Wararkii: April 13, 2007
- Dagaalo goos goos
ah oo maalintii labaad ka socda Degaano ka tirsam Muqdisho...
- Cali Max’ed Geeddi
oo maamulka Puntland ku ammaanay sida ay horumar ugu sii durqayaan
- Kulan ay mar kale
isugu yimaadeen Odoyaasha Beelaha Hawiye iyo Saraakiisha Itoobiya
- Gole Siyaasadeed oo
ay doorteen Beesha Mudulood
- Wafdi uu Hogaaminayo Gudoomiyaha
Gobolka Nugaal oo gaarey Degmada Burtinle.
-
Sweden: Gabar Soomaaliyeed
oo Kaalinta Koowaad ka gashay tartanka dugsiyada sare....
 Ruweyda Maxamed C/laahi
Faahiye waa gabar soomaaliyeed oo da`deedu tahay 19 sano.
Ruweyda iyo reerkeedu waxaa ay degan yihiin magaalada Umeå
ee ku taal waqooyiga wadankan Sweden. Ruweyda waxaa ay ku
dhalatay wadanka soomaaliya gaar ahaan magaalada Boosaaso ee
caasimada ganacsiga gobolada La isku yiraahdo Puuntland.
Ruweyda waxaa ay dhigataa fasalka saddexaad ee dugsiga sare
oo lagu magacaabo “Östragymnasiet”, kaas oo ku yaal isla
magaaladaas ay Ruweyda iyo reerkoodu degan yihiin. Sida
caadiga ah dugsiyada sare waxaa ay leeyihiin qaybo kala
duwan oo ay ardaydu doortaan sida qaybta ciyaaraha, sayniska,
isgaraasiinta iyo cilmiga buslshada oo kala duwan.Ruweyda
waxaa ay dhigataa qaybta culuunta bulshada ee ku wajahan
arimaha caalamiga ah..... Akhri...
Dagaalo goos goos ah oo maalintii
labaad ka socda Degaano ka tirsam Muqdisho...
Maalintii labaad ayaa dagaalo goos
goos ah waxay ka socdaan qaybo ka mid ah Magaalada Muqdisho, waxayna
dagaalan xoogooda ay ka dhaceen isgoyska Fagax ee jidka Sodonka,
Suuqa Jamhuuriya, agagaarka Towfid iyo deegaano kale, waxayna labada
dhinac isku adeegsanayeen hub culus oo mararka qaarkood ku dhacayey
deegaano ay degan yihiin dad rayid ah, waxaa la xaqiijiyey in labada
dhinac ay dagaaladaasi kaga dhinteen 12 qofood, hase yeeshee
dhibaatada ugu xoogani waxay soo gaartay dadka ku nool deegaanada ay
dagaaladu ka dhaceen.
Goobahaasi ayaa waxaa ka bilowday
barakac aad u baahsan, iyadoo ay istaageen dhamaan isku socdkii
gaadiidka iyo dadkaba, waxaana la arkayey dad meelaha qaarkood
lugeynaya oo guryahoodii kala soo baxay wax aan sidaasi u weyneyn.
Dagaalkaan ayaa waxa uu dhexeeyaa
Ciidamada Dowladda Federaalka iyo kooxaha ka soo horjeeda, iyadoo
Odoyaasha Beelaha Hawiye ay ku eedeeyeen Dowladda Federaalka ah in
ay mas’uul ka tahay dagaaladaasi, iyagoo sheegay in ay doonayaan in
ay ku jabiyaan ama ay ku burburiyaan heshiiskii xabad joojinta ee
dhex maray Odoyaasha Beelaha Hawiye iyo Saraakiisha Ciidamada
Itoobiya.
Dad
gaaraya ilaa iyo sodon qofood ayaa la dhigay Isbitaalada Keydsanay iyo
Madiina, waxaana halkaasi ku geeryooday afar qofood oo markii hore
dhaawac ahaan loo keenay, waxayna dhakhaatiirta ka hawlgasha
Isbitaaladaasi sheegeen in ay gabaabsi marayaan daawooyinka lagula
tacaali lahaa dadka ku soo dhaawacmay dagaalada.
