Daabaco Boggan | Print

Wararkii: Sept 12, 2006

Liibiya: Saddex Wafti oo Soomaali ah oo ka Qayb Galay Shirkii Midowga Afrika

• Saddex wafdi oo Soomaali ah oo ka soo wada qeybgalay shirka sanadguurada sagaalaad ee ka soo wareegatay aas aaski midowga Africa oo ka dhacayey magaalada sirta ee dalka libya, sedaxda wafdi oo kala ah dowlada fkg ee soomaaliya, maxaakiimta islaamka iyo madaxweynihii hore ee tngda carte..

Waxaa Isniintii kula kulmay hotelka uu degen yahay ee mahari hotel Ergayga gaarka ah ee Arimaha Caalamiga iyo Dib u heshiisiinta ee Madaxweynaha dowlada federalka kmg ee soomaaliya , Mudane:C/rashiid Aadan Seed(Qoor).

Ergayga oo ii waramayay ayaa ii sheegay in ay goobta shirka sanad guurada sagaalaad ay wada fadhiyeen saddex wafdi oo ay kala hoggaaminayeen guddoomiyaha maxkamadaha islaamiga ah sheikh shariif sheikh Axmed, madaxweynihii hore Dr:C/qaasim salad xasan ,& Wafdiga dowlada federaalka kmgka ah oo aan anigu u matalayey, waxaa igu wehliyey shirka Safiirka soomaaliya ee u fadhiya dalka libya mudane:Maxamed xuseen maxamed ilkadahab, shirka waxaa si rasmi ah u fadhiyey dowlada federalka kmg ah, wafdiga kalena waxay fadhiyeen kuraasta loogu talo galay marti sharafta. Shirka madaxdii ka soo qeyb gashay gaar ahaan madaxweynaha suudan jeneral. xasan cumar al Bashiir waxuu sheegay in aysan ka hari doonin geedi socodka nabada ee soomaaliya isla markaana uu u rajeeyey in ay soomaaliya ay noqoto dal hal hogaan leh, waxuu sidoo kale taageeray shirkii Khartoum ee dowlada iyo maxaakiimta islaamka ee ka dhacay dalkiisa, sidoo kale waxaa halkaas joogay raiisul wasaraha dalka Ethiopia meless sinawi oo asagana si gaar ah uga hadlay arimaha soomaliya weliba kulan kala yeeshay madaxweynaha martida loo yahay ee libya mucaamar al qadaafi si uu u xaliyo khilaafka soomaaliya madaxweynaha libya. Ra'iisul wasaaraha Ethiopia ayaa taageeray roolka ay jaamacada carabta ka ciyaartay Arimaha soomaaliya. Ergayga ayaa ii sheegay in uu shirkan ka casuunaa madaxweynaha soomaaliya mudane:C/laahi yuusuf axmed balse buu yidhi uga baaqdey sababo la xiriiro dhacdadii ka dhacdey Baydhabo iyo buu yidhi kalsooni siinta xukuumada cusub oo baarlamanka la horgeynayo.

Madaxweynaha dhanbaal aan ka sidayna waxaan garsiiyey dhigiisa madaxweynaha libya wuuna iga gudoomay dhanbalkaas, ayuu yiri, madaxweynaha ayaa laga yaabaa marka uu ka soo dhamaado kulanka baarlamanka in uu soo maro hadii uu soo mari waayana waxuu soo mari doonaa marka uu ka soo laabto kulan sanadeedka fadhiga golaha loo dhanyahay ee Qaramada midoobay ee fadhigiisu yahay New york oo uu ka qeyb geli doono madaxweyne C/laahi yuusuf.

Ergayga gaarka ah ee madaxweynaha ayaa wada dadaal dib u heshiineed ee uu ku doonayo sidii ay isugu soo dhawaan la haayeen dowlada iyo maxaakiimta islaamiga ah balse lama oga in ay kulmi doonaan iyo in kale wallow uu weli ku sugan yahay wafdiga uu horkacayo gudoomiyaha gudiga fulinta maxaakiimta islaamiga ah mudane sheikh shariif sheikh axmed magalada sirta oo uu gaar u deggan yahay madaxweynaha libya.

Wararka aanu ka helnay ilo ku dhaw dhaw dowlada libiya ayaa sheegaya in uu wado madaxweynaha libya dadaal uu ku doonayo sidii uu usoo afjari lahaa khilaafka u dhaxeeyo maxaakiimta iyo dowlada federaalka ah ,ay ahaydna sababta uu u casuumay madaxda maxkamadaha islaamiga ah iyo Wafdi uu horkacayo c/qaasin salad xasan ee soo garay Tripoli iyo kan dowlada federalka ah, waxayna wada deggan yihiin labada wafdi hal hotel, Kulanka madaxda maxaakiimta iyo madaxweynaha libya ayaan la ogeyn maalinta uu dhacayo rasmi ahaan balse la qorsheynayey in mar qura ay wada fariistaan dowlada iyo maxakiimta laakiin ay suurto gal noqon weysay ka dib markii uu baaqdey madaxweynaha soomaaliya howlo shaqo oo xasaasi ah daraadood sida uu ii sheegay ergaygiisa gaarka ah mudane Qoor.

