Wararkii: April 11, 2007
- Dowladda Ereteriya oo Dooneysa inay
ka dhaadhiciso qaar ka mid ah ..
- Cali Khaliif Galeyr iyo Prof. Cabdi
Ismaaciil oo wada Qorshayaal ku saabsan.
- Salaad Cali Jeele “Warka uguma
talagelin in laga siidaayo Saxaafadda...”
- Itoobiya oo sii-deyneysa 29 qofood
oo lagu qabtey Dagaalkii...
- Xarunta Ismaaciil Jimcaale ee
Xaquuqda walaac ka muujisey Xarigga..
- C/llaahi Yuusuf oo kulan gaar ah la
yeeshay Beesha Sacad..
- Dib u dhac ku yimid mar kale
kulankii ay Odayaasha Hawiye iyo ..
-
Dowladda
Ereteriya oo Dooneysa inay ka dhaadhiciso qaar ka mid ah ..
Dowladda Ereteriya oo si weyn uga soo horjeeda siyasadaha Dowladda Itoobiya,
dalkeeda haatan ay ku sugan yihiin xubno ka tirsan Dowladda Federaalka
kuwaas oo ka soo horjeeda Siyaasadda Dowladda iyo Mas’uuliyiin ka tirsan
Maxaakiimta Islaamiga ayey Dowladda Ereteriya wadaa sidii ay qaar ka tirsan
Dowladaha afrika iyo kuwo kale ay uga dhaadicin laheyd in laga hortago
siyaasadda is balaarinta ah ee ay wado Dowladda Itoobiya kadib markii
dhawaan ay weerar ku qaaday dalka Soomaaliya.
Dowladda Ereteriya Madaxweynaheeda Afawarke
ayaa la filayaa inuu dhawaan gaaro dalka Suudaan si uu u soo afjaro
khilaafkii u dhexeeyey iyaga iyo Dowladda Suudaan, isla markaana waxay
Dowladda Ereteriya qosheyneysaa inay ka dhaadhiciso Dowladda Suudaan sidii
wax looga qaban lahaa Siyaasadda guracan ee ay wado Dowladda Itoobiya.
Warar kale ayaa waxay sheegayaan in
Dowladda Ereteriya ay kulano la yeelan doonto Mas’uuliyiin ka tirsan
Dowladda Yemen si ay iyana ugala hadasho xaaladda Soomaaliya iyo sidii
Ciidamada Itoobiya looga saari lahaa wadanka Soomaaliya, sidoo kale dhawana
ayaa la filayaa in ergay ka socda Dowladda Ereteriya uu gaaro dalka Jabuuti
si uu ugala hadlo Xaaladda murugsan ee Soomaaliya.
Dhawaan ayaa waxaa wadanka Ereteriya gaaray
Madaxweynaha wadanka Uganda, waxaana kulankaasi la iskula soo qaaday
Xaaladda Soomaaliya iyo sidii Ciidamada Uganda looga saari lahaa dalka
Soomaaliya, iyadoo Madaxweynaha Ereteriya uu Dowladda Uganda uga digay in ay
Ciidamadeeda ku sii hayso dalka Soomaaliya.
Dowladda Ereteriya waxay horey loogu
eedeeyey in ay taageero siisay Maxaakiimta Islaamiga ah, hase yeeshee
arintaasi Ereteriya waxay ku tilmaantay mid aan sal iyo raad toona laheyn oo
ay sheegtay inay wadato Dowladda Itoobiya, hase yeeshee Su’aasha isweydiinta
mudani waxay tahay sidii Dowladda Ereteriya ay ugu suurtageli lahayd in ay
kala furfurto Isbahaysigii Sanca ee ay ku mideysan yihiin wadamada Itoobiya,
Suudaan iyo Yemen.
Cali Khaliif Galeyr iyo Prof. Cabdi
Ismaaciil oo wada Qorshayaal ku saabsan.
