Wararkii: Sept 3, 2006
- Faahfaahin dheeraad ah oo ku saabsan
shirka Khartuum
- Sh. Shariif oo u soo jeediyey Kbaki in
uusan Ciidamo u soo dirin …
- Golaha Nabadgalyada iyo
Ammaanka Midowga Afrika oo isku raacay…
- Ururka SOWJA oo qabtay siminaar ku
saabsan Xaquuqda Aadanaha…
Faahfaahin
dheeraad ah oo ku saabsan shirka Khartuum
Waxaa maalintii shalay aheyd ka furmay
magaalada Khartuum ee dalka Suudaan wajigii 2-aad ee shirkii 22-kii Jully ay
isugu yimaadeen dowladda Federaalka Soomaaliya xubno matalaya iyo wakiilo ka
socda Maxaakiimta Islaamiga ee Soomaaliyeed.
Kulankaasi ayaa dhawr jeer baaqday, iyadoo
muddooyin hore oo loo calaamadeeyey uu qabsoomi waayey kaddib markii ay
dhinacyada matalaya labada garab shuruudo soo bandhigeen.
Shalay markii la isugu tagey Khartuum, ayaa
wafdiyada ka kala socda Dowladda iyo Maxaakiimta waxey dadka daneeya arrimaha
dib u heshiisiinta u muujiyeen isku soo dhawaansho dhinac kasta ah, iyadoo ay
markiiba kulamo kala gooni gooni ah la yeeshey madaxda dalka Suudaan, sidoo
kalena ay iyaga dhexdooda shirar ku wada yeesheen halkaasi.
Shirkan dib u heshiisiinta ayaa dadweynaha ku
dhaqan gudaha Soomaaliya waxey ka muujiyeen dareeno kala duwan, inkastoo ay
intooda badan soo bandhigeen niyad wanaaga, waxeyna ku tilmaameen in shirkani uu
noqon doono kii ugu dambeeyey ee Soomaali la isugu yeero, iyagoo tilmaamay in
labada awoodood ay ku midoobi doonaan shirkan.
Shirkan waxaa ka qeyb galay Qaramada Midoobey
oo uu magaceeda ku fadhiyo Francious Fall, Midowga Afrika, IGAD, Jaamacadda
Carabta, Midowga Yurub oo uu wakiil u ahaa ergayga Talyaaniga ee arrimaha
Soomaaliya Mario Revelli, waxaa kaloo goob joog ka ahaa dhammaan waddamada
bixiya deeqaha iyo hay’adahooda.
Madaxdii ka socotay beesha caalamka waxey u soo
jeediyeen labada dhinac in shirkoodu uu noqdo mid mira dhala oo uu ka soo baxo
natiijo wax ku ool ah, furitaankii shirkani ayaa wuxuu ku beegmay xili uu
Guddoomiyaha Guddiga Fulinta ee Maxaakiimta uu shalay u ambabaxay magaalada
Nayroobi ee dalka Kenya, kaddib markii uu marti qaad ka helay madaxweynaha
dalkaasi.
Hase yeeshee, su’aasha isweydiinta mudani waxey
tahay maxaa ku soo beegay bixitaanka guddoomiyaha Golaha Fulinta iyo furitaanka
Shirka Khartuum, balse, dadka siyaasaadda u kuurgala waxey leeyihiin, dowladaha
Kenya iyo Itoobiya waxey si weyn uga soo horjeedaan shirka ay qaban qaabadeedu
leedahay Jaamacadda Carabta, iyadoo wakiilka Jaamacadda Carabta ee Soomaaliya uu
si rasm ah u sheegay in waddamada Kenya iyo Itoobiya ay si aad ah uga soo
horjeedaan inuu mira dhalo shirka Khartuum, waxaana loogu baaqay in waddamadaasi
ay faragelinta ka joojiyaan Soomaaliya.
Dowladda Kenya sababaha ay ugu yeertay Sheekh
Shariif ayaa lagu macneeyey iney tahay iney maxkamaduhu ogolaadaan in shirka
Khartuum wajigiisa labaad loo soo wareejiyo magaalada Nayroobi, hase ahaatee,
dowaldda Kenya way ku adkaan doontaa in shirkaasi loo soo wareejiyo dalkeeda,
maadaama, aysan arrinkaasi Maxkamaduhu.