Cali Max’ed Geeddi oo maamulka Puntland ku
ammaanay sida ay horumar ugu sii durqayaan
Ra’isul Wasaare Cali Max’ed Geedi oo
haatan ku sugan Maamul Gobaleedka Puntland ayaa mar uu soo booqday ilaha
Dhaqaalaha ee maamul gobaleedkaasi, waxa uuna uga mahadceliyey sida
kartida leh ee ay u doonayaan in ay dadkooda horumar u gaarsiiyaan.
Ra’isul Wasaaraha ayaa waxa uu sheegay in
waqtiyada dhow maamul Gobaleedka Puntland uu gaari doono isku filnaasho
dhinacyo badan sida Caafimaadk, Waxbarashada, Dhaqaalaha iyo Xoolaha.
Ra’isul Wasaaraha waxa uu sheegay in
Dowladda Federaalka ay gacan ku siin doonto maamul gobaleedka Puntland
wixii ay awoodaan oo la xiriira sare ku qaadida horumar Maamul
Gobaleedka Puntland, sidoo kale waxa uu sheegay in Xukuumaddiisu ay suuq
geyn u sameyn doonto xoolaha ku nool gobaladaasi.
Geedi waxa uu soo jeediyey maamulkaasi
inay Dowladda kala qayb-qaataan sidii nabad loogu soo dabaali lahaa
Magaalada Muqdisho, isla markaana a y uga soo qaybgali lahaayeen shirka
dib u heshiisiinta ee dhawaan lagu qaban doono Magaalada Muqdisho.
Dhanka kale iyadoo Geedi uu horumar ku
ammaanayo Puntland ayaa caasimaddii Soomaaliya ee Dowladdu ku shaqeyn
laheyd waxaa ka socda xasuuq iyo burbur loo gaysanayo dadka iyo
hantidooda, ilaa iyo haddana sidii ay Dowladdu u soo degtay Magaalada
Muqdisho waxay Magaaladu ka bixi weysay burbur iyo hoos u dhac, iyadoo
C/llaahi Sheekh Xasana uu sheegay in aysan marnaba macquul aheyn in
Puntland horumar gaarto xamarna loo yimaado in la burburiyo.
Kulan ay mar kale isugu yimaadeen
Odoyaasha Beelaha Hawiye iyo Saraakiisha Itoobiya
kulankii saddexaad ayey markale isugu
yimaadeen Odoyaasha beelaha hawiye iyo Saraakiisha ciidamada Itoobiya,
waxaana kulankii shalay si aad ah loogu lafaguray qodob u muhiim u ah
Xabad joojinta oo ah in marka hore lagala raro Ciidamada isku hor
fadhiya goobihii ay dagaaladu ka dhacee.
Doodaan oo socotay mudo saacado ah ayaa
markii dambe waxaa la isku afgartay in la kala raro ciidamada, iyadoo
arintaani si aad ah loo lafaguri doono maalinta Jicmaha ah, iyadoo
Odoyaasha Beelaha Hawiye ee ka qaybgalay kulankaasi ay noo sheegeen in
Saraakiisha Itoobiya ay si u doonayaan sidii ciidamada loo kala rari
lahaa, halka Odoyaasha Beelaha Hawiyana iyana ay sheegeen in kala
rarista ciidamada ay muhiimad u tahay nabad lagu soo dabaalo Magaalada
Muqdisho ay dadku u helaan kalsooni buuxda oo ay ku soo laaban karaan.
Max’ed Xasan Xaad oo ka mid ah Odoyaasha
ka qaybgalay kulankaasi ayaa rajo ka muujiyey inuu is afgarad uu ku
dhamaan doono kulamada soo socda, waxa uuna u soo jeediyey shacabka
Soomaaliyeed in ay dulqaad muujiyaan.
Iyadoo kulamada ay socdaan ayaa haddana
dhanka kale waxaa Magaalada Muqdisho ka socda dagaalo u dhexeeya
Ciidamada Dowladda iyo Kooxaha ka soo horjeeda, waxayna dagaaladani
labadii maalmood ee ugu dambeeyey ka dhaceen deegaanada Fagax,
Jamhuuriya, Lafweyn iyo Towfiiq, waxaana la isku adeegsanayey hubka
culus iyo midka fudud, waxayna Odoyaasha Beelaha Hawiye ku eedeeyeen
Dowladda Federaalka in ay mas’uul ka tahay dagaalada ka soo cusboonaaday
Magaalada Muqdisho.
