Wararkii July 29, 2006
- Baydhabo oo lagu Diley
Wasiir u ololaynayey in Baarlamaanku Kalsoonida Kala Laabto Ra'iisul
Wasaare Geeddi....
- Libya oo Deeq soo
Gaarsiisay Maxkamadaha islaamka....
- XARUNTA DR. ISMAACIIL JIMCAALE OO soo
gabagabeysay seminaar soconayay muddo seddax maalmood ah
Marxuum Cabdalla Deerow
Sawirka: reuters |
Baydhabo oo lagu Diley Wasiir u
ololaynayey in Baarlamaanku Kalsoonida Kala Laabto Ra'iisul Wasaare
Geeddi....
Laakiin kama mid ahayn wasiiradii is
casiley
Sidaas waxaa qoray wararka
caalamaka, sida AP.....
(Baydhabo: July 28, 2006):-
Cabdalla Deeroow Isaaq oo ahaa wasiirkii Dastuurka iyo arrimaha
Federaalka ee DFKMG ee Soomaaliya ayaa maanta lagu diley magaalada
Baydhabo.
Waxaa wararku sheegeen in markii uu ka soo baxay
masaajidka salaadii jimcda ka dib in rasaas lagaga furay laabta,
sidaasna lagu diley wasiirka.
Cabdalla Deerow Isaaq waxa uu Dowladii lagu soo
dhisay magaalada Carta ee dalka Jabuuti ka soo noqday guddoomiyaha
baarlamaanka, haddana waxa uu ka tirsanaa xukuumadii lagu soo dhisay
magaalada Eldoret & Nairobi Kenya.
Waxaa wararku sheegeen ninka dilka geystey in uu
watey baastoolad oo uu afar xabadood ku dhuftay marxuumka, kaddibna uu
fakaday. Dilkaas waxaa loo xirxiray dad. Waxaana galabnimadii jimada ka
dhacay Baydhabo mudaharaad lagaga soo hor jeedo dilalka ka dhacay
Baydhabo.
Dilka
wasiirkii Dastuurka iyo arrimaha
Federaalka ee DFKMG ayaa dhacay laba
maalmood kadib markii toogasho lagu dhaawacay Axmed Ibrahim Maxmed oo ah
Gudoomiya Gudiga Dastuurka iyo arrimaha Federaalka ee Baarlamaanka KMG
ee Soomaalya, labadaas arrimood oo ka dhacay Baydhabo oo ah xarunta
DFKMG.
Wasiirka Warfaafinta DFKMG Maxamed Cabdi Xayir
ayaa galabnimadii Jimcada cambareeyey ciddi ka dambeysey dilkii marxuum
Cabdalla Deerow, isagoo arrintaas ka hadlayana waxa uu yiri: Waxa aanu
cambaareyneynaa ciddii ka damabysay ee soo qorsheysay dilalkaas
bahalnimada ah ee lagu leeynayo madaxda dalka oo lagu khalkhal-galinayo
ammaanka magaalada Baydhabo ee xarunta u ah DFKMG”
Qoyskii marxuumkana waxaa tacsi u diray
madaxweynaha DFKMG, C/llaahi Yuusuf, guddoomiyaha Baarlamaanka, Shariif
Xasan sh. Aaden, ra'iisul wasaaraha DFKMG, Cali Maxamed Geedi iyo
xubnaha labada gole ee DFKMG.
 "Deerow
had been trying in recent days to build support for a
no-confidence vote against Prime Minister Mohammed Ali Gedi. He
was not, however, among the 18 ministers who resigned Thursday,
saying the government has failed to bring peace to this chaotic
African nation."
Associated Press (AP)
Warbaahinta
caalamka
|
Warar ay faafiyeen saxaafada caalamka ayaa
sheegay in Cabdalla Deerow uu maalmahan u ololaynayey sidii baarlamaanku
uu kalsoonida ugala laaban lahaa ra'iisul wasaaraha DFKMG, Cali Maxamed
Geeddi. Laakiin Cabdalla Deerow kama uu mid ahayn xubnihii dowaladda ee
is casiley July 27, ayaa warku raaciyey.
