Wararkii: April 15, 2007
- Cismaan Cilmi Boqore oo la sheegay
in uu ku xanuunsanayo Magaalada Baydhabo…
- Ciidamo Itoobiyaan ah oo soo degay
labo goobood oo ku yaala Magaalada Muqdisho...
- C/llaahi Yuusuf oo ka codsaday
Xildhibaanada iyo Wasiirada Beelaha Hawiye in ay...
- Odoyaasha Beelaha Hawiye oo
cambareeyey wadamada Uganda, Ethiopia iyo Kenya.
- Baaq ku wajahan Umada Soomaaliyeed
iyo Beesha Caalamka oo ay soo saareen beesha direed
- Mudaahadaar looga soo horjeedo
gadasho lagadan rabay hawd kuyaalo dalka Yuganda
Cismaan
Cilmi Boqore oo la sheegay in uu ku xanuunsanayo Magaalada Baydhabo…
Dibadda in loo qaado oo laga hor taagan yahay...
Dad diiday in magacyadooda la sheego arimo amni aawgood ayaa inoo sheegay in
Guddoomiye ku xigeenkii labaad ee Baarlamaanka Cismaan Cilmi Boqore uu ku
xanuusanayo Magaalada Baydhabo. Dadkaasi nooma sheegin xanuunka haya
Gudddoomiye ku xigeenka, balse waxay kaloo noo sheegeen Guddoomiye ku
xigeenka loo diiday in caafimaad ah loogu qaado dalka dibaddiisa, iyadoo
laga cabsi qabo in uu ka mid noqdo kooxaha mucaaradka ah ee haatan ka soo
horjeeda Dowladda kuna sugan Magaalada Asmara, waxayna Dowladdu sheegtay in
lagu daaweynayo Cusmaan Magaalada Baydhabo oo ay sheegeen in loo dalbaday
Dhakhtar dibadda ah.
Cismaan ayaa maalmahan dambe waxa uu si aad
ah uga soo horjeeday dagaalada ay Ciidamada Itoobiya ka galeen Magaalada
Muqdisho, sidoo kale waraka ka imaanaya Magaalada Baydhabo waxay sheegayaan
in Xildhibaano doonayey in iyana ay dibadda u ambabaxaan loo diiday, waxayna
Dowladdu ku amartay in aan cid ka tirsan Dowladda oo aan fasax ka haysan
Dowladda aysan dalka dibaddiisa u bixi karin.
Xildhibaan Cumar Xaashi Aadan ayaa hore
waxa uu u sheegay in Xildhibaano ka tirsan Dowladda oo ku sugan dalka
gudihiisa oo doonaya inay ka mid noqdaan xubnaha ka soo horjeeda dowladda,
isagoo sheegay in xubnahaasi la xadiday dhaqdhaqaaqooda.
Cismaan Cilmi Boqore ayaa waxa uu ka mid
ahaa xubnihii ku sugnaa Magaalada Muqdisho ee sida aadka ah uga soo
horjeeday kuwii kale ee iyana ku sugnaa Magaalad Jowhar, hase yeeshee mar
dambe ayuu u baxsaday Magaalada Jowhar, isagoo sheegay in kooxaha ku sugan
Magaalada Muqdisho ay yihiin kuwo aan dooneyn in ay horey u talaabsado
Dowladdu.
Qaar ka mid ah Xildhibaanada Baarlamaanka
iyo Xukuumadda ayaa la sheegay inay si aad ah uga xumaadeen dagaaladii ka
dhacay Magaalada Muqdisho, iyagoo qaarkood ku tilmaamay xasuuq loo gaystay
shacabka Soomaaliyeed. Mar aan damacnay in aan la xiriirno Cismaan Cilmi
Boqore oo aan wax ka weydiin rabnay xanuunkiisa ayeysan noo suuragelin.
Ciidamo Itoobiyaan ah oo soo degay labo
goobood oo ku yaala Magaalada Muqdisho...
Ciidamo Itoobiyaan ah oo aad u hubeysan ayaa labo goobood oo cusub ka degay
Magaalada Muqdisho, taasina waxay keentay in dadkii ka dhawaan halkaasi ay
bilaabaan in ay isaga tagaan goobahaasi.
Goobaha ay ciidamada Itoobiya degeen ayaa waxaa ka mid ah Villa Baydhabo,
sidoo kale waxaa la sheegay in Ciidamadaasi degeen in halkii xarunta u ahaan
jirtay OTO-OTO ee agagaarka Sayidka.
Lama garanayo sababaha ay Ciidamada Itoobiya u bilaabeen in ay waqtigaan soo
degaan goobahaasi, iyadoo xabad joojin u dhexeyso Saraakiisha Ciidamada
Itoobiya iyo Odoyaasha Beelaha Hawiye oo iyagu horey ugu sheegay Ciidamada
Itoobiya in aysan sameyn karin wax gurmad ah ama aysan degi karin goobo kale
oo hor leh. Dhinaca kale shalay oo lagu ballansanaa in ay kulan yeeshaan
Saraakiisha Itoobiya iyo Kuwa Beelaha Hawiye ayaa baaqday waxaana lagu
ballamay in Maalinta Talaada ah kulan la isugu yimaado si looga hadlo kala
rarida ciidamada is hor fadhiya.