Kulan ay isugu yimaadeen Beelaha Sacad iyo
Cayr
Waxaa Magaalada Muqdisho kulan ku yeeshay
Odoyaal, Waxgarad iyo Siyaasiyiin ka tirsan Beelaha Sacad iyo Cayr oo ka
wada tirsan Beesha Habargidir, waxa uuna kulankaani uu ahaa mid lagu
dhameenayey khilaafyo horey uga dhex jiray labadaasi, waxayna xubnihii
ka qaybgalay ay istusiyeen in wixii hore la iska ilaabo.
Odoyaasha iyo Siyaasiyiintii ka qaybgashay
kulankaasi waxay sheegeen in si wadajir ah loo wajaho xaaladda ka taagan
Magaalada Muqdisho, iyagoo sheegay in Ciidamada shisheeye iyo Dowladda
Federaalka haatan uu hadafkoodu noqday inay la dagaalamaan Beel qura.
Ma ahan kulankii ugu horeeyey ee ay wada
yeeshaan labadaan beelood, waxa uuna kulankaasi qayb ka haa kulamo horey
u dhacay oo ay Beelahaasi isugu yimaadeen, kaas oo looga arisanayey
arrimo la xiriira khilaafyo dhex maray labadaasi beelood.
Kulankaan ayaa xubnihii ka qaybgalay
waxay sheegeen in si wadajir ah Beelaha Hawiye uga hortagaan
dhibaatooyinka lala damacsan yahay, waxayna sheegeen in loo baahan yahay
in la iskaashado meelna looga soo horjeedo kooxaha doonaya inay
barakiciyaan Beelaha Hawiye, waxayna u soo jeediyeen Saraakiisha
Itoobiya in ay dhex dhexaad ka noqdaan xaaladda ka taagan Magaalada
Muqdisho, waayo ayey yiraahdeen waxaa Dowladda Federaalka lagu qaybsaday
4.5, mana ahan in waqtigaan la yiraahdo hal beel ayaanu la dagaalameynaa.
Salaad Cali Jeele oo ah wasiir ku xigeenka
Gaashaandhiga ayaa waxa uu sheegay in dagaalka Muqdisho ka socda uu
yahay dagaal looga soo horjeedo Beel, hase yeeshee waxaa arintaani ka
carooday Beelaha ku nool Magaalada Muqdisho, hase yeeshee Salaad Cali
Jeele waxa uu sheegay in warka uu sii daayey aan loogu talagelin
Saxaafadda.
Gole Siyaasadeed oo ay doorteen Beesha
Mudulood
Maalintii shalay ahayd ayaa waxaa kulan
isugu yimid Odoyaal, Waxgarad iyo Siyaasiyiin ka tirsan Beesha Mudulood,
waxaana kulankaasi looga hadlayey ama looga soo horjeestay kulan ay
horey isugu yimaadeen xubno ka tirsan Beesha Mudulood oo uu ku jiray
Ra’isul Wasaare Cali Max’ed Geeddi, waxayna xubnihii ka qaybgalayey
kulankii shalay is tusiyeen in xubnahaasi aysan matalin Beesha Mudulood.
Guddoomiyaha Golaha siyaasadda Beesha
Mudulood ayaa waxaa loo doortay Siyaasiga Caanka ah ee C/llaahi Sheekh
Xasan, waxa uuna sheegay mar uu u waramayey saxaafadda in Golahan loo
aasaasay sidii Beesha Mudulood looga samatabixin lahaa dhibaatooyinka
haatan ka socda Muqdisho iyo shirqoolada lala damacsan yahay.
C/llaalhi Sheekh Xasan waxa uu sheegay in
kulankii uu ka qaybgalay Ra’isul Wasaare Cali Max’ed Geedi uu ahaa mid
lagu muujinayey cadowtooyo gaar ah, waxa uuna sheegay in xubnahaasi
aysan marnaba matalin Beesha Mudulood.
