Warqado is Khilaafsan oo uu
Cabdi Cali Cigaal ka Qoray 3da Soomaalida ee ku xiran Thailand....
Waxaan halkaan shacabwaynaha
Soomaaliyeed ugo soo gudbinayaa laba warqadood oo cadaynaya sida waxashinada leh
oo bini'aadanimada ka fog oo loo gatay saddexda wiil ee Soomaaliyeed oo sida
sharcidarada ah looga afduubay wadankoodi ayagoo si wadaniyad ku jirto u
gudanaya shaqadii ay u hayeen dadkooda iyo dalkooda.
Laba warqadood mida hore oo aan
kusoo helay baaritaan dheer oo aan sameeyay iyo dadaal dheer waxay kahadlaysa
sidii saddexda askari afduubkoodu kudhacay taariikhdu markay ahayd 17/ 03/2005.
Haddii
aan wax yar idiinka taabto waxa warqada (fax-ka lagu diray uu muujinayo
Maarso 23, 2005) kuqoran: waxaa kucad in ninka layiraaho Abdi Ali Egal yiri
waxaan amray in sadex kamida ciidamada nabadgalyada Puntland oo kutilaabsaday
arin burcad nima ah oo ka dhan ah markabka lagu magacaabo "SICHAI NAVA 12"
taariikhdu markay ahayd 17/03/2005 in lagu xirro ama lagu hayo markab dagaal oo
laga leeyahay wadanka Maraykanka ee lagu magacaabo USCG ilaa amar danbe. Waxaa
saxiixay Abdi Ali Egal Puntland "Coast Guard Forces Official" iyo nin lagu
magacaabo "SOMRAT BUREERAT" oo u saxiixay Company lagu magacaabo "Sirichai
Marine Fisharies Co Ltd" laganaleeyahay wadanka Thailand ahna maraakiibta sida
sharci darada ah uga kaluumaysata badaha Soomaaliyeed oo ay heshiiska lagaleen
shirkad lagu magacaabo Somcan oo uu madax u yahay ninka lagu magacaabo Abdi Ali
Egal ahna ninka kusaxiixan warqadaan.
Sida kucad war qadaan waxaa
kuwareejiyey sadexda wiil ciidamada American ka ah ee ladagaalama waxa loogu
yeero argagixisada ee ka hawlgala badaha soomaaliyeed ninka lagu magacaabo Abdi
Ali Egal asaga oo u sheegay americanka inay wiilashu yahiin waxa loogu yeero
burcad badeed ama argagaxiso.
Waxaa wax laga naxa ah oo
qofkasta oo Soomaalinimo iyo caqli saafi ah kujiro uu katiiraanyoodo in qof
masuul sheeganaya oo leh wadan baan matalayaa inuu ciidankii uu madaxda u ahaa
uu ka gato quwado ajaanib ah asaga oo eexsanaya shilimaad ay siiyaan dadka dhaca
iyo boobka kuhaya khayraadkii ummadda Soomaaliyeed.
Akhristoow sida warqadan kucad
waxa wiilasha dhiibay waa labada nin ee midna uu matalayey shirkadii wax
boobaysay kadib markii wiillashu yiraahdeen war joojiya gurashada kalluumaysata
soomaaliyeed shabaagihii ay dhigteen aad maalin walba guranaysaan iyo
kuxadgudubka heshiiskii laydinla galay oo dhigayey inaydaan soodhaafin 20 mile,
markii ay kadiideena kii ay ciirsiga bideen oo shaqada u xilsaartay waxuu sabab
u noqday in uu cadaw u gacan galiyo oo yiraahdo bariiskaygii baad ciriiri
galinaysaan miyaa hadaanan kiina ciriiri galin ninba maahi.
Waxaa layaab ah oo aan fahmi
lanahay waxuu warqada kucadeeyey in ay wiilashu ahaayeen askar reer puntland ah
joogana wadankoodii lana jooga taliyihii shaqda udiray ee markabka
saaray marka maxaa kukalifay in uu maraykan iyo Thailand u dhiibo miyaysan kuu
cadaanayn in la gatay ayaga oo sabab looga dhigayo waxay ka horyimaadeen
danahayagii khaaska ahaa!. Waxaa taas kayaab badan in hadana dawladii ay
kartirsanaayeen aysan kahadlin afduubkaas loo gaystay ciidankoodii!.
