri P/Land.
7-Taliyaha Qeybta Poliiska G/Barri P/Land.
8-Naakhuudayaasha Doonyaha Dhimashadda.
9-Wakiiladda Xafiisyadda Tahriibta iyo Cidii Gacan ka Geeysta Howlahaasba.

Dhaq-dhaqaaqa Somaaliyeed Waxeey u aqoonsa yihiin Dhibaatadaas Xasuuq ama Gumaad loo geeysanaayo Dad Mashaakiin ah,kuwa ka Dameeyaana Mudan Yihiin Maxkameeyn.

Dhaq-dhaqaaqa Somaaliyeed waxeey Dhaliil culeeyskeeda leh dusha uga Tuuraan yaahan Dowladda Yeman oo doorkeedi ka gaabisay, sida ku haboona u Illaalin weeyday Badaheedda.

Dhaq-dhaqaaqa Somaaliyeed waxeey Cambaareeyn u soo jeedinaayaan Madaxda Sare ee Dowladda Federaalka Somaaliyeed oo la oran karo waxeey ka Raali yihiin Dhibaatadaas Badaha ka dheceeysa oo eey ka aamusan yihiin waana arrin ayaan daradeeda leh.

Dhaq-dhaqaaqa Somaaliyeed waxeey sidoo kalle Cambaareeyn u soo Jeedinaayaan Heyadda UNHCR oo si weyn u Dayacda Qaxootiga Somaaliyeed ee Dalka Yeman jooga, kuna heeysa Xeryo aad iyo aad u liita dhuinacyada Daryeelka Caafimaadka,Waxbarashada iyo Hooygaba,iyadoo la wada ogyahay Dhibaatooyin foosha xun oo Qaxootigu kala kulmaan Dadka Yamen,gaar ahaan Haweenka oo Far-xumeen xad dhaaf ah loo geeysto iyo hab Adoonsiba,waana Mid meel u taalo Dalka Yamen iyo Dadkiisaba.

Dhaq-dhaqaaqa Somaaliyeed Nabada,Midnimadda iyo Cadaaladda waxeey halkan ku soo gudbinaayaan War- Saxaafadeed ku Wajahan Go'aamadii ka soo baxay Kulankii Wasiiradda Arr.Debedda Urur Goboleedka (IGAD)oo shalay lagu soo gaba-gabeeyeey Magaalada Neyroobi Kenya.(13/04/2007).

*Dhaq-dhaqaaqa Somaaliyeed waxeey si weyn uga Xun-yihiin Halkana Camaareeyn culeeyskeeda leh uga soo jeedinaayaan Go'aanka Xaq darada ah, Meel ka dhaca ah oo Kulankaas ka soo baxay,laguna Taageeray ama loogu hambalyeey Gumeeysigga Itoobiyaanka Dagaalka, Duulimaadka Qaawan iyo Xasuuqyada xad dhaafka ah, Bara -kicin eey u geesteeyn welina ku hayaan Ummadda Somaaliyeed,gaar ahaan kuwa ku Dhaqan Caasimadda Qaranka Muqdisho.

*Dhaq-dhaqaaqa Somaaliyeed waxeey dhaliil weyn dusha ka Saaraayaan Dowlada:-Kenya,Itoobiya,Ugaandha Iyo Dowlada Somaliyeed oo cadeeyeey in in eey yihiin kuwa dulmiga la duuban,kuna faraxsan Dhibaatadda Dadka Iyo Dalka Somaaliyeed,waxaana ayaan daradeeda leh in Kuwa sheeganaaya Dowladda Somaaliyeed Sacabka u tumaayaan Gumaadka Dadkooda iyo Gumeeysigga Dalkooda Qaaliga,waana u Garasho Xumo.

*Dhaq-dhaqaaqa Somaaliyeed waxeey u cadeeynaayaan in Dowlada ku Bahoobeey Ururka IGAD eey yihiin kuwo ku xadguduba Xuquuqda iyo Xoriyadda Ummadahooda,kuna Dhaqmaaya Hanaanka Keli-taliyenimo iyo Kursi Illaashigga,Dadkoodna baday dib u dhac weyn ee Dhinacyadda:- Caafimaadka,Waxbarashadda, Horumarka iyo Dhinacyada Daryeelkaba.

*Dhaq-dhaqaaqa Somaaliyeed waxeey ugu Baaqaayaan Dowladda Itoobiya in eey Ciidanka Duulaanka kala baxdo Dalka Somaaliya,isla Markaasna Illaaliso Xeerarka Caalamigga iyo Habka Deris Wanaag, kana waantoowdo Afduubka iyo Qafaalashada Muwaadiniinta Somaliyeed oo sida Nabada ah Dalkooda hooyo ugu Sugan.