Xildhibaano ka tirsan baarlamaanka DFKMG ayaa
aad uga soo hor jeeda in dalka Soomaaliya ay soo galaan ciidamada
Itoobiya arrintaas oo keentay in baarlamanku qorshaynayey sidii loo
qaadi lahaa cod ra'iisul wasaaraha kalsoonida loogala noqonayo.
Qaar ka mid ah xubnaha baarlamaanka ayaa
warbahinta caalamku ka soo xigteen iyagoo dhehaya: Haddii aan itoobiya
ciidankeeda kala bixin Soomaaliya, waxaa hubaal ah in markaas ay dowlada
(Soomaaliya) dhici doonto.
Shalay July 27 ayay ahayd markii ay DFKMG iska
casileen ugu yaraan 20 xubnood oo ka tirsan baarlamaanka DFKMG haana
wasiiro, wasiiro dowlayaal iyo wasiir xigeeno iyagoo dowlada ku eedeeyey
in ay nabad kusoo celin weydey dalka.
Magacyada Xubanaha Baarlamaanka DFKMG ee is
casiley:::
- Cabdiraxmaan Xaaji Adan Ibbi (Wasiiru
dowladda xiriirka Baarlamaanka & Xukuumadda)
- Ibraahim Maxamed Deeq (Wasiiru Dowlaha
Warfaafinta)
- Xuseen Maxamuud Sheikh (Wasiirka
hiddaha & Tacliinta Sare)
- Maxamed Maxamuud Guuleed "Gacmadheere"
(Wasiirka Horumarinta Reer Miyiga)
- Cabdi Maxamed Tarrax (Wasiirka
Warshadaha)
- Cusmaan Cali Caato (Wasiirka Hawlaha
Guud)
- Maxamed Cabdullaahi Sahal "Kaamil" (Wasiirka
Iskaashatooyinka)
- Cabdikarim Axmed Cali (Wasiirka
Lacagta)
- Maxamed Jaamac Furux (Wasiiru Dowlaha
Dekedaha)
- Farxaan Cali Maxamuud (Wasiiru Dowlaha
Qorsheynta & xiriirka caalamiga ah)
- Fowzia Maxamed Sh. Xasan (Wasiirada
Haweenka)
- Maxamed Cali Bilaal (Wasiir ku
xigeenka Beeraha)
- Mukhtaar Maxamed Yusuf (Wasiir ku
xigeenka Waxbarashada)
- Cabdulqaadir Sheikh Maxamed Nuur (Wasiir
ku Xigeenka shaqada/shaqaalaha)
- Ibraahim Xuseen Cali (Wasiir ku
xigeenka Batroolka)
- Caamir Sheikh Maxamed (Wasiir Ku
xigeenka Awqaafta)
- Xuseen Cusmaan Xuseen (Wasiir ku
xigeen)
- Axmed Cabdiraxmaan Maxamed (Wasiir ku
xigeen)
- Cali Sheikh Maxamed
Libya oo Deeq soo Gaarsiisay
Maxkamadaha islaamka....
Dowladda
Libya ayaa gargaar isugu jira Dawo iyo raashin soo gaarsiisay golaha
maxaakiimta islaamiga Somalia oo dhowaan la wareegay Gacan ku heynta
caasimadda Somalia.
Deeqdaan Raashinka ah ee dowladda Libya ay soo
gaarsiisan shacabka Soomaaliyeed ayaa waxaa Gudoomay Mas'uuliyiin uu
horkacayay Sheekh Shariif Sheekh Axmed, isagoo uga mahad celiyay
shacabka reer Libya iyo Madaxweynaheeda kaalmadaan.