Saciid axmed cali(Antenno)
Tripoli libya | SomaliTalk.com
saciidanteno@yahoo.com

Minnesota: Coleman oo Cambaareeyey dabkii Masjid Abuubakar ee Minneapolis

Tartan Kubbada Miiska ah oo u furmay qaar ka mid ah Dugsiyada Gobalka Banaadir

Waxaa dhawaan Garoonka Dugsiga Al-Farxaan ka furmay tartan ay ka qaybgalayaan 7 dugsi oo ka kala socoda dugsiyada Gobalka Banaadir, waxa uuna tartankaasi yahay hoyraalka K/miiska ee Dugsiyada Gobalka Banaadir, waxaana furitaankii tartankaasi ka qaybgalay mas’uuliyiin ka socotay Guddiga Olombikada Soomaaliyeed oo uu horkacayay Kusimaha Guddoomiyaha Guddiga Olombikada Soomaaliyeed C/qaadir Ibraahim Gacal Abkow, waxaana ka mid ahaa mas’uuliyiintaasi Guddoomiye ku xigeenka Olombikada Xaaji Cabdi Cilmi Warsame, Xoghayaha Xiriirka Soomaaliyeed ee Olombikada C/llaahi Axmed Tarabi iyo Guddoomiyaha Xiriirka K/miiska Mudan Aadan Korow, waxaana ugu horeyntii halkaasi warbixin ka soo jeediyey maamulaha Iskuulka Al-farxaan Mudane C/llaahi Xasan Max’ed (Bikole), waxa uuna u mahadceliyay guddiga Olombikada Soomaaliyeed iyo Xiriirka Soomaaliyeed ee K/miiska oo uu sheegay in la’aantood uusan qabsoomi lahayn tartankaani, sidoo kale waxaa ka hadlay Guddoomiyaha K/miiska Mudane Aadan Korow oo sheegay in Xiriirka Soomaaliyeed K/miiska uu mar kasta diyaar u yahay in uu qabto tartamada noocaan oo kale, oo uu sheegay in ay ka soo bixi karan dhallinyaro mustaqbal ku leh cayaarta K/miiska, waxaana ugu dambeyntii cayaartaasi kusimaha Guddoomiyaha Guddiga Olombikada Soomaaliyeed C/qaadir Ibraahim Gacal (Abkow) oo la dardaarmay ardaydii ka qayb galeysay tartankaas in ay la yimaadaan Cayaar wanaag iyo asluub, waxaana cayaartii ugu horeysay lagu furay Muno iyo Faadumo, waxaana cayaartaas ku guuleystay Muno oo ka socotay Al-Farxaan.

Xagga wiilasha waxaa wada cayaaray.
Al-Farxaan Vs Mogdisho Primary & Secondary School 2-0

W/D Amiin Yuusuf Khasaaro
E-Mail: amiinkhasaaro@hotmail.com

Furitaankii Jaamacada Kismaayo ee Sannad Dugsiyeedka 2006/2007

Kismaayo (aslaamu calaykum): Waxaa maalintii Khamiista kadhacay magaalaada Kismaayo xaflad ballaadhan oo lagu maamuusayay furitaanka sannad daraasiga cusub 2006/2007 ee jaamacada kismaayo .

Xafladaa oo ay ka soo qayb galeen dad aad u badan oo ka kooban dhammaan qaybaha kala duwan ee bulshada kismaayo.

Xafladaa waxaa furay gudoomiyaha magaalada kismaayo Xaaji Daahir oo mahad celin u soo jeediyay dadaalka ay wadaan maamulka jaamacada kismaayo.

Waxaa kale oo halkaa ka hadlay ku xigeenka ra'iiska jaamacada ustaad Xasan Jaarane oo sharraxaad dheer ka baxshay barnaamijka jaamacada ee kala duwan.
Qoraalkaan kala xiriir: towfiiiq@hotmail.com

Faafin: SomaliTalk.com | Sept 12, 2006

Akhri: Warqaddii uu Coleman u Diray Masjidka Abuubakar

Qaramada Midoobey oo sheegtay iney xafiisyo ka furaneyso Muqdisho
»Ma dhab baa in Miless Sanawi, C/llahi Yuusuf & Sh. Xasan
»Daahir Riyaale oo ka codsaday Males Sanawi in uu joojiyo…
»Xulka Qaranka Soomaaliya oo galabta la ciyaaraya xulka …
»Ciidamada Maxaakimta oo nin ku dilay Xaafadda Black Sea.
»Warsaxaafadeed kasoo baxay Xisbiga Ramaas...
»Dadwayne ay ciidammada gumaysigu xidhxidheen...
Wararka oo dhan ka akhri halkan... Guji... Sept 10