Mas’uuliyiin ka socday Maxaakiimta Islaamiga ah iyo Haweenka Bulshada Rayidka oo kulan wada yeeshay.

(Kulankaan oo ay soo qabanqaabisay xarunta SSWC)

 

Waxaa maalintii shalay ahayd Xarunta SSWC ee Magalada Muqdisho kulan ku yeeshay Haween ka socday Ururada Bulshada Rayidka iyo Golaha Maxaakiimta Islaamiga, waxanaa kulankaasi soo qabanqaabiyey xarunta SSWC, waxana golaha Maxaakiimta kulankaasi uga qaybgalay Sheekh C/raxmaan Maxamuud Faarax (Janaqow) oo ah Guddoomiye ku xigeenka Golaha Fulinta Maxaakiimta Islaamiga ah, waxaana ugu horeyntii halkaasi warbixin ka soo jeediyey xiriiraha xarunta SSWC Aamin Xaaji Cilmi oo iyadu halkaasi ka soo jeedisay dhowr qodob oo ay ka mid ahaayeen in la sii adkeeyo nabadgelyada iyo xasiloonida magaalada Muqdisho, in Haweenku door muhiim ah ku yeeshaan arrimaha Gobalka Banaadir iyo in maamul loo sameeyo Gobalka Banaadir.

 

 

Sheekh C/raxmaan Janaqow waxa uu sheegay in maxaakiimtu ay diyaar u yihiin in ay la shaqeeyaan Haweenka, isla markaana waxa uu sheegay in Maxaakiimta aysan marnna riixi doonin isagoo sheegay in haweenka muslimka ah ay xaquuq badan siisay diinta Islaamka, isla markaana loo baahan yahay in arrintaasi ay haweenku si weyn ula oscdan, waxa uuna uga mahadceliyay Haweenka sidii ay bulshada ugu shaqeeyeen 16-sano ee la soo dhaafay ee shacabka Soomaaliyeed ku jireen dhibaatada iyo amaandarida.

 

Waxaa kalloo uu sheegay Sheekh C/raxmaan Janaqow in haweenka looga baahan yahay in ay inay sidii adkeeyaan nabadgelyada Magaalada Muqdisho oo uu sheegay in nabad la’aanteed aysan suurogal ahayn horumarka Gobalka Banaadir. Mar uu ka hadlayey dhinaca nabadda waxa uu sheegay in maalin walba wadamada horumaray ay ka dhacaan falal dambiyeedyo aad u fool xun. Wuxuuna yiri isago arrintaasi ka hadlaya “Ma ahan in marka dambi uu dhaco in markiiba la buunbuuniyo ee waxaa wanaagsan in falkaasi laga hadlo in ciddii gaystay falka ma la qabtay, taas ayaan buunbuunin u baahan”, waxa uuna intaasi ku sii daray “Dalka Ingiriiska waxa uu leeyahay koox dhan jabhad ah oo u dagaalanta xoriyadooda, marka waxaa u soo jeedinayaa Haweenka in aysan ku dayan Haweenka Reer Galbeedka ah.

 

Ugu dambeytnii Aamin Xaaji Cilmi ayaa halkaasi ka akhrisay qodobadii la isku afgartay, waxaana ka mid ahaa in wada shaqeyn ay dhex marto Haweenka iyo Golaha Maxaakiimta Islaamiga, in sida ugu dhaqsiyaha badan maamul loogu sameeyo Gobalka Banaadir iyo in la sii xoojiyo nabadgelyada GobalkaBanaadir, waxaana lagu ballamay kulan kale.

 

W/D Amiin Yuusuf Khasaaro

E-Mail: amiinkhasaaro@hotmail.com

---

Boosaaso: Arday ka qalin jebisey kuuliyadda culuumta caafimaadka ee magaalada Bosaso.

C/Risaaq Koronto
Garoowe

 

Dufcaddii ugu horreysey ayaa maanta ka qalin jebisay qaybta sheybaarka ee kuuliyadda culuumta caafimaadka ee magaalada Boosaaso.

munaasabad si heersare ah loo soo agaasimay ayaa maanta lagu qabtay xarunta kuuliyada caafimaadka ee magaalada Bosas, Munaasabadaan oo ahyd mid shahaado lagu gudoonsiinayay ardayad ka qalin jabisay kuuliyada caafimaadka gaar ahaana qaybta shaybaarka.

Ardayda ka qalin jebisey qaybta sheybaarka ayaa gaareysa 24 oo 17 kamid ah ay ahaayeen gabdho iyo 4 wiil, waxayna ahayd qaybtii ugu horreysey ee ka qalin jebisa qaybta sheybaarka iyadoo ay horay u jireen laba kooxood oo ka qalin jebisey qaybta kalkaalinta, kuwaas oo qaar kamid ah ay ka hawl galaan xarumaha waaweyn ee caafimaadka Puntland sida cusbataallada, MCH-yada iyo baraha caafimaadka, halka qaar kamid ahna uu kuuliyaddu dibadda u dirtay si ay u sii wataan aqoontooda ilaa heer jaamacadeed, kuwaasoo aad ugu farxay markii ay heleen waxbarashada jaamacadaha dibeda ah.