Goobta ayaa waxaa ka hadlay Gudoomiyaha golaha
Fulinta maxaakiimta islaamiga oo sheegay in deeqda lagu wareejiyay Guddi
ay magacaabeen maxaakiimta islaamiga oo loogu magac daray u gargaarida
shacabka Soomaaliyeed oo horey uga qeyb qaatay abaarihii Somalia.
waxana
hadalkiisa ka mid ahaa: waxaa lagu wareejiyey golaha taakuleynta iyo
horumarinta somaliyeed deeq ka kooban saliid cadey ,bur ,iyo baasto
golahaas oo horey uga soo shaqeeyey samatabixintii gurmadka abaaraha
waxaana u rajeeyey in ay gaaridoonto dadkii loogu talagalay ee ku
haboonaa, dowladaha kale oo wax heysta in ay ku daydaan dowlda liibiya
sidoo kalana ganacsatada somaliyeed wuxuu ka codsaday in ay dadkooda ugu
gargaaraan waxa ay heystaan.
waxaa
isna halkaa hadalo soo dhaweyn iyo mahadcelin isugu jira ka soo jeediyey
axmed cabdulaahi shiikh oo sheegay in deeqdani ay tahay mid wax weyn ka
taraysa daboolida baahida jirta wuxuuna balanqaaday in loo gaarsiindoono
sida ugu dhaqsaha badan meelihii loogu talagalay.
Ramadan
Albakari oo hogaaminayay wafdigii Libyanka ahaa ee deeqda keenay ayaa
waxa uu sheegay in xiligaan la gargaari karo shacabka Soomaaliyeed
maadaama magalada muqdisho ay tahay meel nabadi ka soo ifeyso .
safiirka liibiya u fadhiya somaliya idiris abuu
diib oo isna ka hadlay munaasibada lagula kala warergayey deeqdaas wuxuu
xusay in dowlada liibiya aysan shacbiga somaliyeed ka hagran doonin
wixii ay awoodo.
Waxa uu sheegay in deeqdaan aysan ahaan doonin
deeqdii ugu dambeysay, balse ay ahaan doonto mid sii socon doonta.
MUUSE MAXAMUUD JISOW |
somali39@hotmail.com
XARUNTA DR. ISMAACIIL JIMCAALE
OO soo gabagabeysay seminaar soconayay muddo seddax maalmood ah
Seminaar
ay ka qeyb qaadanayeen 30 xubnood oo ka kala socday culimaa'udiinka,
dadka laga tira badan yahay iyo suxufiyiinta ka howl gala idaacadaha
Muqdisho ayaa lagu soo gabagabeeyay Hotel Ambassador ee magaalada
Muqdisho.
Seminaarkan oo socday muddo 3
maalmood ah waxay ku baranayeen xubnahaasi casharrro ay ka mid ahaayeen
xuquuqda aadanaha, qaabka loo baaro xadgudubyada, maamul wanaagga iyo
dimoqraadiyadda iyo qodobbo kale.
Guddoomiyaha xarunta Dr. Ismaaciil
Jimcaale, Maryan Xuseen Owreeye iyo C/laahi Calas Jimcaale oo ah madaxa
baarista dambiyada oo ka hadlay ayaa sheegay in seminaarkan ujeedada
laga leeyahay ay aheyd in dadka ay barto xuquuqda aadamiga, barashadaas
oo keeneysa in dadku ay difaacdaan xuquuqdooda, xuquuqda dadka kalena ay
dhowraan, waana barnaamij aad iyo aad muhiim u ah dhowrista xuquuqda
aadanaha ayay yiraahdeen Maryan Xuseen aWreeye iyo C/laahi Calas
Jimcaale, waxayna ka codsadeen inay howlahooda ku dabbakhaan xuquuqda
aadanaha, isla markaana ay u gudbiyaan dadka aan fursadda u helin.
Masuuliyiintu waxay sheegeen in
seminaarka noocan oo kale ay mar walba u qabtaan dadka wixii la baray u
gudbin kara bulshada kale, isla markaana howlahooda ku dabbakhi kara
wixii ay barteen, waxaana loo arkaa ayay yiraahdeen xuquuqda aadanaha ka
shaqeynteeda inay fure u tahay in la helo nabad iyo cadaalad loo siman
yahay, isla markaasna uu qofka muwaadinka ah uu helo xuquuqda aas-aasiga,
waxayna sheegeen in seminaarkan uusan ku koobneyn 3 maalmood iyo 2
maalmood balse ay hay'addu xoogga saarto in mar walba ay bulshada u
qabato seminaaro ceynkan oo kale ah, waxayna hoosta ka xarriiqeen inay
jiri doonaan seminaarro kale oo loo gudbiyo bulshada kale oo aan
fursadda u helin.