Sheekh Shariif waxaa ka horreeyey oo magaalada
Nayroobi gaaray guddoomiyaha Baarlamaanka Shariif Xasan Sheekh Aadan oo isagu
laga dhaadhiyey in shirka Khartuum loo soo wareejiyo magaalada Nayroobi.
“Inagu halkan uma imaanin inaan helno wax xilal
ah, waxaan u nimid sidii loo xoojin lahaa nabadda Soomaaliya” ayuu yiri, Madaxa
Wafdiga Maxaakiimta ee shirka Khartuum ka qeyb galaya, Dr. Ibraahim Xasan Caddow,
mar uu ka hadlaayey furitaankii Shirka Khartuum, wuxuuna u soo jeediyey beesha
caalamka iney il gaar ah ku eegaan faragelinta ay dowlada Itoobiya ku hayso
arrimaha Soomaaliya.
Dowladda federaalka ayaa iyadu wadata qorshe ah
in Golaha Maxaakiimta xilal laga siiyo dowladda Federaalka, waxaana qorshahaasi
ka mid ah in 88-da Golaha Shuurada lagu daro Golaha Baarlamaanka oo haatan ka
kooban 275- Xildhibaan.
Warar kale ayaa waxey sheegayaan in dowladda ay
wadato qorshe ah in xilal muhiim ahlaga siiyo xubnaha ugu cad cad Maxakamadaha,
dowladda federaalka, hase yeeshee, way adkaan doontaa in Golaha Maxaakiimta ay
aqbalaan xilalkaasi, haddii aysan dowladda federaaka ah ku dhaqmeyn Shareecada
Islaamka.
Shirkaan ayaa dadka qaar waxey qabaan ineysan
waxba ka soo baxeynin maadaama labada dhinac ay kala aaminsan yihiin laba
fikradood oo aad u kala sareeya, laakiin, rag u dhuun daloola arrimaha
Soomaaliya ayaa waxey noo sheegeen in labada dhinac ay iska magacaabi doonaan
guddiyo ka kooban mid 10-xubnood, kuwaasi oo ka soo baaraandegi doona sida lo
qeybsan doono xilalka dowladda, isla markaana isbadel loogu sameyn karo Axdiga
KMG.
Kulan diineedkii
Lixaad ee Muslimiinta W/Ameerika....
Halkan ka akhri
warbixinta sida uu ku socdo kulanka Musliimiinta W/Ameerika... GUJI...
Golaha Nabadgalyada iyo
Ammaanka Midowga Afrika oo isku raacay…
Maalintii shalay aheyd ayaa
magaalada Adis Ababa ee dalka Itoobiya lagu soo gabagabeeyey kulan ay lahaayeen
Golaha Nabadgalyada iyo Ammaanka ee Midowga Afrika, waxaana kulankaasi looga
hadlay xaaladda Soomaaliya, gaar ahaan sidii ciidamo ka socda wadamada IGAD
loogu diri lahaa Soomaaliya. Gabagabadii kulankaasi ayaa waxaa la isku raacay in
Soomaaliya loo diro ciidamo ka socda waddamada IGAD waxeyna soo dhaweeyeen
doorka ay IGAD ku leedahay xal u helidda arrimaha Soomaaliya.
Waddamada IGAD ayaa wali isku
khilaafsan keenista waddamo ka socda IGAD, iyadoo waddamada Suudan iyo Elateriya
iyo Jabuuti ay si weyn uga soo horjeedaan in Soomaaliya loo diro ciidamo ka
socda IGAD, iyagoo sheegay in arrintaasi ay keeni karto dagaalo hor leh oo ka
dhaca Soomaaliya.
Qaramada Midoobey ilaa iyo
haatan Soomaaliya kama qaadin cunaqabateyntii hubka, iyadoona wakiilka Qaramada
Midoobey ee Soomaaliya uu sheegay in waqtigaan aysan habbooneyn in Soomaaliya
laga qaado cunaqabateynta hubka.
Sh.
Shariif oo u soo jeediyey Kbaki in uusan Ciidamo u soo dirin …
Sheekh Shariif Sheekh Axmed oo shalay u
ambabaxay magaalada Nayroobi ee dalka Kenya ayaa waxaa uu halkaasi u tagey sidii
uu dowladda Kenya uga dhaadhicin lahaa gaar ahaan Madaxweynahooda inaan
Soomaaliya loo soo dirin ciidamo ka socda waddamada IGAD.