Cali Khaliif Galeyr oo Ra’isul Wasaar ka
noqday Dowladda Carta iyo Prof. Cabdi Ismaaciil Samatar oo ah aqoonayahan
Soomaliyeed ayaa waxay wadaan qorshayaal ay ku doonayaan sidii dalka looga
saari lahaa Ciidamada Itoobiya, iyaga oo dhawaan booqan doona wadamo fara
badan oo ku yaala Yurub iyo Ameerika si ay uga dhaadhicyaan arrinta ay ugu
yeeraan Dhibaatada ay Ciidamada Itoobiya ka wadaan gudaha dalka Soomaaliya.
Labadan xubnood ayaa waxay qoraalo u kala gudbiyeen Qaramada Midoobey,
Hay’adaha Xaquuqda Aadanaha, iyagoo gaarsiisay in Dowladda Itoobiya ay
xasuuqa ka wado dalka Soomaaliya, sidoo kale waxa ay dowladahaasi ka
dhaadhiciyaan in loo baahan yahay in soomaaliya loo qabto shir weyne qaran
oo lagu dhiso Dowlad Soomaaliyeed, si meesha looga saaro Dowladda
Dabadhilifka u ah Dowladda Itoobiya. Dhawaan ayey ka qaybgaleen xubnahani
kulankii ka dhacay Magaalada Leicester kaas oo looga hadlay Xaaladda
Soomaaliya.
Salaad Cali Jeele “Warka uguma
talagelin in laga siidaayo Saxaafadda...”
Hadalheynta ugu badan maalmahan waxay ahayd hadalka ka soo yeeray wasiir ku
xigeenka Gaashaandhiga Salaad Cali Jeele ee ahaa in dagaalka Dowladda iyo
Ciidamada Shisheeye ay ka wadaan Muqdisho uu yahay mid looga soo horjeedo
Beel, waxa uuna hadalkaasi dadka qaarkii ay ku tilmaameen mid sii kala
fogeynaya Bulshada ku nool Magaalada Muqdisho, isla markaana loogu
danleeyahay in lagu soo nooleeyo dagaaladii 1992.
Salaad Cali Jeela waxa uu sheegay in hadalkaasi uu ahaa mid aan loogu
talagelin laga si daayo Saxaafadda, isagoo sheegay in ay Dowladda dagaal
kula jirto wax uu ugu yeeray kooxo argagixiso ah.
Salaad waxa uu sheegay in Dowladda Federaalka hadafkeedu yahay in aan cidna
lagu duulin dhibaatana loo gaysan, sidoo kale waxa uu sheegay in Dowladda
Federaalka ay ka go’an tahay inay nabad ku soo dabaasho Muqdisho, si ay
Dowladdu ugu shaqeyso qaab nabadeed.
C/llaahi Yuusuf Axmed ayaa waxa uu sheegay in hadalka ka soo yeeray Salaad
Cali Jeele uusan ka tarjumeyn hadafka Dowladda ee uu ka soo yeeray shaqsi,
isagoo sheegay in arintaani baaritaan lagu sameyn doono.
Itoobiya oo sii-deyneysa 29 qofood oo
lagu qabtey Dagaalkii...
Dowladda Itoobiya ayaa daboolka ka qaadayin dalkeeda ay ku hayso dad gaaraya
70 qofood oo maxaabiis ahaan loogu qabtay dagaaladii ka dhacay dalka
Soomaaliya ee Maxaakiimta Islaamiga iyo Itoobiya dhex maray.
Dadkaan oo intooda badan laga soo qabtay xuduuda u dhexeysa Kenya iyo
Soomaaliya, waxaana ku jiray Sagaal Carruur ah oo la sheegay in laga qabtay,
Magaalooyinka Libooya iyo Raas-kabooni.
Dowladda Itoobiya waxay sheegtay in ay siideysay shan qofood oo u kala
dhashay Yemen, Tanzania, Denmark, Norway iyo wadamo kale, waxayna Dowladda
Itoobiya sheegtay in maalmaha soo socda la siin deyn doono 29 qofood, balse
xabsig lagu sii hayn doono inta kale.
Xarunta Ismaaciil Jimcaale ee Xaquuqda
walaac ka muujisey Xarigga..
Xarunta Dr. Ismaaciil Jimcaale ee Xaquuqda waxay sheegtay inay walwal iyo
walbahaar ku hayso xaaladda nololeed ee ay ku jiraan saddexda weriye ee ka
tirsan Taleefishinka UNIVERSAL, kuwaas oo u xiran Dowladda Federaalka ah.