MUUSE MAXAMUUD JISOW |
somali39@hotmail.com
Soomaalida haysta Sharciga Kumeel Gaarka ah oo 18-bilood loo Kordhiyey in ay
sii Joogi Karaan Maraykanka...
iyo
Minnesota oo lagu xiray nin dhaawac halis ah gaarsiiyey qof dumar ah oo
hooyo u ah canugiisa..
Akhri
Barnaamijkii Radio Xoriyo
28 July 2006
================================
Dagaal
Khadhaadh oo ka dhacay duleedka Dhagaxbuur.
Ciidammada gumaysiga
oo dumar shacab ah laayay.
Eritereya oo Itoobiya
ugu baaqday inay ciidammadeeda Soomaaliya kala baxdo.
Faalo ku saabsan
sooyaalka taariikheed ee Somaliya & Itobiya(Maqal).
Wariyaha RX
uga soo warrama dalka Ogaadeenya ayaa noo soo sheegay dagaal adag oo
horraantii toddobaadkan ka dhacay meesha lagu magacaabo Labiga, oo ku
taalla duleedka magaalada Dhagaxbuur, kaasoo dhex-maray ciidammada
xoreynta Ogaadeenya iyo kuwa saama-la-luudka ah ee gumaysatada Itoobiya.
Ciidammada gumaysiga Itoobiya ayaa khasaare ba’an loogu gaystay
dagaalkan.
Ciidammada
gumaysiga Itoobiya ee dagaalkan ka qayb qaatay waxay isaga soo
qayshadeen degmooyinka Garbo, Sagag iyo Dhagaxbuur.
Wuxuu sidoo
kale wariyahayagu noo soo sheegay in maalintii isniinta ahayd ee
taariikhdu ku aaddanayd 24/7/06 ciidammada gumaysiga Itoobiya labo
baabuur oo Uuraal ah lagaga gubay duleedka magaalada Dhanaan, iyadoo ay
halkaas ku bas-beeleen labadaas baabuur iyo wixii saarnaa oo dhan.
Ciidammada gumaysiga
oo dumar shacab ah laayay.
Ciidammada gumaysiga
Itoobiya oo lagu yaqaano inay dadwaynaha rayadka ah ku gaydhadaan mar
kastoo khasaare loogu gaysto goobaha dagaalka, ayaa dumar shacab ah ku
laayay meelo kala duwan oo ka tirsan gobollada Doollo iyo Qorraxey.
Ciidammada gumaysigu
waxay dhawaan tuulada Qamuuda oo gobolka Doollo ka tirsan ku dileen shan
dumar ah oo Maadh guranayay iyo labo wiil oo Geelijire ahaa.
Ciidammada gumaysiga
ayaa dadkan ku soo baxay, ka dibna rasaas oodda kaga qaaday iyagoon
hubsanin cidda ay yihiin.
Shanta dumarka ah ee
halkaas lagu dilay ayaa magacyadooda naloogu sheegay;
1-
Ruqiya Yuusuf Cali
2-
Maadhiin Cabdi Cali Dhuux
3-
Nasra Cali Faarax
4-
Hinda Muxumed Galandi iyo
5-
Ardo Maxamed Raabi
Ardo mooyee dumarkan
intooda kale waxay ahaayeen hooyooyin qaarkood aad u da’waynaayeen.
Wararka ka imanaya
dhinaca gobolka Qorraxey ayaa iyaguna sheegaya in ciidammada gumaysiga
Itoobiya ay maalmihii u denbeeyay qiyaastii siddeed gabdhood ku dileen
nawaaxiga tuulada lagu magacaabo Caleen, oo gobolka Qorraxey ka tirsan.
Gabdhahan ayaa la sheegayaa in ciidammada gumaysigu ay kufsadeen, ka hor
intii ayna laynin.
Eritereya oo Itoobiya
ugu baaqday inay ciidammadeeda Soomaaliya kala baxdo.