*dhaq-dhaqaaqa Somaaliyeed waxeey sidoo kalle Cambaareeynayn Dowladda Mareeykanka iyo Maamulka Madaxweyne Busha oo ka dameeya Dhibaatadda Ummadda Somaaliyeed loo geeysanaayo,Dhaqaale xoog leh ku Bixinaayaa Dhiiga Somaaliyeed ee Qubanaaya,iyadoo Ujeedada ka Dameeysaa tahay Naceeb uu u Qaba Diinta Islaamka,aar goosina wada Khasaarihii la gaarsiiyeey Ciidankii Maraeeykanka 93-kii.

*Dhaq-dhaqaaqa Somaaliyeed waxeey si weyn uga Xun yihiin aamuska iyo Masuuliyada daradda Qaramadda Midoobeey,Midoowgga Yurub,Jaamacadda Carbeed iyo Dowladaha Waaweyn sida:-Faransiiska, Germany,China,Ruushka iyo Dalkan England.

*Dhaq-dhaqaaqa Somaaliyeed sidii caadada aheyd waxeey uga Baaqaayaan Jaaliyadda Somaaliyeed ee Qurba jooga ah in eey ku Dadaalaan Taakuleeynta,u Gargaaridda iyo Caawinta Walaalahooda Somaaliyeed oo ku tabaaleeysan Dalka Gudihiisa,gaar ahaan Goobaha Dhibaatadu xad dhaafka ah ka jiraan sida Caasimadda Muqdisho.

Teageeridda Olollaha Wacyi Gelineed Ee Siyaasiyiinta Wadaniyiinta Ah.

 Dhaq-dhaqaaqa Somaaliyeed Nabada,Midnimada Iyo Cadaaladda iyagoo ka duulaayaa Danaha guud iyo maslaxada Qarameed,Masuuliyada Akhlaaqeed oo ka saaran Dalka Hooyo iyo Dadkeenaba,waxuuna halkan ku cadeeyneeynaa si cad oo dhaq-dhaqaaqu u soo dhoweeynaayo una taageersan Olollaha Siyaasadeed,wacyi gelineed oo eey sida wadda jirka ah u wadaan Siyaasiinta Somaaliyeed oo damiirka,dareenka Nool iyo Qiirada Wadaniyadeed leh uuna Hormoodka ka yahay-Mudane- Proff-Cali Khaliif Galeyr.

Dhaq-dhaqaaqa Somaaliyeed wuxuu si weyn ula duuban yahay,la mideeysan yahay aragtidda Wadaniyadeed,hanaanka xaqa ah iyo habka Siyaasadeed oo toosan kuna saleeysan Danaha guud iyo Maslaxadda Ummadeedba,hanaanka lagu gaari karaayo hanashada Dib u heshiisiin Rasmi ah,loo wadda dhan yahay, aragtida iyo rabitaanka Somaliyeed, Waxaanu ku baaqeeynaa in Risaalada Siyaasiyiintaasu gaarto Guud Ahaanba Ummadda Somaaliyeed(Gudaha iyo Debedaba).

Dhaq-dhaqaaqa Somaaliyeed waxeey u arkan in Olallahan Wacyi- gelineed oo eey Wadaan Siyaasiyiinta Somaaliyeed yahay arrin wacan oo Ahamiyadeeda leh, loona baahan yahay in la laban laabo,sida ku Haboona loo taageero, si meesha looga saaro Cudarka iyo cuqdada ku kala dhex jirta Dadka Somaaliyeed oo eey Abuureen Gumeeysigga iyo kuwa u adeega, Dhibaatadda iyo Belaayada la kala dhex dhigay Dadka Walaalaha,Dhiig wadaaga ah,anagoo si weyn u Tixgelineeyna Aqoonta iyo waayo raganimada weyn oo Siyaasiyiinta qaarkood u leeyihiin Dhibka ka jira Dalkeena iyo Ujeedooyinka ka dhameeyaba.

Codadka hoos ka dhegeyso...

   
Prof: Cali Khaliif           Jaamac Cali Jaamac   Maxamed Cabdi Y.

   
Max'ed C. (Dhaqane)   Cabdi Weli Sheeq M.  Abukaato Qaarey

Dhaq-dhaqaaqa Somaliyeed wuxuu ku bogaadinaayaa Siyaasiinta Wadaniyiinta ah iyo Bulsahada Damiirka nool leh in eey la yimadaan Hanaan Iskaash,wada jir iyo Midnimo Somaaliyeed oo dhab ah,Codkana sida ku haboon u cabiraan,Caalankna gaarsiyaan,Waxaan halkan Amaan iyo Maha-celin uga soo jeedineeynaa Gudiyada Magaalooyinka;-Lesta, Birmingham Iyo London si wanaagsan heerka sare ah oo eey u soo Dhoweeyeen Kooxdaas Siyaasiyiinta ah,waana arrin ka turjumeeysa Bileeyska Siyaasadeed iyo Dareenkooda Wadaniyadeed ee Jaaliyadda Somaaliyeed ee Magaalooyinkaas(Hambalyo).
 