C/llaahi Sheekh Xasan waxa uu sheegay in
Taariikhda ay xusi doonto dadka maanta u durbaan tumaya in la baabiyo
dadkooda, isagoo sheegay in golahani uu dadaal u gali doono sidii
Beelaha Hawiye ay si mideysan uga hortagi lahaayeen Caddowga ku soo
duulay, isagoo sheegay in waxa ka dhacaya Magaalada Muqdisho ay yihiih
mid la doonayo in lagu burburiyo waxa ay ummadaani dhisteen.
“Maanta in Boosaaso dadaal ugu jirto soo
saarista Shidaal, Xamarna la burburiyo waa waxaan marnaba loo dulqaadan
karin” ayuu yiri C/llaahi Sheekh Xasan oo u soo jeediyey Bulshada ku
nool Muqdisho in ay ka hortagaan caddowga ku soo duulay.
W/D Amiin
Yuusuf Khasaaro
E-Mail
amiinkhasaaro@hotmail.com
Wafdi
uu Hogaaminayo Gudoomiyaha Gobolka Nugaal oo gaarey Degmada Burtinle.
Waxaa Degmada Burtinle ee gobolka Nugaal gaarey wafdi uu hogaaminayo
guddoomiyaha gobolka Nugaal Mudane C/laahi Ciise Awnuur wafdigan ayaa waxa
ay usocdaan sidii ay u soo qaboojin lahaayeen xiisad ka taagan deegaanka
cagaare oo degmada burtinle hoos yimaada.
Wafdigan uu hogaaminayo gudoomiyaha gobolka nugaal Awnuur ayaa waxa ay
iskugu jiraan Waxgarad,Cuqaal iyo isimo, nabadoono oo u socda sidii ay u
dhex gali lahaayeen laba beelood oo ku dagaallamay deegaanka Cagaare oo u
dhow degmada burintle ee gobolka nugaal.
Wafdigan ayaa si weyn loogu soo dhaweeyey degmada burtinle waxaana kusoo
dhaweeyey xubno ka tirsan golaha shacabka deegaanka ee degmada Buurtinle oo
uu horkacayay Xuseen Guuleed Xanaf oo ah gudoomiyaha golaha shacabka
deegaanka ee degmada Burtinle.
Socdaalka wafdigan ayaa wuxuu ka danbeeyay kulan magaalada Garoowe ay
maalintii aynu soo dhaafney ee Isniintii ay ku yeesheen wax garad iyo isimo
kasoo jeeda gobolka Nugaal, kuwaasoo ka xumaadey xiisada ka jirta deegaanka
Cagaarre.
Hase yeeshee ma ahan markii ugu horeysey ee deegaanka cagaare ay xiisadi ka
dhalato ee hada ka hor ayaa waxaa deegaankaasi dagaal kharaar uu ku dhex
marey labo beelood oo halkaasi wada daga oo khasaaro gaystey.
Yusuf Max'ed Ismail (Gaduudow)
E-mail yusufgaduudow@hotmail.com
Bososo Somalia
April 13, 2007
TAARIIKH::: Markale dhegeyso Waraysigii
Dr. Raabeh
Waraysi: Dr. Cumar Cusmaan Raabeh
Waraysi dheer oo ay SomaliTalk la yeelatay
Dr. Raabeh ayuu kaga hadlay arrimo badan oo ay kamid yihiin "Khatarta Culus ee
Maanta uu kujiro Qaranka Soomaaliyeed iyo Xallinteeda.." Waraysigii ka dhegeyso
halkan
Nin
Soomaali ah oo Jimcadii Lagu Diley Maraykanka
Marxuumku waxa uu ka tegey xaas
iyo 8 carruur ah oo jooga Ohio
Magaalada Phoenix ee gobolka Arizona ee
dalka Maraykanka ayaa Jimcadii (Apr 6, 2007) waxaa lagu diley nin Soomaali
ah. Waxaa warku sheegay in arrinta dilkani dhacay kaddib markii marxuumku uu
gaarigiisa istaajiyey meel gawaarida la dhigto, ayaa inta ninkale
gaari kale ka soo degey uu toogasho ku diley marxuumka.[Warkan
oo dhan ka akhri halkan.....].
Apr 7, 2007
 Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
 Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
| 
Daabaco
Boggan | Print