C/llaahi Yuusuf oo ka codsaday
Xildhibaanada iyo Wasiirada Beelaha Hawiye in ay...
C/llaahi Yuusuf Axmed oo ah Madaxweynaha Dowladda Federaalka ayaa shalay
kulan la qaatay Xildhibaada iyo Wasiirada ka soo jeeda Beelaha Hawiye,
kulankaas oo loo diiday saxaafadda ayaa waxaa looga hadlayey xaaladda haatan
ka taagan Muqdisho.
Madaxweynaha ayaa la sheegay in uu ka codsaday xubnahaasi in ay gacan ka
gaystaan sidii nabad loogu soo dablaali lahaa Magaalada Muqdisho, isagoo
sheegay in Dowladda Federaalka ah ay diyaar u tahay inay wada hadal la gasho
kooxaha dagaalka ka wada Magaalada Muqdisho.
Xubnihii ka qaybgalay kulankaasi ayaa waxay ballanqaadeen in ay dadaal u
gali doonaan sidii nabad loogu soo dabaali lahaa Magaalada Muqdisho, waxayna
Dowladda u soo jeediyeen in ay iyana dhinaceeda ay sameyso xabad joojin,
maadaama dagaalo aan loo baahneyn ka dhaceyn deegaano ka tirsan Magaalada
Muqdisho.
Dhawaan ayaa waxaa Hotel Amiir kulan ku yeeshay 50 xubnood oo ay ku jiraan
xubno ka tirsan Beelaha Hawiye kana mid ah Xukuumadda, waxayna soo jeediyeen
in Dowladda Federaalka ah lagu biiriyo wada hadalada u dhexeeye Itoobiya iyo
Beelaha Hawiye.
Odoyaasha Beelaha Hawiye oo cambareeyey
wadamada Uganda, Ethiopia iyo Kenya.
Bayaan ay shalay soo saareen Odoyaasha Beelaha Hawiye ayaa waxay ku
cambaareeyeen wadamada Itoobiya, Kenya iyo Uganda in ay qayb ka yihiin
dhibaatada ka dhacday wadanka Soomaaliya. Afhayeenka beelaha Hawiye Axmed
Diiriye ayaa waxa uu sheegay in ciidamada Uganda ay dusha ka eeganayeen
xasuuqii ka dhacay Magaalada Muqdisho, isagoo sheegay in ciidamadaasi ay
daawanayeen Diyaaradihii ka kacayey Garoonka Diyaaradaha Muqdisho ee xasuuqa
loo isticmaalayey, sidoo kale in iyana xarunta Madaxtoonyada oo ay gacanta
ku hayaan ciidamada Uganda laga ridayey madaafiicdii lagu xasuuqay Umadda
Soomaaliyeed, sidoo kale Dowladda Kenya ayaa waxay tilmaameen in ay hor
istaagtay mucaawinadii la gaarsiin lahaa ummadda Soomaaliyeed ee ka soo
barakacay dagaalada, isla markaana ay u diiday inay qaxooti ahaan u galaan
dalkeeda. Isku soo wada duuboo Afhayeenku waxa uu sheegay in saddexda dal ay
Umadda Soomaaliyeed u muujiyeen cadaawad aan la hilmaam ikarin.
Baaq ku wajahan Umada Soomaaliyeed iyo
Beesha Caalamka oo ay soo saareen beesha direed
Baaq ay dhawaan soo saareen Beesha Direed oo ay ku codsanayaan in xaalada
Soomaaliya la qaboojiyo isla markaana ay ay soo gaarsiinayaan Ummda
Soomaaliyeed iyo beesha caalamkaba in ay xiligan ka fiirsadaan wax qabashada
Dadka dhibaateysanwaxaana ay soo saareen baaq u qorana Sidan
Shirweyanaha beelaha direed
Ku: dhamaan Ummadda Soomaaliyeed
Ku: Dowlada Federaalka ku Meelgaarka ah
Ku: Beesha Caalamka
Ujeedo Baaq Furan
Ka dib markii wadanku ku soo jiray mudo 16 sanaa fowdo iyo dowlad la’aan
dhaxalsiisay dhibaatooyin farabadan ayna jireen shirar badan oo dib u
heshiisiineed oo Ummda loo qabatay kii ugu danbeeyeyna uu ahaa kii labada
sano socday ee lagau soo DFKMG taasoo laga rajeynayey in ay dalka ku soo
dabaashao xasilooni midnimo iyo dib u heshiisiin ayaa waxaa muuqaneysa in
wadanku marlabaad lugaha la sii galayo xaalad qatara iyo dhibaatooyin kuwii
hore ka culus sidaa darteed ayaa waxaa shir iskugu yimid odayaasha iyo wax
garadka beelaha direed si ay uga wadahadlaan xaalada taagan ewaxaana ay ka
soo saareen Baaaqan .