Dhaq-dhaqaaqa Somaaliyeed Nabada,Midnimada Iyo Cadaaladda waxeey halkan ku qeexaayaan,si cadna ugu soo bandhigaayaan habka iyo Hanaanka wanaagsan Somaaliyeed iyo dareenka Wadaniyadeed oo laga dheehan karaayo Olollaha Wacayi gelineed ee ruug cadaaga weyn ee Somaaliyeed-Proff-CALI KHALIIF GALEYR.

Dhaq-dhaqaaqa Somaaliyeed waxeeyn qiraayaan in Khudbadaha Siyaasadeed ee Proff-Galeyr ka Turjumeeyso xaqiiqada Dhabta ah iyo Soo jireenka Colaada Itoobiya iyo Somaaliya oo ku saleeysan Nacaeyb diineed iyo hanka Itoobiya oo Dhul balaarsiga ku saleeysan iyo ciilka weyn guud ahaanba Dadka Reer Abasiniya Qabaan,waxuuna u arag in Ereyada Galeyr yihiin kuwa sida ku haboon u kicinaaya Dareenka jiifa ee Ummadeena,soona celin karaaya ama nooleeynaaya Wada jirkoodii iyo midnimadii qaaligga aheydba.

Dhaq-dhaqaaqa Somaaliyeed Nabada,Midnimada Iyo Cadaaladda wuxuu taageeraayaa,sida ku haboona ula duuban yahay Olollaha iyo Habka Wacyi gelineed ee Proff-Galeyr iyo Siyaasiyiinta dhigiisa ahba,waana arrin loo baahan yahay Waqtigan xasaasiga ah oo Dalkii hooyo ku jirro xaalad jaha-wareer iyo Duulimaadka Qaawan oo eey ku soo qaadan Ciidanka Gumeeysiga Itoobiya iyo kuwa Xulafadooda ahba,dhibaatooyin xad dhaaf ahna loo geeysanaayo Bulshadda, iyo Talaabooyinka lagu kala fogeeynaayo Dadka,laguna abuuraayo Xiisado Colaadeed iyo Dagaalo sokeeyeba.

Dhaq-dhaqaaqa Somaaliyeed oo ha iyo jeer soo dhoweeynaaya wixii ku saleeysan una adeegaaya Danaha guud iyo maslaxada Dadka iyo Dalka hooyo,xoojinaaya Midnimadda iyo wada jirka Ummadeed iyo Talooyinka Wanaagsan oo keeni karaayo hanashadda Nabadgelyo buuxda iyo Nidaam Dowladeed oo Cadaalad,sinaan,Dastuur xaq ah leh,waxaanu Halkan Amaan,Bogaadiin iyo Hambalyo diiran uga soo gudbineeynaa Proff-Cali Khaliif oo si weyn u Difaacaaya Danaha Dalkeena iyo Maqaamka Ummadeena,Waqtigiisa Qaaliga ahna u huray u adeegidda Qadiyadda Somaaliyeed,waana mid ka turjumeeysia Bileeykiisa Qof ahaaneed,Dareenkiisa nool iyo qiiradiisa Wadaniyadeed,waana mid looga baahan yahay guud ahaan Dadka Somaaliyeed,gaar ahaan inta Aqoonta Sarre leh, Fadlana Halkan ka Dhegeeysta Khudbada Ahamiyada weyn leh.

-Somaliyey Midnimo Wax

War Saxaafadeed Rasmi ah.

1-Dhaq-dhaqaaqa Somaaliyeed waxeey si weyn uga xun yihiin Dhibaatadda Nabadgelyo,Dagaalo weli ka Socod Caasimada Muqdisho iyo Falalka Tacadiyada xad dhaafka aoo eey geeysanaayaan Ciidanka Gumeeysigga Itoobiya iyo Xoogagga Dowladda Federaalka ah oo isugu Jirra:-

A-Xasuuqyo Badan.
B-Bara-kiciin Xad dhaaf ah.
C-Afduubyo Iyo Qafaalasho joogto ah.
D-Xinibaadda ama Is-hortaagidda Howlihii Gargaar oo Hey'adaha
Samaflka Caalmigga Qabanaayeen.
E-Hurinta Colaada Sokeeye Iyo Luqada Fidmadda Dadka lagu kala Fogeeynaayo kana soo yeeraaya Masuulitiinta Xukuumadda.