Weriyaashaan oo la qabtay 8-dii Bishan ayaa waxay Hay’addu ku tilmaantay mid
xadgudub ku ah Baaqa Caalamiga ah ee Xaquuqda Aadanaha qodobkiisa 13-aad oo
leh qof kasta waxa uu xaq u leeyahay in uu helo xornimo xagga ra’yiga iyo
hadalka ah, waxa kaloo xaq u leeyahay in aan lagu faragelin ra’yigiisa iyo
in uu raadsado, helo, dhiibo, warar iyo firkirado isagoo isticmaalaya qalab
kasta oo warbaahineed, iyadoo aan loo fiirin ama aysan xayirin wax sohdimo
ah.
Xaruntu waxay Dowladda Federaalka ka codsaneysaa in dhamaan Hawlwadeenada
Taleefishinka la sii daayo loona soo celiyo agabkii laga qaatay, waxaana
baaqaan ku saxiixnaa kusimaha Guddoonka Xarunta Dr. Salaad Jimcaale Cosoble.
C/llaahi Yuusuf oo kulan gaar ah la
yeeshay Beesha Sacad..
Madaxweyne C/llalahi Yuusuf Axmed ayaa xarunta madaxtoonyada ee Villa
Somalia ayaa kulan gaar ah waxa uu kula Siyaasiyiin, Waxgarad iyo Odoyaal ka
tirsan Beesha Sacad, waxaana kulankaasi la iskula soo qaaday xaaladda dalka
gaar ahaan Magaalada Muqdisho. Kulankaan oo ay dood dheer ka dhalatay ayaa
Madaxweyne C/llaahi Yuusuf waxa uu beesha u gudbiyey in saddexda xubnood ee
ay ku leeyihiin Xukuumadda iyo Baarlamaanka ay mucaarad ku yihiin Dowladda,
kuwaas oo kala ah Cumsaan Caato, Xuseen Caydiid iyo Axmed Ducaale Geele (Xaaf),
waxa uuna u soo jeediyey in arintaasi ay wax ka qabtaan.
Beesha Sacad waxgaradkoodii ayaa C/llaahi Yuusuf u soo jeediyey in uu
joojiyo dagaalada uu ka wado Magaalada Muqdisho oo ay sheegeen in ay yihiin
kuwo la doonayo in lagu barakiciyo dad gaar ah, sidoo kale waxay u soo
jeediyeen in uu deg deg wax uga qabto hadalkii ka soo yeeray Salaad Cali
Jeele ee ahaa in Dagaalka Muqdisho ka socda uu yahay mid looga soo horjeedo
Beel keliya.
C/llaahi ayaa Waxgaradka Sacad u soo jeediyey inay taageeraan Dowladda
Federaalka, hase yeeshee xubnihii ka socday Beesha Sacad waxay qaarkood
sheegeen in kulankaasi la isku afgaran waayey.
Kulankii qaabeynta Siyaasadda
Saxaafadda oo lagu doortey ..
Waxaa maalintii shalay ahayd Hotel Naas-Hablood lagu soo gebagabeeyey
kulankii qaabeynta Siyaasadda lagu maamulayo Saxaafadda, waxaana ka
qaybgalay dhamaan qaybaha kala duwan ee Warbaahinta.
Kulankaan oo socday ayaa waxaa looga dooday Siyaasadda lagu maamulayo
Saxaafadda, waxaana halkaasi cashiro ka jeediyey Rag saxaafadda mudo ku soo
dhex jiray, Bulshada Rayidka ah iyo Hay’adaha Xaquuqda Aadanaha.
Kulankaan oo uu soo qaban-qaabiyey Isbahaysiga Xoriyadda iyo Ra’yiga
Soomaaliyeed (SOCFEX), waxaana maalgeliyey Hay’adda International Media
Support, waxaana kulankaan lagu kaabay kulan horey uga dhacay Magaalada
Baydhabo 18 iyo 19 Bishiii Maarso.