Sheekh Shariif oo ay la socdeen 9-xubnood ayaa
shalay waxaa si weyn loogu soo dhaweeyey magaalada Nayroobio, waxaana xalay
kulamo la yeeshay mas’uuliyiin ka socota waddanka Kenya oo u soo jeediyey in
Kenya ay faraha kala baxdo arrimaha Soomaaliya, gaar ahaan keenista ciidamo ka
socda Kenya.
“Dowladda Kenya ciidamadooda waligood kuma soo
xad gudbin gudaha Soomaaliya sida Itoobiya oo kale, waxaana labada waddan ka
dhaxeeya xiriir soo jireen ah” ayuu yiri Sheekh Shariif oo sheegay in dowladda
Kenya ay dib u eegto keenista ciidamo shisheeye oo ka socda waddanka Kenya.
Sheekh Shariif ayaa la filayaa inuu maanta
magaalada Nayroobi kulan kula yeesho madaxweynaha Kenya Moi Kbaki iyo waliba
waxaa la filayaa inuu la kulmo, dadka Soomaaliyeed ee ku dhaqan dalka Kenya oo
uu uga warbixin doono xaaladda Soomaaliya.
Ururka SOWJA oo qabtay siminaar ku saabsan
Xaquuqda Aadanaha…
Urur ay leeyihiin Suxufiyiinta haweenka marka
la soo gaabiyana loo yaqaano magaciisa SOWJA, ayaa shalay waxey ku qabteen
xaruntooda siminaar hal maalin ah oo la xiriira xaquuqda aadanaha, oo loo qabtay
qeybaha bulshada, waxaana siminaarkaasi iska kaashaday Ururka SOWJA iyo hay’adda
UNDP.
C/llaahi Calas Jimcaale oo ahaa madaxa baarista
ee xarunta Ismaaciil Jimcaale ayaa ku dheeraaday sida loo ururiyo xadgudubyada
loo geysto xaquuqda bini’aadamka, isagoo sheegay in wixii tacadiyo ahaa ee ka
dhacay Soomaaliya ay xaruntooda ku aruuriyeen, isla markaana waqti ay ahaatada
mar un ay soo bandhigi doonaan.
Qamar Salaad oo ah guddoomiyaha ururka
SOWJA ayaa waxey sheegtay in Siminaarkani uusan aheyn siminaarkii ugu horreeyey
ee ay u qabtaan bulshada qeybaheeda kala duwan, waxeyna sheegtay in
siminaaradani ay noqon doonaan kuwa la joogteeyo si loo dhawro xuquuqda aadanaha,
waxaa kaloo ka hadlay madaxa xiriirka gobolada ee ururka SOWJA Fardowsa Sheekh
Xasan (Kuuriya) oo iyadu u mahadcelisey hay’adda UNDP iyo Hay’adda Dr. Ismaaciil
Jicmaale.
.W/Q: Amiin Yuusuf Khasaaro
E-Mail
amiinkhasaaro@hotmail.com
Faafin: SomaliTalk.com | Sept 3, 2006
$150-Milyan oo ay Jaamacadda Carabtu ugu tala gashey Haddii uu
Miro dhalo Shirka..
»Shirkii Khatuum oo
maanta ka furmaya Wadanka Suudaan..
»Qofkii 30-aad oo
Soomaali ah oo lagu dilo Dalka K/Afrika..
»Machadka Al-Cimra oo
deeq baco ah gaarsiiyey Dadka soo..
»Garoowe: manhaj cusub
oo loo samaynayo waxbarashada..
»Boosaaso: Qaxooti
Soomaaliyeed oo gargaar loogu qabiyey
»EYL: Xoghayaha guud ee
dawladda hoose ee degmada..
»Xaflad balaaran oo
lagu furayey saldhigcusub oo ka..
»Haweeney 4 caruur ah
ku dhashay ispitalka guud ee bosaso.
»Dagaallo badan oo
cadowga lagu naafeeyay oo melo kala..
Wararka oo dhan ka akhri halkan.... Guji... Sept 2
| 
Daabaco
Boggan | Print