• Geeddi “Hadalka Usaama Bin Laadin waxa uu tilmaamayaa in soomaaliya joogaan

• Dowladda Ereteriya oo uga digtay Itoobiya in ay faraha kala...

• Madaxweyne C/llaahi Yuusuf oo maanta la filayo in soo gaaro

• Shirkii Midowga Afrika oo si weyn loogu taageeray..

• Ciidamada Itoobiya oo la sheegay in ay saldhigyo ka sameysteen

• Midowga Maxaakiimta oo ka qaybgalay kulan ka dhacay wadanka

• Aljazeera oo qabanaysa dood cilmiyeed looga hadlayo Arrimaha Soomaaliya.

Geeddi “Hadalka Usaama Bin Laadin waxa uu Cadaynayaa in soomaaliya....

Jawaabtii Geeddi ee hadalkii Bin Ladin Halkan ka dhegeyso	Halkaan ka dhagayso Hadalkii Osama Bin Ladin uu kaga hadlay Soomaaliya.... Sawirka: TV Canada www.cbc.ca
Dhegeyso: Sheikh Shariif oo sheegay in lagu soo xad gudbey Soomaaliya, oo ay Ciidamo Itoobiyaan ah ay soo galeen Magaalada Baydhabo... Waxa kale oo uu sheegay in kacdoonka ka dhacay Muqdisho uu yahay kacdoon shacab....
Ra'iisul wasaaraha Ethiopian Meles Zenawi oo wajiga qabsaday markii uu khudbada jeedinayey Xoghayaha Guud ee Qaramada Midoobey Kofi Annan, khudbadaas oo ku saabsanayd arrimaha Afrikaanka, taas oo uu  July 1, 2006 ka jeediyey kulanka Midowga Afrika uga socda caasimada dalka Gambia ee Banjul. Kulankaas oo laba maalmood soconaya waxaa looga hadlay arrimaha Soomaaliya iyo gobolka Dafur ee dalka Suudaan. Sawirka REUTERS. Warbixinta Khudbadii Annan ka akhri halkan...

Ra’iisal wasaaraha dowladda Federaalka kmg ee Soomaaliya Prof. Cali Maxamed Geedi ayaa si kulul uga jawaabay hadalkii Osama Bin Laden ee ku saabsanaa arrimaha Soomaaliya. Prof. Geedi ayaa shir jaraa’id oo uu ku qabtay magaalada Baydhabo waxa uu saxaafada ugu sheegay in Osama Bin Laden uusan mas’uul ka ahayn Soomaaliya.
Wuxuuna sheegay in Osama oo sheeganaya inuu yahay nin Muslim Caalami ah aan waxba ka jirin lana ogyahay ayuu yiri afkaartiisa xagjirka ah, sida uu ra’iisal wasaare geedi hadalka u dhigay.

Waxana uu ra’iisal wasaaruhu sheegay in Soomaalidu ay muslimiin ahaayeen iyadoo uusan jirin Osama, isagoo arrintaas ka hadlayana waxa uu yiri "Osama Bin Ladin inta aanu dhalan isaga, waalidiintiis iyo isirkiisii ayaa ummadda Soomaaliyeed Muslim ahayd", wuxuuna sheegay in Soomaaliya ay leedahay hidde iyo dhaqan aan cidna soo faragelin karin.

Ugu dambayntii ra’iisal wasaare Cali Maxamed Geedi wuxuu digniin u jeediyay Osama Bin Laden iyo cida la halmaasha inaysan isku dayin inay faraha la soo galaan arrimaha Soomaaliya. “waxaan leenahay, kuwaasi {Bin Laden iyo asxaabtiisa) ha ku ekaadeen dalalkoodii iyo ciidoodii, dowladda federaalka iyo shacabkeeda marnaba ma ogolaan doonaan in rabshado laga abuuro dalka Soomaaliya, ciddii isku daydana waxay ku dhufan doonaan ayuu yiri ‘Laad’”.
Ra'iisal wasaare Gedi wax su'aal ah lama weydiinin shirkiisaasi jaraa'id kadib.

• Halkan ka dhegeyso Jawaabtii Geeddi ee Hadalkii Osama Bin Ladin...
   

• Halkaan ka dhagayso Hadalkii Bin Ladin uu kaga Hadlay Soomaaliya

Geeddi ayaa waxa uu sheegay in wada hadalkii ka dhacay Magaalada Khartuum ee dalka Suudaan ee dhex maray Golaha Maxaakiimta Islaamiga ah iyo Dowladda Federaalka uu ahaa mid horudhac u ah, in ay isu soo dhawaadaan, hase yeeshee raga siyaasadda si aad ah u odorosa ayaa waxay sheegeen in ay adagtahay in labada dhinac isu soo dhawaadaan, iyadoo Midowga Maxaakiimta Islaamiga ah ay si aad ah uga soo horjeedaan in dalka la keeno ciidamo shisheeye, halka Dowladda Federaalka ay aad u daneyneyso in ciidamo shisheeye la keeno dalka.

• "Hadalkii Usaama Far baa Nooga Taagan!!" (Faalladii Muqdisho & Maanta)...