Kulankii shalay ayaa waxaa la isku raacay dhismaha xoogga shaqo, kaas oo ka
kooban 11 xubnood oo ka kala socda Qaybaha Warbaahinta, Bulshada Rayidka,
Haweenka iyo Xaquuqda Aadanaha, waxayna ka soo baaraandegi doonaan
Siyaasadda lagu maamulayo Saxaafadda Soomaaliyeed.
Gebagabadii kulankaasi waxaa ka hadlay Wasiirka War-Faafinta Madoobe Nuunow
oo sheegay in Dowladda Federaalka ay soo dhaweyneyso xoriyadda Saxaafadda
iyo Xoriyadda hadalka, isagoo sheegay in Dowladdu ay la shaqeyn doonto
Hay’ad kasta oo Saxaafadeed, isagoo us oo jeediyey ka qaybgalayaasha in ay
ka shaqeeyaan sidii dalka nabad loogu soo dabaali lahaa.
Waxaa gebgabadii ka hadlay Guddoomiyaha Isbahaysiga Xoriyadda Ra’yiga
Soomaliyeed (SOCFEX) Nuurto Sheekh Max’ed, waxayna u mahadcelisay intii ka
soo shaqeystay kulankaan, sidoo kale waxay u soo jeedisay xubnaha loo
doortay xoogga shaqo in ay ka shaqeeyaan sidii la isugu keeni lahaa
Saxaafadda Soomaaliyeed.
Kulankaasi waxaa laga soo saaray baaq ah in la dhowro Xoriyadda Saxaafadda,
in Saxaafaddu ka qayb-qaadato dib u heshiisiinta iyo nabadda, in ay Dowladda
Federaalka wada shaqeyn la yeelato Warbaahinta, in Saxaafadda gacan lagu
siiyo hawlahooda.
Dib u dhac ku yimid mar kale kulankii
ay Odayaasha Hawiye iyo ..
Shalay oo lagu ballansanaa in ay mar kale kulan la isugu yimaadaan
Saraakiisha Ciidamada Itoobiya iyo Odoyaasha Beelaha Hawiye, waxaana
kulankaasi la doonayey in looga hadlo qodobo muhiim ah u ah xabad joojinta
Magaalada Muqdisho.
Kulankaan ayaan la garaneyn sababaha dib loogu dhigay, waxaana la sheegay in
la isugu imaan doono Maalinta axadda ah ee fooda nagus oo haysa, hase
yeeshee warar ayaa waxay sheegayaan in la isku afgaran la’ yahay qodobo uu
kulankaasi ku qabsoomi lahaa oo ay ka mid yahay, in kulanka laga dhigo
saddex geesood si ay Dowladda uga soo qaybgasho, waxaana arintaani wata sida
la sheegay Saaakiisha Ciidamada Itoobiya ee ku sugan Magaalada Muqdisho.
W/D Amiin Yuusuf Khasaaro
E-Mail amiinkhasaaro@hotmail.com
April 11, 2007
TAARIIKH::: Markale dhegeyso Waraysigii
Dr. Raabeh
Waraysi: Dr. Cumar Cusmaan Raabeh
Waraysi dheer oo ay SomaliTalk la yeelatay
Dr. Raabeh ayuu kaga hadlay arrimo badan oo ay kamid yihiin "Khatarta Culus ee
Maanta uu kujiro Qaranka Soomaaliyeed iyo Xallinteeda.." Waraysigii ka dhegeyso
halkan
Nin
Soomaali ah oo Jimcadii Lagu Diley Maraykanka
Marxuumku waxa uu ka tegey xaas
iyo 8 carruur ah oo jooga Ohio
Magaalada Phoenix ee gobolka Arizona ee
dalka Maraykanka ayaa Jimcadii (Apr 6, 2007) waxaa lagu diley nin Soomaali
ah. Waxaa warku sheegay in arrinta dilkani dhacay kaddib markii marxuumku uu
gaarigiisa istaajiyey meel gawaarida la dhigto, ayaa inta ninkale
gaari kale ka soo degey uu toogasho ku diley marxuumka.[Warkan
oo dhan ka akhri halkan.....].
Apr 7, 2007
 Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
 Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
|
Daabaco
Boggan | Print