2-Dhaq-dhaqaaqa Waxeey si weyn u Taageersan yiihn si buuxdana ula duuban yahay Qoraalka Rasmiga ah oo ka Soo baxay Khubarada ama Golaha Xuquuqda ee Midoowga Yurub oo si weyn u Cambaareeyeey Falka ama Falalka Xadgudub oo eey geeysteen Ciidanka Itoobiyaanka iyo Kuwa Dowladda Federaalka ahba,kuna Tilmaameen heer Gumaad,runtiina waa xaqiiqo dhab ah oo jirta,loona baahan yahay in wax laga qabto la diiwan geliyo,Talaabona laga qaado Dembiilayaasha Dagaal.

3-Dhaq-dhaqaaqa Somaaliyeed waxeey si weyn u Cambaareeynaayaan Hadalka Been abuurka,Xaqiiqada ka fog oo uu sheegay Safiirka UOA iyo Dalka Itoobiyaba Dowladda Federaalka u Fadhiya Mudane-Laqanyo oo Muqdisho ku tilmaameey Goob Nabadeed,waana wax laga Xishoodo in Masuulin Somaaliyeed waaqica jira been ka sheego,iyadoo la wada ogyahay Dhibaatadda,Dagaalka,Xasuuqyadda iyo Bara-kaca ka Taagan Muqdisho,waana u Masuuliyada Xumo,Si doo kale waxaan Dhaliileeyna Ereyadii ka soo yeeray Ra'iisal Wasaaraha Proff-Geedi iyo sidda uu u Daboolaayo Xaqiiqada Tiradda Dadka ku hoobteey Dagaalkaas.

4-Sidoo Kalle Dhaq-dhaqaaqa Somaaliyeed wuxuu soo dhoweeynayaa Hadalka ka soo yeeray Mudane-Xuseen Ceydiid Wasiirka Howlaha Guud ee Xukuumadda geedi,uuna ku Cadeeyeey in waxyaabaha Muqdisho ka Dhacaayaa yihiin Gumaad,kuwa geeysanaayaana yihiin Ciidamadda kala Ah Itoobiyaanka iyo Kuwa Dowladda,waana Nasiib wanaag hadii Xuseen Qirtay Fal dembiyeedka Dowladiisu geeysaneeyso,Laakiin ha ogaado in uu Qeyb ka yahay Dhibaatadda Dalka heeysata,kana mid ahaa kuwii Sharciyeey soo gelida Ciidanka Gumeeysigga, mudan yahay in lala Xisaabto,Hab Dhaqameediisii iyo Hadaladiisina Keydsan yihiin.

5-Dhaq-dhaqaaqa Somaaliyeed waxee si weyn u Cambaareeynaayaan Sidii Khaldaneey,masuuliyadda ka baxsaneeyd oo uu u Hadlaayeey Mudane-Salaad Cali Jeelle Wasiir ku Xigeenka Gaashaandhiga Markii uu ka qeyb qaadanaayeey Barnaamijkii Jimcaha BBC-da,iyo sidii wuu u Taageeraayeey Dhibaatada Xad dhaafka ah oo Ummadda lagu hayo, Sidoo kalle waxaanu ka Xunahay In Kooxaha Iska- Caabinta ka soo Hor-jeedo Gumeeysiga iyo Xulafadiisa eey Adeegsadaan Magac Beeleed waana Arrin Khaldan oo dhaawaceeysa Halganka Xaqa ah oo eey kula Jiraan Ciidanka Soo Duuleey iyo kuwa la duubanba,Waxaanu halkan uga Soo jeedineeynaa in eey Howlaha Iska Caabinta siiyaan Magaca Guud ee Kooxaha Xaq u Diririnka Iyo Iska Caabinta Somaaliyeed.

6-Sidii Caadiga ahaa Dhaq-dhaqaaqa Somaaliyeed wuxuu Halkan uga soo jeedinaayaa Baaqa Bani-aadaminimo Jaaliyadda Somaliyeed ee Qurba jooga in eey ku dadaalan Taakuleynta.Gar-gaaridda iyo Caawimo u fidinta Dadka Walaalahood ah oo ku Tabaaleysan Dalka Gudihiisa Gaar ahaan Caasimadda Muqdisho iyo Hareeraheedaba.

-Xassan C/Laahi Sh(Xassan Carab)-
-Afhayeenka Guud- -Dhaq-dhaqaaqa Somaaliyeed Nabada,Midnimada Iyo Cadaaladda.
-England-UK- 15/04/2007-
sharifhassan50@yahoo.com

Bayaan Ku Saabsan Xaaladda Dalkeena Hooyo: dhaq-dhaqaaqa Somaaliyeed ee Nabada Midnimada... Akhri

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | April 15, 2007