Hadaan warqaas halkaas kaga
gudbo warqada labaad ee kutaariikhaysan 03/03/2006 waxaa qoray isla
ninkii saddexda askari gatay ee lagu magacaabo Abdi Ali Egal kadib markii ay
cadaadis saareen qaraabadii askarta ayuu asaga oo ku marin habaabinaya kuna
maaweelinaya in uu arinta wax kaqbanayo buu warqadaan waxuu kuyiri waxaan udiray
dawlada Thialand, waxaase cadaatay inuusan haba yaraatee wax isku day ah ka
galin siidaynta askartaas uu iibsaday. Waxuu qaraabada ku maaweelinjiray hawsha
anaa kujira aniga iyo dawlada dhexe ee Soomaaliya baa iska kaashanayna waana
soodaynaynaa wiilasha.
Abwaan Maxamud Cabdullaahi
Sangub baa waxuu murti ku yiri asagoo hogaamiye kooxeedyada shirarka
dibuheshiisinta Soomaaliyeed qabta ka hadlaya "ninkii dilay baa u doodayee
nabadba yaa u doonay" taas waxay kadhigantahay sheegashada uu Abdi Alitaar
kuleeyahay anaa soo daynaya wiilasha.
Haddaan usoo noqdo warqada
labaad waxaa kuqoran in uu is burinayo oo leeyahay askartaan waxaa si aan
sharciga caalamiga ah waafaqsanay looga qafaashay biyaha Soomaaliyeed ayada oo
aan amar laga haysan dawladii iyo madaxdii ay u shaqaynayeen asagoo cadeeyey in
is afgarad la’aan xaga luuqada ah uu dexmaray wiilasha iyo shaqaalihii Markabaka
sarnaa. Marka waxaa layaab ah ma waxuu saxsanaa markuu lahaa waa burcad oo
Maraykanka u dhiibay mise hada oo uu leeyahay waa la afduubay!? Hadiise askarta
Puntland uu shaqsi iibsanayo waa arin wax iska waydiin u baahan.
- Waxaa in la is xusuusiyo u baahan in
Madaxweyne ku xigeenka DGPL, Xasan Daahir Maxamuud, uu caddeeyey in Dowladdu
ay baadi goobeysey meesh ay ku dambeeyeen 3da ka tirsanaa ciidanka
daraawiisha Puntland, taas oo uu ku caddeeyey warqad uu Thailand u qoray
07 Agoosto 2005, waxaana
warqadda Madaxweyne ku xigeenka ku qornaa:
"Ilaa bartamihii bishii Maarso ee sannadkii
2005, ciidanka Booliska ee dawladdu waxa ay baadi goobayeen saddex Soomaali
ah oo hawlwadeeno ahaa: 1. Yuusuf Aadan Seed. 2. Maxamuud Cabdullaahi Jaamac.
3. Xuseen Cabdullaahi Aadan. Hawlwadeenadaasi waxa ay ka tirsanayeen
ciidanka Booliska Daraawiishta Puntland, waxana la waayey meel ay jaan iyo
cirib dhigeen iyagoo gudanayey hawshoodii waxana ay saarnaayeen markab uu
suran yahay calanka Thailand. Laba bilood oo keliya ka hor ayey ahayd markii
aan ka war hellay in saraakiishaasi ay ku xiran yihiin Bangkok, Thailand.
Waxaa la yaab nagu noqotay in aan naloo soo sheegin meesha ay ku sugnaayeen,
sidoo kale nalooma soo sheegin waxa loo xiray iyo dacwada loo haysto."
- Su'aasha hadda tagan waxa ay tahay: waxaa
hadda la gudboon DGPL?.
Waxaan hadalkayga kuusoo
xirayaa ummada Soomaaliyeed waxaa looga baahanyahay inay la xisaab tamaan dadka
noocaan oo kale ah oo inta dalkii oo dhan shilimaad dhaafsaday hadana kudaray
inay dadkii iibsadaan.
 Mahadsanidiin
Xasan Cubeed Aadan (Seed)
Nabbadon@hotmail.com
Tel. 45-20456217
Denmark
Faafin: SomaliTalk.com | April 26, 2006
Soomaalida Deggan New Zealand
oo Baaq u diray Masuuliyiinta Soomaaliyeed
Saddexdii Soomaalida
ahaa oo lagu Xakumay min Toban (10) Sano ..
THAILAND WAA
WADDAN CAYNKEE AH......
| 
Daabaco
Boggan | Print