Dowladda Ereteriya oo uga digtay Itoobiya in ay faraha kala...

Dowladda Ereteriya oo ka mid ah wadamada ku jira urur gobaleedka IGAD ayaa u soo jeediysay in ay faraha kala baxdo arrimaha Soomaaliya, isla markaana ay kala mid noqoto wadamada kale ee IGAD.

“Ilaa iyo haatan ma jiraan wadamo ka tirsan IGAD oo faragelin ku haya arrimaha Soomaaliya, lamana garaneyno sababaha Itoobiya ay maalin walba faragelinta ugu hayso Soomaaliya” ayuu yiri Afhayeen u hadlay wasaaradda arrimaha dibadda ee Ereteriya oo sheegay in Itoobiya ay gebi ahaanba ku tumatay sharciyadii u yiilay, oo iyadu magangalyo siisay qabqablayaashii daaalka oo iyagu mudo 16 ano ah ku hayay dhibaato Soomaaliya.

Afhayeenku waxa uu u soo jeediyay wadamada IGADA in ay faraha kala baxaan, haddii kale waxa uu sheegay in arrintu noqoneyso in wadamo badan oo IGAD ay ku kor dagaalamaan dhulka Soomaaliya, sidii horey uga dhacday wadanka Kongo.

Ciidamada Itoobiya ayaa la xaqiijiyay in ay kas oo gudbeen xuduuda Soomaaliya, waxayna haatan ku jiraan ilaa iyo afar gobol oo ay ka mid yihiin Galguduud, Hiiraan, Gedo iyo Bakool oo la sheegay in ciidamada Itoobiyaanka ahi ay dhibaato ku hayaan halkaasi, waxayna shacabka Soomaaliyeed ka codsdeen Beesha Caalamka in ay il gaar ah ku hayaan dhibaatada Itoobiya ay ku hayso arrimaha Soomaaliya.

Ciidamada Itoobiya oo la sheegay in ay saldhigyo ka sameysteen

Ciidamada Itoobiya oo shalay si rasmi ah uga soo gudbay xuduuda Soomaaliyeed, isla markaana soo galay qaybo ka mid ah Gobalka Gedo gaar ahaan Luuq iyo Buula Xaawo, hase yeeshee wararka halkaasi ka imaanaya waxay sheegayaan in ciidamada Itoobiya ay halkaasi saldhigo ka sameysteen iyagoo waliba bilaabay in halkaasi ay Teendhooyin ka mutaan.

Ciidamada Itoobiya iyo dadweynaha haatan ay soo dhex galeena ayaa waxaa ka dhex muuqda dareen xasaasi ah, iyadoo dadka qaar ay sheegeen in Ciidamada Itoobiya ay si gardaro ah ku soo galeen gudaha wadanka Itoobiya, waxaana haatan shacaka Soomaaliyeed ka soo yeeraya cambaareyn weyn oo loo jeedinayo xadgudubka Ciidamada Itoobiya ay ku sameeyaan qarannimada Soomaaliya, hase yeeshee afhayeen u hadlay Itoobiya waxa uu si kulul u beeniyay in Ciidamo Itoobiyaan ah ay ka soo gudbeen Xuduuda Soomaaliya.

• Dhegeyso Sheikh Shariif oo ka hadlay ain Ciidamo Itoobiya ah ay Soo Galeen Soomaaliya...

Madaxweyne C/llaahi Yuusuf oo maanta la filayo in soo gaaro

Madaxweyne C/llaahi Yuusuf Axmed oo ka qaybgalay shirkii Midowga Afrika ee xalay lagu soo geba-gabeeyay wadanka Gaambiya ayaa la filayaa in uu maanta dib ugu soo laabto magaalada Baydhabo.

Madaxweynaha ayaa kulamo gaar gaar ah kula yeeshay wadanka Gaambiya madaxweynayaal fara badan oo ka tirsan qaaradda oo ay ka mid yihiin, Madaxweynaha Wadanka Gaambiya, Ra’isul Wasaaraha Wadanka Itoobiya, iyo Madax-weynaha wadanka Kenya, waxayna dhamaantood isla soo qaadeen arrimaha haatan ka taagan Soomaaliya.

Muhiimadda ugu weyn ee C/llaahi Yuusuf uga qaybgalay shirkaasi ayaa ahayd sidii uu wadamada Afrika uga codsan lahaa in ay Soomaaliya u soo diraan ciidamo gacan siiya Dowladda, hase yeeshee Madaxweyne C/llaahi Yuusuf waxa uu ka helay shirkaasi taageero dhinaca afka ah oo keliya, ilaa iyo haddana ma jirto wadan si rasmi ah u ballanqaaday in uu Soomaaliya u soo dirayo Ciidamo nabad ilaalin ah.

Shirkii Midowga Afrika oo si weyn loogu taageeray..