Dawlada Eritereya ayaa
maalintii khamiista ahayd xukuumadda Itoobiya ugu baaqday inay
ciidammadadeeda sida ugu dhakhsaha badan ugala baxdo dalka Soomaaliya,
waxayna ka digtay in faragalinta Itoobiya ku hayso dalka Soomaaliya ay
horseedi karto isku dhacyo qallafsan oo ka dhaca gobolka Geeska Afrika.
Qoraal lagu soo daabacay
bogga rasmiga ah ee dawlada Eritereya ayaa xukuumadda Itoobiya ugu
baaqay inay yeesho codsiga Maxkamadaha islaamiga Soomaaliya eek u
saabsan inay ciidammadeeda kala baxdo dalka Soomaaliya.
Dawlada Eritereya waxay
si xoog leh uga dalbaysaa dhammaan ciidammada Itoobiya iyo
taageerayaashooduba inay joojiyaan tallaabooyinka duullaanka ah oo
dhaawici kara midnimada Soomaaliya, isla markaana horseedi kara
xasillooni darro iyo qas saameeya gobolka oo dhan, sidaas waxaa lagu
sheegay qoraal ka soo baxay wasaarada warfaafinta ee dawlada Eritereya.
Qoraalkani wuxuu sidoo
kale soomaalida oo dhan uga digay in haddii ayna ciidammada Itoobiya ka
noqonin dhulka Soomaaliya, ay arrintaas ka dhalan doonto caaqiibo aad u
fool xun.
Soo geliddii ay
ciidammada Itoobiya toddobaadkii hore soo galeen dalka Soomaaliya waxay
cirka ku shareertay rajadii laga qabay is-afgarad dhex-mara dawlada ku
meelgaadhka ah iyo Maxkamadaha Islaamiga Soomaaliya, iyadoo Maxkamaduhu
shuruud kaga dhigeen wadahadal ay dawlada la yeeshaan in marka hore
ciidammada Itoobiya dalka ka baxaan, taasoo aan laga rajo qabin, ka dib
markii ay xukuumadda Itoobiya ku adkaysataya inay difaacayso dawlada ku
meelgaadhka ah ee Soomaaliya.
Maalintii arbacada ahayd
ayay dawlada Maraykanku ugu baaqday dalalka Bariga Afrika inay joojiyaan
faragalinta arrimaha Soomaaliya.
Dhinaca kale caqabado hor-leh ayaa la soo gudboonaaday dawlada ku
meelgaadhka ah ee Soomaaliya oo iyadu dalka Soomaaliya u soo hor-qaaday
ciidammada Itoobiya ee haatan ku sugan.
Ilaa iyo 20 isugu jira
wasiirro iyo wasiirro ku xigeeno ayaa xilalkoodii iska casilay, ka dib
markii ay xukuumadda ku eedeeyeen inay ku fashilantay hawlihii dib u-heshiisiinta
ee laga sugayay. Wasiirradan is-casilay ayaa masuugay qaabka ay u
shaqayso xukuumadda uu madaxda ka yahay ra’iisal wasaare Cali Maxamed
Geeddi, oo ay sheegeen inuu yahay nin aan wax wadatashi ah la samaynin
wasiirrada kale ee dawlada, isla markaana aan danaynin arrimaha dib u-heshisiinta.
28 July
2006.
Axmed
Gaal-Eri
Info@radioxoriyo.com
raadioxoriyo@yahoo.com
Radio Xoriyo
waxaad ka dhegaysan kartaa Mawjadda 25 MB ee dhererkeedu yahay 11865
KHZ,iyo internetka Radioxoriyo.com,Ogaden.com Maalmaha Talaadada iyo
Jimcaha 7: 30PM waqtiga Afrikada Bari
Faafin: SomaliTalk.com | July 28, 2006
Dood-Cilmiyeed:
Isbedelka Cusub ee Soomaaliya
Aqoonyahanno ku sugan dalka Canada ayaa ka hadlay kacdoonka Soomaaliya iyo
raadka uu... Dhegeysi...
Daabaco
Boggan | Print
Haddii Banaanka laga helay, miyuusan u baahneyn
gacan bini’aadannimo iyo Gargaar...