1 in xabad joojinta lagu dhawaaqay laga dhabeeyo lana adkeeyo
2 in la joojiyo xasuuqa Gumaadka iyo barakicinta lagu hayo shacabka aan
waxba galabsan
3 in ay Dalka ka baxaan ciidamada shisheeye ee aan dlka ku soo galin
rabitaanka Ummadda Soomaaliyeed iyo ogolaanshaha beesha caalamka waxaana u
argnaa in joogitaankoodu dhibaatada uu sii hurinayo
4 in dhibaatada u dhaxeysa Ummada Soomaaliyeed lagu dhameeyo wadahadal lana
garwaaqsado in aan xoog wax ku xalismeyn
5 si arinkaas loogu guuleysto waa in ummada loo qabto shirweyne qaran oo ay
ka soo qeyb galayaan dhamaan waxgaradka iyo siyaasiyiinta Ummada ay leedahay
6 waa in la adkeeyo midnimada iyo wadajirka ummada lagana dheeraado Qilaafka
iyo tafaraaruqa ku saleysan beel beel iyo Gobol Gobolka
7 waa in ay Ummadu difaacataa Dalkeeda Dadkeeda iyo Diinteeda iyadoo isku
duuban
8 ugu danbeyntii waxaan soomalida iyo beesha caalamkaba ugu baaqeynaa in ay
gurmad la soo gaaraan dadka ku barakacay dagaalada ka dhacay Magaalada
Muqdisho oo ay heystaan dhibaatooyin aan la qiyaasi Karin
mahadsanidiin
shirweynaha beelaha direed Muqdisho Soomaaliya 9/04/2007
W/D Amiin Yuusuf Khasaaro
E-Mail amiinkhasaaro@hotmail.com
Mudaahadaar looga soo horjeedo gadasho
lagadan rabay hawd kuyaalo dalka Yuganda
waxaa Jimcadii caasimada dalka Yuganda
kampala ka dhacay mudaaharaad looga soo horjeeedo gadasho lagadan rabay Hawd
ku yaala meel u dhow caasimada dalka.
Hawdkaasi oo uu gadan rabay nin u dhashay dalka Hindiya, waxaa
mudaaharaadkaasi ku dhintay sedex qof oo u dhalatay wadanka uu ka soo jeeday
ninkii gadanrabay hoodka, in kalena waa lagu dhawacay waxaa kaloo ku
dhaawacmay wariye shaqaalo ka ahaa idaacad FM ah oo ku taalay caasimada
dalka Yuganda oo lagu magacaabo Capital FM.
Mudaaharaadkaasi oo ay soo qabanqaabiyeen dad ka soo horjeedo gadashada
dhulkooda oo laga gadayo dad shisheeyo ah, hawdkaas oo lagu magacaawo (MABIRA
FOREST) oo wax tar weyn u ah dadka iyo dalka reer Yuganda.
Mudaaharaad noocaasi oo kale waa kii ugu horeeyey oo ka dhaca dalka Yuganda
tan iyo intii oo xukuumada la waregay madaxweyne Yuweri Kagute Musavine ilaa
1986dii oo uu ka afgambiyey madaxweynihi hore Iddi Amin Dada oo ahaa
madaxweynihii ugu horeeyey oo ka noqda madaxweyne muslin tan iyo intii ay
xuriyada ka qaateen dalka Engiriiska.
ABDUKADIR ADAM
abdilucky3@hotmail.com
April 15, 2007
TAARIIKH::: Markale dhegeyso Waraysigii
Dr. Raabeh
Waraysi: Dr. Cumar Cusmaan Raabeh
Waraysi dheer oo ay SomaliTalk la yeelatay
Dr. Raabeh ayuu kaga hadlay arrimo badan oo ay kamid yihiin "Khatarta Culus ee
Maanta uu kujiro Qaranka Soomaaliyeed iyo Xallinteeda.." Waraysigii ka dhegeyso
halkan
Nin
Soomaali ah oo Jimcadii Lagu Diley Maraykanka
Marxuumku waxa uu ka tegey xaas
iyo 8 carruur ah oo jooga Ohio
Magaalada Phoenix ee gobolka Arizona ee
dalka Maraykanka ayaa Jimcadii (Apr 6, 2007) waxaa lagu diley nin Soomaali
ah. Waxaa warku sheegay in arrinta dilkani dhacay kaddib markii marxuumku uu
gaarigiisa istaajiyey meel gawaarida la dhigto, ayaa inta ninkale
gaari kale ka soo degey uu toogasho ku diley marxuumka.[Warkan
oo dhan ka akhri halkan.....].
Apr 7, 2007
 Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
 Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
| 
Daabaco
Boggan | Print