Waxaa xalay wadanka Gaambiya lagu soo gebagabeeyay shirkii Midowga Afrika oo labo maalmood halkaasi ka socday kaasoo ay ka qaybgaleen ilaa iyo 53-dowlood oo ka kala socday qaarada Afrika, waxaana looga hadlayay arrimo fara badan oo ay ugu horeysay xaaladda Soomaaliya, Suudaan iyo Muranka u dhexeeya wadamada Itoobiya iyo Ereteriya. Shrikaan oo uu Soomaaliya uga qaybgalay Madaxweyne C/llaahi Yuusuf ayaa wuxuu halkaasi ka jeediyay khudbad dheer oo uu uga waramayay arrimaha Soomaaliya, waxayna haladiisu ugu badbaanaayeen sidii Soomaaliya looga keeni lahaa ciidamo Dowladda kala shaqeeyay xagga amniga iyo xasiloonida, sidoo kale waxa uu Madaxweyne C/llaahi Yuusuf ka codsaday wadamada Midowga Afrika in ay gacan ka gaystaan sidii cunaqabateynta hubka uga qaadi lahaayeen Soomaaliya si ay fududaato in Soomaaliya ay soo galaan ciidamo nabad ilaalin ah, hase yeeshe waxaa lagu waramay in ururka Midowga Afrika uusan wax dhaqaale ah u hayn ciidamadaasi, basle ay u howlgali doonaan sidii ay beesha Caalamka uga codsan lahaayeen sidii dhaqaale loogu heli lahaa ciidamadaasi. Kulankaasi intii uu socday ayaa wadamadii ka qaybgalay waxay sheegeen in taageero hiil iyo hooba siin doonaan Dowladda Federaalka, ha noqoto dib u soo celinta kaabayaashii dhaqaalaha iyo waliba sidii loo uruurin lahaa ciidamadii xogga dalka Soomaaliyeed. Waxaa kaloo kulankaasi laga soo jeediyay in la sii wado wada hadalka u dhexeeya Dowladda Federaalka iyo Midowga Maxaakiimta Islaamiga ah si Soomaaliya dib ugu hesho qarannimadeedii Dowladda Federaalka ahna ay u noqon lahayd mid ka miro dhalisa shirkii dib heshiisiinta ee Nayroobi.

Midowga Maxaakiimta oo ka qaybgalay kulan ka dhacay wadanka

Midowga Maxaakiimta islaamiga ah oo iyagu markii ugu horeysay heshiis horudhac ah la galay Dowladda Federaalka kaasoo ka dhacay Magaalada Khartuum ayaa Guddoomiyihii hogaaminayay kulankii Khartuum ee Golaha Maxaakiimta ayaa la sheegay in uu ka qaybgalay kulan oo kale oo ka dhacay Dalka Qatar caasimadiisa Dooxa, waxaana sidoo kale kulankaasi ka qaybgalay mas’uuliyiin ka tirsan Dowladda Federaalka iyo aqoonyahano ka kala yimid Yurub, Marreykanka, Kanada iyo Carabta.

Dhinacyadii ka qaybgalay kulankaasi ayaa waxay si weyn u soo dhaweeyeen is bedelka weyn ee ka dhacay dalka Soomaaliya gaar ahaan Magaalada Muqdisho oo ay gacan ku haynteeda la wareegeen Maxaakiimta.

Midowga Maxaakiimta iyo Dowladda Federaalka ayaa laga codsaday in ay sii wadaan wada xaajoodka iyo wada hadalka lagu dhameynayo khilaafka labada dhinac, isla markaana ay ka miro dhaliyaan heshiiska 15-ka Bishan ka dhacay Magaalada Khartuum ee Dalka Suudaan.

W/D Amiin Yuusuf Khasaaro
E-Mail amiinkhasaaro@hotmail.com

Xafiiska daraasaadka ee Tv- Aljazeera ayaa qabanaya isiinta (July 3) dood cilmiyeed looga hadlayo Arrimaha Soomaaliya ka taagan iyo sida xal iyo dib u heshiisiin buuxda lagu heli karo.

Maamulaha  Xafiiska daraasaadka Aljazeera oo Mustafa Sawaq maanta u Waramay TV-Aljazeera ayaa sheegay in doodaas  lagu falanqaynayo marxaladaha wadanka Soomaaliya uu soo maray iyo isbadalada cusub ee hadda ku soo kordhay kadib Maxaakiimta Islaamiga ah markii ay qabsadeen Caasimada  iyo sida dib u heshiisiin lagu samayn karo.

Faafin: SomaliTalk.com | Jul 3, 2006

• Xisbiga Ramaas oo Bayaan ka soo Saaray Garoowe
  Waxana uu xisbiga Ramaas shaaca ka qaaday in... Guji....

»Taariikh Kooban Soomaaliya: 1960 - 2006

Midowga Maxaakiimta oo si rasmi ah ula wareegay Garoonkii diyaaaradaha Muqdisho
»Sheekh Shariif “Waxaan doneynaa in aanu la hadalno...
»Maanta oo la filayo in ay Baydhabo ay soo gaaraan ..
»Ciidamo Itoobiyaan ah oo qabsaday Magaalada...
»Midowga maxaakiimta oo la filayo in ay la wareegaan..
»1-da Luulyo oo si aad ah looga xusay Soomaaliya...
Wararka oo dhan ka akhri halkan... Guji... Jul 2