Munaasabadii lagu gudooonsiinayay shahaadada Ardayda ayaa waxaa ka soo qayb galay masuuliyiin badan oo ay kamid ahaayeen wasiir kuxigeenka wasaaradda maaliyadda Puntland Yaasiin Cartan Maxamed, taliye xigeenka ciidanka booliiska gobolka Bari, G/le Sare Cabdicasiis Siciid Gacamey, guddoomiyaha gobolka Bari, Muuse Geelle Yuusuf, duqa degmada ahna guddoomiyaha golaha deeganka Boosaaso, Khadar Cabdi Xaaji Mire, isimo, culimaa’udiin, hay’adaha caalamiga ah, ururada bulshada rayidka ah iyo marti sharaf kale oo fara badan.

Mas’uuliyiintii ka hadashay munaasabaddan oo aad u badnaa ayaa u mahad celiyay hurmuudka kuuliyadda culiimta caafimaadka Boosaaso, Prof Cabdirisaaq Xuseen Xasan iyo dhamaan ardaydii ka qalin jabisay kuuliyada oo ay ku tilmaameen in ay ka soo bexeen wakhti adag loona baahan yahya in ay sare u sii qaadaan aqontooda islamarkaana ay u adeegaan bulshada puntland.

 

kalabaydh:Madaxweynaha Puntland oo Gaaray kalabaydhka.

 

Wararka ka imaanaya magtaalada kalabaydh oo dhanka waqooyi ka xigta magaalada laascaanood 40km ayaa saaka si wayn loogu soo dhaweeyey wafdigii uu hogaaminayay madaxwayanaha puntland Gen: cade muuse xirsi oo hada shudbado xasaasi ah ka wada bartamaha magaalada kalabaydh ee gobalka sool.

Madaxweynaha DGPL Gen: cade muuse ayaa ka ambabaxay saaka magaalada laascaanood ee gobolka Sool isagoo ku sii jeeda degaanka Kalabaydh oo ka tirsan gobalka Sool, Madaxweyne Cadde Muuse waxaa safarkiisa Kalabaydh ka dambeeyay ka dib markii ay caasimaad u fidiyeen odayaasha iyo waxgaradka degaankaasi oo si wayn saaka markii uu madaxwaynuhu gaaray kalabaydh u soo dhaweeyay kuna tilmaamay booqasho taariikhi ah.

Madaxweyne Cade waxaa safarka ku wehlinaya issimo ka tirsan gobolka Sool oo uu ka mid yahay Garaad Jaamac Garaad Cali iyo Garaad Abshir Garaad Faarax, Sidoo kalena safarka madaxwaynaha puntland ee deegaanka Sool iyo Cayn uu ku maraya ayaa waxaa ku weheliya Raxan golihiisa wasiirada ah iyo saraakiil saraakiil xigeeno madaxda ciidamada iyo waxgarad kaleba.

Booqashada Madaxwayne Cadde Muuse ee gobolada Sool iyo Cayn waxa ay qeyb ka tahay booqasho uu ku gudanayo waajibaadka saarana kana saaran dadka uu xilka madaxwayne nimo u hayo iyada oo inta uu madaxwaynuihu ku guda jiro booqashadiisana la is waydaarsanayo wixii fariima ah iyo sidii looga heshiin lahaaa dhamaan khilaafaadka yar yar ee ka dhexjira xukuumada puntland iyo gobalada Sool iyo Cayn ee labada dhinac ay kala tabanayaa.

Madaxwayne Gen:cade muuse ayaa lagu wadaa inuu booqasho ku tago degmada Buhoodle ee gobolka Cayn Halkaasi oo si heersare ah looga diyaar garoobay soo dhawaynta wafdiga madaxwaynaha puntland General:Cade muuse.
 

Buuhoodle: Magaalada Buuhoodle ee Gobalka cayn oo diyaar garaw xoogan ugu jirta soo dhawaynta wafdiga madaxwayne cade muuse.

Wararka sida rasmiga ah ee talan taaliga uga soo dhacay magaalada Buuhoodle uga soo gaaraya shabakada warbaahinta ee www.somalitalk.com ayaa xaqiijinaya in ay halkaasi ka socdaan diyaar garaw kii ugu cuslaa iyo isusoobixii ugu waynaa ee lagu soo dhawaynayo wafdiga balaaran oo uu horkacayo madaxwaynaha DGPL Gen Admiral: Cade muuse.

Wafdiga Balaaran ee uu hogaaminayo madaxwayne Cade muuse ayaa kuguda jira qaybka mid ah socdaalkiisii uu ku marayay gobalada Sool iyo Cayn oo la filayo xiliyada soo socda in uu gaaro magaalada Buuhoodle ee Gobalka hawdka ee cayn.

Madaxawaynaha ayaa sheegay in uusan dhaafayn tuulooyinka iyo magaalooyinka waa wayn ee u dhexeeya magaalooyinka Laascaanood iyo Buuhoodle oo uu sheegay in ay waajib tahaay in deegaanka oo dhan looga warbixiyo xaalada guud iyo tan nabad galyo ee deegaanada puntland si ay iyaguna ugu gudbiyaan waxa ay xanbaaraasanyihiin iyo dhamaan sidii loo turxaan bixin lahaa waxyaabihii lakala tabanayo islamarkaan loo dhaqaajin lahaa maamulka degmooyinka iyo tuulooyinka aanu wali si heersare ah u gaarin maamulka puntland loogana hirgalin lahaa degmooyinkaasi nidaamka golayaasha deegaanka.

Madaxwayne cade muuse ayaa hada maraya dhulka Hawdka ah isaga oo saaka ka anbabaxay Magaalada Laascaanood ee xarunta gobalka Sool waxa uu hada sida u qorshaysan Madaxwaynuhu ku sii jeedaa magaalada buuhuudle ee xarunta Gobalka Cayn isla markaan waxa uu saacado ku hakanayaa tuulooyinka iyo magaalooyinka u dhexeeya Laascaanood iyo Buuhoodle.
 

C/Risaaq Koronto
Garoowe

---

Golaha Amaanka ee Midawga Africka ayaa isku raacay in Somalia Ciidamo 8000 Kun ah loo diro

Shir ay ku yeesheen Magaalada Addis Ababa Golaha Amaanka ee Qaramada Midobay ayaa lagu ansixiyey in ciidamo nabad illaalin ah la keeno dalka Soomaaliya ka dib markii ay arintaasi ka codsadeen dawladaha IGAD ku jira qaar ka mid ah .

Waxaana shirka ay yeeshen madaxda Golaha Amaanka ee IGAD isku raacay in la meel mariyo qorsha IGADSOM ee dawladaha IGAD ku jira ay qaar ka mid ah u suxul doobayan arintaasi waxaana shirka ka dhacay Caasimada Ethiopia lagu gaaray go'aan booxda in 8000 oo askari loo diro somalia dabayqaada Bishaan ama bilawga bisha October iyadoo la isku raacay in ay ka kala yimaadaan 7 wadan ee IGAD qar ka tirsan iyadoo si hor dhaca ahaan ah loo gaynayo somalia 4000 oo askari marka hore .

Arintaan ayaa soo baxaday iyadoo maxaakinta islaamiga ah ee somaliyeed ka hor jeedaan qorshaha dawlada ee ah in somalia ka geeyo ciidamo nabad ilaaliyo iyadoo maxaakinta islaamiga ah ay iminka ku sii siqayso magaalada kismayo iyo waliba xadka u dhexeeya Kenya somalia si ay ugu diidaan ciidamada la sheegay in ay ka soo galayan gobolka waqooyi bari ee kenya ee ay doonayaan IGAD in ay somalia gayso iyadoo bishii hore bilawgeedii Nairobi saraakiil ka tirsan 7 Dalk ee IGAD go'aan ku gaareen in somalia ciidamada loo dirayo ay sii maraan gobolka Waqooyi bari ee kenya .

Maxamed Cabdi Maxamed Bootaan
SomaliTalk Nairobi keny
Botaan1@hotmail.com

 

Dowladda Federaalka oo uga digtay in Maxaakiimta..
»Daahir Riyaale oo Melez Zinawi ka diiday in..
»C/llaahi Yuusuf oo laga yaabo in uu ka..
»Sheekh Shariif Sheekh Axmed oo ka codsday..
»Sheekh Xasan Turki “Xamar waxaan uga …”
»Lacag gaareysa 4-Kun oo Doolar oo la soo…
»8-Kun oo Askari oo la isku raacay in…
»Max’ed Ibraahim Xaabsade oo loo diray…
»Maxaakiimta oo beeniyey in ay weerarayaan kismayo.
»Libiya iyo Talyaniga iyo Eedayn xuquuqda aadamiga..
Wararka oo dhan ka akhri halkan... Guji... Sept 14

Xaabsade oo ku gacan seyray dhexdhexaadin uu wadey Gudoomiyaha Baarlamaanka
»C/llaahi Yuusuf oo ku sii jeeda Magaaladda New York…
»Geedi oo dhaleeceyn u jeediyey Dowladda liibiya..
»Ciidamo xoog leh oo lagu ururinay deegaanada J/Dhexe..
»Shariif Xasan oo shalay warbixin siiyey Baarlamaanka
»Kulan dhexmaraya Golaha Maxaakiimta iyo Hayadaha.. 
»Cadde Muuse oo Booqaday Cisbitaalka Laascaanood...
»Puntland: Qiimaha sarifka dollarka oo sare u kacay...
»Talaalka Cudurka Dabaysha iyo Afrika...
»Iska Hor-imaad laga soo sheegay Gobolka Sool...
»Ciidamada Maamulka Somaliland oo Heegan La Galiyay.
»Siyaasiyiinta Digil iyo Mirifle oo ku kala qaybsamey hadalkii
»Dagaallo cadowga lagu naafeeyay oo ka dhacay Ogadeenya
Wararka oo dhan ka akhri halkan... Sept 13